ریفراندۆما هەرێما کەتەلۆنیا دێ یاریەکا بارسێلۆنا پاشئێخیت

ئەڤرۆ نیۆز،زنار تۆڤی:

ل دووڤ نووچەیێ رۆژنامەکا کەتەلۆنی کو ئەگەرەگێ زۆر هەیە یاریا داهاتی یا بارسێلۆنا ژ گەرا حەفتێ ل خولا لالیگا یا ئیسپانیا دا بهێتە پاشخستن.

رۆژناما (مۆندۆ دیپۆرتیڤۆ) یا کەتەلۆنی بەلاڤکریە،کو ب ئەگەرێ ئەنجامدانا ریفراندۆما کو بریارە ل رۆژا 2017/10/1 ل هەرێما کەتەلۆنیا برێڤە بچیت،ئەگەرەکێ زۆر هەیه ئەو یاریا بارسێلۆنا بەرامبەر یانا لاس پالماس ل گەرا حەفتێ یا لالیگایێ بهێتە پاشخستن.

ل دووڤ نووچەیێ وێ رۆژنامێ،هژمارا هێزێن پۆلیسان د وێ رۆژێ کو ریفراندۆم تێدا دهێتە ئەنجام،دێ هەموو هەرێما کەتەلۆنیا ڤەگریت و پۆلیس تێرا هندێ نامینن کو پاراستنا وێ یاریگەهێ بکەن،یاکو یاریا بارسێلۆنا تێدا برێڤە دچیت.

وێ رۆژنامێ گوتیە،ئەو یاریگەها کو بریارە یاریا دناڤبەرا بارسێلۆنا و لاس پالماس تێدا بهێتە ئەنجامدان،دێ زێدەتر ژ 70 هزار هاندەران ئامادەبن،هەروەسا ل رۆژا داخوازکرنا مافێ چارێ خۆنڤێسینێ بۆ هەرێما کەتەلۆنیا،دەمەکێ گونجای نینە بۆ ئەنجامدانا وێ یاریێ.

بریارە ل ئێکشەمبیا بهێت کو دکەڤیتە 2017/10/1 هەرێما کەتەلۆنیا هەڤشێوێ هەرێما کوردستانێ ریفراندۆمێ ئەنجام بدەت.

کۆمێنتا تە