تەرمێ لینا 16 سالى دناڤ رووبارێ خابیرى دا هاته دیتن

ئەڤرۆ نیۆز،زنار تۆڤی:
پشتى كو بۆ ماوێ چار رۆژان بێ سەروشین بووی ئەڤرۆ ل دەمژمێر 6 سپێدێ تەرمێ وێ دناڤ رووبارى دا هاتە دیتن.
لینا وەلید عەباس ئەڤە ماوێ چار رۆژان بۆ ل باژێرێ زاخۆ بێ سەروشین بووی،ل دووڤ گوتنا خێزانا وێ،کو ل رۆژا ئەینی لینا چوویە بەردەرێ مالێ و پاشی بێ سەروشین بوویە و خێزانا لینایێ پۆلیسێن زاخۆ ل سەر ڤێ روودانێ هایدار کربوون.
بابێ لینایێ بۆ كوردستان تیڤى دیاركریە،کو لینا ژ لایێ دەروونیڤە ج كێشە نەبوون و قوتابیا ئامادەیی بوو.
ل دووڤ زانیاریان دو كه سێن گومانلێکری ژ لایێ رێڤەبەریا توند و تیژیا ل دژى ئافرەتان هاتینه دەستەسەرکرن،لێ هێشتا ئەگەرێن ڤێ روودانێ نەهاتینە زانین.
هەروەسا پشتى چار رۆژان تەرمێ لینا 16 سالى ل گوندێ جەم مشکۆ دناڤ رووبارێ خابیری دا هاتیە دیتن و هاتیە رەوانەکرن بۆ نۆشداریا داد ل دهوكێ.

کۆمێنتا تە