مفایێ وێ بۆ ژنان پترە
ئەڤرۆ نیۆز،زنار تۆڤی:
زانایێن سوێدی دیار دکەن کو ڤەخوارنا چایێ مفایەکێ زۆر بۆ هەموویان هەیە و ب تایبەتی بۆ ژنان.
ل زانكۆیا ئۆپسالا یا سوێدی ڤەکۆلینەکا زانستی ل بارێ ڤەخوارنا چایێ هاتیە ئەنجامدان.
ئەڤ ڤەکۆلینە ل سه‌ر سێ هزار کەسان هاتیە ئەنجامدان،یێن کو رۆژانه ب شێوه‌یه‌كێ به‌رچاڤ چایێ ڤەدخون.
وێ ڤەکۆلینێ ده‌رخستیە کو ڤەخوارنا چایێ كاریگه‌ریەکا ئه‌رێنى ل سه‌ر دابه‌زینا رێژه‌یا تووشبوونێ ب پەنجەشێرێ و چالاككرنا پرۆسه‌یا خوارنێ و ب تایبه‌تى ل دەف ژنان هەیە،هەروەسا تێبینیا هندێ ژی کریە،کو قەهوێ ئەو مفا تێدا نینن هەکە بهێتە بەراوردکرن ل گەل چایێ.
زانایێن وێ زانکۆیێ گەهشتینە وی ئەنجامی کو د ڤەخوارنا چایێ دا هندەك مادده هه‌نە كو تایبه‌تن ب دژی ئۆكسانێ،ئەڤ ماددە ب شێوه‌یه‌كێ به‌رچاڤ كاریگه‌ریێ ل سه‌ر جه‌سته‌یێ ژنان و گوهۆرینێن رژێنی و رێیەکا كاریگه‌ر ل سه‌ر رژتنا ئسترۆجینێ ژنان دروست دکەت، كو سه‌ر ئه‌نجام كاریگه‌ریەکا ئه‌رێنى ل سه‌ر جه‌سته‌یێ ژنان دبیت.
