ئەڤرۆ دێ خۆپیشاندانەکا مەزن ل گۆرەپانا تەحریر برێڤەچیت
ئەڤرۆ نیۆز،زنار تۆڤی:
ئەڤرۆ ئەینیێ 4.8.2017 دێ خۆپێشاندانەکا جەماوەری یا مەزن ل گۆرەپانا تەحریر ل بەغدا برێڤەچیت،كو دهێتە پێشبینیکرن موقتەدا سەدر ژی پشکداریێ تێدا بکەت،بۆ نەرازیبوونێ و دەربرینێ بەرامبەر دارشتنا نوکە یا پرۆژە یاسایێ هەلبژارتنا ئەنجومەنێ پارێزگەهان و پاشخستنا هەلبژارتنا كۆمسیۆنەکا نوو بۆ هەلبژارتنان.
دوهی موقتەدا سەدری داخوازیەك بۆ لایەنگرێن خوە بەلاڤکریە بۆ هندێ کو ئەڤرۆخۆپێشاندانەکا جەماوەری یا سەرتاسەری ل گۆرەپانا تەحریر ل بەغدا و باژێرێن دیتر یێن عێراقێ برێڤە ببەن.
هەروەسا داخازکریە کو ئەڤ خۆپێشاندانە د مەزن بن، چونكی ئەڤ خۆپێشاندانە ل دووڤ گۆتنا سەدری دێ بیتە گولەیەک بۆ سەر لەشێ چاكسازیێ.
سەدری د وێ بەیاننامێ دا گۆتیە،هیڤیدارین کو گەلێ عێراقێ هشیار بن،بۆ هندێ کو سیاسەتمەدارێن گەندەلچی چ بۆ دچنن ژ پیلانێن خوە یێن چەپەل بۆ دوبارەكرنا گەندەلیێ ب جلوبەرگەکێ نوو،کو بتنێ ب هێزێ دەستهەلاتێ ب سەر خەلکێدا دسەپینن.