مام جەلال دێ سەرەدانا ئیرانێ کەت
ئەڤرۆ نیۆز،زنار تۆڤی:
میدیایێن ئێکەتیا نیشتمانی یا كوردستانێ بەلاڤکریە،کو بڕیاره ل حەفتیا بهێت جه‌لال تاله‌بانی، سكرتێرێ گشتی یێ وێ پارتیێ دێ سه‌رەدانا ئیرانێ کەت.
مالپەرێ كوردسات بەلاڤەکریە،کو راگەهاندنا سکرتاریەتیا سکرتێرێ گشتی یێ ی.ن.ک بۆ کوردسات نیوز راگەهاندیه،کو وەسا بڕیارە ل حەفتیا بهێت مام جەلال ب سەرەدانەکا چەند رۆژی ژ سلێمانیێ بچیتە ئیرانێ.
هه‌ر چه‌نده جەلال تاله‌بانی ب ئەگەرێ نه‌خۆشیێ نەشێت باخڤیت،بەلێ وه‌ك سكرتاریەتا سكرتێرێ گشتی راگەهاندی،سەرەدانا وی سەرەدانەکا دۆستانەیە و ل سەر داخوازیا بەرپرسێن کۆمارا ئیسلامییا ئیرانێ هاتیە رێکخستن و پێشتر ئامادەکاریێن پێدڤی بۆ هاتینەکرن.
