NO IORG
Authors Posts by دلوڤان ئه‌مجه‌د بارزانى

دلوڤان ئه‌مجه‌د بارزانى

دلوڤان ئه‌مجه‌د بارزانى
32 POSTS 0 COMMENTS

2

دلۆڤان ئه‌مجه‌د بارزانى
پشتی شه‌ش سالان ب داخوازنامه‌كا فه‌رمی ژ لایێ حوكمه‌تا ئیراقێ ڤه‌، سه‌رۆك و مه‌رجه‌ع و كارێزمایێ كوردان (سه‌رۆك بارزانی) سه‌ردانا به‌غدایى كر. كو چه‌ندین جاران هاته‌ داخوازكرن داكو سه‌ردانا به‌غدایێ بكه‌ت بۆ گه‌نگه‌شه‌كرن و دیتنا رێكێن چاره‌سه‌ریێ بۆ چاره‌سه‌ركرنا ئاریشه‌یێن ل ناڤبه‌را هه‌رێما كۆردستانێ و حوكمه‌تا ئیراقێ دا و پاراستنا سه‌قامگیریێ و ئارامیا ئیراقێ، چونكێ هه‌می خه‌لكێ هه‌رێما كوردستانێ و ئیراقێ دزانن كو رێكێن چاره‌سه‌ركرنا ئاریشه‌یێن و پاراستنا سه‌قامگیریا ئیراقێ د ده‌ستێ بارزانی دانه‌. د هه‌مان ده‌م دا (سه‌رۆك بارزانی) دگه‌ل هه‌می لایه‌نێن حوكمه‌تا ئیراقێ بێ جوداهی كۆم بوو و ب باشترین و جوانترین و بهاترین ره‌نگ پێشوازی ل سه‌رۆكێ كوردان و رێنیشانده‌رێ هه‌می ئیراقێ (سه‌رۆك بارزانی) كر، بارزانی بۆ چاره‌سه‌ركرنا چه‌ند پرسێن گرنگ ل به‌غدایێ:
ـ گه‌ره‌نتیكرنا پاراستنا قه‌واره‌یا هه‌رێما كوردستانێ.
ـ پشترابوون ل زێده‌گاڤی نه‌كرن بۆ سه‌ر ده‌سه‌لاتێن هه‌رێما كوردستانێ.
ـ هه‌مواركرنه‌ڤا بودجه‌ و ده‌ركرنا یاسایا نه‌فت و گازێ.
ـ پێكئینانا جڤاتا بالا یا فیدرال.
ـ گه‌ره‌نتیكرن و هنارتنا شایسته‌یێن دارایی و ده‌ستپێكرنه‌ڤا هه‌نارتنا نه‌فتا هه‌رێما كوردستانێ.
سه‌ردانا بارزانی بۆ به‌غدا ته‌مامیا میدیایێن ئیراقێ و پشكه‌ك ژ جیهانێ داگیركریه‌ و ب سه‌ردانه‌كا گرنگ و پێدڤی و دیرۆكی دادنێن.
ـ ئێك ژ مانشێتێن رۆژنه‌مه‌یه‌كا ئیراقی ئه‌و بوو دگۆت:
ده‌مێ مه‌دیتی (سه‌رۆك بارزانی) ب جل و به‌رگێن كوردی ل فرۆكه‌خانێ دابه‌زی، هینگی مه‌ زانی كو بۆ دۆزا كوردی یێ هاتی.
ـ سوودانی، سه‌رۆك وه‌زیرانێ ئیراقێ دبێژیت:
سه‌ردانا (سه‌رۆك بارزانی) بۆ به‌غدا یا گرنگه‌ و رۆله‌كێ كاریگه‌ر ل پرۆسه‌یا سیاسی ل ئیراقێ دا یا هه‌ی.
ـ عه‌ممار عه‌زاوی، سه‌رۆكێ سه‌نته‌رێ یه‌رمۆك دبێژیت:
نها ئیراقێ پێدڤى یا ب حیكمه‌ت و سیاسه‌تا (سه‌رۆك بارزانی) هه‌ی، گۆت ژی: سه‌رۆك بارزانی سیاسه‌ته‌كا نه‌رم یا هه‌ی و ئارمانجێن خوه‌ زوی دگه‌هینیت.
ـ لایه‌نێن سووننه‌ ده‌رباره‌ی سه‌ردانا بارزانی دبێژین:
بوونا (سه‌رۆك بارزانی) ل به‌غدایێ پشت و په‌نایه‌ بۆ سووننه‌ و هه‌می پێكهاته‌یان.
ـ عه‌ممارولحه‌كیم، سه‌رۆكێ ره‌وتا حیكمه‌ دبێژیت:
سه‌ردانا (سه‌رۆك بارزانی) بۆ به‌غدا سه‌ردانه‌كا گرنگ و دیرۆكی یه‌.
ـ حه‌یده‌ر لامی، سه‌ركرده‌ ل ده‌وله‌تا یاسا دبێژیت:
(سه‌رۆك بارزانی) بابێ پرۆسه‌یا سیاسی یه‌ ل ئیراقێ.
ـ ره‌حیم عه‌بۆدی، سه‌ركرده‌ ل ره‌وتا حیكمه‌ دبێژیت:
ئه‌وێن دڤییان ل ئاڤه‌كا لێل دا مه‌له‌ڤانیا بكه‌ن، سه‌ردانا (سه‌رۆك بارزانی) دێ وان بێ ده‌نگ كه‌ت.
ـ رۆژنه‌مه‌یا شه‌رقولئه‌وست:
(سه‌رۆك بارزانی) ل به‌غدایێ گه‌نگه‌شێ ل سه‌ر چاره‌سه‌ریا ئیكلاكه‌ره‌ دكه‌ت.
ـ د.محه‌مه‌د نه‌عناع، توێژه‌رێ سیاسیێ ئیراقێ دبێژیت: چه‌ند ئاماژه‌ییه‌ك ل سه‌ردانا (سه‌رۆك بارزانی) بۆ به‌غدا یا دیار و زال بی، ل وان ژی هاتن ب جل و به‌رگێن كوردی ڤه‌، كو په‌یامه‌كا رۆن ب كوردان دا كو چوونا وی بو به‌غدا خه‌م و ئازارێن وان یێن ڤێ، ژ پێخه‌مه‌ت مافێن كوردان گه‌نگه‌شێ دێ كه‌ت.
ـ فه‌لاح مشعه‌ل، نڤیسه‌ر و رۆژنامه‌ڤانه‌كێ ناڤدارێ ئیراقێ دبێژیت:
زێده‌تر ژ (٢٥٠) دو سه‌دو پێنجی هێزێن سیاسی ل ئیراقێ دا یێن هه‌یین، چ ده‌مه‌كێ روونه‌دایه‌ سه‌ركرده‌یه‌ك ب ڤی ره‌نگێ گه‌رم و گور و رێزڤه‌، شاهانه‌ پێشوازی لێ بهێته‌كرن.
ـ عبدولره‌زاق شه‌ممه‌ری، شرۆڤه‌كاری سیاسی دبێژیت:
جهێ شانازیێ یه‌ و سوپاسدارین ژ خودایێ مه‌زن كو كوردستان و ئیراقێ (سه‌رۆك بارزانی) یێ هه‌ی. ئه‌ڤجا ب سه‌ردانا (سه‌رۆك بارزانی) بۆ به‌غدایێ هه‌می گرێك دێ ڤه‌بن، هه‌می ئاریشه‌ دێ چاره‌سه‌ر بن، هه‌می ئاسته‌نگ دێ رابن، هه‌می ئارمانج دێ ب جه هێن.

