ده‌رئینانا نەفتێ ل ڤێ كێلگه‌هێ ده‌ستپێكر
ئەڤرۆ نیۆز،زنار تۆڤی:
كۆمپانیا نیشتیمانی یا ئیماراتی بۆ وزێ،یا ناسیار ب تاقه، ب هەڤبەشیا حوکمه‌تا هه‌رێما كوردستانێ و كۆمپانیێن شاماران و ماراتۆن، ده‌رئینانا نەفتێ ل كێلگه‌ها نه‌فتا ئه‌تروش ده‌ستپێكر.
كۆمپانیا تاقه راگه‌هاندیە،کو ئێكه‌م پێنگاڤ ل ڤێ کێلگەهێ دێ ده‌رئینانا 30 هزار به‌رمیلێن نه‌فتێ بیت و ل دووڤدا كارێ پێشخستنێ دێ یێ به‌رده‌وام بیت.
رێڤەبەرێ كۆمپانیا تاقه، سه‌عید موباره‌ك ئه‌لهاجری،د به‌یاننامه‌یه‌كێدا ئاشكراکریە،کو كاركرنا ئه‌وان ل كێلگه‌ها نه‌فتا ئه‌ترۆش له سه‌ر بنه‌مایێ بلندترین ستاندارد و پاراستنا سلامه‌تی و ژینگه‌ها ڤێ دەڤەرێ یە.
كێلگه‌ها نه‌فتا ئه‌ترۆش ل سالا 2011 هاتیە دیتن و دو سالان پشتی هنگێ كارێ په‌ره‌پێدانێ و پێشخستنێ تێدا ده‌ستپێكریە، ل گوره‌ی گرێبەستا وێ كۆمپانیانیێ ل گه‌ل حوکمه‌تا هه‌رێما كوردستانێ نێزیكی 40% ژ قازانجێ وێ کێلگەهێ بۆ وێ كۆمپانیایێ یە.
