ئەنەس عەبدولكەریم

جاران ئەم وەسا هزردكەین كو چ جوداهی د ناڤبەرا حەز و بەهرەیێ دا نینە ل وی دەمی ئەم دشاشین د راستی دا گەلەك جوداهی یا دناڤبەرا حەز و بەهرەیێ دا هەی، حەز كارەكێ وەسایە كو تە دڤێت بكەی و خوە فێربكەی بەردەوام تۆ پێكۆلان دكەی بگەهیێ ئەگەر چەند یا سەخت بیت ئەگەر چەند یا ب ئاستەنگ بیت هەتا ئەگەر تو بزانی تە شیانێن وی كاری نینن دێ هەر كەی چونكی ئەڤە حەزا تەیە، ئەڤە كارەكە كو دلێ تە یێ پێ رازیە و دەمێ ئەنجام دانا وێ دا تو ئارام دبی ئاها دبێژنە ڤی كاری حەز و ل هندەك دەما هەكەر مرۆڤی حەزەك هەبیت و نەشیت دی گازندا ژ دەوروبەرێن خوە كەت دێ گازندا ژ كەسەكی كەت كو نە شاهرەزایێ وی بابەتی یە چونكی شیان نینن، ئەڤجا دێ بەردەوام گازندا كەت.
لێ بەهرە ئەو كارە كو تو یێ تێدا شەهرەزای كو تە شیانێن وی كاری یێن هەیین ئەوە بێ كو تە فێركارەك هەبیت تو دشێی وی كاری بكەی ئەگەر تە پیچەك شاهرەزای هەبیت د وێ بەهرێ دا دێ گەلەك ب جوانی ئەنجامدەی كا چاوا مە گۆتی حەز كارەكە دل یێ پێ ئارامە دەمێ ئەنجامدانا وی بەهرە بەروڤاژیە، بەهرە كارەكە مێشكێ تە یێ شاهرەزایە تێدا بەهرە ئەوە كو ئەو كارە چەند یێ سەخت ژی بیت دێ بۆ تەیا نۆرمال بیت، چونكی تە بەهرا وێ یا هەی، بەلكی ئەو بەهرا تە هەی ژی نە كارەكێ ب دلێ تە بیت و تەشیان نینن نیشان بدەی نەكو تە شیانێن وێ نین، بەلكو ئەوە كو تە نەڤێت ئەنجام بدەی دێ چی وی كاری كەی یێ ب دلێ تە، حەزا تە سەر هەبیت ئەرێ ئەم دویڤ حەزا خۆ بكەڤین یان ئەم ئەم ل بەهرا خۆ بگەرین دڤێت مرۆڤ ڤێ پسیارێ ژ خۆ بكەت ئەگەر بزانیت حەزا وی مفای نە بەس ل وی كەت، بەلكو دێ ل دەوروبەران ژی كەت ل وی دەمی حەزا وی گەلەكا باشە و بەلكی شیانێن وێ حەزێ ژی هەبیت دێ وی دەمی ب حەزا خوە ڤە هێتە گرێدان و ب جوانی كارێ خوە ئەنجامدەت، دێ مفایەكی گەهینتە خوە و دەوروبەرێن خوە، ئەگەر ئەم بزانین بەهرەیا مرۆڤی زیانێن تێدا هەین، دڤێت ئەو كەس ب خوە هزرا تێدا بكەت كو ئەڤ بەهرەیە ل دەڤ وی هەی زیانە ژ بۆ وی و بۆ دەوروبەرێن وی ژی، لێ ئەگەر بەهرەیا مرۆڤی مفایەك هەبیت هەر بۆ مرۆڤی ب خوە و بۆ دەوروبەران ژی ل وی دەمی ئەو كارێ كو بەهرەیا وی تێدا هەی ئەنجامددەت دێ سەركەفتنەكا مەزن ب دەستخوەڤە ئینیت، دێ وەسا پێشكەڤیت كو د هزرا وی دا نەبوو، ئەگەر مرۆڤ پیچەك ل دویڤ بەهرەیا خوە بگەریت و پتر ژ وێ شاهرەزا یا وی تێدا هەی خۆ پتر شاهرەزا بكەت و بزانیت مفایێ مللەتەكی ژی یێ تێدا هەی ئەو وی كاری ئەنجامددەت دێ سەركەفتنەكێ ئینیت، نە د ناڤ وەلاتێ خۆ دا بەلكو ژ دەرڤەی سنوورێن وەلاتێ خۆ ژی دێ سەركەڤیت، بەلێ ئەم دشێین ئەو بەهرا د ناڤ ناخێ مرۆڤی دا ئەنجام بدەین و پیچەكا دەمێ خۆ بدەینە حەزا خۆ.