دهمێ زهلامێن سهركێش دبنه خوداوهندێن پیرۆز!
دیرۆكڤانێ گریكى ((یۆهۆمیرۆس)) وهسا د پرتووكا خوه یا ب ناڤێ ((دیرۆكا پیرۆز)) دا دبینت: ((ههموو خوداوهند د چهرخێن كهڤن دا كهسانێن ب هێز و خودان شیان و بهرچاڤ بووینه و جهێن بژاره د ناڤ خهلكێ خوه دا ههبووینه.. ب بهۆرینا دهمى، پاشى ئهو سهركێش بووینه زهلامێن پیرۆز و خهلكهكى پهراستینه!)). ل دووڤ گۆتنا وى فیلۆسۆفێ كو (فراس السواح د پرتووكا خوه یا ناڤدار ا ب ناڤێ دین الانسان ل رووپهلێ 2.4 ) ئاماژهدایێ؛ واته هزرا سهرهكى یان دینى ژ پیرۆزكرنا مرۆڤان و پهرسڤانییا وان پهیدابوویه. راسته ژیێ ڤێ گۆتنێ رهنگه پتر ژ 3 هزار سالان بت، لێ كاكلا وێ یا فهلسهفى ههر نهمر مایه. كهواته، ههكه نها جڤاكێن پێشكهڤتى ژ قۆناغا پهراسنا كهسان دهربازببن و بهتر تاكى وهك هێزا پێشخستنا مرۆڤینیێ د خزمهتا گشتى دا بنرخینن؛ لێ جڤاكێن رۆژههلاتا ناڤین و پاشڤهمایى؛ هێشتا د ڤێ قۆناغێ دا دنالن، مللهتێ كورد ئێك ژ وان مللهتانه كو د درێژییا دیرۆكێ دا باجا ڤێ ساخلهتێ ددهت.
ههكه ئهم ل رهفتارێن ئالیگرێن راستهقینه یێن حزبێن كوردستانى بنێڕین دێ بینین كو سهركێشێن وان حزبێن ب رێڤهدبن؛ وهسا ب نهرێنا هندهك ئهندامێن وان پیرۆزن؛ ههتا كو هندهك ژ وان وهك خوداوهند زهلامێ ئێكێ ل گوپیتكا ههرهمێ ههیكهلێن تهڤگهرێن خوه یێن سیاسى دبینن كو ژ شاشییا دپارزتینه و چو كێماسى ل دهڤ وان نینن! ئهڤ جۆره ئهندامێن ئایدیۆلۆژپهرس ئهون یێن كو باوهرداریێ ب رێبازا حزبێن وان ئهو وهسا هێڕكرین كو تنێ ساخلهتێن ئهفسانهیى و خوداوهندى ل جهم پێشهوایێن خوه دبینن و ب دیتنا وان (بهر پهنیره – بیابان بهههشتا بهرینه… هتد). ل دووڤ وان گوتنێن ژ دهڤێ پیشهوایێ پیرۆز دهردكهڤن!
ئاها ئهڤ دیمهنهیه د درێژییا دیرۆكێ دا بوویه فاكتهركى سهرهكى یێ ناڤخوهیى كو كورد ههردهم باجا ڤێ رهفتارێ بدهن و كێشهیا كوردى ب نێرینا ئێك مهژى ئهو ژى مهژیێ سهركێشێ حزبێبیه برێڤه بچت و ههردهم ببت قوربان و نهگههته ئارمانجێن د درێژییا دیرۆكێ دا ژ دهست داین.
تنێ ههكه هزرا خوه د حزبهكێ ژ وان دا بكین، وهك نموونه كو ئێكهتى نیشتیمانى كوردستانه، مه ددیت دهمێ رهحمهتى (مام جهلال) د گهرمهگهرما خهباتا خوه دا، ههر ئاریشهیهكا ئاسێ و ئالۆز مابایه، وى بریار لسهر دابایه ساناهى ڤهدبوو، لێ پشتى نهساخییا وى و مرنا وى، ژ پارچهپارچهبوونا وێ حزبێ دیاره كو ههتا نها ناڤبرى چو شوونگر نینن كو ئالیگرێن وى ب پیرۆزى ببینن و ههموو كێموكاسیێن وى بهروڤاژ ببینن، ژ بهر هندێ نها ههر ئالییهكێ وێ حزبێ بۆ خوه دئاخڤت و رهفتارێ دكهت. ئهوێ نهشارهزا دێ هزر كهت كو ئهڤ حزبه ل وهلاتێن رۆژئاڤا دژیت، وهسا ئهندامێن وێ ههر ئێك دهمۆكراسییانه دهربرینێ ژ هزر و بیرێن خوه ئازادانه دكهت! ئهڤه ژى د گهوههرێ خوه دا گهلهكا ب زهحمهته حزبهك وهها ڤهكرى و دوور ژ گیانێ دكتاتۆرى ل رۆژههلاتا ناڤین، ژ بلى دهولهتا ((ئیسرائیلێ)) ههتا نها گهشه بكت و بهردهوامیێ ب خهباتێ بدهت.. ههژى ئاماژهدانێیه كو ئهنجامێ مانه ڤالایا شوونا رابهرێ پیرۆزێ وێ حزبێ ب زهلالى ل روودانێن 16ى ئوكتوبهرا بۆهرى دیاربوو، دهمێ لایهنهكى بهرگیرى ژ كهركووكێ كرى و لایهنێ دى كهركووك رادهستى بیانییان كرى!
