NO IORG
Authors Posts by باڤێ نازێ

باڤێ نازێ

باڤێ نازێ
14 POSTS 0 COMMENTS

7

باڤێ نازێ
37
ـ قه‌هره‌مانا من دبێژه‌:” هه‌موو ژیانا خوه‌, ئه‌ز ل هێڤیا گۆتنه‌كێ یان ژی دیاریه‌كێ بووم كو بهشتا ئه‌ز ژ به‌ر
دلپاكیێ بگریم, هیسرێن وه‌ها جاره‌كێ ژ چاڤێن من هاتن خوارێ و جارا پێشین بوو كو من هه‌ست پێ كر ئه‌و هێسر ژ دلێ من دبارن نه‌ كو ژ چاڤێن من.
ئه‌ز ژی وه‌كو قه‌هره‌مانا خوه‌ ل هێڤیا خه‌لاته‌كێ ژ بۆ به‌رهه‌مێن من, لێ مخابن نۆكا ئه‌و هێڤی بوویه‌ خه‌ونه‌ك و ب هشیاربوونێ نایێ دیتن.
ـ د ژیانا من ده‌, سێ ته‌وه‌رێن خوه‌ گوهه‌رتنێ كه‌تن پێشیا من: یه‌ك ژی ئایینی بوو. ئه‌و ژی ژ زارۆكتیا من هه‌تا بگهێ سنێلتیا من, شۆپا ڤێ ته‌وه‌رێ من ژ بنه‌مالا خوه‌ وه‌رگرتبوو. ژبه‌ر باڤ و كالكێن من كو هه‌موو مه‌لالی بوون, ب ڤێ ژی ئایینی گرتبوو سه‌ر بنه‌مالا مه‌.
ته‌وه‌رێ دویه‌م ئیدیۆلۆژیا كۆمینیزمێ بوو. ئه‌ڤێ ژ خۆرتانیا من ده‌ست پێ كر و هه‌تا سیه سالیا من درێژكر.
من دا سه‌ر ڤێ شۆپێ ژ به‌ر كو دورووشما سه‌ره‌كه‌ یا ڤێ ئیدیۆلۆژیێ وه‌كهه‌ڤی بوو.
ژ خوه‌ هین د قۆناغا خوه‌ ده‌ یا پێشین ژ باڤێ خوه‌ وه‌كو مه‌لا دپرسی: ” ژ بۆ چ هنده‌ك كه‌س فه‌قیرن و هنده‌ك
دده‌وله‌مه‌ندن؟” ئه‌وی گۆت:” هه‌ر تشت د ده‌ستێ خوه‌دا ده‌ یه‌, و ل ئاخره‌تێ چیێ فه‌قیرا بهشته‌”.ته‌وه‌رێ سیه‌م, كو د ژیانا خوه‌ ده‌, من دا سه‌ر ریا هه‌ستا نه‌ته‌وی و وه‌لاتپارێزی بوو, ژ سیه سالیا خوه‌ من ده‌ست پێ كر.
و هه‌ر ده‌م ئه‌ڤ پرس ب من ره‌ چێ دبوو:” ئه‌ڤه‌ بۆچ مه‌ كوردان مافێن خوه‌ ونداكری و و چ تێته‌ خوه‌ستن ئه‌م ل
خوه‌ ڤه‌گه‌رینن؟ گه‌له‌ك شۆپ دچوون سه‌ر ڤێ رێبازێ و ئه‌ز دبێژم هه‌تا نوها وه‌كو تێته‌ خوه‌ستن من گاڤێن خوه‌ ل سه‌ر ڤێ ریێ نه‌ئاڤێتینه‌. ژ به‌ر ڤێ چه‌ندێ هین ئه‌ز دخاچه‌رێكه‌كێ ده‌ مه‌ كه‌ ئه‌و ژی نڤیسه‌ریه‌, و ئه‌و ژی خه‌باتا ل سه‌ر مه‌رۆڤاتیێ یه‌ و ئه‌ڤ ژی پسپۆریا هه‌ری دژواره‌. ئایا ئه‌ز دشێم ب ڤێ دلێمێ رابم؟
مخابن به‌رسیڤ ل جه‌م من نینه‌.
ـ ئه‌ز دبێژم بێ ده‌نگی ب هزرا خوه‌, ژ یا ئاخڤتنێ كوورتره‌. ژ به‌ر كو دگه‌نگه‌شێ ده‌, پرێ جاران راستی وندا دبه‌, لۆما ژی راستی ب مه‌رۆڤێ بێ ده‌نگ ره‌ دمینه‌, ب هه‌ستێ ژی ژ گری و قێرینێ ب ئێشتره‌, و ئه‌و بێ ده‌نگیا ڤان خسله‌تان دستینه‌, گه‌ره‌ك ل گۆرا ده‌می بت.
ـ هه‌زركرنا ژ دل نه‌ پیڤانێن خوه‌ هه‌نه‌ و نه‌ ژی سینۆر. ئه‌ڤه‌ كی دكاره‌ ڤێ ئه‌ڤینێ ڤه‌شێره‌. ئه‌رێ ئه‌ڤ نایێڤه‌شارتن, لێ هه‌ر سه‌رمۆكی یه‌, و هه‌موو ته‌مه‌نان دده‌ به‌ر خوه‌, ب ڤێ ژی ره‌سه‌نیا خوه‌ دستینه‌. و نه‌ ب ده‌ره‌وا تێته‌ گۆتن ئه‌ڤینا ژ دل. به‌ختیاری بخوه‌ یه‌. مانه‌ ئه‌ڤین به‌خچێ ژیانێ یه‌ و پێدڤیه‌ ته‌نێ كولیلك تێده‌ شین ببن.
ـ ده‌ما ئازادیا من باسكۆكی دبه‌, هزرا من شه‌ڤره‌شه‌كی دبه‌ و ئه‌ز د چوونا خوه‌ ده‌ دته‌رپه‌لم.

