خێرخوازه‌ك دێ مزگه‌فته‌كا وه‌ك یا (سولتان ئه‌حمه‌د) ی ل هەولێرێ دروست كەت
ئه‌ڤرۆ نیۆز،ره‌مه‌زان هه‌رنى:
خێرخوازه‌كێ باشۆرێ كوردستانێ پشتى ئه‌نجامدانا چه‌ندین كارێن خێرخوازى و به‌خشینا یەكه‌یێن ئاكنجیبوونێ ب سه‌ر هه‌ژار و كێمده‌رامه‌تا و خێزانێن سه‌ر بلندێن شه‌هیدان دابه‌شكرین،ئه‌و خێرخوازە خودانێ كومپانیا(میلله‌ت هۆلدینگ)ە و نها كار ل سه‌ر دروستكرنا مزگه‌فته‌كێ دكه‌ت ل هه‌ولێرێ ل باژێرێ خه‌ونا ل سه‌ر رووبه‌رێ یازده هزار و پێنچ سه‌د مه‌تران كو دبیته ئێك ژ مزگه‌فتێت جوان ل سه‌ر ئاستێ كوردستانێ و عیراقێ و دیزاینێ مزگه‌فتێ وه‌ك مزگه‌فتا(سولتان ئه‌حمه‌د)ه ئه‌وا ل ئیسته‌نبول نها ده‌ست ب بناغه‌یێ وێ هاتیه كرن و بریاره ل هه‌یاما چار سالان دا ب دوماهیك بهێت.
دڤى واریدا حاجى ئیدریس سورچى بۆ ئەڤرۆ نیۆز دیاركر،من دڤێت پرۆژێ خوە یێ خێرخوازى به‌فره‌هتر بكه‌م ب تایبەت ئه‌و پرۆژه‌یێن سیمایێ باژێرى جوان دكه‌ن.
حاجى ئیدریس دیاركریه ژی،من بریار دا ب دروستكرنا مزگه‌فته‌كێ وه‌ك مزگه‌فتا سولتان ئه‌حمه‌د ئه‌وا ل توركیا كو ئه‌ڤه خه‌ونا من بۆ كو ئه‌و سه‌ر و مالێ خودێ دایه من مفاى پێ بگه‌هینمە خه‌لكێ،له‌ورا ژى من دڤێت جوانترین مزگه‌فت دروست بكه‌م.