11

دلۆڤان ئه‌مجه‌د بارزانى
پشتى كو سۆپایى پاسدارێن ئیرانێ ب درۆنان هێرشه‌كا ناراسته‌وخوه‌ كره‌ سه‌ر هه‌رێما كوردستانێ و سازیێن وێ كو تێدا چه‌ند كه‌سێن سیڤیل مه‌ده‌نى بوونه‌ قوربانیى، هه‌ر زوى ئیرانێ راگه‌هاند كو چه‌ند بنكه‌ و كونسولخانه‌یێن ئه‌مریكا و ئیسرائیل وان كرینه‌ ئارمانج، لێ ئه‌و و هه‌مى جیهان دزانیت كو راست نینه‌، ئه‌وان هه‌رێما كوردستانێ كره‌ ئارمانج تایبه‌تى هه‌ولێرا پایته‌خت، چونكى ئارمانجا وان تێكدانا ئارامیا سه‌روه‌رییا كوردستانى یه‌.
ئه‌م هه‌مى باش دزانین ئیران و ده‌وله‌تێن جیران چاڤ ب ئارامى و خوشگوزه‌رانى و پێشكه‌فتنا هه‌رێما كوردستانێ ب گشتى و هه‌ولێرا پایته‌خت ب تایبه‌تى رانابن.
هه‌ر د كه‌ڤن دا ئه‌ڤان دژایه‌تیا كوردان كریه‌ و هه‌مى هه‌ولێن خوه‌ دانه‌ بۆ ژناڤبرنا كوردان. گۆتنه‌كا هه‌ى دبێژن (دوژمنێن باب و كالا نابنه‌ دۆستێن لاوا) یان (ده‌ردى نه‌ڤیانى ده‌رده‌كى گران و بى ده‌رمانه‌).
چه‌نده‌ها جاره‌ ئه‌ڤ هێزێن ژ قانوونێ ده‌ركه‌فتى؛ هێرشان دكه‌نه‌ سه‌ر كوردستانێ، له‌وما ئه‌م وه‌كى هه‌ڤوه‌لاتیێن هه‌رێمێ ب توندى ڤان هێرشێن ده‌وله‌تا نه‌ئیسلامیا ئیرانى ئیدانه‌ دكه‌ین، لێ بتنێ ئیدانه‌كرن به‌س نینه‌ بۆ ڤان دوژمنێن رووى ره‌ش و شه‌ڕمه‌زار دڤێت ب زوویترین ده‌م ب هێز به‌رسڤا وان بهێته‌دان و باش بزانن نه‌ئیران و هه‌ر ده‌وله‌ته‌ك و هێزه‌ك نه‌شێن ره‌وشا هه‌رێمێ تێكبده‌ن، چونكى ئه‌ڤ وه‌لاته‌ ب خوینێ هاتیه‌ ئاڤاكرن و بنادنان ب ده‌ستێن چه‌په‌لێن هیچ هێز و ده‌وله‌ته‌كێ ناهێته‌ ژناڤبرن و بلا ئێدى خه‌ونان ژى ب ژناڤبرنا كوردان نه‌بینن.
دیرۆك شاهدیێ بۆ وێ چه‌ندێ دده‌ت كو دكه‌ڤن دا ئه‌ڤان و چه‌ندین ده‌وله‌تێن ده‌ى یێن دژكار چ دگه‌ل كوردان پێچى نه‌بوویه‌ و د نها ژى دا ئه‌سته‌مه‌ خه‌ونێن وان ب جێ بێن.
ئه‌گه‌ر راست بێژن كو وان دڤێت بنگه‌هێن و كونسولخانه‌یێن ئه‌مریكا و ئیسرائیل بكه‌نه‌ ئارمانج بنگه‌هێن گه‌له‌ك نێزیكتر یێن هه‌ین كو بكه‌نه‌ ئارمانج و هێرشا وان بكه‌ن لى ئه‌ڤه‌ بتنێ بهانه‌نه‌ بۆ خوه‌ دئینن و بێهێزییا وانه‌ ب هێرشێن ترسنۆكانه‌ ئه‌نجامدده‌ن.
جهێ شه‌ڕمه‌زاریێ یه‌ بو ئیرانى هێرشى ب درۆنان بكه‌نه‌ سه‌ر كه‌سانێن مه‌ده‌نى و بى گونه‌ه و زارۆان، د هه‌مان ده‌م دا پێشێلكرنا مافێن مرۆڤانه‌، له‌وما دڤێت هه‌مى ده‌وله‌تێن باس ل مافێن مرۆڤان دكه‌ن بهێنه‌ سه‌ر خه‌ت بۆ ئیدانه‌كرنا ڤان هێرشێن هۆڤانه‌ و شه‌ڕمه‌زار بكه‌ن و سنووره‌كى بۆ ڤى ده‌وله‌تا ب ناڤ ئیسلامى دانێن.
ده‌رباره‌ى ڤان هێرشان، ڕابه‌ر و مه‌رجه‌عێ بالایێ كوردستانى (سه‌رۆك بارزانى) په‌یامه‌كێ ئاراسته‌ى رایا گشتى دكه‌ت دبێژیت: ئێدى دان ب خوه‌ داگرتنى سنوورى هه‌ى.
بۆ ڤه‌شارتنا ئاریشه‌ و گرفتێن خوه‌ ئه‌و ده‌ستدرێژیى ل دژى هه‌ولێر و خه‌لكى كوردستانى ئه‌نجامدده‌ن.
نابیت هه‌تا سه‌رى ئه‌و ل ڤى زولمێ به‌رده‌وامبن و نابیت ژى چى دى ل هه‌مبه‌رى ئه‌ڤێ سته‌م و نه‌حه‌قیێ بێده‌نگ بین. دشێن مه‌ بكۆژن لێ پشتراست بن نه‌شێن ئێرادێ مه‌ بستینن.
ئه‌م ژى دبێژینه‌ دوژمنێن گه‌لێ كورد هندى مه‌ سه‌رۆكه‌ك و رێبه‌ره‌ك و مه‌رجه‌عه‌كێ وه‌كو بارزانى هه‌بیت كو به‌رده‌وام د خه‌ما ملله‌تێ كورد دایه‌؛ چ هێزه‌ك نه‌شێت ئیراده‌یا مه‌ لاواز بكه‌ن.
هه‌رێما كوردستانێ هه‌ر دكه‌ڤن دا نموونه‌یا پێكڤه‌ژیان و ئێكسانى و ئێكتر قه‌بوولكرنا هه‌مى ئول و مه‌زهه‌ب و نه‌ته‌وان بوویه‌ بێ جوداهى، نها ژى ل سایا بارزانى به‌رده‌وامین ل سه‌ر رێبازێ و دێ بهێزتر ژ جاران دبه‌رده‌وام بین.
دڤێت حوكمه‌تا ئیراقێ ژى ژدل بهێته‌ سه‌رخه‌ت كار ل سه‌ر راگرتنا ڤان هێرشێن بێ بنه‌مایێن ئێك ل دویڤ ئێكێن ئیرانى بكه‌ت، ئیدانه‌ كرن و شه‌ڕمه‌زاركرن به‌س نینه‌ بۆ تێكدان و پێشێلكرنا سه‌روه‌رییا هه‌رێمێ و ئیراقێ، ژبه‌ر هندێ دبێژم ئیدانه‌كرن، به‌س نینه‌ چونكى ئه‌م تێر و بێزار بووین ژ ڤى گۆتنا بێ كریار ژلایێ ئیراقێ ڤه‌، ئه‌ڤه‌ ئێكه‌م جار نینه‌ كو بێهنه‌ ئیدانه‌كرن و هه‌ر به‌رده‌وامن ل سه‌ر ڤان كریارێن كرێتێن خوه‌ ئه‌گه‌ر سنووره‌ك بۆ نه‌هێته‌ دانان، دبیت ئه‌ڤ هێرشه‌ مه‌زنترببن، تێكدانا خوشگوزه‌رانى و ئاسایشا و ره‌شا كوردستانێ تێكدانا ئاسایش و ره‌وشا ئیراقى یه‌، له‌وما پێدڤیه‌ به‌رسڤه‌كا توندا سۆپایى پاسدارێن ئیرانى بهێته‌دان و ڤان هێرشێن ترسنووكانه‌ رابگرن، ئێدى به‌سه‌ بێزاربووین ل سه‌ر ڤان كریاران، ئه‌ڤه‌ چه‌ندین كه‌سێن بێگونه‌هێن وه‌لاتى مه‌ دهێنه‌ شه‌هیدكرن، ما ئه‌ڤه‌ تێرنابن ژ رێتنا خوینا كوردان؟.
وه‌زیرى به‌رگرییا به‌ریتانیا بۆ ئیرانى دبێژیت:
(سه‌یێن خوه‌ ببه‌ستن و گرى بده‌ن، ئه‌گه‌ر نه‌ دى پان كه‌ینه‌ڤه‌ و دى كه‌ینه‌ كه‌باب)
ئه‌ڤه‌ ئێكه‌ ژ به‌رسڤدانا كۆ ئێك ب قالبى ده‌وله‌تا ئیرانا نا ئیسلامى یه‌.
سه‌رۆكى حوكمه‌تا هه‌رێما كوردستانێ رێزدار (مه‌سررر بارزانى ) ب ڤى ره‌نگى به‌رسڤا هێرشێن ئیرانێ دده‌ت و دبێژیت:
_ نابیت هێرشێن سه‌ر هه‌ولێرێ بێ به‌رسڤ بمینه‌ڤه‌.
_ ل هێرشه‌كا نه‌مه‌ردانه‌ دا هه‌ولێر كره‌ ئارمانج.
_ دڤێت پسیار بهێته‌كرن بۆچى خه‌لكى سڤیل دكه‌نه‌ ئارمانج.
_ هێرشێن وان بێ بهانه‌ و بێ بنه‌مانه‌.
_ رێكێ بده‌ن ل وه‌لاتى خوه‌ ب ئازادى بژین.
_ مه‌ پێدڤیا ب پشتگیرى و پشته‌ڤانیا نێڤده‌وله‌تى یا هه‌ى بۆ سه‌قامگیریا وه‌لاتێ مه‌.
_ هه‌رێما كوردستانێ ژێده‌رێ ئاشتى و سه‌قامگیریێ یه‌.
_ پێدڤیه‌ حوكمه‌تا ئیراقى هه‌لوه‌سته‌كێ ژدل هه‌بیت بتنێ ئیدانه‌ كرن نه‌بیت.
دڤێت نه‌ته‌وێن ئێكگرتى ژى هه‌لوه‌ستێن رژد هه‌بن ل سه‌ر ڤان هێرشێن ئیرانێ، چونكى ئه‌ڤا دهێته‌ روودان هه‌مى ژپێخه‌مه‌ت وانایه‌ كو هه‌رده‌م دبێژن ئارمانجا مه‌ لێدانا بنكه‌یێن وانایه‌ ل هه‌رێما كوردستانى، له‌وما دڤێت بێده‌نگ نه‌مینن و بێده‌نگیێ بشكێنن بێژن ئێدى به‌سه‌.
چونكى ئه‌و هێرشێن ئاسایش و سه‌روه‌رییا ئاخا هه‌رێمێ ب تایبه‌تى و ئیراقێ ب گشتى پێشێل دكه‌ن، ژلایێ هه‌ر ئالیه‌كى ڤه‌ بن دڤێت بهێته‌راگرتن.

