نازدار هه‌ینى : به‌رنامێ به‌زمى به‌زم ئه‌ز دناڤ خه‌لكى دا به‌رنیاس كرم
ئه‌ڤرۆ نیۆز،ره‌مه‌زان هه‌رنى :
ئه‌كته‌را به‌رنامێ به‌زمى به‌زم نازدار هه‌ینى د هه‌ڤپه‌یڤینه‌كێ دا بۆ ئه‌ڤرۆ نیۆز بەحس ل وێستگه‌هێن خوە یێن هونه‌رى دكه‌ت و دیاركر، ل سالا 2015 ده‌ستپێكا ژیانا من یا هونه‌رى بۆ ئێكه‌م پێنگاڤ من كارێ مودێل و رێكلامێ كر پاشی كارێ دوبلاژێ،هەروەسا من به‌رده‌وامى دا رێیا هونه‌رى و هه‌یا نها به‌رده‌وامم و من دڤێت هێشتا ژى به‌رده‌وام بم هه‌تا دگه‌همه گوپیتكا خزمه‌تكرنێ ل ناڤ هونه‌رێ كوردى.
نازدارێ خویاكر ژى،سالا 2016 بۆ جارا ئێكێ بۆ خوه دناڤ هونه‌رێ كوردى دا ببینم و ئه‌و ژى به‌شداریكرن و ده‌ركه‌فتنا من بۆ ل به‌رنامێ به‌زمى به‌زم و جارا ئێكێ بۆ وه‌ك هونه‌رمه‌ند و ئه‌كته‌ر ده‌ركه‌ڤم ل به‌ر چاڤێن خه‌لكى و هەروەسا خه‌لكى ئه‌ز ب به‌رنامه‌یێ به‌زمى به‌زم نیاسیم و چه‌ند ده‌رهێنه‌ران هه‌ر ب رێیا وى به‌رنامه‌ى ئەز نیاسیم و په‌یوه‌ندى بمن كر و كار دایه من،لەورا ئه‌گه‌رێ سه‌ره‌كیێ وى نیاسینیێ و وى كارى نها لبه‌ر ده‌ست و ئه‌نجام دده‌م به‌زمى به‌زم بوو.
هه‌ینى ئه‌گه‌رێ نه‌ما نا خوه ل به‌زمى به‌زم ئاشكرا دكه‌ت و دبیژیت ،نها ل به‌رنامه‌یێ به‌زمى به‌زم نه‌مایمه ژبه‌ركو گوته من تۆ نه‌شێى رۆلێ خوه ب باشى ب گێرى وه‌ك ئه‌كته‌ر هه‌روه‌سا بهانه‌یا خرابیا ره‌وشا دارایا كه‌نالێ كوردماكس،لێ پشتى به‌زمى به‌زم من به‌شدارى درامایه‌كێ كریه 30 خه‌له‌كه‌یه نها ل قوناغا دوماهیێ دایه و هه‌روه‌سا فلمه‌كێ دن به‌شدارم ل ده‌رهێنانا فه‌رهاد پیربال ل قوناغا دوماهیێ دایه ژبلى ئه‌كته‌ریێ به‌رده‌وامم ل كارێ رێكلام كرنێ.
ل دوماهیێ ب گازنده‌ڤه نازدارێ خویاكر،درامایا دوبلاژ كرى یا بوویه ئه‌گه‌رێ هه‌رفاندن و ژناڤبرنا هونه‌رێ كوردى،لەورا پێدڤیه پتر گرنگیێ ب هونه‌رێ خوه بده‌ین و كلتورێ خوه بۆ جیهانێ بده‌ینە ناساندن نه‌ك هونه‌رى َخوه پشتگوه پاڤێژین و هونه‌رێ بیانێ پێشبێخین مخابن كو نها گه‌هشتیه ڤى راده‌ى.
