پەیڤدارێ نوو یێ کۆچکا سپی:هێرشا دەرخستنێ ل میدیاکاران دکەت
ئەڤرۆ نیۆز،زنار تۆڤی:
پەیڤدارێ نوو یێ كۆچکا سپی د ئێکەمین ده‌ركه‌فتنا خوە دا هێرش کرە سەر وان کەسان یێن کو بێ مۆلەت و ره‌زامه‌ندی لێدوانان بۆ میدیایان ددهن.
ل رۆژا ئێکشەمبی پەڤدارێ نوو یێ کۆچکا سپی ئانتۆنی سکاراموچی ده‌ست ب كار بوو،د ئێکەمین ده‌رکه‌فتنا خوە دا وه‌ک به‌رپرسێ پشکا راگه‌هاندنا کۆچکا سپی هێرش ل سه‌ر کار لادانا وان که‌سانان کر یێن کو بێ مۆله‌ت لێدوانان بۆ ده‌زگەهێن میدیایی ددهن.
هه‌روەسا ئانتۆنی سکاراموچی راگەهاندیە کو دێ رێوشوێنێن پێدڤی هەمبەری وان كه‌سان گرتە به‌ر،یێن رێک پێنه هاتیەدان و لێدوانان ددهن و گوت ژی:هه‌ر چاوا بیت دێ وێ بێسه‌روبه‌ریێ راوەستینین؟.
دیسا بەحس ل نەرا‌زیبوونا دۆنالد تره‌مپی سه‌رۆكی ئه‌مریكا كر سه‌باره‌ت ب ده‌زگێن راگه‌هاندنێ و گوت ژی:من سۆزا چاکسازیا ته‌مام یا پشکا راگه‌هاندنا کۆچکا سپی دایە سه‌رۆک کۆماری،چونکی تره‌مپ د وێ باوەریێ دایە،کو کۆمەکا بابه‌تان ل پشکا راگه‌هاندنا کۆچکا سپی ب باشی برێڤە ناچن و ب دروستی کارێ خوە ناکه‌ن.
گوت ژی:ئەز نوکە به‌رپرسێ پشکا راگه‌هاندنا کۆچکا سپی مە و هەکە ئه‌و که‌سێن کاری ل گه‌ل من د‌که‌ن،ب دروستی ئه‌رکێن خوە جێبه‌جێ نه‌كه‌ن،ب دلنیایی دێ وان ژ کارێ وان دەرێخم و دێ وان هێلمە بێ کار.