شڤان پەروەر دێ سترانەکێ بۆ پشتەڤانیا ریفراندۆمێ بەلاڤ کەت
ئەڤرۆ نیۆز،زنار تۆڤی:
شڤان پەروەر هونەرمەندێ ناڤدارێ كورد،دێ سترانەکێ بۆ پشتگیریا ریفراندۆما سەربەخۆیا كوردستانێ بەلاڤ کەت.
نوکە شڤان پەروەر مژۆلی تۆماركرنا سترانەکێ یە بۆ پشتگیریا سەربەخۆیا كوردستانێ.
دهێتە زانین کو شڤان پەروەر هونەرمەندەکێ ناسیارە ل سەرانسەری کوردستانێ،هەروەسا د پرسێن نیشتیمانی و نەتەوەیی دا پشتگیریا خەلکێ كوردستانێ دكەت،هەروەسا سترانا واهاتن پێشمەرگێن مە ئێکە ژ سترانێن وی یێن ناڤدار كو بۆ پشتگیریا پێشمەرگێ كوردستانێ بەلاڤکریە.
د کۆمبوونا 2017/6/7 مەسعود بارزانی سەرۆكێ هەرێما كوردستانێ ل گەل نوونەر و سەركردێن حزب و لایەنێن سیاسی یێن كوردستانێ بریار دا کو رۆژا 25 ئیلۆنا 2017 ریفراندۆما سەربەخۆیا كوردستانێ ل هەرێما كوردستانێ و كەركوكێ و دەڤەرێن كوردستانی یێن دەرڤەی ئیدارا هەرێما كوردستانێ بهێتە ئەنجامدان.