1

باڤێ نازێ
36
سالا 1991 ب سه‌رهلدانا كوردان ل باشور, دیسا رێژێما فاشیست, ب به‌لافرێن خوه‌ یێن له‌شكری باژار و گوند بومه‌بارانكرن, دیسا هۆڤیتیا خوه‌ دانه‌ خۆیاكرن. هه‌ر ده‌وله‌تێن جیهانێ خوه‌ بێده‌نگكرن و ژ ئه‌نجام ب سه‌د هزاران مله‌ت ژ گوند و باژارێن خوه‌ هاتن ده‌ر و بوونه‌ مشه‌خت..!
ل ڤر, دۆستا گه‌لێ كورد دانیال میتیران هه‌موو پشتگر ژ كوردان ره‌كر و ب هه‌رئاویی پێكۆل كر ل گه‌ل هه‌ڤژینیێ خوه‌ سه‌رۆك كۆمارێ فرنسی كو ژ بۆ پشتگریێ ریه‌كێ ببینن.
ژ خوه‌ ڤێ پێكۆلێ نوونه‌رێ فرنسا ل ئه‌نجوومانا ئه‌وله‌كاریێ دۆزه‌ك د بن ئه‌مرا خوه‌ دانی به‌ر ئه‌ندامێن ئه‌نجوومانی.
ژ خوه‌, ژ بۆ كو ئه‌ڤ بریار بێته‌ سته‌ندن و ده‌وله‌تا سۆفیه‌ت ڤیتۆ ب كار نه‌ینه‌, من پێوه‌ندی ل گه‌ل هێز و كه‌ساتیێن نه‌ته‌وی كر كو ئه‌م ل به‌ر وه‌زاره‌تا ژ ده‌رڤه‌ ل مۆسكۆ بكه‌ڤن گره‌ ڤا برچیبوویێ. و ب ڤێ ژی ئه‌م نێزی ده‌ه كه‌سان سیێ نیسانێ كه‌تن گره‌ڤا برچیبوونێ . دوره‌ ئه‌ڤ هه‌ژمار ژێده‌تر به‌.
ئه‌م سێ رۆژ و سێ شه‌ڤان ل به‌ر دیوارێ وه‌زاره‌تا ژ ده‌رڤه‌ یا سۆڤیه‌تی مانه‌ د گراڤا خوه‌ ده‌ و بخوه‌سته‌كا كو
سۆفیه‌ت ڤیتۆ بكارنه‌ئینه‌.
ل نیسانێ وێ سالێ ئه‌نجومانی ئه‌وله‌كاری یا ناڤنه‌ته‌وی بریار دبن نه‌وا 615 سته‌ند و ب ڤێ ژی نوونه‌رێ ده‌وله‌تا سۆفیه‌ت د ده‌نگدانێ ده‌ ڤیتۆ بكار نه‌ئانی.
و ب ڤێ بریارێ هه‌ریمه‌ك ئه‌وله‌وی ژ بۆ كوردان هاته‌ دانین و ب چ شێوه‌ی نه‌ دبو كو كوشۆردیا ئیراق چه‌ك ل به‌ر و ئاسیمانا به‌رامبه‌ری هه‌ریما ئه‌وله‌وی بكاربینه‌.
ب سته‌ندنا ڤێ بریارێ مه‌ گره‌ڤا خوه‌ یا برچیبوونێ راوه‌ستاند و مه‌ به‌رێ خوه‌ دا قونسلێ عیراقێ ل مۆسكۆ و ل به‌ر ده‌رگه‌هێ مه‌ هۆڤیتیا رژێما سه‌دامی پرۆتست كر. لێ چه‌ند گه‌نجان ئێریش برن سه‌ر پۆلیسێن سۆفیه‌تی یێن كو قونسلی دپاراستن. لێ ئه‌ز كه‌تم پێشیا وان و ب هه‌ر ئاوایی من خوه‌ست ئه‌ز وان راوه‌ستینم, ژ به‌ر كو شه‌ڕ ب پۆلیسێن سۆفیه‌تی ره‌, نه‌ ژ به‌رژوه‌ندیا مه‌ بوو. لێ گه‌نجان هه‌ر پێكۆل كرن و ئێرشا خوه‌ به‌رده‌وام كرن,
ل ڤر هه‌ر ئه‌ز كه‌تم پێشییا وان و من گۆت:” ئه‌م هاتنه‌ شه‌ڕ ب پۆلیسی ره‌ بكن, یان ئه‌م هاتن به‌ر قونسل كو رێژێما سه‌دام پرۆته‌ستۆ بكن؟”
ئه‌ڤ گه‌نجێن مه‌ بنه‌مالێن وان پڕ ژ رێژیما سه‌دامی ئێشیان بوو, و ب هه‌ر ئاوای دخوه‌ستن خوه‌ بگهینن، كارمه‌ندێن قونسلیێ و وان ب ئێشینن, لێ پۆلیس رێ نه‌ددا, وان دیسا بهێز ئه‌ز دهڤاندم و ئه‌ز كه‌تم, ب كه‌تنا خوه‌ ئه‌ز سه‌ر هشێ خوه‌ چووم. و ته‌ختوره‌ك ژ بۆ من ئانین.
ـ هه‌گه‌ر ئه‌م كورد, ل پاشلا دیرۆكێ بنه‌رن, ئه‌مێ بینن كو بهسرێن ژ به‌ر تراژیدیا گه‌لێ مه‌, دداوه‌رڤه‌, ئه‌ڤجا ژ به‌ر چ ئه‌م وه‌ها ناكن هێسر كێم ببن و گرنژین بكه‌ڤه‌ سه‌ر كارتا وه‌لاتێ مه‌.

15

باڤێ نازێ
33
ب ده‌ركه‌تنا ژ ئاڤاهیا ڤێ ده‌ستگه‌هێ, ب گری من به‌رێ خوه‌ دا مه‌یدانا سۆر… هه‌ر كه‌سێن پیرگی هاتی ل من
دنه‌رین و هه‌ر من ژی هێسرێن خوه‌ دباراندن و ژ خوه‌ ره‌ دگۆت:”هه‌تا كه‌نگی ئه‌مێ خوه‌ بێ ده‌نگ بكن؟!”
ـ ل مۆسكۆ سێ دۆستێن كو ئه‌م پڕ نێزیك هه‌ڤ بوون و چ ده‌ما ئه‌م ب هه‌ڤ ره‌ روونشتن, ئاخڤتنا مه‌ دچوو سه‌ر
ئه‌ده‌ب, جاره‌كێ من ئه‌ڤ پرس ژ وان كر:
+ خسله‌تێن نڤیسكارێ چ نه‌؟ تێته‌ بیرا وه‌؟
یه‌كێ ژ وان دۆستان گۆت:
+ ها چ بوویه‌, دیاره‌, ئێدی تو ڤان خسله‌تان د خوه‌ ده‌ دبینی؟
لێ من پرسی:
+ ئه‌و خسله‌ت چه‌ند بوون؟
+ سێ بوون.
+ ئه‌و چ بوون ته‌ دكاری بناڤ بكی؟
+ ته‌ دگۆت یه‌ك ژ وان مه‌وهیبه‌یه‌”به‌هره‌میه‌” كو ئه‌و ژی ب ده‌ستێ خوه‌دای یه‌, یا دن ژی ته‌جریبا”سه‌ربۆڕا”
شه‌خسی, د ژیانێ ده‌, ئه‌و ژی ب مه‌رۆڤی ڤه‌ گرێدای یه‌, و یا سێ خه‌باتا بێی ئه‌تلاهی”بێی راوه‌ستاندێ” ل سه‌ر
خوه‌ و نڤیسێن خوه‌.
ل ڤر دۆسته‌كێ دن گۆتن بری و گۆت:
+ ژ خوه‌ ئه‌ڤ خسله‌ت تو جاری ل جه‌م ته‌ په‌یدا نابه‌, ژ به‌ر كو چاوا ئه‌ز ته‌ ناس دكم, تو مه‌رۆڤه‌كێ ته‌نپه‌لی.
من ژی گۆت:
+ نه‌ خه‌مه‌, لێ ژ ڤان خسله‌تان یا چارێ چی یه‌؟
+ ئه‌ڤجا, ئه‌ڤ چ خسله‌ته‌ گری؟ هه‌ما هه‌ر سی هه‌ڤالان ب هه‌ڤ ره‌ پرسین.
+ ژ خوه‌, پرسا من ژ وه‌ ئه‌ڤ پرسه‌.
یه‌كێ ژ دۆستان گۆت:
+ قه‌ی ئاشۆپی یه‌.
+نا, ئه‌ڤ ژ خسله‌تێن به‌هره‌ێ یه‌.
هه‌مویان خوه‌, بێ ده‌نگ كرن و من ژی پرسی:
+ بێژن, ئه‌م ته‌سلیم, ئه‌زێ ژ وه‌ره‌ بێژم.
+ ته‌سلیم! وان ژی ب هه‌ڤ ره‌ گۆتن.
+ خه‌تا نه‌خوه‌شك كو ب زۆری تێ خوه‌ندن ژ خوه‌ چ نڤیسه‌ر و زانیارێن كو هه‌بوون, پڕانیا وان خێزا نڤێسینا
وان گه‌له‌كێ بێ سه‌ر و به‌ربوون. ئه‌ڤ خسله‌ت من به‌ری ده‌مه‌كێ ئه‌گه‌هداری ل سه‌ر وه‌رگرت و من ژ خوه‌ ره‌
گۆت, هه‌ما كی چ دبێژه‌ به‌لا بێژه‌, خسله‌ته‌ك نڤیسكاریێ ب من ڤه‌بوو.

