كاژین فارس

پەروەردە بنەمایێ یێ هەر جڤاكەكێ یە، هەر وەكی بەرێ بنیاتی یە بۆ پێشكەفتنا تاكەكەسی. تاكێن جڤاكی بهێز دكەت ب زانیاریان و شیانێن رەخنەگرتنێ. ب ڤێ چەندێ ژی داهێنان و پێشكەفتنا ئابووری و ئێكگرتنا جڤاكی پەروەردە دكەت، دێ بەحسێ ئافرەتێن خودان شیان كەین كو بەردەوام بوونە ل دارێشتنا دیمەنێن پەروەردەكا سەردەمیانە.
‏ئافرەتێ رۆلەكێ گرنگ سەرەكی هەبوویە د شۆرەشان دا و ل شێوازێ فێربوونێ و گەشەكرنێ دا. پتریا جاران ب خۆبەخشی بەردەوامبووەنەك ب تنێ بەربەست شكاندنی نە بەلكو بویە رێ خۆشكەرەك بۆ پەروەردەكا گشتگیر و هەمەجور بو هەمیان.
‏ئافرەت ئەو كەسە یێ كو مرۆڤی ژ نەبوونێ دئینتە هەبوونێ، هەر ئەو دروستكەرا جڤاكێ یە، هەروەسا د دروستكرنا جڤاكێ‌ ژی دا شوینن تبلێن وێ ددیارن. هەر ئەوە كو رەگەزێ نێر دئینتە هەبوونێ و هەر ئەوە رەگەزێ مێ دئینتە هەبوونێ و ب جوانترین شێواز پەروەردە دكەت، دبیتە قوتابخانەكا پێگەهاندنێ و نفشەكێ نوی د ناڤ جڤاكێ دا پەروەردە دكەت و پارڤە دكەت. هەر ب ڤی رەنگی جڤاكەكا ساخلەم و تێگەهشتی و پری زانین و مەعریفەت دروست دبیت. هەر ژبەر هندێ دبێژن ئافرەت نیڤا جڤاكێ یە، مەبەست ئەوە ئەو تاكی دئینتە هەبوونێ و پەروەردە دكەت و هەتا كو دبیتە مرۆڤەكێ پێگەهشتی، خزمەتا جڤاكا خۆ بكەت.
‏ئافرەتێ د پەروەردێ دا رۆلەكێ گرنگ یێ هەی هەر چەند ئەو بۆ خۆ قوتابخانا ئێكێ یە، چونكی هەر ژ مالا خۆ و زارۆكێن خۆ دەست پێ دكەت پاشی دەست ب پەروەردەكرنا تاكەكێ ساخلەم و پری زانیاری بۆ جڤاكەكا سەركەفتی دكەت. هەتاكو ژ لایێ ئایینێ ئیسلامێ ڤە ژی خودی مەزن چ جوداهی نەكریە د ناڤبەرا رەگەزێ نێر و مێ دا، ئانكو ئافرەت ژی دشێت مل ب ملێ زەلامان كار بكەت، هەروەسا دشێن بەرپرسیارەتیێ هەلبگرن، ڤێچاچ د رێڤەبرنا خێزانێ یانژی د وارێ سیاسی دا، هەر بوارەك هەبیت، ئافرەت دشێت خۆ بگۆنجینیت و سەركەفتی بیت و ببنە پیشەگ د ژیانێ دا. ئافرەت ئەگەر دایك بیت قۆتابخانەیە ب زەلامی و كوگەهەكە بۆ پێگەهاندنیێ، كچ و كۆڕێن دروست بۆ جڤاكێ كو رێزێ ل یاسایێ بگرن و هاریكاریا ئێكودو بكەن تۆڤێ باشیێ ل هەمی جها بچیینن. گۆتنەكا مەزنان هەیە دبێژیت»توچ بچینی دێ وی هەلینی» ئەڤ گۆتنا مەزنان گەلەك چق ژێ دچن ژ وان ژی ئەم دشێین بێژین ئەگەر تە نفشەكێ باش پەروەردە كر، دێ تە داهاتییەكێ بەرهەمدار هەبیت و نەخاسمە تاكێ جڤاكێ بیت، ژبەركو هەر ئەوە دبیتە رێڤەبەر و مامۆستا و دكتۆر و هەتا دوماهیێ.