26

دلۆڤان ئه‌مجه‌د بارزانى

كۆچكرنا گه‌نجان ل هه‌رێما كوردستانێ بۆ ده‌رڤه‌ی وه‌لاتی یا به‌رده‌وامه‌، به‌لكو رۆژ بۆ رۆژێ زێده‌تر دبیت، رۆژانه‌ ئه‌م دیمه‌نێن نه‌خۆش و كاره‌ساتێن دلته‌زین دبینین كا چ ب سه‌رێ گه‌نج و زارۆك و دانعه‌مرێن كوردان دهێت لسه‌ر سنوورێن ده‌وله‌تێن بیانی و داخوازا په‌نابه‌ریێ دكه‌ن، لێ ب ئاوایه‌كێ خراپ و دوور ژ مرۆڤایه‌تیێ ره‌فتاران لگه‌ل دكه‌ن و ل سه‌ر سنووران بێزار دبن.ـ ب هزاره‌ها وه‌لاتیێن هه‌رێما كوردستانی ئه‌وێن دڤیان بگه‌هنه‌ ئه‌ورۆپا ل ده‌ریا ئیجه‌دا دخه‌ندقین و بێ سه‌روشوون بوین، هه‌تا نها ژی چاره‌نڤیسێ وان دیارنینه‌. ـ ب هزاره‌ها گه‌نج و زارۆ و ئافره‌ت ل سه‌ر سنوورێ یۆنانێ ره‌زیل بوون ب چه‌ند رۆژان یانژی ب هه‌یڤا مان بێجه و نان ژ سر و سه‌قه‌مێ، به‌س دا ده‌ربازێ ئه‌ورۆپا ببن، لێ گه‌له‌ك ژ وان هاتنه‌ زڤراندن بۆ كوردستانێ. ـ نها ژی وه‌كی ئه‌م دبینین كو ب هزاره‌ها ژ وه‌لاتیێن كوردستانێ، ئانكو كه‌سوكارێن مه‌ ژ سه‌ر سنوورێ بیلارۆسیا و پۆله‌ندا وه‌كی ئه‌م ل سۆشیال میدیایێ دبینین ره‌وشا وان گه‌له‌كا خراپه‌ و ئه‌ڤه‌ چه‌ند رۆژه‌ ل سه‌ر سنووری ناهێلن ده‌ربازێ ئالیێ دی ببن و د هه‌مان ده‌م دا گه‌له‌ك دهێنه‌ ئێشاندن ژی. ب راستی ژی ب ڤان دیمه‌نان ئه‌م هه‌می كورد پێ دئێشین و غه‌مبار دبین ده‌مێ دبینین ڤان گه‌نجێن مه‌ وه‌لاتێ خوه‌ دهێلن و قه‌ستا وه‌لاتێن بیانی دكه‌ن مالا خوه‌ و پاشه‌رۆژا خوه‌ دهێلن كو ژ ڤی وه‌لاتی بێزار بوونه‌ وه‌كی ئه‌و دبێژن. بێگومان ژی زۆربه‌یا وان هه‌لگرێن باوه‌رنامه‌یێن بلندن. ل ڤێره‌ چه‌ند پسیاره‌ك دهێنه‌ پێش:ـ ئه‌رێ بۆچی ئه‌ڤ گه‌نجه‌ په‌نایێ دبه‌نه‌ به‌ر ده‌وله‌تێن ئه‌ورۆپی ل بێكاریێ دایه‌؟ ـ ئه‌رێ گه‌نجێن مه‌ ژ ده‌سهه‌لاتێ بێزار بووینه‌، له‌وما قه‌ستا ده‌رڤه‌ دكه‌ن؟ ـ ئه‌رێ هه‌تا نها چ لیژنه‌ك هاتیه‌ پێكئینان بۆ لێپرسینا گه‌نجان و ب تایبه‌ت ئه‌ڤێن قه‌ستا ده‌رڤه‌ دكه‌ن و كا ده‌رده‌سه‌ریێن وان چنه‌ و بۆژى دچن؟ ـ ئه‌رێ ئه‌ڤ كه‌سێن دچنه‌ ده‌رڤه‌ی وه‌لاتی ب ئێكجاری بۆ ب ده‌ستڤه‌ئینانا پاره‌ی دچن یان ژی بۆ ژیانه‌كا خوش دگه‌رێن؟ ئه‌ڤه‌ و ب ده‌هان پسیارێن دی ژی دبنه‌ جهێ سه‌رنجێ. بێگومان پتریا خه‌لكێ مه‌ ده‌مێ دچنه‌ ده‌رڤه‌ بۆ په‌یداكرنا كاری دچن، پتریا وان ژی بۆ ژیانه‌كا خۆش دگه‌رێن، هنده‌كێن دژی دڤێن ئاكنجیبوونێ وه‌ربگرن هه‌ر هنده‌ك ب ئاوایه‌كی، لێ چوونا وان ژی رۆژ بۆ رۆژێ زێده‌تر دبیت. پتریا وان گه‌نجان ژی خودان باوه‌رنامه‌نه‌ و خواندن یا خه‌لاسكری و نه‌هاتنه‌ دامه‌زراندن، پشتی وه‌ستیانه‌كا زۆر ژ بێزاریان دا رێیا ب زحمه‌ت یا ئه‌ورۆپا دگرنه‌به‌ر. ـ هنده‌كێن دى ژی ده‌مێ دبینن كور و كچێن به‌رپرسان ل خواندنگه‌هێن تایبه‌ت دخوینن و باوه‌رنامه‌یان ب پاره‌ ب ده‌ستخوه‌ڤه‌دئینن ب ئوتۆمبێلێن گران بها و جل و به‌رگێن ماڕكه‌ ل ده‌ف وان را دبۆرن، گه‌نجێن مه‌ژی دو دینار د به‌ریكێ دا نه‌بن و ب حه‌قێ خوه‌ ببنه‌ خودان باوه‌رنامه‌ و كوڕێن پێشمه‌رگه‌هێن دێرینن. بێگومان دێ قه‌ستا ده‌رڤه‌ كه‌ن پا چ بكه‌ن؟!. راسته‌ ژیان ل ئه‌ورۆپا هند یا ب ساناهی نینه‌ وه‌كی هه‌رێما كوردستانێ و دڤێت رۆژانه‌ كاربكه‌ی بۆ ب ده‌ستڤه‌ئینانا بژێوا ژیانا رۆژانه‌ و هنده‌ك كاران گه‌نجێن مه‌ ل ده‌رڤه‌ی دكه‌ن ل كوردستانێ وان كاران ناكه‌ن. ئه‌و ژی راسته‌ كو ده‌ردێ غه‌ریبیێ و دووركه‌فتن ژ كه‌سوكاران ده‌رده‌كێ گرانه‌.. گه‌له‌ك تشتێن دی.. لێ دڤێت وێ راستیێ ژی بێژین ئه‌گه‌ر ل ده‌وله‌تێن بیانی چه‌ند كار بكه‌ن ب شه‌ڤ و رۆژان و چ كار بكه‌ن و هه‌تا چ راده‌ بوه‌ستیێن، لێ ئه‌و دبێژن مێشكێ مه‌یێ ئارامه‌. چونكی ل ڤێرێ ده‌مێ مافێن خه‌لكێ ڤی وه‌لاتی دهێته‌دان، ئه‌م هه‌ست ناكه‌ین كو غه‌دره‌یا ل مه‌ دهێته‌كرن و مافێ مه‌یێ دهێته‌ خوارن. چونكی ئه‌م خه‌لكێ ڤی وه‌لاتی نینه‌ و نه‌شێین داوا مافێ خوه‌ بكه‌ین. له‌وما پێدڤیه‌ چه‌ند لیژنه‌یه‌ك بهێنه‌ پێكئینان بۆ دانوستاندنێ لگه‌ل گه‌نجان و وه‌رگرتنا ده‌رده‌سه‌ریێن وان و بزانین ئه‌گه‌ر چنه‌، ئه‌ڤ رێژه‌یا زۆرا گه‌نجان رێیا سه‌خت و نه‌خۆش دگرنه‌ به‌ر بۆ گه‌هشتن ب ئه‌ورۆپا. رێكه‌چاره‌یه‌ك بهێته‌ دیتن دابشێن چوونا گه‌نجان رابگرن ب راستی ژی جهێ داخێ یه‌ ده‌مێ دبینین هه‌ژماره‌كا زۆران گه‌نجان قه‌ستا ده‌وله‌تێن بیانی دكه‌ن. چونكی وه‌كی ئه‌و هزر دكه‌ن ژیان ل ئه‌ورۆپا یا ب وی ره‌نگی نینه‌، ژیان گه‌له‌كا ب زحمه‌ته‌ ژ ده‌رڤه‌.

11

دلۆڤان ئه‌مجه‌د بارزانی
هه‌لبژارتنێن په‌رله‌مانێ ئیراقێ رۆژ بۆ رۆژێ یێ نێزیك دبن كو بریاره‌ ل (10/10/2021) بهێنه‌ ئه‌نجامدان.
بانگه‌شێ ژی یێ ده‌ستپێكری و به‌ربژارێن هه‌می پارتێن سیاسی یێن به‌لاڤبووی د ناڤ مال و كولان و بازار و هه‌ر جهه‌كێ بزانن دێ ده‌نگان ب ده‌ستخوه‌ڤه‌ ئینن.
هه‌ر ئێكێ به‌حس ل به‌رنامێ خوه‌یێ كاری دكه‌ت، ده‌مێ ده‌ردچیت كا دێ چ كه‌ت هزار سۆز و په‌یمانان یێن دده‌نه‌ خه‌لكی.

به‌ربژارێن هنده‌ك پارتان بوهارا ئینایه‌ چۆكان
ـ ئه‌وێن دوهی و پێر كه‌ركووك فرۆتیه‌ حه‌شدێ و ئیرانێ ئه‌ڤرۆ یێن دبێژن كه‌ركووك قودسا كوردستانێ یه‌.
دێ كاركه‌ن بۆ ئازادیا كه‌ركووكێ و كه‌ركووكێ ئێك كورد تێدا بیت كوردستانه‌ هزار تشتێن دی.
لێ ئه‌وا جهێ پسیارێ یه‌ ئه‌وه‌ بۆچی ده‌مێ هوین ل سه‌ر خیانه‌تا ئۆكتۆبه‌رێ رێككه‌فتی، هنگۆ نه‌دگۆت كه‌ركووك كوردستانه‌.
دێ سۆز و په‌یمانێن چ ل كه‌ركووكێ نوی كه‌نه‌ڤه‌ بۆ هندێ كو جاره‌كا دی نه‌فرۆشن و دوباره‌ خیانه‌تێ لێ نه‌كه‌نه‌ڤه‌.
ئه‌رێ هنگ ب چ رووی دچنه‌ د ناڤ خه‌لكێ كه‌ركووكێ دا.
ـ ئه‌و هه‌ر دگوتێ دێ گوهۆرین دێ گوهۆرین وه‌ك ئوپۆزسیۆن خوه‌ ده‌ردئێخست چكر..
بتنێ بۆ به‌رژه‌وه‌ندیێن خوه‌ بۆ هه‌تا ده‌نگ ب ده‌ستخوه‌ڤه‌ ئینای و پاشی ده‌رفه‌ته‌ك دیت و چوونه‌ د ناڤ په‌رله‌مانی دا..
هزار سۆز و په‌یمان دانه‌ خه‌لكی كا چ جێ به‌جێ كرن.
ـ وان چ گوهۆری… هیچ؟
به‌س ئه‌و هاتنه‌ گوهۆرین، چونكی خه‌له‌تی ل ده‌ف وان بۆ وان به‌رژه‌وه‌ندیێن خوه‌ یێن تایبه‌ت شۆل دكر.
ئارمانجا وان گه‌هشتن ب ده‌ستهه‌لاتی بۆ مه‌ره‌مێن خوه‌ یێن تایبه‌ت بۆ هه‌روه‌سا شه‌ڕێ وان دگه‌ل پارتا هه‌ری بهێزا كوردستانێ بۆ ئه‌و ژی پارتا دیمۆكراتا كوردستانێ بوو.
لێ وان نه‌ دزانی كو ئه‌ڤه‌ ئه‌و پارته‌ ئه‌وا د به‌رژه‌وه‌ندیا ملله‌تێ كورد وه‌سا ب ساناهی نه‌هاتیه‌ دامه‌زراندن ب شۆرش و به‌رخودانێ و شه‌هید و ئه‌نفال و هێزا پێشمه‌رگه‌ی یا هاتیه‌ دامه‌زراندن.
هه‌ر كارێ كری بۆ سه‌ربه‌خوه‌یی و ب ده‌ستڤه‌ئینانا مافێن ره‌وایێن كورد رۆژ بو رۆژێ هێزا پارتا دیمۆكراتا كوردستانێ پتر دبیت.
لێ هه‌ر ئه‌و بوون بێ بنه‌ما و بێ به‌رنامه‌ هاتیه‌ دامه‌زراندن نه‌شیان بۆ ماوه‌یه‌كێ زۆر رۆلێ خوه‌ بگێرن هه‌ر زووی روویێ راسته‌قینه‌یێ وان بۆ خه‌لكی دیار بوو.
ـ پارته‌كا دی یا هاتی ئه‌ڤا نه‌ڤیێ نوویه‌، نزانم چیه‌ به‌حس ل نفشێ نوی دكه‌ن كو دێ یێ نوی بنیات نینن، به‌س ڤێ خولا هه‌لبژاتنان هێفكه‌نێ كا بالا ده‌ستێن وان كێ به‌ربژار كرینه‌ ئێكێ هه‌ڤژینا خوه‌، یا دی هه‌ڤژینێ خوه‌، یێ دی خویشكا خو ه‌. هه‌تا دوماهیكێ ئه‌رێ ئه‌ڤه‌ پارتا خێزانی یه‌..
ل دونیایێ هه‌میێ ئه‌ڤ تشته‌ چێ نه‌بوویه‌ ئه‌ڤه‌ خه‌لكێ كوردستانێ ب چ دبینن و چ هزر دكه‌ن، تو دبێژی كه‌س باوه‌ر ژ ڤان بكه‌ت، یا ڤان ژی بتنێ به‌رژه‌وه‌ندیێن تایبه‌تن نه‌ زێده‌تر..
سه‌رۆكێ پارتا وان ده‌یندارێ هه‌می خه‌لكێ سلێمانیێ و ده‌وروبه‌ری یه‌ هه‌می رۆژێ ژماره‌یه‌كا زۆرا خه‌لكی ب رێیا خوه‌نیشاندانان داخوزا ده‌ینێن خوه‌ دكه‌ن.
گه‌ر كه‌سه‌ك نه‌شێت ده‌ینێن خوه‌ بده‌ت دێ چاوا پارته‌كێ ب رێڤه‌به‌ت، له‌وما رێڤه‌به‌رێن وێ پارتا بێ بنه‌ما هه‌می بێ به‌رنامه‌ و ژ هزری ڤه‌ ژی سفرن.
ـ پارته‌كا دی ب ناڤێ ئیسلامێ یاهاتیه‌ د ناڤ سیاسه‌تێ دا ئاخفتن و سۆز و په‌یمانێن وان زۆرن، لێ كریار كێمن ئانكو هه‌ر نینن.
ئیسلام و سیاسه‌ت ب ڤی ره‌نگی راستی جهێ داخێ یه‌ ئایینێ بكاربینى بۆ به‌رژه‌وه‌ندیێن خوه‌ یێن تایبه‌ت و گه‌له‌ك تشتێن دی.
به‌رناكه‌ڤیت درێژ بكه‌م یێ نه‌زان و چاڤگرتی نزانیت یا بێ شۆله‌ و یێ زانا و چاڤ ڤه‌كری یێ تێگه‌هشتی و دزانیت كا پارتا راست و درست كو د به‌رژه‌وه‌ندیا ملله‌تێ كورد، كاربكه‌ت و دیرۆكا كوردان ژی بخوینیت دێ روون و ئاشكرا بیت كا كێ قوربانی دانه‌، ژ پێخه‌مه‌ت پاراستن و ئازادیا كوردستانێ..
ده‌مێ پارتا دیمۆكراتا كوردستانێ ل چیایان شه‌ڕ بۆ ئازادیا كوردستانێ دكر، ئه‌ڤ پارتێن دی ل كیڤه‌بوون جاش بوون ل گه‌ل رژێما به‌عس شه‌ڕێ پێشمه‌رگه‌ى دكر و هنده‌ك سیخور بوون دگه‌ل رژێما گۆر ب گۆر رێكه‌فت بوون، جهێ ڤان پێشمه‌رگه‌هان نیشا وان بده‌ن هه‌ر هنده‌ك ب ره‌نگه‌كی..
له‌وما دبێژم هه‌ڤوه‌لاتیێ هێژا ئه‌گه‌ر ته‌ بڤێت ده‌نگی بده‌یه‌ پارتا راست و درست د رێیا كوردینێ دا كار بكه‌ت و شه‌ریێ ب ده‌ستڤه‌ئینانا مافێن ره‌وایێن ته‌ ل په‌رله‌مانێ ئیراقی بكه‌ت و بزانی ده‌نگێ ته‌ ژ قه‌ستا نه‌چوویه‌ به‌ربژارێن پارتا دیمۆكراتا كوردستانێ هه‌لبژێره‌..

