كه‌لحێ نعمه‌ت
هه‌لبژارتن پرۆسێسه‌كا دیمۆكراسی یه‌ و هه‌ر ژ ده‌مێن بۆری دا و د ناڤ گه‌ل و وه‌لاتێن پێشكه‌فتی دا سه‌رهلدایه‌ و بۆ ماوه‌ێ هه‌ر چه‌ند سالان بریار دهێته‌دان ژبۆ ده‌ستنیشانكرنا كۆمه‌كا نوونه‌رێن پارت و لایه‌نێن جڤاكى و رامیارى ژبۆ راستڤه‌كرنا یاسایێن بۆرى یێن نه‌گونجایی ل گه‌ل كاودانێن تازه‌ ئه‌ڤێن رووددن, كو نه‌كه‌ڤن د خزمه‌تا گه‌ل و وه‌لاتى و هه‌ڤوه‌لاتیان دا بێ جوداهى, هه‌روه‌سا ده‌یناندن و په‌سه‌ندكرنا قانوونێن نوو ژبۆ رێڤه‌چوونا سیسته‌مێ ژیانێ و رێخستنا كاروبارێن ملله‌تى و پاراستنا ده‌ستكه‌فت و مافێن ره‌وا ئه‌ڤێن ب سه‌دان سالان ب ده‌ستڤه‌هاتین و خورتكرن و جێبه‌جێكرنا قانوونێن تازه‌ و نوو و رێخۆشكرنه‌ك بۆ په‌یداكرنا قانوونێن نوو, كو ب ساناهى ژ دایكببن و بكه‌ڤن خزمه‌تا گه‌ل و وه‌لاتی, ڤێجا بلا ڤێ جارێ ل رۆژا (30) ئه‌یلۆلێ بچین هه‌لبژارتنان و ده‌نگێ خوه‌ بده‌ین وان لیستێ و به‌ربژاران یێن كو بشێن به‌ره‌ڤانیێ ژ هه‌بوون و ماف و ده‌ستكه‌فت و پاراستنا یاسایێن نیشتیمانى بكه‌ن وسپێده‌هیا وێ بێ دوو دلى به‌ر ب سندۆقێن ده‌نگدانێ ڤه‌ بچین و ڤێ رۆژێ بكه‌ین كه‌رنه‌ڤاله‌كا جه‌ماوه‌رى و بكه‌یفخۆشى ل به‌رامبه‌ر لیست و كاندیدێ خوه‌ ئیمزایه‌كا راست رابكێشین و دلێن خوه‌ ژى ئارام و ده‌نگێ خوه‌ پێشكێش بكه‌ین.
لێ سه‌ره‌رایی وان هه‌مى كێم و كاسیێن د ڤان چه‌ند سالێن بۆری دا ژى هه‌ی, ڤێجا بلا هه‌مى لایه‌نێن سیاسی ب ساناهی رێكێ خۆشبكن بۆ سه‌ركه‌فتنا هه‌لبژارتنا و لێ گه‌ریان ل چاره‌سه‌ریان و وان كێموكاسیان لابده‌ین و ب دورستى و دلسۆزى د هۆلا په‌رله‌مانی دا و ژبۆ وه‌لاتى دانوستاندن و گه‌نگه‌شه‌كرنان ل سه‌ر دانانا قانوونێن نوو و پرۆژان بت و ب دورستى بریارێ ل سه‌ر بده‌ن و ئه‌و یاسایێن كێماسی تێدا هه‌ى ژى راستڤه‌بكه‌ن و ب ئه‌نجامدانا پرۆژێن خزمه‌تكرنێ و ئاڤه‌دانكرنا وه‌لاتى و ب رێیا وه‌زاره‌تێن جودا جودادا و هه‌ر ئێك ل دووڤ پلانانێن خوه‌ یێن سالێ كارى ب باشى ئه‌نجامبده‌ن و ئۆمێد و هیڤیان بۆ خه‌لكێ خوه‌ ڤه‌گه‌رینن, هه‌روه‌سا چاڤدێریێ ژى ژلایێ په‌رله‌مانتارێن به‌رێز ڤه‌ ل سه‌ر پرۆژان بهێته‌كرن دا ڤێكرا بشێن و ب ساناهى كێماسییان بن بربكه‌ن و ئێدى هه‌ڤوه‌لاتیێن هه‌رێما كوردستانێ به‌س گازندا ژ نه‌بوونا بێپلانیا كارى بكه‌ن و هه‌ڤوه‌لاتى هه‌ست ب نه‌ دادپه‌روه‌ریی بكه‌ن و ڤێكرا كاركرن دهۆلا په‌رله‌مانی ڤه‌ ب ئێك تیم و ده‌ست و ب دلسۆزى و وه‌فادارى ژبۆ خوینا هزاره‌ها شه‌هید و برینداران ئه‌ڤێن جانێن خوه‌ كرین، خه‌لات ژبۆ ئازادیا وه‌لاتى خه‌باتى َبكه‌ن, ژبۆ بلند راكرنا ناڤێ كوردستانێ و ژ به‌ر ڤێ چه‌ندێ فه‌ره‌ په‌رله‌مانتارێن ب رێزێن سه‌ركه‌فتى ڤێكرا سویندا یاسایی بخوینن و ژبۆ ئاڤه‌دانكرن و سه‌روه‌ریا ئاخا كوردستانێ به‌ره‌ڤانیێ ژ خوه‌ و وه‌لاتى ب شه‌ڤ و رۆژ بكه‌ن و مه‌ هیڤی یه‌ بۆ ڤێ گه‌را په‌رله‌مانى, په‌رله‌مانتار ب هه‌مى شییانێن خوه‌ ته‌رخانبكه‌ن و كاربكه‌ن, ژبۆ راستڤه‌كرنا وان شاشیێن د په‌رله‌مانی دا په‌یدابووین و مزگینیێ بده‌ن خه‌لكێ مه‌ هه‌میێ بێ جوداهى ب ئێكرێزى و ئێكگرتنا خوه‌ رابگه‌هینن و خۆشیێ په‌یدا بكه‌ن د ناڤ هه‌ڤوه‌لاتیێن مه‌ دا بێ جوداهیا ئوول و مه‌زهه‌ب و ئایین و نه‌ته‌وان, كو جاره‌كا دى هه‌ڤوه‌لاتیێن هه‌رێمێ شانازیێ ب داموده‌زگه‌هێن خوه‌ یێن میرى ببن و ب تایبه‌تى په‌رله‌مانێ كوردستانێ و مه‌زناهیا وى ڤه‌گه‌رینن وه‌كى جاران و هه‌مى ده‌ستكه‌فتێن ب ده‌ستڤه‌هاتین، به‌ره‌ڤانیێ ژ دۆزا خوه‌ یا ره‌وا بكه‌ن و به‌رژه‌وه‌ندیێن تاكه‌كه‌سى و حزبى باڤێژن و به‌رژه‌وه‌ندیێن گشتى و نیشتیمانى ب به‌رزو بلند راگرن و بپاریزن و وه‌كى پێشمه‌رگێن كوردستانێ د سه‌نگه‌رێن پاراستنا وه‌لاتیدا بن و بێژین خه‌لكێ ڤێ جیهانێ ئه‌م كورد ژى ملله‌ته‌كێ ئاشتیخوازین و حه‌زژ ئاڤه‌دانى و پێكڤه‌ژیان و ئازادى و سه‌روه‌ریا قانوونێ وه‌كى هه‌وه‌ دكین و سه‌ركه‌فتن هه‌ر بۆ دلسۆز و وه‌فادار و خزمه‌تكار وپارێزڤان و پۆلیس و ئاسایش و جانفیدان یه‌ و سه‌رفرازى بۆ هه‌مى خێزانین سه‌ربلندێن شه‌هیدان و نه‌فره‌ت ل داگیركه‌ر و پیلانگیر و زۆردار و فیلبازایه‌.

