ژ ھەشت میحوەران ڤە دێ ھێرش بۆ سەر حەویجە دەستپێکەن
ئەڤرۆ نیۆز،زنار تۆڤی:
ھێزێن عێراقێ دەمژمێر سفر دیارکریە بۆ دەستپێکرنا شەرێ حەویجە و بریارە ژ ھەشت میحوەران ڤە ھێرشێ بکەنە سەر چەکدارێن داعش ل ڤێ دەڤەرێ،ماوێ چەند رۆژانە ژ ھەموو رەخان ڤە بەشەک ژ چەکدارێن داعش خۆ رادەستی ھێزێن عێراقی و پێشمەرگەی دکەن و ژ حەویجە د رەڤن،بەشەکێ دی ژ چەکدارێن داعش رێیا سەرەکی یا حەویجە بۆمبرێژ دکەن.
نوکە ھەموو لا چاڤەرێ هندێ نە کو دێ چو ھێزەك ئێکەم تەقەیا شەرێ حەویجە دەستپێکەت،بۆ خەلکێ ڤی باژێرۆکی ژی ئەو چەندە یا گرنگە کو دەڤەرا وان ژ دەستێ داعش بهێتە رزگاركرن،هەروەسا هێزێن پێشمەرگێ کوردستانێ و هێزێن عێراقێ و هەڤپەیمانان پێکڤە دێ پشکداریێ د ئۆپەراسیۆنا رزگارکرنا حەویجە دا کەن.