79

‎دلۆڤان ئه‌مجه‌د بارزانی
ئێكه‌ ژ دابونه‌ریتێن كه‌ڤنێن جڤاكێ كورده‌واری، كو هه‌ر ل ده‌ستپێكا كوردینێ دا ل سه‌رده‌مێ (شێخ عه‌بدولسه‌لام بارزانی و شێخ ئه‌حمه‌دێ بارزانی)، گرنگیه‌كا زۆرا پێ هاتیه‌دان ب ژینگه‌هی و پاراستنا ئه‌ڤی سروشتێ جوان و بالكێش قه‌ده‌غه‌كرنا برینا داروباران وه‌كی داربه‌ڕی و دار مازی و كه‌زان و هه‌ر داره‌كا ته‌ر كو جوانیێ ب سروشت و ژینگه‌هی بگه‌هینیت.
هه‌رێما كوردستانێ هه‌ر د كه‌ڤن دا نموونه‌یا ژینگه‌پارێزیێ و پێكڤه‌ژیانێ و هه‌بوونا سروشته‌كێ جوان بوویه‌ ل سه‌ر ئاستێ رۆژهه‌لاتا ناڤین ب تایبه‌تی و جیهانێ ب گشتی.
ژ به‌ر جوانیا سروشتێ هه‌رێمێ و هه‌بوونا گه‌له‌ك جهێن گه‌شتیاریێن بالكێش كو سه‌رنجا گه‌شتیاران بۆ خوه‌ رادكێشیت ب تایبه‌تی یێن بیانی.
له‌وما د ڤێره‌ دا ئه‌ز داخوازێ ژ هه‌می خه‌لكێ خوه‌ دكه‌م و داخوازێ ژ وان هه‌می كه‌سان دكه‌م ئه‌ڤێن سه‌ردانا جهێن گه‌شتیاری دكه‌ن بۆ ب سه‌ربرنا ده‌مێن خۆش و د ناڤا ڤی سروشتێ جوان دا بۆ ده‌مه‌كێ هه‌ست ب دل خوشی و ئارامیێ دكه‌ن، پاك و پاقژییا ژینگه‌ی بپارێزن ده‌مێ ل گه‌شتا خوه‌ ب دووماهیك دهێن به‌رمایكێن خوه‌ ل دووڤ خوه‌ نه‌هێلن و راكه‌ن ل گه‌ل خوه‌ ببه‌ن و بدانینه‌ جهێن مه‌به‌ست دا ئه‌و كه‌سێن ل دووڤ وان ژی را دهێن و سه‌ردانا جهێ وان بكه‌ن ب پاك و پاقژیێ ڤان جهان ببینن و ئه‌و ژی ژینگه‌ی بپارێزن.
چونكی ئه‌ڤ به‌رمایكێن گه‌شتیار ل دووڤ خوه‌ دهێلن ل جهێن گه‌شتیاری سه‌ره‌رای هندێ كو دبنه‌ ئه‌گه‌رێ پیس بوون و ناشرینكرنا ژینگه‌ی و جهێن گه‌شتیاری، د هه‌مان ده‌م دا دبنه‌ ئه‌گه‌رێ ژناڤبرنا چه‌ندین جۆرێن گیایان و رووه‌كان، هه‌روه‌سا دبنه‌ ئه‌گه‌رێ ژناڤبرنا چه‌ندین جۆرێن گیانه‌وه‌ران مه‌ گه‌له‌ك جاران یێن دیتی چه‌نده‌ها گیانه‌وه‌رێن بوویه‌ قوربانی و ئه‌و جهێن ئه‌ڤ كرشه‌ لێ مای یێ بوویه‌ ئه‌گه‌رێ ژناڤبرنا گیایی.
ـ بۆچی ئه‌م ببینه‌ ئه‌گه‌رێ ژناڤبرن و پیسكرنا ڤی سروشت و ژینگه‌یێ جوان؟
ـ بۆچی ئه‌م ب ده‌ستێن خوه‌ وه‌لاتێ خوه‌ پیس بكه‌ین؟
له‌وما پاراستن و پاك و خاوین راگرتنا ژینگه‌ی ئه‌ركه‌كه‌ ل سه‌ر ملێن هه‌ر تاكه‌كێ جڤاكى.
ئه‌ركێ مه‌یه‌ ئه‌م ژینگه‌هێ خوه‌ وه‌كی مالا خوه‌ بپارێزین.
پاراستن و پاك و خاوین راگرتنا ژینگه‌ی ئه‌رك و ئه‌خلاقه‌.
پاراستن و پاك و خاوین راگرتنا ژینگه‌ی نیڤه‌كا ئیمانێ یه‌، له‌وما پێدڤیه‌ پاك و خاوین رابگرین و ئه‌ركێ مه‌ هه‌میانه‌ ژینگه‌هێ بپارێزین.
ئه‌ز وه‌ك گه‌نجه‌كێ ژینگه‌ دۆست داخوازێ ل هه‌می كه‌سان دكه‌م كو پاك و خاوین راگرتنا ژینگه‌ی بپارێزن.
وه‌رن ئه‌م هه‌می پێكڤه‌ ژینگه‌ دۆست بین و پاك و خاوین راگرتنا هه‌می جهێن گه‌شتیاری، ب تایبه‌تی و هه‌رێما كوردستانێ ب گشتی ب ئه‌ركێ خوه‌ بزانین.
وه‌رن ئه‌م ملله‌تێ كورد هه‌می پێكڤه‌ وه‌لاتێ خوه‌ ئاڤا بكه‌ین، جوانیا سروشتێ خوه‌ نیشا جیهانێ بده‌ین.
وه‌رن ئه‌م هه‌می پێكڤه‌ جاره‌كا دی سه‌لمینینه‌ڤه‌ كو هه‌رێما كوردستانێ نموونه‌یا ژینگه‌پارێزیێ یه‌ ل رۆژهه‌لاتا ناڤین و جیهانێ.
دووماهیێ جاره‌كا دی داخوازێ ژ هه‌می خه‌لكێ كوردستانێ دكه‌م كو پاكو پاقژییا ژینگه‌ی ب ئه‌ركێ سه‌ر ملێن خوه‌ بزانن و نه‌بنه‌ ئه‌گه‌رێ تێكدان و پیسكرنا سروشت و ژینگه‌هێ و جهێن گه‌شتیاریێن هه‌رێما كوردستانێ.