6

باڤێ نازێ
32
ـ دوژمن دخوازه‌ كورد خوه‌ وندا بكن, هنده‌ك هێزێن مه‌ ژی هه‌نه‌ دخوازن هه‌ستا نه‌ته‌وی یا كوردان ته‌ڤلهه‌ڤ
بكن.
ـ سالا 8918 “كۆمیتا پشتگریا ئاسیا و ئه‌فریقا” ب هه‌لكه‌فتا ل دارخستنا ئاهه‌نگا به‌ره‌ڤانیا هه‌رێما مۆسكۆ یا
له‌شكری, ئه‌ز هاتم داوه‌تكرن. ژ بۆ ڤێ ئاهه‌نگێ ژ هه‌فتێ وه‌لاتان هاتبوون داوه‌تكرن. ژ نوونه‌رێن پێنچ وه‌لاتان و
من خوه‌ست كو ئه‌م گۆتنێن خوه‌, د ئاهه‌نگێ ده‌ پێشكێش بكن, مه‌ ژی په‌سه‌ندكر.
ب گهشتنا مه‌, به‌رپرسێ له‌شكری كو جنه‌رال بوو, ئه‌و مێڤانێن كو دڤیا بۆ گۆتاربێژا خوه‌ د ئاهه‌نگێ ده‌ بكن, داوه‌تی نك خوه‌ كرن, ب هه‌ڤدیتنێ ئه‌وی ژ مه‌ خوه‌ست ئه‌م ده‌قا گۆتاربێژا خوه‌ شانی وی بدن دا ئه‌و ل سه‌ر ناڤه‌رۆكا وان ئاگه‌هداربت. پێنچ كه‌سێن كو ئه‌ز ل گه‌ل وان بووم گۆتاربێژا خوه‌ دانین به‌ر. لێ من ژێره‌ گۆت:”
ژ بۆ ئاخڤتنا خوه‌, من تشته‌ك نه‌نڤیسیه‌” ئه‌وی سه‌رانه‌سه‌ر ژ من ره‌ گۆت:” ئه‌م نه‌شێن ئاخڤتنێ بدن ته‌,
هه‌گه‌ر ئاگه‌هیا مه‌ ل سه‌ر ناڤه‌رۆكێ نه‌بت”.
ل ڤر ژ من خوه‌ست, ئه‌ز بچم هۆلێ ناڤ كه‌سێن پشكدار, ئه‌ز ژی ده‌ركه‌تم و من جیێ خوه‌ ل هۆلێ گرت.
نوونه‌رێ كۆمێتا پشگریا ئاسیا و ئه‌فریقا كو ئه‌ز داوه‌تی ڤێ جڤینێ كر بووم, رۆمانا من”چیایێ ب خوینێ ئاڤدای” كو سالا 8918 ب زمانێ رۆسی هاتبوو وه‌شاندن, و خوه‌ندبوو. ب هه‌ڤدیتنا مه‌ ب هه‌ڤ ره‌ مه‌ هه‌ر ده‌م گه‌نگه‌شه‌ ل سه‌ر پرسا كوردی دكر. ب ڤێ ژی وی هه‌لوه‌ستا من ل سه‌ر سیاسه‌تا شۆفیه‌تێ باش دزانی.
كه‌نگی د جڤینێ ده‌ ل سه‌ر ده‌پێ ده‌ست ب ئاخڤتنێ بوو. ئه‌و كه‌سێ كو ئه‌ز داوه‌تی ڤێ شه‌ڤێ كربووم. ل هۆلێ
هاته‌ نك من و دگووهێ, من ده‌, ژ من ره‌ گۆت:” كو بریار سته‌ند كو تو ژی گۆتنا خوه‌ بێژی, و كه‌نگی ناڤێ ته‌
بێته‌ خوه‌ندن, ده‌ركه‌ڤه‌ سه‌ر ده‌پێ و گۆتنا خوه‌ ببێژه‌, و هێڤیا من ئه‌وه‌ تویی ب گۆتنا خوه‌ من ته‌نكاڤ نه‌كی.”
و كه‌نگی ناڤێ من خوه‌ندن ئه‌ز ده‌ركه‌تم سه‌ر ده‌پێ و ل ته‌نشتا گۆتاربێژێن دن, من ڤی شێوه‌ی ده‌ست ب
ئاخڤتنا خوه‌ كر:”شه‌ڕمه‌ و بیێ رومه‌تیی ده‌ما یه‌ك سه‌رێ خوه‌ دچه‌مینه‌, لێ ئه‌م كورد شه‌ڕم ناكن, هه‌گه‌ر
ئه‌م سه‌رێن خوه‌ ل به‌ر دایكێ ده‌ینن, وه‌ها ژی ئه‌م شه‌ڕم ناكن هه‌گه‌ر ئه‌م سه‌رێ خوه‌ ل به‌ر پێشمه‌رگه‌یێن خوه‌
بچه‌مینن, ژ به‌ر كو وان ب مێرخاسیا خوه‌ رۆمه‌تا مه‌ كوردان پاراستنه‌.
ئه‌م كورد شه‌ڕم ناكن, ئه‌م سه‌رێن خوه‌ ل به‌ر ئۆردیا سۆر كو جیهان ژ فاشیزمێ رزگاركر, بچه‌مینن, و ئه‌ز وه‌كو كورد ئه‌ز سه‌رێ خوه‌ ل به‌ر وه‌ نه‌ڤیێن ئۆردیا سۆر, دچه‌مینم و ب رومه‌تی ل وه‌ دنه‌رم..” ب ڤێ ژی من گۆتنا خوه‌ ب داوی ئانی…
ده‌ما ئه‌م ڤه‌گه‌ریان مۆسكۆ به‌رپرسێ” كۆمیتا پشگریا ئاسیا و ئه‌فریقا” خه‌لاتا رێخستنا خوه‌ ب ڤێ گۆتنێ دانه‌
من:” ئه‌ڤ خه‌لاتا مه‌ یا هه‌ری بلنده‌, كو ئه‌م دشێن ب یه‌كێ ڤه‌كن…”
ب ڤێ گۆتنێ خه‌لات دا ده‌ستێ من و گۆتنا خوه‌ به‌رده‌وامكر:”كوردنۆ! شه‌ڕم نه‌كن ل ده‌رگه‌هێن هه‌مو ده‌وله‌تێن
جیهانێ خن و دۆزا مافێن خوه‌ بكن…”

