نه‌یماری چوونا خوە ژ بەرشەلۆنا راگه‌یاند
ئەڤرۆ نیۆز،زنار تۆڤی:
نه‌یمار داسیلڤا یێ به‌رازیلى و یاریزانێ یانا بەرشەلۆنا یا ئیسپانى چوونا خوە ژناڤ رێزێن وێ یانێ راگه‌یاندیه.
ئه‌ڤرۆ شه‌مبیێ رۆژناما مۆندۆ دیپۆرتیڤۆ یا ئیسپانى ئاشكراکریە،کو نه‌یماری ب كارمه‌ندێن یانا بەرشەلۆنا راگه‌هاندیە،کو وی بریارا چوونا خوە ژ ناڤ رێزێن بەرشە ده‌ركریە و ل حەفتیا داهاتی دێ په‌یوه‌ندیێ ب رێزێن یانا پاریس سانجێرمان یا فرنسی کەت.
وێ رۆژنامێ ئاماژه ب هندێ ژی دایە،کو چوونا نه‌یماری و ده‌ربرینا وێ راستیێ بۆ كارمه‌ندێن یانێ ئەو بوویە،کو پشتی شه‌رێ وی ل گەل نیلسۆن سیمیدۆى یاریزانێ بەرشە بوویە ل دەمێ مه‌شقێن وێ یانێ دا.