20

پێخه‌مه‌ت جوانیێ..!!
دلۆڤان ئه‌مجه‌د بارزانی
زۆر كه‌سێن هه‌یین به‌س گرنگیێ ب جوانیێ دده‌ن، و چ ل جوانیێ نزانن، یا ژ وانڤه‌ جوانی به‌س روخسار و چاڤ و به‌ژنا بلند و تشتێ هۆ ئه‌وه‌ جوانیا مرۆڤان..
نه‌خێر تویێ شاشی ..؟
جوانیا راسته‌قینه‌ ..!!
جوانیا ناخێ مرۆڤی یه‌ ئه‌و جوانیا دلی و ره‌وشت و ئه‌خلاق و ره‌فتار و شێوازێ مرۆڤی ئه‌گه‌ر جوان و پاك بن، ئه‌وه‌ جوانیا مرۆڤان.
جوانیا روخساری یا ده‌مكى یه‌، به‌س یا ناخی و ره‌وشتێ مرۆڤی یا هه‌تا هه‌تایی یه‌. ئه‌م هه‌می باش دزانین كو تشتێ هه‌رده‌می باشتر و ب بهاتره‌ ل تشتێ ده‌مكى ئانكو وه‌ختی، له‌وما چجارا گرنگیێ ب جوانیا روخساری نه‌ده‌ن.
چونكێ زۆر كه‌سێن هه‌یین روخساره‌كێ زۆرێ جوانێ هه‌ی، به‌لێ دلێ وان ل گۆمه‌كا مه‌ندا لیم گرتی پیستره‌. ژبه‌ر هندێ گرنگیێ ب وان كه‌سان بده‌ن ئه‌وێن خودان دله‌كێ جوان، جوانیا ناخی روخساری جوان دكه‌ت.
ـ “عادل ئیمام ” دبێژیت :” مالا كچێ كوره‌كێ عاقل و خودان ره‌وشت دڤێت بۆ كچا خوه‌، مالا كوری ژی حه‌ز دكه‌ن كچه‌كا باش و خودان ره‌وشته‌كێ جوان بۆ كورێ خوه‌ بینن.
ئه‌ڤه‌ وێ چه‌ندێ بۆ مه‌ دیاردكه‌ت كۆ هه‌می كه‌سان و ل هه‌می ده‌مان دا به‌س گرنگیا ب ره‌وشته‌كێ جوان و باش دای كه‌سێ باسێ دێمێ جوان نه‌كریه‌، چونكێ دێمێ جوان كه‌سایه‌تیا مرۆڤان دیار ناكه‌ت.
ئه‌خلاق و ره‌وشت و جوانی مه‌زنترین داهاتیێ مرۆڤانه‌، بها و پیرۆزیێن مرۆڤایه‌تیێ د گرێداینه‌ ب هنده‌ك كاودانان، هه‌ر ده‌مێ مرۆڤ ژ ده‌ست بده‌ت دێ گه‌له‌ك ئاریشه‌ و نه‌هامه‌تیێن مه‌زن تووشێ وی بن و دێ بیته‌ مرۆڤه‌كێ ژناڤچوویی و شكه‌ستی.
تێگه‌هیشتن و ره‌وشتێ جوان، مرۆڤی ژ گیانه‌وه‌رێن درنده‌ و ب ترس جودا دكه‌ت، زۆریا كه‌سان وێ هزرێ دكه‌ن كو ئه‌خلاق ژ ئالیێ ئاینێ ڤه‌ یا هاتی و بتنێ كه‌سێن ب دین و باوه‌ر ئه‌ڤ تایبه‌تمه‌ندیا هه‌ی، لێ به‌لێ د راستیێ دا ئه‌ڤ ره‌وشت جوانیه‌ سروشتێ مرۆڤانه‌ ئایین بتنێ پشته‌ڤانه‌كه‌ بۆ ب جێگه‌هاندن و گه‌شه‌سه‌ندنا ئه‌ڤێ قانوونێ كۆ دڤێت مرۆڤی ببیت.
ئایین گرنگیه‌كا تمام ب ره‌وشتێ جوان دده‌ت، به‌لێ مخابن هنده‌ك كه‌سێن هه‌ین ئازادی و دیموكراسیه‌تێ دكه‌نه‌ پیڤه‌ره‌ك بۆ وێ چه‌ندێ كو ره‌وشتێ جوانێ مرۆڤاییه‌تیێ دوور بكه‌ڤن و وه‌ دزانن ئازادی و دیمۆكراسی ئه‌وه‌ هه‌ر تشتێ پێخۆش و ب دلێ وان بكه‌ن و بێژن ژبلی هندێ كو پسیار ژی بهێته‌كرن، ئه‌ڤا راست نیه‌ و ئه‌ڤ جۆرێ كه‌سان ژ رامانا راسته‌قینا ئازادی و دیموكراسیێ تێ نه‌گه‌هشتنه‌.
ئه‌و هه‌رده‌م هزر د وه‌لاتێن ئه‌ورۆپی دا دكه‌ن و به‌حسێ كلتور و ئه‌خلاقێ و جلوبه‌رگێن وان دكه‌ن، ره‌نگه‌ ئه‌و دیمۆكراسیه‌ت و ئازادییا ل وه‌لاتێن ئه‌ورۆپی هه‌یى ل گه‌ل كلتوور و دابونه‌ریتێن وان ئێك بگرنه‌ڤه‌ و بگونجێن، لێ به‌لێ د ناڤ فه‌رهه‌نگا كۆرده‌واریێ دا ناگونجێن.
ژبه‌ر هندێ ئه‌ڤ دیمۆكراسیه‌ته‌ دێ یا سه‌ركه‌فتی بیت ئه‌وا ئێك ره‌نگ و ئێك ده‌نگ بیت. ل گه‌ل كلتور و دابونه‌ریتێن مه‌ چ ئاریشه‌ نه‌بن و د پاراستی بن و چ ئاریشه‌كێ بۆ ئازادیا مرۆڤان دروست نه‌كه‌ن.
رێز لێكگرتن و حه‌ژ ئێكدو كرن و ئه‌خلاقه‌كێ جوان شه‌ره‌فه‌كا مه‌زنه‌ بۆ مرۆڤاییه‌تیێ و مه‌زنترین داهاتیێ ژیانێ یه‌ هه‌ر كه‌س و كه‌سانێن ب ئه‌خلاق بن د هه‌می كاروبارێن ژیانا خوه‌ دا دێ د به‌خته‌وه‌ر و سه‌ركه‌فتی بن.
چ تشته‌ك ژ جوانیا ره‌وشتی باشتر و بهاتر نیه‌، هه‌روه‌سا بلا چجارا ژ بیرامه‌ نه‌چیت كۆ ئه‌خلاق و ره‌وشتێ جوان مرۆڤان ژ گیانه‌وه‌ران جودا دكه‌ت.
“جوانترین به‌لگا ره‌وشت جوانیێ ئه‌وه‌ كۆ به‌رگێ بێ ره‌وشتان بگری”
ـ “كلێر له‌نده‌ن” دبێژیت :” تنێ ژبه‌ر هندێ كۆ تو نابینی رامانا هندێ ناده‌ت كو ئه‌ڤ تشته‌ نیه‌ یان ژی نه‌بوویه‌، تو نه‌شێی پاشه‌رۆژا خوه‌ بینی ل ده‌مه‌كێ دا تو دزانی كو دێهێت، تۆ نه‌شێی هه‌وای ببنی د هه‌مان ده‌م دا تۆیێ به‌رده‌وامی ژ هه‌ناسه‌دانێ”.
ـ”مارلین مۆنرو” دبێژیت:”ل وی ده‌مێ ئه‌ز كچه‌كا بچووك بووم، چ كه‌سه‌كێ نه‌گۆته‌ من تو یا جوانی. هه‌می كچان پێدڤیا ب هندێ هه‌ی بێژنێ تو یا جوانی ئه‌گه‌ر یا جوان ژی نه‌بیت”.
جوانی چی یه‌..!!
بابه‌ته‌كه‌ ژ پرتووكا من یا ب ناڤێ (وێنێ خو بگۆره‌ د مێشكێ خوه‌دا”

40

دلۆڤان ئه‌مجه‌د بارزانى
هه‌رێما كوردستانێ هه‌رێمه‌كا ئازاد و سه‌ربخوه‌ و خودان ده‌ستهه‌لاته‌، هه‌روه‌سا خودان حوكمه‌ت و سه‌رۆك و په‌رله‌مان و پێشمه‌رگه‌یه‌ وه‌كی هه‌ر ده‌وله‌ت و هه‌رێمه‌كا دی یا جیهانی.
چه‌كدارێن په‌كه‌كێ جهێ خوه‌یێ به‌ردای كو كوردستانا باكۆره‌ یێن هاتینه‌ هه‌رێما كوردستانێ دا ل ناڤا چیایان دا شه‌ڕێ ده‌وله‌تا توركیا دكه‌ن.
نها ژی یێ شه‌ڕێ پێشمه‌رگێ هه‌رێما كوردستانێ دكه‌ن شه‌ڕێ كوردی ل گه‌ل كوردی، ب راستی ژی مه‌زنترین كاره‌ساته‌.
د ڤێره‌دا دێ بێژمه‌ چه‌كدارێن په‌كه‌كێ هه‌ڕن وه‌لاتێ خوه‌ ئاخا بابوكالێن خوه‌ جهێ خێزانێن وه‌ لێ دژین رزگار بكه‌ن، كو كوردستانا باكووره‌ نه‌هێن د چیایێن كوردستانا باشوور دا شه‌ڕێ دوژمنی بكه‌ن.
ئه‌م یێن د هه‌رێمه‌كا ئازاد دا و مه‌ هێزێن خوه‌یێن هه‌یین كو پیرۆزترین هێزه‌ ب ناڤێ (پێشمه‌رگه‌)ی ل هه‌می جیهانێ، مه‌ چ پێویستی ب هه‌وه‌ نینه‌ هه‌رن وه‌لاتێ خوه‌ ئازاد بكه‌ن نه‌ره‌ڤنه‌ هه‌رێما كوردستانێ شه‌ڕی بكه‌ن.
كوردستانا باشوور گه‌له‌ك قه‌در و قیمه‌ت ل وه‌ دگرت لێ وه‌ شه‌ڕێ برایێن خوه‌ كر و چ ل پێش چاڤێن خوه‌ نه‌دیت، مه‌زنترین شاشى بوو، هه‌وه‌ دوباره‌ كریه‌ڤه‌ و شه‌ڕێ پێشمه‌رگه‌یان كری و پێشمه‌رگه‌ شه‌هیدكرن، ب راستی ئه‌ڤه‌ وێ چه‌ندێ دگه‌هینیت كو باوه‌ری و په‌یره‌و و پرۆگرامێن هوون ل سه‌ر هاتینه‌ دامه‌زراندن هه‌می دشاش و نه‌درستن.
دڤێت وێ چه‌ندێ بزانن كو (ئاپۆ نه‌ ل هه‌رێما كوردستانێ یه‌، ئاپۆ یێ د زیندانێن توركیا دا) هه‌ڕنه‌ وێرێ ئاپۆیێ خوه‌ ئازاد بكه‌ن.
هه‌روه‌سا هێرشا په‌كه‌كێ بۆ سه‌ر هێزێن پێشمه‌رگه‌ی و شه‌هیدكرنا پێشمه‌رگه‌یه‌كێ و برینداركرنا سێ پێشمه‌رگه‌یێن دی هه‌رێما كوردستانێ، كوردستانی ڤێ هێرشا تیرۆرستی و چه‌كداری ب توندی پروته‌ستو و شه‌ڕمه‌زار دكه‌ن.
ئه‌ڤ كارێن چه‌كدارێن په‌كه‌كێ كری ژ ده‌رڤه‌ی قانوونێ یه‌ ل هه‌رێمێ و ل بن هه‌ر ناڤ و ئارمانجه‌كێ بن كاره‌كێ زۆرداریه‌، داگیركرنا ئاخ و گوندێن خه‌لكێ هه‌ژار و تێكۆشه‌ڕێن كوردستانێ، كو بۆ ئازادیا گوند و ئاخ و وارێ خوه‌ ل دژی دوژمنان ب هه‌زاران شه‌هیدێن دای.
لێ جهێ داخێ یه‌ ژ ئه‌گه‌رێ ڤێ سیاسه‌تا شاش و سته‌مكاری و درندانه‌یا په‌كه‌كێ ئه‌ڤه‌ ماوێ (٣٠) سالایه‌ نه‌شیانه‌ ب ئاخ و گوند و وارێن خوه‌ دلخۆش بن، ب ئازادی لێ بژین.
نه‌وێرن ل سه‌ر ئاخا خوه‌ شه‌ڕی بۆ ئازادیا گوند و وار و ئاخا خوه‌ بكه‌ن یێن ره‌ڤینه‌ هه‌رێما كوردستانێ و چیایێن مه‌ژی بۆ وان باشترین په‌ناگه‌ه نه‌ بۆ مانه‌ڤه‌یا وان. هه‌بوون و مانا بنكه‌ و باره‌گایێن په‌كه‌كێ ل هه‌رێما كوردستانێ بتنێ ئاریشه‌ و ده‌رده‌سه‌ریه‌ بۆ گه‌لێ كوردستانێ و ئاسته‌نگێن سه‌ره‌كینه‌ بۆ ئاڤه‌دانكرنا كوردستانێ و دابینكرنا ته‌ناهی و ئارامی و خزمه‌تگوزارییان.
هه‌روه‌سا حوكمه‌تا هه‌رێما كوردستانێ ژی ب توندی ئیدانه‌یا هێرشا چه‌كدارێن په‌كه‌كێ بۆ سه‌ر هێزێن پێشمه‌رگه‌ی كر و داخواز ژی ژ په‌كه‌كێ كر كو هه‌ر نها و ب زووترین ده‌م ئاخا هه‌رێما كوردستانێ چۆل بكه‌ن و كێشه‌یا خوه‌ ل گه‌ل توركیا ل ناڤا ئاخا توركیا دا ئێك لایی بكه‌ن.
وه‌زاره‌تا ده‌رڤه‌یا ئه‌مریكا د راگه‌هاندنه‌كێ دا ب توندی سه‌ركونه‌یا هێرشا پارتا كرێكارێن كوردستانێ ـ په‌كه‌كێ بۆ سه‌ر هێزێن پێشمه‌رگه‌ی ل چه‌مانكێ دكه‌ت و دبێژیت: پشتگیریێ ل حوكمه‌تا عیراقێ و هه‌رێما كوردستانێ دكه‌ین بۆ بنبركرن و نه‌هێلانا تیرۆرێ.