1

باڤێ نازێ
31

ل گۆرا یاسایێن سوێدی, مه‌رۆڤێ كو ده‌ست ب كاری دكه‌, هه‌تا شه‌ش هه‌یڤان كو كارێ وی نه‌باش بت, خوه‌دیێ كاری دشێت وی ژ كار بهاڤێژه‌, لێ پشتی شه‌ش هه‌یڤان پێدڤیه‌ ئه‌و وه‌كو كاركه‌ره‌كێ فه‌رمی بێته‌ په‌سه‌ندكرن.
كاركه‌رێ فه‌رمی دشێت هه‌تا هه‌تا ل خه‌باتا خوه‌ بمینه‌.
پشتی سێ هه‌یڤان ژ كارێ خوه‌, خوه‌دیێ كار ئه‌ز داوه‌تی نك خوه‌ كرم و ژ من ره‌ گۆت:”تو باش كارێ خوه‌ دكی, دیاره‌ ل وه‌لاتێ خوه‌ ژی ته‌ ئه‌ڤ كاردكر, ژ به‌ر ڤێ چه‌ندێ ئه‌م به‌رێ ده‌مێ ته‌ وه‌كو كاركره‌كێ فه‌رمی په‌سه‌ندكن”.
ژ خوه‌ ل سوێدێ كه‌نگی یه‌ك دبه‌ د كارێ خوه‌ ده‌ دبه‌ كاركه‌ره‌كێ فه‌رمی, ئێدی ژیان ل به‌ر ڤه‌دبت, ئه‌و دشێت په‌ڕان ژ به‌نگێ ب ده‌ین وه‌ربگره‌ و دشێت شقاكێ ل سه‌ر ناڤێ خوه‌ كرێ بكه‌. ب گۆتنه‌كه‌ دن ئه‌و دبه‌ هه‌ڤوه‌لاتی. لێ ئه‌ز نه‌گه‌هشتم ڤێ ئاستێ ژ كارێ خوه‌. پشتی چه‌ند رۆژان ژ بریارا خوه‌دیێ كاری, جاره‌كێ ده‌ما
فراڤینێ یه‌كێ ژ كاركران كو كورد بو, گازی من ب ڤی شێوه‌ی كر:
+ ده‌كتۆر!
من خوه‌ بێ ده‌نگ كر, ژ به‌ر من نه‌ دخوه‌ست كه‌س بزانه‌ ئه‌ز دوكتۆرم. و ئه‌وی كه‌سی, ب ده‌نگه‌كێ بلندتر گۆتنا خوه‌ دوباره‌كر.
ل ڤر یا به‌پرس, ژێ پرسی:
+ ئه‌ڤه‌ كی ده‌كتۆره‌؟
+ باڤێ نازێ ده‌كتۆرا خوه‌ ل سوفیه‌تێ وه‌رگرتیه‌.
پشتی فراڤینێ خوه‌دیێ كاری گازی من كر و ژ من پرسی:
+ ده‌كتۆرا ته‌ د چ ده‌ یه‌؟
+ د ئه‌ده‌ب ده‌.
+ ده‌ كا ئه‌م بچن مالا تو ژ بۆ كو ئه‌م دبلۆما ده‌كتۆرا تو ببینن.
وان ئه‌ڤ بریار سته‌ند ژ به‌ر كو هزره‌ك ب وان ره‌ چێ بۆ ئه‌ز نۆژدارم ب ڤی كارێ پاقژیێ ئه‌زێ كاربم ل مه‌خبه‌را وان, خوه‌ بگه‌هینم نه‌هێنیێن خه‌باتا وان, لێ كه‌نگی وان دیت كو ده‌كتۆرا من د وارێ ئه‌ده‌ب ده‌یه‌, ژ من پرسین:
+ ئه‌ڤه‌ بۆچى ده‌ما هه‌ڤدیتنا ل گه‌ل ته‌ و ژ تو پرسین, خوه‌ندنا هه‌تا كیژان پلێ یه‌, ته‌ گۆت”ناڤنچی؟”
+ ژ به‌ر كو من خوه‌ست, ئه‌ز كاربكم و گیانێ خوه‌ ئالیكاریا سوێئالیێ رزگاربكم. هه‌گه‌ر من گۆتبا من ده‌كتۆرا وه‌رگرتیه‌ وه‌ كار نه‌ ددا من.
ب ڤێ ژی ئاخڤتنێ ئه‌و چوون, و ئه‌ز ژی د پاشه‌رۆژێ ده‌ مام ل كارێ خوه‌, لێ پشتی ده‌مه‌كێ من ده‌ست ژ كارێ خوه‌ به‌ردا، ژبه‌ر كو ئه‌و كه‌سێن من ب وان ره‌ كار دكر, نه‌دهشتن ئه‌ز كارێ گران بكم و د شۆنا من ده‌, كارێ من دكرن.