كه‌لحی نعمت / زاخو

باش دزانین حوكمه‌تێن عیراقی یێن ئیك ل دووڤ ئێكی هه‌ر ژ رۆژا دامه‌زراندنا وی ب تنێ كاردكرن و دكه‌ن ژبۆ نه‌هیلانا مافێن ره‌وایین كوردستانیان ب هه‌می پیكهات و نه‌ته‌وه‌ و ئاینان، لێ ژبۆ ئازادیی گه‌له‌ك جان و گه‌نج و لاو قیز و كچ و كور و دایكوباب و زارۆكین پشكۆژ بۆ نه‌ قوربان ژبلی سۆتنا گوندا و ره‌شاندنا چه‌كی كیمیایێ ل ناڤ ده‌ڤه‌ران و ئه‌نجامدانا جینۆساید و ئه‌نفال بۆ ئه‌نفالانكرن دیاری بۆ گه‌لی كوردستانی، لێ سه‌ره‌رایی ڤێ زۆرداریی چه‌ندین جاران شێخ و مه‌لا و ره‌وشه‌نبیر و زانا و سه‌ركرده‌ و كوردپه‌روه‌رێن وه‌لاتێ مه‌ كوردستانێ، ب هه‌می ته‌خ و چینان ڤه‌ ژ موسلمان و فه‌له‌ و ئێزدی و كاكه‌یی و شه‌به‌ك و فه‌یلیان ڤه‌ ب پشته‌ڤانیا خودی و جه‌ماوه‌رێ خۆراگری ئازادیخواز به‌ره‌ڤانیكرن ژ بۆ هه‌بوونا ملله‌تی و شۆره‌ش و سه‌رهلدان ئێك ل دووڤ ئێكی ئه‌نجامدان دا كوردستان پاقژ بمینت و خه‌لكێ وی ب ئازادی هلمێ بكێشن و سه‌ربه‌ست د ناڤ خاكا خوه‌ كارێ خوه‌ برێڤه‌ببن و هه‌روه‌سا و ب سلامه‌تی ل سه‌ر خاكا خوه‌ بژین بی هه‌ست ب زۆرداری بكه‌ن، لێ مخابن چه‌رخێ بیست و ئێكێ ژی نه‌بوو هه‌ڤال و دۆست ل گه‌ل مه‌ كوردان، به‌لكو چار ره‌خ و ئالی و جیهانا عه‌ره‌بی و بیانی ژی بوونه‌ ئێك ژبۆ قركرنا مه‌ كوردان و نه‌هیلانا ده‌ستكه‌فتێن گه‌لی مه‌ و ده‌نگێ گه‌لێ مه‌ ل هه‌لبژارتنا ریفراندۆمێ ل 25 ئه‌یلۆلێ بی ده‌نگ كرن و پشته‌ڤانیا ریژا 92 ژ سه‌دی یا وه‌لاتی مه‌ ب ده‌نگی به‌لی بۆ سه‌ربه‌خوه‌یا كوردستانێ نه‌هاته‌كرن، به‌لكو به‌روڤاژكرن و ل گه‌ل ڤی چه‌ندێ دا ژی نه‌ راوه‌ستان به‌لكو هێرش بۆ هێرشان كرن و قه‌یران بۆ قه‌یرانان په‌یداكرن و سه‌پاندنه‌كا فاشستانه‌ ل گه‌لێ كوردستانی كرن و زه‌مینه‌ خۆشكرن و كه‌ركووكا دلێ كوردستانێ ب سه‌رو ساناهی داگیركرن و خه‌لكێ وی ده‌ربه‌ده‌ركرن وه‌كی جارین بووری جینۆسایدكرن و مخابن به‌رهه‌می خوینا شه‌هیدێن مه‌ ئه‌ڤا چه‌ندین سالا په‌یدابووی ب هه‌روه‌ فرۆتن و كورد لاوازكرن به‌رامبه‌ری به‌غدا رۆژ بۆ رۆژی مه‌رجێن نوی ده‌ینانه‌ به‌ر سینگێ حوكمه‌تا كوردستانی و باری وی گرانتركرن هه‌تا خوه‌ راده‌ستی به‌غدا بكه‌ن، لێ حوكمه‌ت و په‌رله‌مان دكارین خوه‌ یێن نه‌ته‌وه‌یی و خزمه‌تكاری مان و بلا ئه‌م هه‌ر داخوازا مافێن خوه‌ یێن ره‌وا