فراکسیۆنا پارتی ل پەرلەمانێ عێراقێ بەیاننامەک بەلاڤکر
ئەڤرۆ نیۆز،زنار تۆڤی:
فراكسیۆنا پارتى ل په‌رله‌مانێ عێراقێ دەربارەی ڕیفراندۆمێ به‌یاننامه‌یه‌ك ده‌رکریە و تێدا ڕاگەهاندیە، كو ب شانازیڤە دێ پاڵپشتیا خوە بۆ سه‌رخستنا ڕیفراندۆما سه‌ربه‌خۆیا کوردستانێ دوپات کەین.
تێدا هاتیە،مافێ گه‌لێ کورد و کوردستانیانە کو بڕیارێ ل سەر چارەنڤیسێ خوە بده‌ن ب به‌ڵێ و دوماهیێ ب قوربانیدان و ئه‌نفال و کێمیاباران و خوێن رێشتنێ و قووت بڕینا خه‌لکێ بینن.
ده‌قێ به‌یاننامێ:
به‌یانناما فراکسیۆنا پارتی دیموکراتی کوردستان ل ئەنجومەنێ نوونەرێن عێراقێ سه‌باره‌ت ب وادەیێ ڕیفراندۆما سه‌ربه‌خۆیا کوردستانێ.
ل رێکه‌فتی (٧/٦/٢٠١٧) و ل رۆژەکا مێژوویدا و له کۆمبوونا پارت و لایه‌نێن سیاسی یێن هه‌رێما کوردستانێ و ب سه‌رۆکایه‌تیا سه‌رۆکێ هه‌رێما کوردستانێ بەرێز (مەسعود بارزانی) رێکه‌فتی(٢٥/٩/٢٠١٧) وه‌ک دەمێ ئه‌نجامدانا ڕیفراندۆمێ بۆ سه‌ربه‌خۆیا کوردستانێ هاتیە دیارکرن.
ئەم وه‌ک فراکسیۆنا پارتی دیموکراتی کوردستان له ئه‌نجومه‌نێ نوونه‌رێن عێراقێ، ب ڤێ بڕیارا چاره‌نڤیسساز دڵخۆشین و ب شانازیڤە دێ پاڵپشتیا خوە بۆ سه‌رخستنا ڕیفراندۆما سه‌ربه‌خۆیا کوردستانێ دوپات دکەینەڤە.
مافێ گه‌لێ کورد و کوردستانیانە کو بڕیارێ ل سەر چاره‌نڤیسێ خوە بده‌ن و ب به‌ڵێ و دوماهیێ ب قوربانیدان و ئه‌نفال و کێمیاباران و خوێن رێشتنێ و قووت بڕینا خه‌ڵکێ بینن.
ئه‌ڤە بڕیارەکا مێژووییه و پارت و لایه‌نێن سیاسی یێن هه‌رێما کوردستانێ ب ئێکگرتی و ئێکرێزی دشێن ئارمانجێن ڕه‌وا یێن گه‌لێ کورد و کوردستانیان بینەجه، ئه‌ڤەژی ژ پێناڤی هندێ یە کو خوینا شه‌هیدێن مە و خه‌بات و به‌رخۆدانا پێشمه‌رگێن عەزیز و گه‌لێ کورد و کوردستانێ ب هەروە نەچیت.
فراکسیۆنا پارتی دیموکراتی کوردستان ل ئه‌نجومه‌نێ نوونه‌رێن عێراقێ
٨/٦/٢٠١٧