2

باڤێ نازێ
ـ ئورۆپی و ئه‌مریكی, هه‌رده‌م په‌سنێ خوه‌, ب هۆمانیزما خوه‌ ددن. ب ڤێ ژی خوه‌ دكن باڤێ دیموقراسیێ و راستیێ, لێ تشتێ سه‌یر هه‌ر ده‌م ژی ده‌ره‌وه‌ بوویه‌ ژ بۆ به‌رجوه‌ندیا ده‌وله‌تێن وان, و نه‌بوونا تراژیدیا گه‌لێ مه‌ ل هه‌له‌بجه‌, ل به‌ر چاڤایه‌.
ب خوه‌ نه‌ دیتنا راستیێ ژ به‌ر دو ئه‌گه‌رانه‌: یه‌ك ژ به‌ر نه‌زانینێ یه‌ و یا دن ژ به‌ر نه‌خوه‌سته‌كێ یه‌, و هه‌ر یه‌ك ژ ڤان ئه‌گه‌ران یا دن كه‌مباختره‌, لێ پرس نه‌دیتنا ئورۆپی و ئه‌مریكا ژ به‌ر چیه‌؟ هه‌لبه‌ت نه‌ ژ به‌ر نه‌زانینێ یه‌ لێ ژبه‌ر خوه‌سته‌كا پاراستنا به‌رجوه‌ندیا خوه‌یه‌.
ـ ئه‌گه‌رێ كو هه‌تا نوكه‌ كورد نه‌بوونه‌ خوه‌دی ده‌وله‌ت چیه‌؟ هه‌لبه‌ت ئه‌و ژ به‌ر بێ ئیتیفاقیا مه‌یه‌. و ژ زارۆكان بگره‌ هه‌تا بگه‌هیه‌ مه‌زنان, دزانن كو سه‌ده‌ما تێكچوونا یه‌كێ چ د ژیانا وی یا تایبه‌ت ده‌ و چ د یا گشتی دا بت, بێ ئیتفاقیه‌, ئه‌ڤجا بۆچ, ئه‌م خوه‌, ب كرن و گۆتنێن خوه‌ ناكن یه‌ك؟ ئه‌گه‌ر یه‌كه‌, ژ به‌ر كو هه‌ر یه‌ك ژ مه‌ نه‌ ب كارێ خوه‌ را دبه‌, مه‌رۆڤێ سیاسی خوه‌ دكه‌ ره‌وشه‌نبیر و یێ ره‌وشه‌نبیر خوه‌ دكه‌ سیاسی یێ بازرگان خوه‌ دكه‌ دبلۆماسی ب ڤێ ژی كه‌س ژ مه‌ ژ كارێ خوه‌ تێ ناگهێ. هه‌گه‌ر یه‌ك ژ كارێ خوه‌ تێ ناگهێ, وێ چاوا بسه‌ركه‌ڤه‌؟
ـ ده‌نگێ نفشێ مه‌ نه‌ما تێ, ژ به‌ر كو مه‌ ئیدیالێ خوه‌ ونداكر و یه‌كه‌ دن نه‌كه‌ته‌ شوونا وی.
ـ خاكا ژیانێ بنگه‌هێ سه‌ره‌كه‌ ژ بۆ هه‌بوونێ یه‌, ژ به‌ركو بێ خاكا ژیانێ گیان دته‌ركه‌ و دووره‌ دفلشه‌. لێ مخابن ئه‌ڤه‌ ژێ نا یێ دیتن.
ـ باڤێ من دگۆت, ئێشا هه‌رێ ب ئێش یا بێ گریه‌, ئه‌و ژی ژ به‌ر كو نایێ دیتن. و ئیشا ڤه‌شارتی دهێله‌ مه‌رۆڤ بكه‌ڤه‌ ته‌نهایێ و ئه‌و ئێشا خوه‌, ته‌نێ ب هه‌ڤره‌ بمینن.
ـ باوه‌ریێ توجاری ب مه‌رۆڤێ كو ل گه‌ل ته‌ دئاخڤه‌ و دهه‌مان وه‌خت ده‌, چاڤێن وی د به‌ر وی ده‌ نه‌ نه‌ینه‌, ئه‌ڤ ژی ژی نیشانا بێ به‌هوه‌ریا وی بخوه‌ یه‌. ئه‌ڤچا ئه‌و كه‌سێ كو باوه‌ریا وی ب وی نایێ, دێ چاوا باوه‌ریا كه‌سێن دن پێ بت؟
ـ ده‌ره‌و تێته‌ فرۆتن, لێ راستی نا, ژ به‌ر ڤێ چه‌ندێ ده‌ره‌و ل هه‌ر ده‌ڤه‌ر تێته‌ دیتن و راستی ژی ب پڕانی ب خوه‌دیێ خوه‌ ره‌ دمینه‌.
ـ ئه‌و ده‌ڤه‌را كو به‌رێ خوه‌ ددێ یێ, هه‌گه‌ر تو ژ خوه‌ نه‌ ئه‌وله‌ بت, نه‌چه‌ و نه‌ ژی بزیڤره‌, لێ بكه‌ڤه‌ گه‌ریانێ ژ بۆ ریا دیتنێ.
ـ ئه‌و كه‌سێ تو ل گه‌ل د ئاخڤی, ب چاڤێن كرینێ لێ بنه‌ره‌, نه‌ ب یێن فرۆتنێ. ژ به‌ركو چاڤێن كرینێ د پاشه‌ڕۆژێ ده‌ دبن ب ئاورێن دۆستانی و هه‌ڤالینێ, لێ نه‌رینا ب چاڤێن فرۆتنێ دبه‌ ئه‌گه‌رێ نه‌هه‌ڤ دیتنێ.
ـ گوهه‌رتنا ژیانێ د سروشتێ ده‌, ب بای ڤه‌ گرێدای یه‌, ب سابوونا بای عه‌ور ژ جیێ خوه‌ دهه‌ركه‌ و بارانێ ل جۆرێن به‌ جور دبارینه‌. هه‌گه‌ر با رانه‌به‌, عه‌ور ل جیێ خوه‌ دمبنه‌ و تاریتیا وی دگره‌ سه‌ر ئه‌ردی.