28

دلۆڤان ئه‌مجه‌د بارزانى؟

هه‌ر یێن دبێژن حوكمه‌تا هه‌رێما كۆردستانێ چ كریه‌، هنده‌ك یێن دبێژن حوكمه‌تا رێزدار (مسرور بارزانی) چ كریه‌، هنده‌كێن دی یێ دبێژن حوكمه‌ت یا د باره‌كێ خراپ دا، هه‌ر هنده‌كێن تشته‌كێ دبێژن، لێ مخابن (ده‌ردێ نه‌ڤیانێ ده‌رده‌كێ گران و بێ ده‌رمانه‌).
نه‌ڤیانا وان كه‌ربوكینا د دلێ وان دا، جاشاتی و وه‌لاتفرۆشیا هنده‌ك لایه‌نێن سیاسی یا وه‌لێ كری كو چ تشتا باشی نه‌بینن، حوكمه‌تێ ژی ب لایه‌نێن سیاسی و پارتان ڤه‌ گرێ بده‌ن كو سه‌رۆكێ وێ پارتی یه‌.
هه‌ر تشته‌كێ بهێته‌ كرن خوه‌ ئه‌گه‌ر چه‌ندێ باش بیت و د به‌رژه‌وه‌ندیا خه‌لكێ هه‌رێما كۆردستانێ ژی دابیت ئه‌و هه‌ر دێ دژایه‌تیێ كه‌ن و ب نه‌رینێ و خراپ ناڤ به‌ن، لێ به‌لێ چ ژ ده‌ستێن وان ناهێت وه‌كی ئه‌م دبینین رۆژ بۆ رۆژێ پارتا وان یا ژ ناڤدچیت و خه‌لكی باوه‌ری ب وان نه‌مایه‌.
ـ ئه‌رێ حوكمه‌تا رێزدار (مسرور بارزانی) یا ل باره‌كێ خراپ دا ؟
راست بێژن حوكمه‌تا خراپه‌ بو وان به‌رپرسێن گه‌نده‌لێن شه‌ڤ و رۆژا داهاتێ ئه‌ڤی ملله‌تی دبه‌ن.
به‌لێ حوكمه‌ته‌كا خراپه‌ بۆ دزو و مافیا و چه‌تا و رێگران.
لێ حوكمه‌ته‌كا خراپه‌ بۆ وان كه‌سێن ژ نیشكه‌كێ ڤه‌ بووینه‌ هه‌می تشت ل سه‌ر حسابا من و ته‌ و ملله‌تی.
به‌لێ حوكمه‌ته‌كا خراپه‌ بۆ وان كه‌سێن چه‌ندین ساله‌ ل داموده‌زگه‌هێن حوكمه‌تێ و وه‌زاره‌تان مووچه‌یێن بندیوارا وه‌ردگرن بێ ده‌وام و خودانێ مووچه‌یه‌كێ زێده‌ترن.
به‌لێ حوكمه‌ته‌كا خراپه‌ بۆ وان كه‌سێن ب ناڤ دكتۆر و مافیایان ئه‌ڤێن رۆژانه‌ ده‌رمانێن خراپ و ب سه‌رڤه‌چوویی د فرۆشن ب ڤی ملله‌تی تاقی دكه‌نه‌ ڤه‌.
حوكمه‌ته‌كا خراپه‌ بۆ وان كه‌سێن عه‌رد و ملك و مالێن خه‌لكی داگیركری و خودانێن بیرێن نه‌فتێ نه‌.
به‌لێ حوكمه‌ته‌كا خراپه‌ بۆ وان كه‌سێن هه‌ولا تێكدانا ئێمناهی و ئاسایش و ئارامیا وه‌لاتی دده‌ن.
به‌لێ حوكمه‌ته‌كا خراپه‌ بۆ خیانه‌تكار و وه‌لاتفرۆشان، ئه‌وێن كه‌ركووك و خانه‌قین ناڤچه‌یێن دیێن كوردستانێ فرۆتی.
ئه‌ڤه‌ و گه‌له‌ك تشتێن دی.
ـ رێزدار (مسرور بارزانی) ب ئازایانه‌ و زیره‌كیا خوه‌ ل دژی وان هه‌می نه‌حه‌قیان راوه‌ستا كو ل هه‌مبه‌ری ئه‌ڤی ملله‌تی دهاتنه‌كرن.
مژوولێ چاكسازی و رێكخستنا هه‌می داموده‌زگه‌هێن حوكمه‌تێ یه‌ و خه‌لكی كوردستانێ ژی ب دل و گیان دگه‌ل پێنگاڤێن وی دا بوون.
ئه‌و كه‌س و لایه‌نێن سیاسی شه‌ڤ و رۆژا ل سایت و په‌یجێن سیبه‌رێن هه‌ولا بوختان و ناڤزراندنێ دده‌ن و دژی حوكمه‌تا وی نه‌، هه‌ر ئه‌و كه‌سن ئه‌وێن خیانه‌تكری و ئاخا كوردستانێ فرۆتی.
ئه‌و كه‌سن كو ل سه‌ر حسابا ئه‌ڤی ملله‌تی بووینه‌ خودان ملك و مال و ڤیله‌. ئه‌و كه‌سێن كو كارێ نایاسایی دكه‌ن ژ خوه‌ دترسن.
باش دزانن كو رێزدار (مسرۆر بارزانی) مژوولێ چی یه‌ ژبه‌ر هندێ وه‌خته‌ ژ كه‌ربان دا بپه‌قن.
ـ رێزدار (مسرور بارزانی) سه‌رۆكێ حوكمه‌تا كوردستانێ ل سه‌ر ده‌ستێ كارێزمایه‌كێ هندێ مه‌زن و پیرۆز یێ هاتیه‌ په‌روه‌رده‌كرن كو هه‌ستا كوردینیێ یا د دلی دا هاتیه‌ چاندن له‌وما پێدڤیه‌ ئه‌م هه‌می شانازیێ پێ بكه‌ین.

