Adaptive Charging ژیێ پاتریا مۆبائیلا ته دێ درێژ كه‌ت
چ ژ هندێ خۆشتر نینه، نیشانا وای فای یا ب هێز بیت یان ژی پاتریا مۆبایلا ته ل ئاسته‌كێ بلند بیت و بارگا وێ به‌هرا ده‌مه‌كێ زۆر بكه‌ت. به‌لێ یا خۆیایه ژی ل گه‌ل بكارئینانا مۆبایلێ بۆ ده‌مێن درێژ، بارگا پاتریێ ژی ل كێمیێ دده‌ت ژ به‌ر كو كێم جاران مۆبایل ژ ده‌ستێن مه دهێته ده‌ر، ژبلی ده‌مێ نڤستنێ، یا زانایه ژی دانانا مۆبایلێ ل سه‌ر بارگه‌كرنێ هه‌تا سپێدێ و بۆ ده‌مێن زۆر زیانێن خوه هه‌نه.
به‌لێ وه‌رن ئه‌ڤرۆ به‌حس ل “Adaptive Charging” بكه‌ین ئه‌وا كو نها ژ لایێ كۆمپانیێن به‌رهه‌مئینه‌رێن مۆبایلان ڤه دهێته پێشخستن كو پاتریا مۆبایلێ د پارێزیت دا كو ژیه‌كێ مه‌زنتر ببه‌ت.
بارگا خوه گۆنجاندنێ “Adaptive Charging” چیه و چاوان كار دكه‌ت؟
بارگا خوه‌گۆنجاندنێ دووڤچوونا شێوازێ ته یێ بارگه‌كرنا پاتریا مۆبایلێ دكه‌ت، ئانكو كار ل سه‌ر زیره‌كیا ده‌ستكرد كه‌ت بۆ رێكخستنا له‌زاتیا بارگه‌كرنێ، بۆ نمۆنه تو ب شه‌ڤ هه‌تا سپێدێ دهێلیه ل سه‌ر بارگه‌كرنێ ئه‌و دێ وه‌سان مۆبایلێ رێك ئێخیت كو هه‌تا سپێدێ د بارگێ دا بیت هه‌تا پڕ دبیت.
كارتێكرنا بارگه‌كرنا خوه‌گۆنجاندنێ چیه ل سه‌ر مۆبایلێ؟
پشتی نڤستنێ و گه‌هشتنا بارگێ ب 100%ێ و ل گه‌ل هنده‌ك ئه‌پلیكه‌یشنان و خزمه‌تێن به‌رده‌وام د كاركرنێ دا و بارگێ دبه‌ن و دبیته 98% یان 99%ێ ئێكسه‌ر ئه‌و بارگا هاتیه مه‌زاختن پڕ دبیته‌ڤه، ژ به‌ر هندێ ژی كارتێكرنه‌كا خراب ل سه‌ر پاتریا مۆبایلێ دبیت و ناهێلیت خولا بارگه‌كرنێ ب دروستی كارێ خوه بكه‌ت.
ل ڤێره كارتێكرنا بارگه‌كرنا خوه‌گۆنجاندنێ كار ل سه‌ر كێمكرنا خولا بارگه‌كرنا به‌رده‌وام دكه‌ت و ب ڤێ چه‌ندێ پاتریا مۆبایلێ ب سلامه‌ت دئێخیت و ژیێ وێ درێژتر لێ دهێت.
ل دووماهیێ دێ بێژین ئه‌ڤ خزمه‌ته ل سه‌ر هه‌موو جۆرێن مۆبایلێن نوو كار دكه‌ت، دبیت ناڤێ وێ ژ مۆبایله‌كێ بۆ ئێكا دی یا جودا بیت، به‌لێ سیسته‌مێ كاركرنا وان ئێكه. هه‌كه سپێدێ ژ خه‌و رابوویی و بارگا پاتریا مۆبایلا ته 100% نینه، ئه‌و بزانه ل ڤێره بارگه‌كرنا خوه‌گۆنجاندنێ یا كارێ خوه دكه‌ت.