14

باڤێ نازێ

29
ـ ئورۆپى و ئه‌مریكی, هه‌رده‌م په‌سنێ خوه‌, ب هۆمانیزما خوه‌ ددن. ب ڤێ ژى خوه‌ دكن باڤێ دیموقراسیێ و راستیێ, لێ تشتێ سه‌یر هه‌ر ده‌م ژى ده‌ره‌وه‌ بویه‌ ژ بو به‌رجوه‌ندیا ده‌وله‌تێن وان, و نه‌بوونا تراژیدیا گه‌لێ مه‌ ل هه‌له‌بجه‌, ل به‌ر چاڤایه‌.
ب خوه‌ نه‌ دیتنا راستیێ ژ به‌ر دو ئه‌گه‌رانه‌: یه‌ك ژ به‌ر نه‌زانینێ یه‌ و یا دن ژ به‌ر نه‌خوه‌سته‌كێ یه‌, و هه‌ر یه‌ك ژ ڤان ئه‌گه‌ران یا دن كه‌مباختره‌, لێ پرس نه‌دیتنا ئورۆپى و ئه‌مریكا ژ به‌ر چیه‌؟ هه‌لبه‌ت نه‌ ژ به‌ر نه‌زانینێ یه‌ لێ ژبه‌ر خوه‌سته‌كا پاراستنا به‌رجوه‌ندیا خوه‌ یه‌.
ـ ئه‌گه‌رێ كو هه‌تا نوكه‌ كورد نه‌بونه‌ خوه‌دى ده‌وله‌ت چیه‌؟ هه‌لبه‌ت ئه‌و ژ به‌ر بێ ئیتیفاقیا مه‌یه‌. و ژ زاروكان بگره‌ هه‌تا بگه‌هیه‌ مه‌زنان, دزانن كو سه‌ده‌ما تێكچوونا یه‌كێ چ د ژیانا وى یا تایبه‌ت ده‌ و چ د یا گشتى ده‌ بت, بێ ئیتفاقیه‌, ئه‌ڤجا بۆچ, ئه‌م خوه‌, ب كرن و گۆتنێن خوه‌ ناكن یه‌ك؟ ئه‌گه‌ر یه‌كه‌, ژ به‌ر كو هه‌ر یه‌ك ژ مه‌ نه‌ ب كارێ خوه‌ را دبه‌, مه‌رۆڤێ سیاسى خوه‌ دكه‌ ره‌وشه‌نبیر و یێ ره‌وشه‌نبیر خوه‌ دكه‌ سیاسى یێ بازرگان خوه‌ دكه‌ دبلوماسى ب ڤێ ژى كه‌س ژ مه‌ ژ كارێ خوه‌ تێ ناگهێ. هه‌گه‌ر یه‌ك ژ كارێ خوه‌ تێ ناگهێ, وێ چاوا بسه‌ركه‌ڤه‌؟
ـ ده‌نگێ نفشێ مه‌ نه‌ما تێ, ژ به‌ر كو مه‌ ئیدیالێ خوه‌ ونداكر و یه‌كه‌ دن نه‌كه‌ته‌ شوونا وی.
ـ خاكا ژیانێ بنگه‌هێ سه‌ره‌كه‌ ژ بۆ هه‌بوونێ یه‌, ژ به‌ركو بێ خاكا ژیانێ گیان دته‌ركه‌ و دووره‌ دفلشه‌. لێ مخابن ئه‌ڤه‌ ژێ نا یێ دیتن.
ـ باڤێ من دگۆت, ئێشا هه‌رێ ب ئێش یا بێ گریه‌, ئه‌و ژى ژ به‌ر كو نایێ دیتن. و ئیشا ڤه‌شارتى دهێله‌ مه‌رۆڤ
بكه‌ڤه‌ ته‌نهایێ و ئه‌و ئێشا خوه‌, ته‌نێ ب هه‌ڤره‌ بمینن.
ـ باوه‌ریێ توجارى ب مه‌رۆڤێ كو ل گه‌ل ته‌ دئاخڤه‌ و دهه‌مان وه‌خت ده‌, چاڤێن وى د به‌ر وى ده‌ نه‌ نه‌ینه‌,
ئه‌ڤ ژى ژى نیشانا بێ به‌هوه‌ریا وى بخوه‌ یه‌. ئه‌ڤچا ئه‌و كه‌سێ كو باوه‌ریا وى ب وى نایێ, دێ چاوا باوه‌ریا
كه‌سێن دن پێ بت؟
ـ ده‌ره‌و تێته‌ فرۆتن, لێ راستى نا, ژ به‌ر ڤێ چه‌ندێ ده‌ره‌و ل هه‌ر ده‌ڤه‌ر تێته‌ دیتن و راستى ژى ب پڕانى ب
خوه‌دیێ خوه‌ ره‌ دمینه‌.
ـ ئه‌و ده‌ڤه‌را كو به‌رێ خوه‌ ددێ یێ, هه‌گه‌ر تو ژ خوه‌ نه‌ ئه‌وله‌ بت, نه‌چه‌ و نه‌ ژى بزیڤره‌, لێ بكه‌ڤه‌ گه‌ریانێ ژ بۆ رێیا دیتنێ.
ـ ئه‌و كه‌سێ تو ل گه‌ل دئاخڤی, ب چاڤێن كرینێ لێ بنه‌ره‌, نه‌ ب یێن فروتنێ. ژ به‌ركو چاڤێن كرینێ د پاشه‌رۆژێ ده‌ دبن ب ئاورێن دۆستانى و هه‌ڤالینێ, لێ نه‌رینا ب چاڤێن فرۆتنێ دبه‌ ئه‌گه‌رێ نه‌ هه‌ڤ دیتنێ.
ـ گوهه‌رتنا ژیانێ د سروشتێ ده‌, ب باى ڤه‌ گرێداى یه‌, ب سابوونا باى عه‌ور ژ جیێ خوه‌ دهه‌ركه‌ و بارانێ ل
جۆرێن به‌ جۆر دبارینه‌. هه‌گه‌ر با رانه‌به‌, عه‌ور ل جیێ خوه‌ دمینه‌ و تاریتیا وى دگره‌ سه‌ر ئه‌ردی.