20

دلۆڤان ئه‌مجه‌د بارزانی

ڤایرۆسێ (كۆرونا) كۆڤید”١٩” ئه‌و ڤایرۆسه‌ یێ كوژه‌كه‌ كۆ نها ل
هه‌می جیهانێ یا به‌ربلاڤبووی، یا بۆیه‌ ڤایرۆسه‌كا جیهانی ئانكۆ نێڤده‌وله‌تی.
ل ده‌ستپێكا سالا (٢٠٢٠) ئه‌ڤی ڤایرۆسێ ل وه‌لاتێ چینێ پارێزگه‌ها ووهان سه‌رهه‌لدا، زووی ب زووی بلاڤبوو چه‌ندین ده‌وله‌تێن دی تووشی كۆرونایێ بوون، هه‌تا گه‌هشتیه‌ ده‌وله‌تێن جیران یێن هه‌رێما كوردستانێ و عیراقێ ل دووماهیا هه‌یڤا ئادارێ، هه‌رێما كوردستانێ ژی چه‌ند حاله‌ت هه‌بوون كو ئه‌وبوون، یێن قه‌ستا وه‌لاتێن ده‌رڤه‌كری و هاتیه‌ ڤه‌ كوردستانێ، پاشی هاتنه‌ كه‌ره‌نتینكرن بۆ ماوێ (١٤) رۆژان.
حوكمه‌تا هه‌رێما كوردستانێ هه‌ر زووی ده‌ست ب ئاماده‌كاریان كر بۆ رووی ب رووی بوونه‌ڤا ڤێ ڤایرۆسا كۆژه‌ك و مه‌ترسیدار نه‌خۆشخانێن تایبه‌ت ب ڤایرۆسا كۆرونایێ ئاماده‌كرن و ڤه‌كرن.
قه‌ده‌غه‌یا هاتن و چوونێ ژی راگه‌هاند خه‌لك ژی ل گه‌ل حوكمه‌تا هه‌رێما كوردستانێ هه‌ڤكار بوون و قوناغا ئێكێ ژ ڤایرۆسێ كۆرونایێ ل هه‌رێما كوردستانێ زۆر ب باشی تێپه‌راند.
د قووناغا ئێكێ دا ڤایرۆسا كۆرونا زۆرا بهێز نه‌بوو، ئه‌وبوو چ نه‌خوشێن هه‌لگرێن كۆرونایێ د نه‌خۆشخانێن هه‌رێمێ دا نه‌مان قه‌ده‌غه‌یا هاتنوچوونێ ژی هاته‌راكرن د ناڤ باژاران دا و بازار هاتنه‌ ڤه‌كرن، هاتن و چوون ئاسایی بووڤه‌، ب تنێ قه‌ده‌غه‌یا به‌ینا پارێزگه‌هه‌كێ بۆ پارێزگه‌هه‌كا دی ما.
لێ وه‌زاره‌تا ناڤخوه‌ و ساخله‌میێ و حوكمه‌تێ، هه‌رده‌م هه‌ڤوه‌لاتی ئاگه‌هداردكرن ل رێنمایێن خۆپاراستنێ دژی ڤایرۆسا كۆرونایێ لێ ڤێ دووماهیێ خه‌لك پابه‌ند نه‌بوون.
قووناغا دوویێ ده‌ستپێكر یا كۆرونایێ كو ڤێ جارێ زۆرا بهێزه‌ و مه‌ترسیدارتر و ل به‌راهیێ لێ خه‌لك یێ پابه‌ند نابن ب رێنمایێن ساخله‌میێ.
ل ده‌ستپێكێ خه‌لكی دگۆت (گه‌له‌ك كه‌س یێن تووشی كۆرونایێ بووی به‌لێ یێ ئاشكه‌را ناكه‌ن و راناگه‌هینن).
نها خه‌لك یێ دبێژن كو هه‌ر ئه‌ون (چ نه‌خۆشی و كۆرونا نه‌مانه‌ ل هه‌رێما كوردستانێ هه‌می دره‌وه‌ چ بۆ نینه‌ هه‌می ژبه‌ر نه‌دان و گیرۆكرنا مووچه‌یانه‌ و نه‌زێده‌تر).
نوكه‌ من دڤێت بێژمه‌ هه‌ڤوه‌لاتیێن هه‌رێما كوردستانێ ـ كۆرونا قووناغا ئێكێ بیت یان قووناغا دوویێ كۆرونا یا هه‌ی خوه‌ بپارێزن.
ـ هه‌ژمارا مریان ب ڤایرۆسێ كۆرونایێ كێم بیت یان زێده‌ بیت، كۆرونا هه‌ر یا هه‌ی پابه‌ند بن.
ـ ته‌ باوه‌ری ب حوكمه‌تێ هه‌بیت یان نه‌، ڤایرۆسێ كۆرونایێ هه‌ر یا هه‌ی.
ـ مووچه‌ بهێت یان نه‌هێت، كۆرونا هه‌ر یا هه‌ی.
ـ ل هه‌رێما كوردستانێ بیت یان ل ئه‌ورۆپا و جیهانێ ڤایرۆسی كۆرونایێ (كۆڤید ١٩)، تێكه‌لی سیاسه‌تێ و پارتایه‌تیێ بكه‌ن یان نه‌كه‌ن، كۆرونا هه‌ر یا هه‌ی و دێ هه‌بیت هه‌تا چاره‌سه‌ری بۆ نه‌هێته‌ دیتن دێ هه‌ر مه‌ترسیا وێ هه‌بیت ل هه‌می جهان.
هه‌ڤوه‌لاتیێن هێژا ئه‌ز داخوازێ ل هه‌وه‌ هه‌میان دكه‌م پابه‌ندێن رێنمایێن ساخله‌میێ و وه‌زاره‌تا ناڤخوه‌ بن، سیاسه‌تێ بده‌نه‌ ره‌خه‌كێ دا بشێین ساخله‌میا خوه‌ و وه‌لاتێ خوه‌ و خووشك و برایێن خوه‌ ل ڤێ ڤایرۆسا كۆژه‌ك و بێ چاره‌سه‌ری بپارێزین.

