ئەلمانیا خوە گەهاندە یاریا دوماهیێ یا جاما کیشوەران
ئەڤرۆ نیۆز،زنار تۆڤی:
ئەڤ شەڤە هەلبژارتیێ ئەلمانیا یێ تەپا پێ دیاریا بەری دوماهیێ یا جاما کیشوەران دا و ل 8 خۆلەکێن دەستپێکا یاریێ دا دو گۆلێن ب لەز تۆمارکرن و گێمێ ئێکێ یێ یاریێ ب وان هەردو گۆلان ب دوماهی هات،د گێمێ دویێ ژی دا ئەلمانیا دو گۆل تۆمارکرن و خوە گەهاندە یاریا دوماهیێ.
دیاریا بەری دوماهیێ یا جاما کیشوەران دا هەردو هەلبژارتیێن ئەلمانیا و مەکسیک کەفتبوونە هەڤبەری ئێک و پشتی یاریەکا پری هەڤرکی،هەلبژارتیێ ئەلمانیا سەرکەفتنەکا باش ل سەر هەلبژارتیێ مەکسیک تۆمارکر ب چار گۆلان هەمبەری گۆلەکێ و ب ڤی ئەنجامی هەلبژارتیێ ئەلمانیا خوە گەهاندە یاریا دوماهیێ یا جاما کیشوەران،کو یاریێن وێ ل وەلاتێ رووسیا دهێنە ئەنجامدان.
بریارە هەلبژارتیێ ئەلمانیا یاریا دوماهیێ یا جاما کیشوەران ل گەل هەلبژارتیێ چیلی بکەت،کو هەلبژارتیێ چیلی ژی ل سەر حسێبا هەلبژارتیێ پرتۆگال گەهشتیە یاریا دوماهیێ یا جاما کیشوەران.
