رۆژانه ژنان فێرى هاژوتنا ترومبێلێ دكه‌ت
ئه‌ڤرۆ نیۆز،ره‌مه‌زان هه‌رنى:
شلێر به‌هجه‌ت خودانا نڤێسنگه‌ها فێركرنا شوفێریا ژنان بۆ ئه‌ڤرۆ نیۆز دیارکر،کو ل ژیێ 12 سالیێ ده‌ست ب كارى كریه ل ده‌رڤه‌ى مال و هه‌تا نوكه ژى یا به‌رده‌وامە،هەروەسا وێ زارویێن خوه ژى فێركرینه كو پێدڤیه پشت به‌ستنێ ل سه‌ر خوه بكه‌ن ژیانا خوه دابین بكه‌ن.
شلێرى دیار كر ژى،ل سالا 2005 ب فه‌رمى من نڤیسنگه‌ها فێركرنا شوفێریێ ب شێوازێ ئورۆپى كو ژ هه‌ژده وه‌لاتێن جیهانێ كار بڤى سیسته‌مه‌ى دكه‌ن ڤه‌كریە ،ئارمانجا من ل ڤه‌كرنا ڤێ نڤیسنگه‌هێ ئه‌و بوویه كو گه‌له‌ك جارا ئافره‌ت ل دەمێ ده‌ركه‌فتنا و به‌رهه‌ڤ نه‌بوونا ته‌كسیێ یان بێزار كرنا ئافره‌تى ده‌مێ ل سه‌ر جاده‌یێ رادوه‌ستێت،هه‌روه‌سا ئافره‌ت ل مال دا ل هیڤیا چۆ كه‌سه‌كێ نه‌راوه‌ستیت هه‌تا دگه‌هیته سه‌ر كارێ خوه.
خودانا وێ نڤیسنگه‌هێ دیار كر ژى، رێژا ئافره‌تێ بۆ فێربوونێ گه‌له‌ك یا باشه و ئافره‌تا كورد هه‌ر گاڤ دڤێت وه‌ك ره‌گه‌زێ به‌رامبه‌ر شیانێن خوه نیشان بده‌ت به‌لێ ژبه‌ركو جڤاك هاریكارینه ل گه‌ل ئافره‌ت هه‌ر گاڤ ئافره‌ت هه‌ست ب وێ چه‌ندێ دكه‌ت كو مافێ وێ دهێته خوارن،ئه‌ز ب خوه ژیانا خوه ب رێڤه دبه‌م ل سه‌ر پێن خوه رادوه‌ستم ژبه‌ركو هەکە ئه‌ز خوه بێ هیڤى بكه‌م چۆ تشت ل ژیانا من زێده نابیت.
