ل ڤان نێزیكان سیسته‌مێ دو ته‌له‌فزیۆنان دێ بیته‌ (HD)

ئه‌ڤرۆ نیۆز،زنار تۆڤى:
ل ڤان نێزیكان سیسته‌مێ په‌خشكرنا كوردستان تیڤى و زاگرۆس تیڤى دێ بیته‌(HD) و نوكه‌ كار تێدا دهێته‌ كرن،د هه‌ڤپه‌یڤینه‌كێ دا نه‌سره‌ت هادى به‌رپرسێ نڤێسینگه‌ها كوردستان تیڤى ل دهوكێ بۆ ئوڤرۆ نیۆز دادیاكرن:کو ته‌له‌فزیۆنا كوردستان و زاگرۆس هه‌ردو یێن بووینه‌ ئێك و رێڤه‌به‌رێ گشتى یێ هه‌ردو ته‌له‌فزیۆنان ژى كاروان ئاكره‌یى یه‌،هه‌روه‌سا ئیداره‌یێن هه‌ردو ته‌له‌فزیۆنان ژى ئێكن،بتنێ دێ دو هاریكار بۆ رێڤه‌به‌رێ گشتى هێنه‌ دانان و ئێك ژ وان دێ ل كوردستان تیڤى بیت و ئێك ژى دێ ل زاگرۆس تیڤى بیت،هێشتا دبێژیت:كارمه‌ندێن وان ژى دێ ئێك بن،لێ دێ په‌یامێن هه‌ردو تیڤیان ژێك جودا بن،هه‌روه‌سا دێ په‌یاما كوردستان تیڤى یا سیاسى بیت و یا زاگرۆس تیڤى ژى دێ یا هه‌مه‌ره‌نگ بیت،هه‌ر چه‌نده‌ په‌یامێن وان نه‌هاتینه‌ دیاركرن،لێ دێ ب ڤى شێوه‌ى كاركه‌ن،دیسا هه‌ردو ده‌زگه‌ه ژى دێ د چارچۆڤێ كوردستان تیڤى دابن،گۆت ژى:نوكه‌ سیسته‌مێ (HD) ب دوماهى هاتیه‌ و ل ڤان نێزیكان دێ ده‌ست ب كاربیت،هه‌ر چه‌نده‌ نوكه‌ ستودیۆ ب سیسته‌مێ (HD) یێن هاتینه‌ به‌رهه‌ڤكرن،لێ نوكه‌ نڤێسینگه‌ه ماینه‌ و هێشتا نه‌بووینه‌ سیسته‌مێ (HD)،هه‌ر ده‌مێ كار تێدا ب دوماهى هات،دێ سیسته‌مێ (HD) ده‌ست ب كار بیت.
هه‌روه‌سا كوردستان تیڤى و زاگرۆس تیڤى خزمه‌ته‌كا مه‌زن و به‌رچاڤ پێشكێشى خه‌لكێ كوردستانێ كریه‌ و جهێ هه‌ردو یان یێ دیاره‌ دناڤا راگه‌هاندنا كوردستانێ دا.

کۆمێنتا تە