139

دلۆڤان ئه‌مجه‌د بارزانی

ـ (ئیدریس بارزانی) ئه‌و سه‌ركرده‌یێ ناڤدارێ كوردستانێ كو د چه‌ند قووناغێن بزاڤا ئازادیخوازا گه‌لێ مه‌دا رۆله‌كێ به‌رچاڤ و ب به‌رهه‌مێ گێرای و ب وان سیفه‌ت و ره‌فتارێن جوداهیێن د كه‌سایه‌تی و سه‌ركردایه‌تیا وی دا هه‌بوون شیا د ژیان و خه‌باتێ دا ئاسته‌كێ نموونه‌یی به‌رجه‌سته‌ بكه‌ت.
ـ ئه‌ڤ پێگه‌یا دیرۆكێ ژی ژبلی فاكته‌رێن خودی و زیره‌كی و شیانداریێ خوه‌ ئه‌ڤه‌ ئه‌گه‌ره‌كێ سه‌ره‌كی یه‌ بۆ ئه‌ڤێ چه‌ندێ دزڤریته‌ڤه‌ كو په‌روه‌رده‌كری و ده‌رچوویێ ئه‌وێ قوتابخانا مه‌زن بوویه‌ كو شێخ عبدولسه‌لامێ بارزانی یێ مه‌زن به‌رێ بنیاتى بۆ دانای و نه‌مرێن وه‌كی شێخ (ئه‌حمه‌دێ بارزانی “خودانێ بارزان” و مه‌لا مسته‌فا بارزانی نه‌مر یێن تێدا بووی درێژاهیا پێدای، كو هه‌می ژیانا خوه‌ ته‌رخان كربوو د شۆره‌ش و راپه‌رین و ئامانجێن رزگاریێ و ئارامیا گه‌لێ كوردستانێ دا هه‌ر ژ پێخه‌مه‌ت هندێ ژی وه‌ستیان و ماندیبوون د فه‌رهه‌نگا وان دا نه‌بوو.
ـ ل ڤێره‌ پێدڤی دزانم ل سالیادا (ئیدریس بارزانی) ئه‌ڤی سه‌ركرده‌یێ زیره‌ك و ناڤدارێ كوردستانێ دا هه‌ر چونه‌ بیت پیچه‌ك به‌حسێ ژیان و دیرۆكا خه‌بات و به‌رخودان و شۆره‌شا وی بكه‌م:
ـ ئدریس بارزانی كورێ رابه‌رێ مه‌زنێ كورد مه‌لا مسته‌فا بارزانی یه‌ ل سالا (١٩٤٤) ل گۆندێ “بارزان” مه‌لباندا خودێ په‌رستنێ و كوردینی و به‌رخودانێ یێ ژ دایكبووی، كورێ بابێ روحیێ نه‌ته‌وا كورد و سه‌ركرده‌یێ مه‌زن مسته‌فا بارزانیێ نه‌مره‌ و ل نیڤا هه‌لومه‌رجێن شۆره‌شا سێیه‌ما بارزان ل سالا (١٩٤٣ـ١٩٤٥) و ره‌وشا ئالۆزا وی ده‌می و دامه‌زراندنا كۆمارا كوردستان ل مه‌هاباد و روودانێن دووماهیا جانه‌مه‌رگكرنا ڤێ كۆمارێ یێ هاتیه‌ سه‌ر دونیایێ.
ـ ژ سالا (١٩٤٧) بارزانی نه‌مر ل گه‌ل (٥٠٠) ژ هه‌ڤالێن خوه‌ د رێیه‌كا دیرۆكی دا شیاینه‌ داستانه‌كا مه‌زن د دیرۆكێ دا تۆمار بكه‌ن و وه‌كی پێدڤی و به‌رسڤدانه‌كا واقعیا وی ده‌می خوه‌ بگه‌هینه‌ ئێكه‌تیا سۆڤیه‌تا جاران، ئدریس بارزانی وی ده‌می ژیێ وی (٤) سال دبن، ل گه‌ل مالباتا خوه‌دا دوچارێ مشه‌ختی و ده‌ربه‌ده‌ری دهێنه‌كرن و ب ده‌سته‌سه‌ری بۆ ژێریا عیراقێ دهێنه‌ دوورخستن و ژ لایێ رژێما وی ده‌می یا عیراقێ ڤه‌ بۆ ماوێ (١١) سالان تووشی ژیانه‌كا ته‌ژی نه‌خۆشی و گران دبن ل باژێرێن به‌سرا و مووسل و به‌غدا.
ـ ل گه‌ل ئازار و سه‌ختیێن ژیانا ئاواره‌یێ دا درێژاهیا ب خواندنا خوه‌ دده‌ت هه‌تا ڤه‌گه‌ریانا سه‌ربلندی یا بارزانیێ نه‌مر بۆ عیراق و كوردستانێ پشتی شۆره‌شا (١٤) ته‌مموزێ سالا (١٩٥٨) كو وی ده‌می ئدریس بارزانی ژ باژێرێ به‌غدا مژوولێ خواندنێ دبیت، پشتی وێ ڤه‌قه‌تیانا زۆر ب دیدارا بارزانیێ باب و رابه‌ر شاد دبیت و پاشی ڤه‌دگه‌رێنه‌ ڤه‌ زێدێ باب و باپیرێن خوه‌ ل سه‌ر ئاخا كوردستانێ.
ـ ژ سالا (١٩٦١) كو شۆره‌شا مه‌زنا ئیلوونێ ده‌ست پێ دكه‌ت ب رابه‌رایه‌تیا بارزانی نه‌مر و پارتی دیمۆكراتی كوردستانێ، وه‌كی پێشمه‌رگه‌هه‌كێ ئه‌ڤێ شۆره‌شا مه‌زن دچیته‌ سینگێن سه‌نگه‌ران و ژیان و به‌رخودانا وی ده‌ست پێ دكه‌ت كو هه‌ر ل ده‌ستپێكێ وه‌كی كه‌سه‌كێ دیار د ناڤ شۆره‌شا ئیلونێ دا ده‌ر دكه‌ڤیت، ژبه‌ر زیره‌كی و ئه‌و شیانێن داراییێن هه‌بووی هه‌ر زووی د نێڤ شۆره‌ش و پارتی دا ئه‌ركێن گه‌له‌ك بۆ دهێنه‌ پێش و ئه‌و ژی ب زیره‌كانه‌ دچیته‌ پێش و رۆل و جهه‌كێ به‌رچاڤ دبیت، ئیدریسێ هه‌رده‌م ساخ، كه‌سه‌ك دبیت كو جهێ ئۆمێدا بارزانی نه‌مر بوویه‌، ژبه‌ر هندێ ژی بارزانی ژی یێ ڤیایی و دڤێت وه‌كی خوه‌ پێ بگه‌هینیت، كو هه‌ست ب شیانداریا وی دكه‌ت و تێدا دبینیت كو ئدریس بارزانی یێ گه‌هشتیه‌ ئاستێ پله‌ و پێ دانێ هه‌ژی ئه‌ركی یه‌، راسته‌ راست تێكهه‌لێ كاروباران دكه‌ت و گه‌له‌ك ئه‌ركێن گران و زحمه‌ت پێ دسپێریت كو سه‌ركه‌فتنا ئیدریس د جێبه‌جێكرنا وان ئه‌ركان دا دیار بكه‌ڤیت ئێدی دبیته‌ جهێ باوه‌ریا زێده‌ترا بارزانی نه‌مر و ئێك ل وان كه‌سێن كو پر ب دلێ بارزانی نه‌مر دبن.
ـ سه‌رۆك مسعود بارزانی دبێژیت:”دشێم بێژم كاك (ئیدریس) وێنه‌یه‌كێ پاك و خاوینێ بارزانی نه‌مر بوو هه‌می سیفه‌ت د وی دا كو ببینه‌ڤه‌”.
كاك (ئیدریس بارزانی) دگه‌ل سه‌رۆك (مسعود بارزانی) دا برا و هه‌ڤاله‌كێ زۆرێ هێژا و خۆشتڤی یێن ئێكدو بوون و ژ تێكۆشانێ دا هاریكار و پشته‌ڤانێن بهێزێن ئێكدو و دو هه‌ڤسه‌نگه‌ر و دو هێزێن مه‌عنه‌وی و ته‌ژی شیان و هێزا رێبازا كوردینی و شۆره‌شا كوردستانێ بینه‌، كاك ئیدریس وه‌كی چیایه‌كێ هه‌رده‌م ل پشت سه‌رۆك مسعود بارزانی بوو و چ تشته‌كێ و چ كه‌سه‌ك نه‌شیایه‌ كارتێكرنێ ل وێ برایه‌تیا ناڤبه‌را وان دا بكه‌ت.
شه‌هیدی هه‌رده‌م د هزرا رێزدار ئیدریس بارزانی دا بوو، مرۆڤه‌كێ خودان بیر و باوه‌رێن قایم بوو ب خودێ و ئاینێ پیرۆزێ ئیسلامێ، ئیمانداریێ و تاعه‌تێ وی چ سنۆر نه‌بوون و هه‌می فه‌رزێن ئایینی جێبه‌جێ دكرن.
ـ د رێكه‌فتناما (١١) ئادارێ و توێژینێن سالا (١٩٧٤) ل گه‌ل حوكمه‌تا عیراقێ و پاشی سالا (١٩٧٥) ژ درێژه‌دان ب شۆره‌ش و پێكئینانا به‌ره‌ی “جودا” و دووڤدا به‌ره‌یێ كوردستانێ چه‌ند به‌رهه‌مه‌كن ئیدریس بارزانی رۆله‌كێ گرنگێ تێدا هه‌بووی، كو ب ده‌ستڤه‌ئینانا وان گه‌واهیێ ژ سه‌ر شیانێن بهێزێن سه‌ركردایه‌تی و دیبلۆماسیا وی دده‌ن.
سه‌باره‌ت ب هێلا جه‌ماوه‌ریا پارتی شیانێن دیبلۆماسیێن پشتی سالا (١٩٧٥) ب ره‌نگه‌كێ سه‌ره‌كی بنیاتێ دروستكرنێ بوویه‌، چونكێ یێ شاهره‌زا و كارزان و رژد و خه‌مخۆر بوویه‌ ژ دروستكرنا پرا په‌یوه‌ندیان ل گه‌ل ئه‌ڤێن دی، ژبه‌ر هندێ جهێ كارتێكرنا وی شوونه‌وارێن خوه‌یێن هه‌بووی هه‌رده‌م حسابه‌كا تایبه‌تا بۆ كری، ژ سه‌ر ئاستێ وه‌لاتێن ناڤچه‌یی و جیهانێ ژی تێكۆشان و هه‌ولێن دیبلۆماسیێن وی ب تایبه‌تی پشتی سالا (١٩٧٥) ب راده‌یه‌كێ بوون كو بنیاته‌كێ په‌یت و بهێز دروست كربوو هه‌تا نها و بۆ داهاتوی ژی شوونه‌وارێن مای و دێ مینن ژی، ل پشتی نسكۆیا شۆره‌شا ئیلوونێ و ژ سالێن ده‌ستپێكا شۆره‌شا گۆلانێ دا دینه‌مۆیا رێكخستنه‌ڤه‌ و سه‌رهه‌لدانه‌ڤا شۆره‌شێ بوو ، ئیدریس بارزانی ب شیانداری و ئیراده‌یه‌كا بلند دكه‌ڤیته‌ هه‌ول و ململانێ ل گه‌ل هه‌لومه‌رجان دا و ب مێرخاسانه‌ ملێ خوه‌ دده‌ته‌ به‌ر ئه‌ركێ رێكخستنێ و په‌ره‌دانا شۆره‌شێ و ب ساخی بنئاخكرنا پیلانان و ئاریشه‌یان وه‌كی سه‌ركرده‌یه‌كێ قه‌هره‌مان خه‌باتێ بكه‌ت.
شه‌هید ئیدریس د ناڤ هه‌می چین و تۆێژان دا رۆل هه‌بوو وه‌ك مامۆستا و سه‌ركرده‌یه‌كێ ب حیكمه‌ت ره‌فتار دكرن، ره‌وشه‌نبیر و خوینده‌وار هانددان كو ب زانست و به‌رهه‌مئینانێ ژ خزمه‌تا مرۆڤایه‌تیێ و گه‌لێ خوه‌ دابن و هه‌روه‌سا به‌رامبه‌ر ب لاوان و قوتابیان خودان هه‌لۆێسته‌كێ براییانه‌ بوویه‌ و هه‌رده‌م هیڤی و ئاواتێن زۆر ب لاوان و قوتابیان هه‌بوو، زۆر گرنگی ب پێددان كو فێری خوه‌ ره‌وشت بلندیا مرۆڤایه‌تیێ و كوردینیێ بن و ته‌خسیری د هاریكاری و هاریكاریكرنا واندا نه‌كریه‌.
ژیان و هه‌لوێستێن شه‌هیدی هه‌رده‌م ل یاد تژینه‌ ژ نموونه‌یێن زیندیێن وه‌فاداریێ به‌رامبه‌ر گه‌لێ خوه‌ و رێبازا خوه‌ و دۆست و پێشمه‌رگه‌ه و هه‌ڤال و هه‌ڤسه‌نگه‌رێن خوه‌.
سه‌رراستانه‌ یێ ژیایی و دلسۆزانه‌ بوویه‌ ل گه‌ل هه‌ر كه‌سه‌كێ كو پێدڤیاتی و ئاریشه‌یێن خوه‌ بربنه‌ ده‌ف وی و ئه‌ڤا هه‌ژی دابینكرن و چاره‌سه‌ركرنێ بیت ته‌خسیری نه‌كریه‌.
مخابن ئه‌ڤ كه‌سایه‌تیێ زیره‌ك و سیاسه‌تڤانێ سه‌ر راست و شۆرشگیرێ به‌ركه‌فتی زووی مرنێ ژ گه‌ل و نیشتمانێ وی دوور دئێخیت كو هه‌بوون و مانه‌ڤا وی پێدڤیاتیه‌كا دیرۆكی و نیشتمانی یا گرنگ بوو، ب تایبه‌تی دڤی هه‌لومه‌رجێ هه‌سته‌وه‌ر و ئالۆزێ وی ده‌می كو بزوتنه‌وا رزگاریخوازا كوردستانێ تێدا بوو.
ـ ل ده‌مژمێر (٦) سه‌رێ سپێدێ ل رێكه‌فتێ (٣١/١/١٩٨٧) ل ناحیا “سلیڤانا”ی سه‌ر ب باژێرێ “ورمێ” رۆژهه‌لاتا كوردستانێ خاترا خوه‌ دخوازیت و روحا وی به‌ر ب به‌هه‌شتا نه‌مریێ و سه‌رفه‌رازیێ ڤه‌ دچیت و بلند دبیت.
ژ گۆرستانا باژێرێ “شنۆ”یێ ژ ده‌ف گۆرێ پیرۆزێ بارزانیێ باب و رابه‌ر و سه‌ركرده‌ دهێته‌ ڤه‌شارتن.
ب مرنا نه‌وه‌خت و ئه‌ڤ كۆستێ مه‌زنێ زیانه‌كا مه‌زن ب گه‌لێ كورد و پارتی و بزاڤا رزگاریخوازا كوردستانێ و به‌رهه‌لستكاریا عیراقێ دكه‌ڤیت.
پاش نێزیكێ (١٠) سال پشتی راپه‌رینا به‌هارا سالا (١٩٩١) سه‌ركردایه‌تیا پارتی دیمكراتی كوردستانێ بریارا ڤه‌گۆهاستنا ته‌رمێ پیرۆزێ هه‌ردو نه‌مران “بارزانی نه‌مر و ئدریسێ هه‌رده‌م ساخ” دده‌ن و د ده‌مێ (٦هه‌تا٨ /١٠/١٩٩٣) د رێوره‌سمه‌كا ژ هه‌ژی و دیرۆكی ته‌رمێ نه‌مران دهێنه‌ ڤه‌گۆهاستن بۆ ئاخا ئازادا كوردستانێ و ل گۆندێ “بارزان”ێ زێدێ ره‌سه‌نێ خوه‌ و مه‌لبه‌ندا كوردینی و به‌رخودانێ بۆ دووماهیك جار ب ئاخا پیرۆزا كوردستانێ دهێنه‌ سپاردن.
هه‌روه‌سا پیرۆزی و مه‌زنیا وان یا بوویه‌ مه‌زارگه‌هێ هه‌ڤال و هه‌ڤسه‌نگه‌ر و رۆلێن ب وه‌فایێن گه‌لێ مه‌ و رێبوارێن رێبازا پیرۆزا وان و دۆست و هه‌ڤسوزێن كورد، ب تایبه‌تی ل رۆژا (١ێ هه‌یڤا ٣) هه‌می سالان سه‌ردانا “مه‌زارێ نه‌مران” دكه‌ن ل بارزان و ل سه‌ر گۆرێ پیرۆزێ وان به‌لێن و په‌یمانان ژ به‌رامبه‌ر خه‌بات و تێكۆشانا ته‌ژی به‌رهه‌م و سه‌روه‌ریا وان نۆی دكه‌نه‌ڤه‌.

website security
WP Facebook Auto Publish Powered By : XYZScripts.com