رێڤه‌به‌رێ دارستانا ئاكرێ: ل سه‌ر برین و بازرگانیكرنێ ب دارێن ته‌ر كه‌سه‌ك ب 118 ملیۆن دیناران هاتیه سزادان
ئه‌ڤرۆ نیۆز،ره‌مه‌زان هه‌رنى:
رێڤه‌به‌رێ دارستانا قه‌زا ئاكرێ خویاكر، بۆ رێگریكرن ل برینا دارێن ته‌ر و بازرگانیكرن ب دارێن هشك ل سنورێ قه‌زا ئاكرێ هژماره‌كا مه‌فره‌زێن تایبه‌ت هاتینه دانان و چه‌ندین كه‌س ژى ل سه‌ر برینا داران هاتینه سزادان ب كوژمێن دیاركرى یێن ماددى و سزایێن زیندان كرنێ بۆ چه‌ندین هه‌یڤا.
موقه‌ده‌م ئیبراهیم رێڤه‌به‌رێ دارستانا قه‌زا ئاكرێ بۆ ئه‌ڤرۆ نیۆز دیاركر،ل گه‌ل لایه‌نێن په‌یوه‌ندیدار ل ده‌ڤه‌رێ مه كومبوون ئه‌نجام داینه ل سه‌ر پرسا ژینگه‌هى و مه داخوازى ئاراسته‌ى جهێن بلند كرینه بۆ دابینكرنا گازى بۆ وەلاتیان داكو ژینگه‌ها مه پاراستى ب مینیت.
موقه‌ده‌م ئیبراهیم خویاكر ژى، ل گورى یاسا دارستانێ ژمارا 15 یا سالا 2012 ێ برینادارێن ته‌ر ب هه‌مى ره‌نگا قه‌ده‌غه‌نه وبازرگارنیا دارێن هشك , به‌ریا چه‌ند روژه‌كا كه‌سه‌ك له‌سه‌ر بازرگانیا دارێن ته‌ر ل سنورێ قه‌زا ئاكرێ هاتیه ده‌سته سه‌ركرن و ب كوژمێ 118 ملیون دیناران هاتیه سزادان هاتیه زیندان كرن , ئه‌و جهێن مه‌فره‌زه‌یێن مه هاتیه دانا هه‌ر ترومبێله‌كا دارێن ته‌ر باركربن و دارێن ته‌ر ها تبنه برین دێ هێته ده‌سته‌ر كرن و هێته ره‌وانه‌كرن بۆ دادگه‌هێ و چه‌ندین حاله‌ت ژى هه‌بۆینه لسه‌ر دارێن ته هاتینه ده‌سته‌ر كرن ئه‌ڤ ساله ل سنورێ دارستانا قه‌زا ئاكرێ.
رێڤه‌به‌رێ دارستانا قه‌زا ئاكرێ ئاشكرا كرژى، چه‌ندین كه‌س هاتینه سزادان لسه‌ر برینا دارێن ته‌ر هنده‌ك ب كوژمێ هه‌شت ملیون دینارا هنده‌ك ئێك ملیون هه‌شت سه‌د هزار دینارا ل سه‌ر برینادارێن ته‌ر كو برینه مال بۆ سوتنێ چه‌ندین كه‌س هاتینه ده‌سته‌ر كرن و هاتینه ره‌وانه‌كرن بۆ دادگه‌هێ و ب ماددێ و زیندانكرنێ هاتینه سزادان.
ئیبراهیم دیاركر ژى،ئه‌وێن دارێن ته‌ر دبرن و بازرگانیێ ب دارا دكه‌ن دارستانێ ماف هه‌یه داخوازا قه‌ره‌بۆكرنێ بكه‌ت ل سه‌ر سه‌رپێچكاریێن ژینگه‌هێ ژبه‌ركو داربرین ب هه‌موو ره‌نگان قه‌ده‌غه‌یه.
