حەشدا شەعبی مەترسیێ ل سەر کەرکووکێ دروست دکەت
ئەڤرۆ نیۆز،زنار تۆڤی:
ئەندامەکێ ئەنجومەنێ سەرکردایەتیا کەرکووک-گەرمیان یێ پارتی دیموکراتی کوردستان ئاماژە ب هندێ دکەت کو مەترسیا حەشدا شەعبی ل کەرکووکێ زۆر بوویە،لەورا دڤێت رێکەک بۆ دەرخستنا وان بهێتە دیتن.
محەمەد کەمال ئەندامێ ئەنجومەنێ سەرکردایەتیا کەرکووک – گەرمیان یا پارتی بۆ باس دیارکریە کو ئەو مەترسیا حەشدا شەعبی ل سەر شنگالێ ھەی، ھەمان مەترسی ل سەر کەرکووکێ ژی دروستکریە و لەورا دڤێت ھەرچی زوویە ڕێکەک بۆ دەرکرنا وان ل کەرکووکێ بهێتە دیتن.
هەروەسا گۆتیە نابیت ئەو هێزە ل شنگالدا بمینیت، چونکی ئەوا بۆ وان ل شنگال دچیتە سەر،نابیت ل کەرکووکێ ژی هەمان رێ پێ بهێتەدان و دڤێت سنوورێ کوردستانێ ژ ھەر جۆرە ھێزەکێ بهێتە پاراستن،نابیت ژ بلی پێشمەرگەی ھیچ ھێزەکا دیتر دناڤ ئاخا کەرکووکێ دا هەبیت.
دیارکر ژی،نوکە مەترسیا حەشدا شەعبی ڕۆژ ب ڕۆژ یا ل سەر کەرکووکێ زێدەتر دبیت و ب پێدڤی زانی کو بەغدا ژڤێ مەترسیێ بهێتە هایدارکرن.