بكه‌ین ب رێكێن یاسایی و دیمۆكراسی كو ئه‌و ژی وه‌كی جیهانی ل سه‌ر خاكا خوه‌ ب سه‌لامه‌تی بژین، له‌ورا ژ نها و پێدا فه‌ره‌ پیكڤه‌ كاربكین ژبۆ پاراستنا ده‌ستكه‌فتیِن گه‌لێ مه‌ و ململانی بكین ژبۆ پاراستنا ئه‌زموونا كوردستانێ، هه‌تا ده‌ستڤه‌ئینانا هه‌می مافێن مه‌ یێن ره‌وا و بێژین جیهانێ مافێ مه‌یه‌ بژین وه‌كی هه‌وه‌ نه‌ك ئێكدو بشكینین و باڤیژین ئیكودو و ناڤ مالا كوردستانی تێكبدین و ئه‌ڤه‌ ژی نه‌ د به‌رژه‌وه‌ندیا چ كه‌س و لایه‌نه‌كی دایه‌ و بلا خوینا هزاره‌ها شه‌هیدێن كوردستانی و خیزانین وان یین سه‌ربلند ژ بیرنه‌كین و ڤیكرا ل گه‌ل برایێن خوه‌ یێن پێشمه‌رگه‌ یێن قاره‌مان و ئاسایش و پۆلیسێن خۆراگر دابین ژبۆ پاراستنا سه‌روه‌ت و سامان و هه‌بوون و سنۆرێن وه‌لاتێ مه‌ وێنه‌ بكه‌ین و ڤێكرا بپاریزین و ڤێكرا وه‌كی برا ده‌ستێن خوه‌ بكین ناڤ ده‌ستێن ئێكدا و ئێكریزی و ئێكگرتنا خوه‌ رابگه‌هینین دا ڤێكرا د ناڤ وه‌لاتی دا به‌رامبه‌ر نه‌حه‌ز و دوژمن و داگیركه‌ران سه‌ربكه‌ڤین و ئالایێ وه‌لاتێ مه‌ ژی هه‌ر به‌رز و بلند بمینت د ناڤ خاكا كوردستانێ دا.

مخابن كه‌ناله‌كی ل كوردستانیدا كاردكت وه‌كی (ئین ئار تی)، ئه‌ڤه‌ هاتی وه‌شاندن هه‌تا نوكه‌ و به‌رده‌وام و ب پلان خوه‌ بی لایه‌ن ناڤ دكت و دبێژت ئه‌ز بێ لایه‌نم، لێ د راستیا خوه‌دا هه‌چكو نه‌وه‌سایه‌ و خه‌لك هزردكن پیش مالكی و فه‌تلاوی و نه‌حه‌زین كوردان په‌یامین دلره‌شی و دژایه‌تییا بارزانی و حوكمه‌تا كوردی په‌یامان دوه‌شینن و هه‌ر كه‌سی دژی ئازادیی و حوكمه‌تێ و ده‌ستهه‌لاتێ مێهڤانێن مێزگه‌رد و به‌رنامێن نووچه‌یێن خوه‌ دكن و هه‌ر گۆتنه‌كا هه‌بیت، ب ناڤێ ئازادیێ دئاخڤن و ده‌ره‌وان ژی به‌لاڤه‌دكه‌ن و بۆچی راستییان ژی نا بێژن ئه‌گه‌ر كه‌ناله‌كێ كوردی بایه‌، ب دورستاهی هه‌ر نه‌دگۆت كا حوكمه‌تا كوردی چ بۆ كوردستانێ هه‌تا نوكه‌ كریه‌ و دلێ خه‌لكی ژ ده‌ستهه‌لاتێ ره‌شنه‌دكرن و هه‌می تشتان شێلوبێل بكه‌ن و كه‌ناله‌كێ هۆسا ب هه‌می كه‌ربوكینا خوه‌ دژی حوكمه‌تێ باخڤن و حوكمه‌ت ژی چ نه‌بێژن وان راستی سه‌یره‌
