ترۆمبێلەک وەرگەریا و کەسەک ب گرانی برینداربوویە
ئەڤرۆ نیۆز،زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا هاتنوچوونا پارێزگەها دهوکێ بۆ ئەڤرۆ نیۆز دیارکر:ل شەڤا دەربازبووی ٢٠١٧/٩/٥ ل جادا ئيبراهيم خه ليل و ل نێزيكى مەوقعێ چيمەنتۆی ترۆمبێلەکا تایبەت كيا یا رەنگ سپى ژ بن كونترۆلا شۆفێری دەردکەڤیت و وەردگێریت و گۆت ژی:پشتی وەرگەریانێ ئاگر بەر دبیتە ترۆمبێلێ و کەسەک د وێ ترۆمبێلێ دا ب گرانی بریندار دبیت،هەروەسا زیانێن ماددی یێن مەزن گەهشتینە ترۆمبێلێ ژی.
د هەمان دەمدا موقەدەمێ مافپەروەر روودانێن چار رۆژێن جەژنا قوربانێ داینەدیارکرن،کو 15 روودان د رۆژانێن جەژنێ دا رووداینە و 12 کەس برینداربووینە و هەروەسا کەسەکێ د وان روودانان دا گیانێ خۆ ژ دەستدایە.