بریار دایە پەیوەندیێ ب یانا پاریس سانجێرمان بکەت
ئەڤرۆ نیۆز،زنار تۆڤی:
کیلیان ئێمباپێ هێرشبەرێ یانا مۆناکۆ یا فرنسی بریار دایە،کو پەیوەندیێ ب رێزێن یانا پاریس سانجێرمان یا فرنسی بکەت د ڤەگۆهاستنێن ڤێ هاڤینێ دا.
رۆژناما تیلیفۆت یا فرنسی راگەهاندیە،کو ئێمباپێ ل سەر پەیوەندیکرنێ ب رێزێن یانا پاریسی رازیبوویە،د دەمەکێ دا چەند یانێن دیتر ژی داخواز دکەن،کو ل سەرێ هەموویان ریال مەدرید و مانچێستەر سیتی وی یاریکەری ڤەگۆهێزن.
رۆژنامێ ئاماژە ب هندێ ژی کریە،کو ئێمباپێ یێ سەرسامە ب وی پرۆژێ یانا پاریس سانجێرمان دانای و وی یاریزانی دڤێت ل گەل نیمار داسیلڤای ل وێ یانێ یاریێ بکەت،لەورا پەیوەندیکرنا وی ب وێ یانێ ڤە بۆ وی ژ هەموو یانێن دیتر باشترە.
وێ رۆژنامێ دیارکریە ژی،پاریس سانجێرمان دێ ل چەند دەمژمێرێن کێم یێن داهاتیدا دانوستاندنان ب شێوەیەکێ فەرمی دەستپێکەت و ب شێوەیەکێ دەستپێکی ئەو یانە یا ئامادەیە 155 ملیۆن یۆرۆیان بۆ ڤەگۆهاستنا وی یاریزانی ب مەزێخیت.