لێ جهێ پسیارێ یه‌، ئه‌رێ بۆچی ئه‌ڤ كه‌ربوكینه‌ و د به‌رژه‌وه‌ندیا كێ دایه‌ گه‌لۆ؟ باشه‌ كا دا به‌رێ خوه‌ بده‌ین كوردستانێ به‌ری سه‌رهلدانێ و پشتی سه‌رهلدانێ چاوابوو و نوكه‌ چاوایه‌ و چه‌ند قوتابخانه‌ و نه‌خۆشخانه‌ و زانكۆ و پرۆژه‌ و باخچه‌ و رێكوبان و جهێن خزمه‌تگوزاری هه‌بووینه‌ و په‌یوه‌ندیێن هه‌رێمی و جیهانی د چ ئاستدابوو و نوكه‌ چاوایه‌ پشتی ئازادبووی؟ به‌راوه‌ردكرنێ ب وژدانێ، باشه‌ به‌لاڤه‌بكن ڤی ژی به‌حس بكن هه‌ی كه‌نالی (ئێن ئار تی)، دا خه‌لك بزانن هوون بێ لایه‌ن كاردكه‌ن، لێ هه‌ر چاوا بیت كارێن نیشتیمانی پیرۆزن، لێ نه‌هه‌ڕفینن و ژ ناڤنه‌بن و دبێژن هوون یێن بووین به‌رده‌فكین مالكی ب ڤه‌شارتی و خه‌لك نزانن و نه‌ بێ لایه‌نن و هه‌ر دژی به‌رژه‌وه‌ندیێن كوردستانی دئاخڤن و تێكدانێ دكن و دوبه‌ره‌كیێ د ناڤ جه‌ماوه‌ری دا په‌یداكن و شه‌قامێ كوردی د ئازرینن كو پشكداریێ د ریفراندۆمێ دا نه‌كن و به‌لبه‌له‌ و فتنه‌ و ره‌شبینیی دورستبكن و هه‌ر ب پیلان كه‌سان كری بگرن و ل دژی ده‌ستهه‌لاتا كوردی باخڤن و كه‌یفا نه‌حه‌ز و دوژمنێن كوردستانێ بینن ئه‌ری مانه‌به‌سه‌؟
هه‌ی ئه‌و كه‌سێن خوه‌ دكه‌ن كورد یان كه‌نال یێ مالكی و عه‌ره‌بایه‌ و مووچه‌ و بۆدجا كه‌نالی ژ ده‌ف مالكی و ئیرانێ بۆ هه‌وه‌ دهێت و خه‌لك نزانیت یان … خه‌لكی دخاپینن كو دووربن ژ ئازادیێ و پاراستنا ده‌ستكه‌فتێن خوه‌
و ل كوردستانێ به‌رنامێن خوه‌ دوه‌شینن ژبۆ دژی كوردستانێ و ده‌ستكه‌فت و به‌رهه‌مێ خوینا شه‌هیدان و سه‌روه‌ری و ئازادیا كوردستانێ و هێزا پێشمه‌رگێن قاره‌مان و.. هتد. لێ دیرۆك شاهده‌ كا بارزانی چ بۆ كوردستانێ كریه‌ و چه‌ند ماندی دبیت ژبۆ ده‌ستڤه‌ئینانا مافێن كوردان و پاراستنا خه‌لكێ مه‌ هه‌میێ بێ جوداهیا ئۆل و نه‌ته‌وه‌ و مه‌زهه‌ب و ئاینان و چه‌ند شه‌هید بۆ بزاڤا ئازادیا كوردستانێ داینه‌ و كا هه‌وه‌ ژی چ پێشكێشی خه‌لكی كریه‌ و دیاره‌ ئه‌ڤه‌ هوون په‌یدابین د ناڤ گۆره‌پانا سیاسی دا هه‌وه‌ مالا كوردان ژێكڤه‌كر و كه‌ربوكین په‌یداكر و باوه‌ری ب دۆزا ره‌وایا ملله‌تی لاوازكر و خزمه‌تا نه‌حه‌ز و نه‌یارێن كوردایه‌تیێ كاردكر و دكه‌ن و ..هتد. لێ خودێ هاریكارێ گه‌لێ مه‌ بیت ژ هه‌ر فیتنه‌كێ و ده‌ره‌وه‌یه‌كێ هوون به‌لاڤه‌دكه‌ن، كه‌نالێ د خزمه‌تا شۆفینیان دا و ئه‌گه‌ر نه‌ بلا باش و قه‌نجی و چاكیێن سه‌ركردێن كوردان ژی به‌لاڤه‌بكه‌ن، نه‌ك ب تنێ به‌روڤاژى هه‌می كاران ببینن هه‌می تشتان ب ره‌شبینی به‌لاڤه‌بكن و ئه‌رێ دووماهیی كه‌ربوكینێ چ مفا هه‌یه‌ بۆ ڤی ملله‌تی ماندیبوویی.
