رابوون مەعروف:هەلبژارتنێن نافخوە یێن گۆرانێ د سەختەنە
ئەڤرۆ نیۆز،زنار تۆڤی:
پەرلەمانتارەکێ فراکسیۆنا گۆران ل پەرلەمانێ کوردستانێ،رەخنێ ل ھەلبژارتنێن نافخوە یێن بزاڤا گۆران دگریت و ڤان هەلبژارتنان ب سەختە ب ناڤ دکەت.
رابوون مەعرووف،ئەو پەرلەمانتارێ فراکسیۆنا گۆرانە ل پەرلەمانێ کوردستانێ،ل پەیجێ تایبەتیێ خوە ل تۆرا کۆمەلایەتی یا (فێسبووک) ێ دا،نڤێسینەکا کورت ب ناڤێ (هەلبژاردنی موزەیەف) بەلاڤکریە و دەربارەی هەلبژارتنێن نافخوە یێن گۆرانێ نڤێسییە: “ئەم کو خوە ب وژدانا زیندی یا گەنجێن راستەقینە یێن گۆرانێ و پارادایمێکترێ سیاسی دزانین،ژ دل نیگەران و خەمبارین ب ژناڤبرنا ئێکەم ژانا دیمۆکراسیا گۆرانێ پشتی نەوشیروان مستەفای”.
هەروەسا گۆتیە، “تێکۆشان بۆ دیموکراسیێ و دادپەروەریێ ب ساناهی نینە”ئەم سۆزێ بۆ “گۆرانخوازێن راستەقینە ددەین دێ بەردەوام بین”.
وەکو دیار کو بزاڤا گۆران ب سەر چەند بالەیان دا دابەشبوویە و ئێک ژ وان ژی بالەیێ گەنجانە،وەکو دیار دڤان هەلبژارتنێن گۆرانێ دا گەنج هاتینە پشتگۆه خستن و ئەڤە چەندین کادر و پەرلەمانتارێن گەنج یێن گۆرانێ ئەڤ هەلویستێ رەق هەمبەری ڤێ بزاڤێ دەربریە.
