ژبەر نەبوونا تاوانباران ڤی وەلاتی گرتیخانێن خوە داخستن
ئەڤرۆ نیۆز،زنار تۆڤی:
ل ھۆلەندا ب ئەگەرێ کێمیا رێژەیا تاوان و هژمارا تاوانباران،حوکمەتێ بریارا داخستنا 27 گرتیخانەیان دەرێخست.
سەرەرای هندێ کو ھۆلەندا پێش وەلاتێن دی یێن ئورۆپا کەفتیە و هژمارا دانیشتوانێن وێ دگەهیتە نێزیکی 18 ملیۆن کەسان، بەلێ گرتیخانێن وێ کێمتر ژ 12 ھزار تاوانباران تێدا هەنە،کو ھەر ژ 100 ھزار کەسان 69 کەس تاوانبارن،د دەمەکی دا ئەڤ رێژەیە ل ئەمریکا کو ھەر ژ 100 ھزار کەسان 716 کەس تاوانبارن.
هەروەسا کێمیا رێژەیا تاوانان و هژمارا تاوانباران، حوکمەتا ھۆلەندا 27 گرتیخانە داخستن،لێ ژلایەکێ دیڤە داخستنا گرتیخانان کێشەیا بێکاریێ ل دووڤ خوە دا ئینایە،چونکی بوویە ئەگەرێ هندێ کو 2 ھزار کەس ب میننە بێ کار،لەورا حوکمەتا ھۆلەندا نەچار بوویە کو ھندەک تاوانباران ژ نەرویجێ بینیتە گرتیخانێن خوە.
ھەروەسا هۆلەندا مفا ژ ئاڤاهیێن وان ھندەک گرتیخانێن داخستی دیتییە و بۆ مەبەستێن دیتر ب کار دئینیت،بۆ نموونە ھندەک ژ وان بۆ ئۆفیسێن کۆمپانیا و هندەک ژی بۆ جهێن دەم بوراندنێ ب کارئیناینە.
