به‌رى بێژى به‌لێ،دڤێت ئه‌ڤه ل بیرا ته‌بیت
ئەڤرۆ نیۆز،زنار تۆڤى:
پرۆسا هه‌ڤژینیێ به‌رپرسیاره‌تیه‌كا مه‌زنه و به‌رى بریاردانێ دڤێت تۆ خوه بۆ ئاماده بكه‌ى،بۆ هندێ داكو تۆ ب ره‌نگه‌كێ سه‌ركه‌فتیانه وان پێنگاڤان ب هاڤێژى و ئه‌نجامه‌كێ باش هه‌بیت،ژ پێخه‌مه‌ت تۆ ژیانه‌كا ئاسووده دروست بكه‌ى،هه‌روه‌سا به‌رى تۆ رازى ببى ل سه‌ر داخوازیا هه‌ڤژینیێ،پێدڤیه تۆ ڤان رێنمایان په‌یره‌و بكه‌ى:
.هه‌ولبده كو ئه‌و كه‌سا ته دڤێت ببیته هه‌ڤژینا ته،ب ره‌نگه‌كێ باش شاره‌زاى ره‌فتار و ئاخفتن و مامه‌له و سرۆشتێ وێ یێ كه‌سى ببى،ژ هه‌موو روویه‌كێ ڤه،ژ پێخه‌مه‌ت ته داهاتیه‌كێ جێگر هه‌بیت.
.ب شێوه‌یه‌كێ لۆژیكى و راسته‌قینه هزر بكه وێ ژیانا كو تۆ هه‌لدبژێرى،چونكى خه‌یالكرنێ دێ كاریگه‌ریه‌كا نه‌رێنى هه‌بیت ل سه‌ر ژیانا ته یا داهاتى،ره‌نگه ل دووڤ خه‌یالا ته نه‌بیت.
.ئێك ژ پێنگاڤێن گرنگ ئه‌وه كو به‌رى رازیبوونێ د پرۆسا هه‌ڤژینیێ دا،تۆ خێزانا وێ كه‌سێ بنیاسى یاكو تۆ هه‌ڤژینیێ ل گه‌ل دا پێكدئینى.
.به‌رى پرۆسا هه‌ڤژینیێ ب ره‌نگه‌كێ سرۆشتى و ئاسایى كارێن خوه ئه‌نجام بده،بێى كو تۆ خوه تووشى شه‌پرزه‌یێ بكه‌ى.
.راستگۆیانه ل گه‌ل وێ كه‌سێ باخڤه یاكو ته دڤێت هه‌ڤژینیێ ل گه‌ل دا بكه‌ى،ئانكو هه‌موو ئه‌و به‌رپرسیاره‌تیێن هه‌ین،وه‌كى كاركرنێ و ئه‌ركێ مالێ،وه‌كى خوه به‌حس بكه‌ن و راوێژكاریا ئێكدو بكه‌ن،كو چاوا دێ پێكڤه ژیانه‌كا سه‌ركه‌فتى دروست كه‌ن؟،چو وه‌كو ژیانا خوه یان ژى یا زارۆیێن خوه.