ئه‌و تشتێن شه‌رمزاری جاران ، نوكه یێن بوینه عه‌ده‌ت
تشت هه‌نه د چارچووڤێ ژیانێ دا بۆ مه ده‌رفه‌تن و هه‌نه ژی به‌روڤاژی و دشێن بێژین تاقیكرنن كار و ڤیان و شیان ئه‌ڤه ئه‌و بووینه یێن ژ مه رۆژانه دگه‌ل دا هه‌ین، لێ هه‌نه ژی خوه تامژی نه‌كرینه كا دا جاره‌ك بزڤرینه ل سه‌ر بابه‌تی ل جاران ده‌مێ كچه‌كێ كار ل هه‌ر جهه‌كی كربا دابیته شه‌رمزاری بۆ مال و مالباتێ ب ته‌مامی ئه‌ڤجا ژبلی به‌حسكرن و هاڤێتنه‌كا بێ رامان ژ بێ شیانیێ و نه‌تێگه‌هشتنێ، ب تایبه‌ت ده‌مێ كچه‌كێ كار ل سازیه‌كا رۆژنامه‌ڤانی دكر و ب تایبه‌تی ده‌مێ ل كه‌ناله‌كی كاردكر و هاتبا سه‌ر شاشێ دا چه‌ند داستانێن ئه‌ڤینیێ ئه‌وێن ل سه‌ر چیرۆكێن مه‌م و زینێ و خه‌ج و سیبانه‌دی ژی ب ناڤوده‌نگتر لێ هێت لێ جوداهی ئه‌وبوو ئه‌ڤ داستانێن مه گۆتین ب پاقژی و جوانی به‌حس دهاته‌كرن، لێ داستانا وێ ب كرێترین و ب شه‌رمترین به‌حس دا لێ هێته‌كرن و ئه‌ڤ چه‌نده ژی نیشانێن جڤاكێن پاشكه‌فتینه، لێ یا ئه‌م نوكه دبینین كاركرنا ره‌گه‌زێ نازك ئانكۆ مێ د بیاڤێ راگه‌هاندنێ دا بوویه تشته‌كی گه‌له‌كێ نۆرمال و بوویه چاڤلێكرنه‌كا رۆژانه و هه‌ر كه‌سی دڤێت كچ یان خووشكا وی و هه‌تا دووماهیێ ببیته ستێره‌ك یان خودان كاره‌ك ل سازیه‌كا رۆژنامه‌ڤانی، لێ مه‌زن دبێژن هه‌ر په‌زه‌ك و پێپكا خوه ئانكو هه‌ر مرۆڤه‌ك و كار و تایبه‌تمه‌ندیا خوه و ل ڤێرێ ئه‌و ئێكه ژی دیار دبیت هه‌كه جاران شه‌رمزاری ئه‌وبوو كۆ ئه‌وا مه لێ به‌حس كری د رۆژا ئه‌ڤرۆ دا ئه‌و ژی بوویه شه‌رمزاری كو كچ خوه د ڤی كاریدا نه‌بینیت.
