حه‌زا وێ ئه‌وه شوو ب كه‌سه‌كێ دل پاقژ بكه‌ت
ئه‌ڤرۆ نیۆز،زنار تۆڤى:
خانما سترانبێژ دلبه‌ر جزیرى مه‌رجێ خوه بۆ شووكرنێ ئاشكرا دكه‌ت و د هه‌ڤپه‌یڤینه‌كێ دا بۆ ئه‌ڤرۆ نیۆز دبێژیت:به‌رى نوكه داخواز ژ من هاتییه كرن كو شوو بكه‌م،به‌لێ هه‌تاكو نوكه قسمه‌ن نه‌بوویه كو شوو بكه‌م و هێشتا من شوو نه‌كریه،هه‌روه‌سا بتنێ مه‌رجێ من ئه‌وه كو ئه‌و كه‌سێ ئه‌ز شوو پێ بكه‌م،كوره‌كێ ب رێكوپێك بیت و یێ دل پاقژ بیت،هه‌وه‌سا پیچه‌كێ یێ جوان بیت و یێ به‌ژن بلند بیت،دلبه‌رێ گۆت ژى:به‌رى نوكه گه‌له‌ك كه‌سان دگۆت كو من شوو كریه،به‌لێ ئه‌ز دبێژمه وان كه‌سان،كو من شوو نه‌كریه و نوكه بتنێ ئه‌ز یا ب كارێ خوه یێ هونه‌رى ڤه مژوولم.
ئه‌و ژى دیاركریه:كو هنده‌ك كه‌سان گۆتیه ئه‌ز شه‌رم دكه‌م بێژم كو ئه‌ز حه‌ز دكه‌م شوو بكه‌م،لێ مخابن من چ تشتێت ب ڤى ره‌نگى به‌لاڤنه‌كرینه و چ جاران ڤان گۆتنان ژى نابێژم،لێ من دیاركریه بۆ پێكئینانا خێزانى من باوه‌رى ب قسمه‌تى هه‌یه و نه مه‌رجه ئه‌وێ ئه‌ز شو پێ دكه‌م هونه‌رمه‌ند بیت.
دلبه‌ر خه‌لكا باژێرێ جزیرا باكۆرێ كوردستانێ یه و چه‌ندین ساله ده‌ست ب كارێ ستراگۆتنێ كریه و نوكه ل وه‌لاتێ ئه‌لمانیا دژیت.
