دێ سترانه‌كێ ل سه‌ر ریفراندۆمێ چێكه‌ت
ئه‌ڤرۆ نیۆز،زنار تۆڤى:
سترانبێژ ئامه‌د به‌روارى كو هه‌تاكو نوكه 9 كلیپ و چه‌ندین سترانێن دى یێن سینگل چێكرینه و د دیداره‌كێ دا بۆ ئه‌ڤرۆ نیۆز دیاركر:كو نوكه ئه‌و مژۆلى چێكرنا سترانه‌كێ یه ب ناڤێ”به‌لێ به‌لێ رێفراندۆم” كو ژ په‌یڤێن هه‌لبه‌ستڤان ئه‌لند مزۆرى یه و ژ ئازاوا سترانبێژى ب خوه‌یه و نوكه كار تێدا دهێته كرن و ل ڤان نێزیكان ئه‌ڤ سترانه دێ به‌لاڤه بیت،هه‌روه‌سا گۆت ژى:من ئه‌ڤ سترانه ب شێوێ دویت ل گه‌ل خانما سترانبێژ ئاهینا كوردى گۆتیه و هه‌ر ده‌مێ كارێ تۆماركرنا ڤێ سترانێ ب دوماهى هات،دێ ڤێ سترانێ بۆ حه‌ز ژێكه‌رێن په‌یڤا ره‌سه‌نا كوردى كلیپ كه‌ین.
هه‌روه‌سا ئامه‌دى ئه‌و چه‌ند ژى دیاركر:كو هه‌تاكو نوكه من چو به‌رهه‌م چێنه‌كرینه،هه‌ر چه‌نده من چه‌ندین په‌یڤ و ئاواز ل به‌رده‌ست هه‌نه،لێ نه‌بوونا پشته‌ڤانیێ و سپۆنسه‌را وه‌كریه،كو هه‌تاكو نوكه من چو به‌رهه‌م تۆمارنه‌كرینه،چونكى بۆ چێكرنا هه‌ر به‌رهه‌مه‌كى گه‌له‌ك مه‌زاختن پێ دڤێت،له‌ورا نوكه بتنێ ئه‌ز كار ل سه‌ر چێكرنا سترانێن سینگل دكه‌م.