ژبلی خوساره‌تی و بهێلن گه‌میا ملله‌تی سه‌رۆك بارزانی ل گه‌ل لایه‌نێن كوردپه‌روه‌ر بگه‌هینن جهێن ئارام و به‌س ب ده‌ست و گۆتنێن خوه‌ ڤی گه‌میێ كۆنبكن هوون ژی دی د گه‌ل دا غه‌رقن هه‌كه‌ بۆ نه‌خۆشی و ره‌وش ئالۆزبی، چونكی سه‌دان ساله‌ عه‌ره‌ب و تورك و فارس كوردان دكوژن، چونكی كوردن و حه‌زناكن كورد چ جاران ئازاد ل سه‌ر واری خوه‌ بژین و به‌لێ دووماهیی هه‌ر سه‌ركه‌فتن بۆ گه‌لێ كوردستانێ یه‌ و كاروان بلا هه‌ر به‌ره‌ڤانی و خزمه‌تێ ب به‌رده‌وامی پیشكێش بكه‌ت و سه‌گ ژی بلا هه‌ر د گه‌ل دا ب ره‌وت.
د گه‌ل ریزگرتنێ بۆ راگه‌هاندكارێن دلسۆزین وه‌لاتێ و دیرۆكا كوردایه‌تیی و رێزگرتن ل خزمه‌ت و به‌رخوه‌دانا پێشمه‌رگێن قاره‌مان و رێبه‌رێن كوردان دگرن و مه‌ هیڤیه‌ ڤێكرا هاریكاربین ژبۆ رێكێن ئازادیا گه‌ل و وه‌لاتی ل گه‌ل سه‌ركرده‌ و پێشمه‌رگێن قاره‌مان ب شه‌ڤ و رۆژ كاربكه‌ین هه‌تا ژ بنده‌ستێن قوتبری قوتی خه‌لكی و داگیركه‌ران خلاسبین و د كوردستانا ئازاد دا شادبین.

دا زارۆیین خوه‌ فێری خواندنی كربان به‌ری ببن چارسالی بۆ باغچین زاروكان هنارتبان و لدویڤرا بچن بو قوتابخانین سه‌ره‌تایی و پۆلا ئێكی دا گه‌له‌ك باشتر بت و بارێ حوكمه‌تێ ژی دا سڤكتربت ..مانه‌؟ ئه‌رێ پسیار ..كا میلاك؟ كا ئاڤاهی . پرتووك؟ كا مافێ زارۆیان؟ ب رێز بریارده‌رێ وه‌زاره‌تێ، ما هوون باشتر نزانن؟ كو وه‌لاتێ مه‌ و یێن سویدی و ئه‌مریكا و ئه‌ورۆپا و یابان و چینی گه‌له‌ك ژێكدودوورن ژ هه‌می لایه‌كیڤه‌ ژێكجودانه‌، سیسته‌مین مه‌ و وان د ناڤبه‌را عه‌رد و عه‌سمانان دا ژێكدوورن، به‌راوه‌ردكرنا قوتابیین مه‌ و گه‌له‌ك ده‌وله‌تێن پێشكه‌فتی دا به‌ریخوه‌بدین چه‌نتێن وانان ئه‌ری تژی پرتووك نینن وه‌كی یین مه‌ ژ حه‌فت هه‌شت كیلۆیان ده‌ربازدبن یان نه‌ و زارۆ ژ گرانیا پرتووكین خوه‌ دنالن و ل دووڤ خوه‌را دكیشن و رۆندكان دبارینن و دگریت ژ به‌ر كو نه‌شین چه‌نتین خوه‌ هلگرن ل ده‌مێ سپێدی به‌ر ب قوتابخانین خوه‌ دا دچن و به‌ریخوه‌بدن زارۆیێن بیانیان كا چاوا ده‌ستین خوه‌ دهه‌ژینن و نال نالی ژ ئیشین پشتا خوه‌ ناكن ژ به‌ر هه‌لگرتنا چه‌نتێن تژی پرتووك و گران و ب كه‌یفخۆشی دچن قوتابخانین خوه‌، هه‌روه‌سا خوارنا دوجاركی دده‌ن زارۆیێن قوتابخانین خوه‌ ئانكو سپێدی و نیڤرۆ زارۆ دا هه‌ست ب برسێ ناكن و ب تنی مژوولی فێركرنی دبن و هه‌روه‌سا زارۆ هه‌ست ناكن ژ دایك و مالا خوه‌ یی