رۆژا جیهانى یا لاوان ب چه‌ندین چالاكیێن جۆدا دێ ل دهوكێ هێته ساخكرن
ئه‌ڤرۆ نیۆز،زنار تۆڤى:
رۆژا جیهانى یا لاوان كو دكه‌ڤیته 12/8 و د وێ رۆژێ دا ل سه‌رانسه‌رى جیهانى چالاكیێن جۆدا ب ڤێ هه‌لكه‌فتێ دهێنه ئه‌نجامدان و ب هه‌مان هه‌لكه‌فت ل رۆژا شه‌مبى 12/8/2017 چه‌ندین چالاكیێن جۆدا ژ لایێ رێڤه‌به‌ریا لاوان ڤه ل پارێزگه‌ها دهوكێ ل پانۆراما ئازادى دێ هێته ساخكرن،كو دێ نێزیكى 1000 لاوان پشكداریێ تێدا كه‌ن.
نێچیرڤان سادق بناڤى رێڤه‌به‌رێ لاوان ل پارێزگه‌ها دهوكێ بۆ ئه‌ڤرۆ نیۆز دیاركر:ب چاڤدێریا وه‌زیرێ وه‌رزش و لاوان یێ حوكمه‌تا هه‌رێما كوردستانێ خالد دۆسكى و ب به‌رهه‌ڤبوونا به‌رپرسێ هه‌رێمى یێ رێكخراوا یۆنسێف ل عێراقێ ل رۆژا شه‌مبى 12/8/2017 و ب به‌رهه‌ڤبوونا نێزیكى 1000 كور و كچان ژ ئاواره و په‌نابه‌ران و خۆجهێن باژێرێ دهوكێ و ژ هه‌موو پێكهاته‌یان دێ رۆژا جیهانى یا لاوان ل پانۆراما ئازادى و ل ده‌مژمێر 6:30 ئێڤارى هێته ساخكه‌ن و هه‌روه‌سا ئه‌ڤه ئێكه‌م چالاكیه ب ڤى ره‌نگى ل سه‌ر ئاستێ عێراقێ دهێته ئه‌نجامدان.
نێچیرڤانی هه‌روه‌سا گۆت ژى:ئه‌ڤه سالا دویێ یه رێڤه‌به‌ریا لاوان ل دهوكێ ڤێ بیره‌وه‌ریێ ساخ دكه‌ته‌ڤه،هه‌روه‌سا ل سالا بورى ژى ل سه‌ر ئاستێ عێراقێ ئه‌و شیابوون ڤێ رۆژێ ساخ بكه‌نه ڤه ل سه‌ر نه‌خشێ یۆئێنێ ئه‌ڤ چه‌نده هاتبوو دیاركرن،د ڤێ رۆژێ دا دێ كۆمه‌كا چالاكیێن جۆدا جۆدا هێنه ئه‌نجامدان ب مه‌ره‌ما گه‌هاندنا په‌یاما ئاشتى و پێكڤه ژیانێ.
رێڤەبەرێ لاوان دیاركر ژى:ئه‌ڤ چالاكیه ژى ژ چارچۆڤێ پرۆژێ رێڤه‌به‌ریا لاوانه ل پارێزگه‌ها دهوكێ كو ل گه‌ل رێكخراوا یۆنسێف دهێنه ئه‌نجامدان،كو دێ بۆ ماوێ ساله‌كێ یا به‌رده‌وام بیت،ئه‌ڤ پرۆژى ژى هه‌موو ل ژێر درۆشمێ”ببه سه‌ركرده و گوهۆرینێ بكه و ئاشتیێ به‌رپاكه”،كو دێ پتر ژ 1000 چالاكیێن جۆدا تێدا هێنه ئه‌نجامدان.