سەرکردەیەکێ زەحمەتکێشان: بێی ریفراندۆمێ ژی ل گەل سەربەخۆییا کوردستانێ مە
ئەڤرۆ نیۆز،زنار تۆڤی:
سه‌ركرده‌یه‌كێ پارتا زه‌حمه‌تكێشێن كوردستانێ دەربارەی پرسا ریفراندۆمێ دووپات دکەت،کو بێی ریفراندۆم ژی ئەو ل گەل سه‌ربه‌خۆیا كوردستانێ یە.
هیوا سه‌ید سه‌لیم ئەندامێ دەستەیا کارگێری یا مەکتەبا سیاسی یا حزبا زەحمەتکێشێن کوردستانێ،ل پێگه‌هێ تایبه‌تیێ خوە ل تۆرا کۆمەلایەتیا فێسبووکێ نڤێسییە:ئەو فەزایا سیاسی یا نە ساخلەم ل كوردستانێ رێکێ نادەت كو مرۆڤ قەناعەتا خوە بێژیت و بنڤێسیت،ل هەرێما كوردستانێ دەمەكە دوبەرەكیەكا سیاسی دروست بوویە،لەورا هەکە مرۆڤ بۆچوونا خوە بدەت،ب دلنیایی دێ تە ئێخنە ئێک ژ وان خانەیان.
هیوا سەید سەلیم بۆچوونا خوە دیاردکەت و دبێژیت: کو بێی ریفراندۆم ژی ل گەل سەربەخۆیا كوردستانێ مە،لەورا مە چ خێر ژ ڤێ عێراقێ نەدیتیە،نابیت ئەم ل گەل وان دا بین،بەلێ ئەوێن ریكلامێ بۆ ریفراندۆمێ دكەن،وان هند ئەڤ پرسە ب حزبی كریە،هه‌روه‌سا گۆتیە،جه‌ختێ ل هندێ دکەم کو ئێکرێزی و تەڤایی دێ زامنێ سەركەفتنا ریفراندۆمێ کەت.
هیوا سەید سەلیم نڤێسییە ژی:نابیت پیرۆزیا سەربەخۆیا كوردستانێ بكەینە قوربانی نەشرینیێن حوكومرانیێ ل كوردستانێ.
ل دوماهیێ دبێژیت:بەلێ بۆ سەربەخۆیا كوردستانێ،هەتاکو تاكێ كورد بشێت ب مافێن خوە یێن مەدەنی و دەستۆری شەرێ گەندەلی و ناعەدالەتیێ بکەت و ماف و ئازادیا خوە ب دەست خوەڤە بینیت.
