دێ ئێكه‌م كلیپا خوه به‌لاڤكه‌ت
ئه‌ڤرۆ نیۆز،زنار تۆڤى:
كچه‌كا كورد دێ ئێكه‌م سترانا خوه بۆ پشتگیریا پێشمه‌رگێ كوردستانێ بێژیت و ل ڤان نێزیكان دێ سترانا خوه ل ده‌رڤه‌ى وه‌لاتى كلیپ كه‌ت،خانما سترانبێژ ساندرا قه‌ره‌داغى ئه‌و كچا سترانبێژا كورده كو د تۆرا جڤاكیا فێسبووكى دا ئه‌ڤ چه‌نده به‌لاڤكریه و گۆتیه ژى:كو ئه‌و دێ سترانه‌كێ بۆ پشتگیریا هێزێن پێشمه‌رگێ كوردستانێ بێژیت و ئه‌و سترانه ژ په‌یڤ و ئاوازێن وێ ب خوه‌یه،هه‌روه‌سا ئه‌و دێ ڤێ سترانێ ل وه‌لاتێ سویسرا ل گه‌ل ستافه‌كێ پرۆفشیۆنال كلیپ كه‌ت و وه‌سا بریاره ل ده‌مه‌كێ نێزیك ڤێ كلیپێ به‌لاڤكه‌ت.
ساندرایێ دیاركریه ژى:كو ئێكه‌م جاره ئه‌و دێ سترانا بێژیت و هه‌روه‌سا وێ ل چو ئاهه‌نگ و هه‌لكه‌فتان دا ستران نه گۆتینه،لێ وێ ب چه‌ندین تێكستان پشتگیریا هێزێن پێشمه‌رگێ كوردستانێ كریه،دیسا ساندرا ب ئێك ژ هه‌لبه‌ستڤانێن وێره‌ك ل باژێرێ سلێمانیێ دهێته هژمارتن.
ناڤهاتى ل سالا 1991 ل باژێرێ سلێمانیێ ژ دایك بوویه،لێ هه‌ر د ژیه‌كێ بچووك دا ل گه‌ل خێزانا خوه چوویه وه‌لاتێ سویسرا و نوكه ل وێرێ دژیت،هه‌روه‌سا چه‌ندین تێكست ژى نڤێسینه و به‌لاڤكرینه.