1

باڤێ نازێ
ژ ده‌رڤه‌ی وان هه‌تا رۆژا ئیرۆ كه‌س ب سه‌ر نه‌كه‌تیه‌، ئه‌ڤه‌ چ دهێله‌ كو گه‌لێن ڤان هه‌ دو ده‌وله‌تان نائێن گوهه‌رتن؟ گه‌لێ كو نه‌یێ گوهه‌رتن, ئه‌و و دیموكراسی؟ یان ژی ئه‌و و شاهرستانی؟ ل گه‌ل وه‌ها ژی. قه‌ده‌را مله‌تێن جیهانێ د ده‌ستێن وان ده‌ یه‌, ئه‌ڤجا چاره‌؟
ته‌نێ چاره‌ د گوهه‌رتنا گه‌لێن ڤان هه‌ر دو ده‌وله‌تان ده‌ یه‌ ژێ و پێڤه‌ دێ جیهان هه‌ر وه‌كه‌ خوه‌ بمینه‌.
ـ ده‌ما ئه‌ز د به‌ر پاناڤه‌ك زه‌ڤی كو من زارۆكتیا خوه‌ یا خۆرتانیا ل ور ده‌رباس كریه‌, ئه‌ز هه‌ستێ ب پیراتیا خوه‌
دكم و ئه‌ز باش تێ دگێهم كو ئه‌و ده‌م نه‌ما ڤه‌دگه‌ره‌.
ئه‌ڤجا بێ هه‌مدی خوه‌, ئه‌ز خه‌مگین دبم, و هه‌تا جارنا ژ ژیانێ بێ هێڤی دبم, لێ كه‌نگی ئه‌و ده‌نگێ زارۆكتیا
من ل به‌ر گۆهێن من دگه‌ڤه‌, ئه‌ز ژ خشمانیا خوه‌ شیاردبم و هه‌سته‌ك ب من ره‌ چێ دبت, ئه‌ز ڤێ قۆناغێ ل
خوه‌ ڤه‌گه‌رینم. ژ به‌ر ڤێ چه‌ندێ, ئه‌ز به‌رێ خوه‌ ددم قه‌له‌مێ, قه‌له‌م ژی به‌رێ خوه‌ دده‌ كاخه‌زێ و ب ڤێ ژی
ڤه‌ژناندنه‌ك دكه‌ڤه‌ هشێ من و ئه‌ز ژیانا خوه‌ وه‌كو تێته‌ خوه‌ستن ددومینم…
ـ كاك مسعود, ڤه‌كری دۆزا سه‌رخوه‌بوونا كوردستانێ دكه‌. و ئه‌ڤ ژی ژ بۆ كوردان مافه‌كێ ره‌سه‌نه‌… ژ بۆ سه‌رخوه‌بوونێ, كاك مه‌سعود ب دو كرنێن خوه‌ رێ ل به‌ر ڤی مافێ ڤه‌كریه‌, یه‌ك ژێ رێگرتن ل به‌ر شه‌ڕێ ناڤخوه‌ی و یا دویه‌م هه‌ڕفاندنا دیوارێ نه‌دانپێدانا ناڤنه‌ته‌وی ب مافێن كوردان.
ژ خوه‌ ژ به‌ر ڤان هه‌ردو كرنان, ئه‌ز دبێژم كاك مه‌سعود غاندیێ كوردایه‌, لێ مخابن هه‌گه‌ر غاندی جاره‌كێ ب
ده‌ستێ هه‌ڤوه‌لاتیێ خوه‌ هاته‌ كوشتن, لێ كاك مه‌سعود رۆژێ چه‌ند جاران تێته‌ كوشتن. ئه‌و ژی ژ به‌ر كو ل
سه‌ر ناڤێ وی تشت تێته‌كرن, بێی كو ئاگه‌هیا وی ل سه‌ر ڤان تشتان هه‌بت. كی چ دبێژه‌ به‌لا بێژه‌, لێ ده‌رگه‌هێ كاك مه‌سعود ژ بو گۆتنا راستیێ هه‌ر ده‌م ڤه‌كریه‌, لێ ئه‌و ریا كو دچه‌ به‌ر ڤی ده‌رگه‌هی, ب گه‌له‌ك ئاسته‌نگیایه‌.
ـ نۆكا ترك ل سه‌ر دیموقراسیا ده‌وله‌تا خوه‌, پر ئاخاڤتنن, و ئه‌ڤ ژی نه‌بینێ ده‌ره‌وه‌, ژ به‌ر ڤێ چه‌ندێ هه‌گه‌ر
ژ من ببرسن: تو دیموقراسیا ده‌وله‌تا ترك دخوازی یان دیكتاتوریه‌تا ده‌وله‌تا كوردان؟ ئه‌زێ ببێژم دیكتاتۆریه‌تا
ده‌وله‌تا كورد. ده‌ به‌لا پوستالا كوردان ل سه‌ر هۆستێ من به‌, لێ نه‌ یا دوژمنی.
ـ هه‌گه‌ر ژ من بپرسن مه‌رۆڤ بۆنه‌وه‌ره‌كی به‌رهه‌ڤه‌, یان گیانه‌وه‌ر, ئه‌زێ بێژم گانه‌وه‌ر. ئه‌و ژی ژ به‌ر كو مه‌رۆڤ
ب كرتێن خوه‌ ژ گیانه‌وه‌ران هۆڤتره‌.
ـ ئوروپی ب دیموقراسیێ خوه‌ شانه‌زه‌ دكن. لێ كێ فاشی و نازی, د ناڤ مه‌رۆڤان ده‌ چێ كر؟ هه‌لبه‌ت ئورۆپی
بوون. ڤێ ژی ئه‌و بوون ئه‌گه‌رێ په‌یدابوونا شه‌ڕێ ناڤنه‌توی كو ژ ئه‌نجاما وێ ب ده‌هان مه‌لیۆن مه‌رۆڤ هاتن كوشتن, ئه‌ڤجا ئوروپیۆ تو و دیموقراسی؟!

4

مانه‌ نڤیسه‌ر هه‌رده‌م ب فرا خوه‌ به‌ر ب ئاسیمانى ڤه‌ دفره‌, هون ژى دفرن یان نا؟ هون ب فرێ كه‌تنه‌, یان ژی
هون باسكۆكى نه‌؟ به‌رسیڤ ل جه‌م وه‌ یه‌.
ـ له‌زایه‌تی, ئه‌گه‌رێ تێكچونێ یه‌ ژبر شاشتیێ یه‌, لێ چاڤ نه‌باری, گازن ژى خه‌مساریێ ب خوه‌ ره‌ تینه‌, و ئه‌ڤ
هه‌مو له‌رزكێن هێڤیێ نه‌, هێڤى ژى فراڤینه‌ك باشه‌ لێ شیڤه‌ك خه‌رابه‌.
ـ ئه‌ز دبێژم مه‌رۆڤێ هه‌رى نه‌ به‌ختیار ل سه‌ر رویێ ئه‌ردى عیسایه‌, ئه‌و چوو بێى كو تشته‌كى ل دونیایێ ب
ده‌ستێ خوه‌ خینه‌, لێ سالانه‌ وى ڤه‌دژینن, ل كو دزانن ڤه‌گه‌ر ژێره‌ نه‌مایه‌. لێ خاچه‌په‌ره‌ست, هه‌ر وى سالانه‌
ڤه‌دژینن و موسلمان ژى دبێژن, و داویا دونیایێ وێ عیسا پێغه‌میه‌ر ڤه‌ژنه‌ و وێ ژ بیره‌وه‌ریێن خوه‌ بخوازه‌, ئه‌و
بینن موسلمان. هه‌گه‌ر وه‌ها به‌, چ به‌ختیارى ژێره‌ دمینه‌؟
ـ جوانى ب ترسه‌, یان ترسنوكه‌؟ كورد و ئه‌رمه‌نى ب جوانیا سروشتیا وه‌لاتێن خوه‌ بون, لێ ژ هه‌ڤ ب ترس
بون و ژ شونا جوانیێ ترسۆنه‌كتیى گرته‌ سه‌ر وان و بونه‌ دوژمنێن هه‌ڤ, ئه‌ڤ ژى ژ به‌ر نه‌زانى و ده‌ستێن
دوژمنان دناڤ وان ده‌ بو. ب ڤێ ژى كه‌مباخى و مالخه‌رابى ب سه‌ر وه‌لات و گه‌لێن وان ڤه‌ هات.
ـ ئه‌ز دبێژم ئه‌گه‌ر ئه‌م هزرێن سه‌ركارێن ترك, عه‌ره‌ب و فارسان, د ده‌رحه‌قا كوردان ده‌, داوه‌رڤینن, ئه‌مێ
ببینن دلوپه‌ك راستیێ د ناڤ ده‌ نه‌بینن. ل سه‌رهلان ده‌, خوه‌ دكن باڤكێن راستیێ و هه‌تا شاهرستانیێ. و نه‌
لێهاتنه‌ هاتیه‌ گۆتن: ” ژ ده‌ره‌وه‌كێ ده‌ره‌وه‌ك ده‌ر تێت.”
ژ به‌ر ڤێ چه‌ندێ دلۆپێن ده‌ره‌وێن وان دبن باران, ژ ده‌ڤ و چاڤێن وان دبارن, لێ هه‌ر ئوروپی, روس و ئه‌مریكی
نابینن, یا راست هه‌گه‌ر ژ بارانێ له‌هى رابت, لێ هه‌ر ژ وان نایێ خویاكرن.
ـ دژواریا د ئاخڤتنێ ده‌, نه‌ ب پربونا گۆتنا یه‌, لێ ب نه‌بوونا وانه‌. و ب نه‌بوونا وان ئاخڤتن بێى هزر دبه‌, و
ئاخڤتنا بێى هزر وه‌كو ره‌شاندنا ب تڤنگێ ل كه‌سێن هاویر دۆرێ. ژ خوه‌ ئاخڤتنا ب گۆتنێن د جیێ خوه‌ ده‌,
خه‌ملا جوانى و هشمه‌ندیێ ب مه‌رۆڤى ڤه‌دكه‌, و ئه‌ڤ ژى بێیى دلوڤانێ نایێن به‌رجه‌ستكرن.
ـ دبێژن كو زمانێ كوردى زمانێ دوژه‌هێ یێ فه‌رمى یه‌, ئه‌ڤ بریار یا خوه‌داى یه‌ یان ژى یا بێخه‌مبه‌ر بت,
بریاره‌ك دروست و د جێ خوه‌ ده‌ یه‌, ژ به‌ر كو ل ئاخره‌تێ ده‌ستهه‌لاتدارێن ترك, و فارس و عه‌ره‌ب دچن
دوژه‌هێ, ئه‌وان ل دونیایێ زمانێ كوردى ل كوردستانێ قه‌ده‌غه‌كربون, ل ئاخره‌تێ پێدڤیه‌ ئه‌و خوه‌ فێرى ڤی
زمانى بكن, ئه‌و دبێژن هه‌گه‌ر وه‌ها بت, ئه‌مێ زمانێ كوردى ل ڤر ژى قه‌ده‌غه‌ بكن, ژ به‌ر كو ئه‌و جیێ لێ بن,
پێدڤیه‌ ناڤێ كورد و كوردستان نه‌یێن سه‌ر زمانی.
ـ ئه‌و مه‌رۆڤێ كو دهوندورێ خوه‌ ده‌, ئازاد بت, چ تێته‌ خوه‌ستن ئه‌و دشێت ببێژه‌ و بكه‌, ب ڤێ ژى ئه‌و ب
ڤیان و خوه‌سته‌ك دده‌ سه‌ر وێ ریا كو وى به‌ر ب ئارمانجێ ڤه‌ دبه‌, چ ژ بو ژیانا وى یا تایبه‌ت و چ ژ بۆ یا
گشتی.
ـ ئه‌مریكا و ئینگلته‌را كو خوه‌ كرنه‌ باڤێن دیموقراسیێ و ئه‌ڤه‌ بویه‌ ب سه‌دسالان كو دو پارتى حوكم ل ڤان
هه‌ر وه‌لاتان دكن. ل ئه‌مریكایێ پارتا جه‌مهورى و یا دیموقراسى و ل ئینگلترا ژى پارتیا موهافزنیا و یا كاركران.

