جەهەپە:دڤێت ریفراندۆم ب رێککەفتنا هەولێرێ و بەغدا دا بهێتە ئەنجامدان
ئەڤرۆ نیۆز،زنار تۆڤی:
جێگرێ سەرۆکێ پارتا گەل یا کۆماری یا تورکیا جەهەپە رادگەهینیت،دڤێت ریفراندۆما باشۆرێ کوردستانێ بۆ سەربەخۆیێ ب رێککەفتنا حوکمەتا هەرێما کوردستانێ و بەغدا بهێتە ئەنجامدان.
سەزگین تانری کولو جێگرێ سەرۆکێ جەهەپێ کو دویەم مەزنترین پارتە ل تورکیا،د بەرسڤا پرسیارا رۆژنامەڤاناندا دەربارەی ریفراندۆما هەرێما کوردستانێ راگەهاندیە:ل چارچۆڤێ دستووری دا هەولێرێ و بەغدا کێشە و ناکۆکی هەنە،دڤێت ریفراندۆما سەربەخۆیا هەرێما کوردستانێ ب رێککەفتنا هەرێمێ و بەغدا دا بهێتە ئەنجامدان.
تانری کولو زێدەتر گوت ژی:ئەز وەک وەلاتیەکێ دخوازم کو ریفراندۆم ب رێککەفتنا دناڤبەرا هەرێما کوردستانێ و بەغدا دا بهێتە ئەنجامدان،بەلێ نابیت وان هەلومەرجان ل بەرچاڤ نەگرین یێن کو هەرێما کوردستانێ تێدا،دڤێت هەلومەرجێن وێ چەندێ بزانین و ل وی دەمی هەلویستی وەربگرین،هەروەسا مە پێدڤی ب دیتنەکا وەسا هەیە،کو کوردێن نافخۆ و یێن وەلاتێن ژ دەرڤە وەک دۆست ببینین،نە وەک رکابەر و دوژمن.