تورکیا دیوارەک ل سەر سنۆرێ خوە ل گەل ئیرانێ دروستکریە
ئەڤرۆ نیۆز،زنار تۆڤی:
میدیایێن تورکی دبێژن وەلاتێ وان دەست ب دروستکرنا دیوارەکێ ل سەر سنۆرێن خوە ل گەل ئیرانێ دا کریە،ئەڤە ژی هەڤ شێوێ وی دیوار یە یێ کو ل سەر سنۆرێن سوریێ هاتیە دروستکرن.
ئاژانسا دۆگان راگەهاندیە کو سلێمان ئەلبان پارێزگارێ ئاگری سەرەدانا جهێ دروستکرنا وی دیواری کریە،کو ئەو دیوارێ دهێتە دروستکرن 2 مەترا یێ فرەهە و 3 مەترا یێ بلندە و ژ بلۆکا و کۆنکریتێ مەزن پـێکدهێت وگۆتیە،ئارمانج ژ ڤی دیواری رێگرتنە ژ گەریلایێن پەکەکێ و قاچاخچیان،داکو نەهێنە ناڤ ئاخا تورکیا.
ل هەیڤا ئێک رەجەب تەیب ئەردۆغانی سەرۆکێ تورکیا پـلانا دروستکرنا دیواری ل سەر سنۆرێن ئێران و عێراقێ راگەهاندیە کو ب هەڤشێوێ وی دیوارێ کو نوکە ل سەر سنۆرێ سوریێ دروستکریە کو درێژاهیا وی 911 کیلۆمەترە.