8

باڤێ نازێ
ـ ئه‌ز دخوازم هه‌لوستا شێخ سه‌عید ل به‌ر دادگه‌هێ و یا ئوجه‌لان ژی بشتی گرتنا وی پیشكێشی وه‌ بكم, ل ڤر
ئه‌زێ ب به‌رسیڤا شێخ سه‌عیدی ده‌ستپێبكم: حاكمێ ترك ژێره‌ دبێژه‌:
+ تو بووی ئه‌گه‌رێ كوشتنا ب سه‌دان له‌شكه‌رێ ده‌وله‌تێ, ئه‌ڤه‌ ژی سزایه‌ و پێتڤیه‌ تو لێهبورینێ ژ دایكێن وان
بخوازه‌!
شێخ سعیدی ب ڤی شێوه‌ی به‌رسیڤێ دده‌:
+” ئه‌ز لێهبورینێ ناخوازم, ژ به‌ر كو ئه‌ڤ تشته‌كێ دوری عاقلایه‌, لێ وێ كی لێهبورینێ ژ دایكێن شه‌هیدان یێن
كو له‌شكه‌ران ئه‌و كه‌شتین بخوازه‌؟ و كی وێ هیسترێن ڤان دایكان زوها بكه‌؟
هه‌گه‌ر پێتڤی لێهبورینێ هه‌بت, ئه‌زێ لێهبورینێ ژ وان دایكێن كو من كورێن وان به‌شداری سه‌رهلدانێ كرین,
بخوازم.”
ئۆجه‌لان ژی ده‌ما مه‌هكه‌ما وی ده‌ست پی كر, ئه‌وی به‌رێ خوه‌ دا دایكێن له‌شكه‌رێن ترك كو هاتبون كوشتن,
ب سه‌ری چه‌ماندن ژ وان ره‌ گۆت:
+ ئه‌ز لێبورینێ ژ وه‌ دخوازم!
لێ دایكان ب قێرین لێهبورینا وی په‌سه‌ندنه‌كرن و دۆزا ب دارڤه‌كرنا وی كرن.
وه‌كو ئه‌م دبینن شێخ سه‌عید لێهبورینێ ژ دایكێن شه‌هیدان خوه‌ست لێ ئۆجه‌لان ژ دایكێن له‌شكه‌رێ تر.
ل گه‌ل وه‌ها ژی هه‌ر پ.ك.ك وی سه‌رۆك و باڤێ خوه‌ دبینه‌ و هه‌ر ده‌ما كو ئه‌ندامێن پ.ك.ك ب سرودێن خوه‌
دبێژن: ” شه‌هید نامرن؟ و پێره‌ پتره‌ دبێژن بژی سه‌رۆك ئاپۆ!” دڤێ سرۆدا “بژی سه‌رۆك ئاپۆ” ئێدی شه‌هید
دمرن و دایكێن وان تێنه‌ ژبیركرن.
ـ ئه‌زێ ب راستی ژ وه‌ ره‌ بێژم: چاوا پربونا هێزێن كوردێن سیاسی من دترسینی, وه‌ها ژی پربونا رێكخستنێن
نڤیسه‌رێن كورد. ل ڤر ئه‌ز ناخوازم ل سه‌ر هێزێن مه‌ یێن سیاسی بئاخڤم و نه‌ژی پرسان د ڤی واری ده‌ بكم,
لێ ئه‌زێ ڤان چه‌ند پرسان ژ رێكخستنێن نڤیسه‌رێن كورد بكم: ئارمانجا وه‌ چی یه‌ و هون خوه‌ وه‌كو په‌رچاك ژ
هێزه‌كێ ژ هێزان دبینن؟ هون سه‌ربخونه‌ یان نا؟ ئایا ئه‌و ئارمانجا كو بویه‌ ئه‌گه‌رێ دامه‌زراندنا وه‌ تشته‌ك تێ
جێ ئاخی یه‌؟ و ئه‌زێ دوو ئه‌ركێن سه‌ره‌كه‌ ژ ئه‌رمانجێ بینم بیرا وه‌: یه‌ك پشگریا نڤیسه‌رێن نوهاتی و دویه‌م
دانیاسینا گه‌لێ خوه‌ و گه‌لێن جیهانێ ب ئه‌ده‌با كوردی یا كلاسیكی و سه‌رده‌می, وه‌ ‌وه‌ڤ یه‌ك كریه‌ یان نا؟ ب
گۆتنه‌كا دن هوون ب ئه‌ركێن خوه‌ رادبن یان نه‌؟

website security
WP Facebook Auto Publish Powered By : XYZScripts.com