لیژنا ئەوقافێ ل پەرلەمانێ كوردستانێ:مە بەرنامە بۆ سەرخستنا ریفراندۆمێ هەیە
ئەڤرۆ نیۆز،زنار تۆڤی:
سەرۆكێ لیژنا ئەوقاف و كاروبارێن ئایینی ل پەرلەمانێ كوردستانێ دیارکریە،کو بۆ كاركرنێ ل سەر پرسا ریفراندۆمێ وان بەرنامە و پلان هەیە.
سیراج خەیلانی، سەرۆكێ لیژنا ئەوقاف و كاروبارێن ئاینی ل پەرلەمانێ کوردستانێ بۆ باس گۆتیە: ئەولەویەتا كارێن لیژنا ئەوقاف و كاروبارێن ئاینی ئەوە كو ل رۆژا 25 ئیلۆنێ خەلکێ هانبدەن هەتاکو دەنگێ ب بەلێ بۆ ڕیفراندۆما سەربەخۆیا کوردستانێ بدەن.
گۆتیە ژی،لیژنا ئەوقاف و كاروبارێن ئاینی ل گەل وەزارەتێ ل سەر هێلێ نە بۆ هندێ بشێن ب رێیا مامۆستایێن ئاینی و دەقێن ئاینی خەلکێ هانبدەن بۆ هندێ کو ئەڤ پرسە ب پرسەکا شەرعی و نیشتمانی یا خوە بزانن.
ئاشكرا ژی كر: کو مە پلان هەیە، ل دەستپێکا هەیڤا 9 ل 2017 ل گەل مامۆستایێن ئاینی كۆمببن بۆ هندێ کو بەرنامەیەکێ بۆ دانین کو ب رێیا دەقێن ئاینی و گۆتاران هانا خەلکی بدەن بۆ هندێ کو بهێنە سەر سندووقێن دەنگدانێ.