دووركه‌فتین، چونكی مامۆستایێن وان ژی خوه‌ ب جهێ به‌رپرساتیێ دانن و خوه‌ دهژمێرن وه‌ك دایك و بابێن وان زارۆیان و مامۆستایێن مه‌ ژی ژ وان كێمتر نینن و هه‌می ده‌مان وه‌ك پێشمه‌رگانن د ناڤ قوتابخانان دا دخه‌باتێ دانن و جهی ده‌ستخۆشی و سوپاسیێنه‌، به‌لێ چ ب ده‌ستین وان ژی نینه‌ چونكی سیسته‌مێ خواندنێ ل ده‌ف وان وه‌لاتان گونجایه‌ و مووچێن مامۆستایێن وان چارجاركی ته‌مه‌تی یێن مامۆستایێن وه‌لاتێمه‌نه‌ و مامۆستایێن مه‌ ژی ل گه‌ل قوتابیان دنالن هه‌تا ببت دووماهیا سالا خواندنێ بۆ هه‌ر سال و ئه‌ڤ كاره‌ دووباره‌دبن و هه‌ر چاڤه‌ری خوشگوزاریا خوه‌نه‌، هه‌روه‌سا مامۆستایین وان هاریكارن ل گه‌ل خێزان و زارۆیان و ب تنێ زارۆیان فێری زانست و هونه‌ر و وه‌رزش و بابه‌تێن دیتری دكن بێ كێماسیا جهی و میلاكی وو .. یێن مه‌ ژی گه‌ل دزانت كا ب چ شێوه‌ى یه‌ و چ قه‌یران و خۆلیسه‌ری و قه‌ره‌بالغه‌ د ناڤ پۆلان دا و ژ بلی كێماسیا میلاكی و نه‌بوونا پرتووكان و ئاریشا سۆته‌مه‌نیی بۆ زڤستانێ و نه‌بوونا كه‌هره‌بێ هه‌یه‌ وو مامۆستایێن مه‌ ژی خه‌مبارن و هتد. ئێ هه‌ما خودی هاریكاری خه‌لكی مه‌ بت و هیڤیدارین ب پلان بریار بهێن دان دا وه‌لات به‌س بكه‌ڤت د ناڤ قه‌یرانان دا هه‌ی به‌ختێ خودێ ووو ئێدی به‌سه‌ تاقیكرن ل سه‌ر زارۆیێن وه‌لاتێ مه‌..مخابن هه‌ر شه‌ش سالان بریاره‌ك عه‌نتیكه‌ ده‌ردكه‌ڤت د وارێ خواندنێ دا، هنده‌ك سالان خواندن ب كرمانجیا خواری یو و جار ب كرمانییا سه‌ری یه‌ و جار ب زمانێ عه‌ره‌بی و جار ب زمانێ ئینگلیزیه‌ و جار ب فرنسی و ئه‌مریكی وو نه‌دووره‌ زمانێ سانسكریتی ژی ڤه‌گه‌رت ل ناڤ وه‌لاتێمه‌ و ڤه‌كرنا قوتابخانێن ئه‌هلی یا بووی لاسایكرن و گرانكرنا كریێن خواندنی ل كوردستانی یا بوویه‌ جهێ سه‌رسورمانێ
و ریژا ده‌رچوونێ ژ 22 ژ سه‌دێ ده‌ربازنابت ئه‌ری بۆچی؟ كا كۆنفرانسێ په‌روه‌ردێ؟ كانێ دووڤچوون؟ كانێ دیاركرنا ئه‌گه‌ران و چاره‌سه‌ری؟ …هیڤیدارین هزر ل هه‌می بارودۆخین ده‌وروبه‌ری یێن په‌روه‌رده‌ و زانستی ب باشی بهێته‌كرن و بێ گیرۆبوون دا بریارین عه‌نتیكه‌ نه‌ ده‌ركه‌ڤن و ببت جهێ گازندێ، هه‌روه‌سا دا نه‌ بت قه‌ره‌بالغتر د ناڤ قوتابخانان دا ئه‌ڤێن هه‌تا نوكه‌ ژ نه‌بوونا پرتووك و میلاكێ مامۆستایان دنالن هیڤیا سه‌ركه‌فتنێ بۆ زارۆیێن كوردستانی دخوازین.

دبێژن د هه‌یڤا ره‌مه‌زانێ دا خیر و به‌ره‌كه‌ت و به‌رفره‌هی و دلۆڤانی و لێبۆرین ده‌ردكه‌ڤیت د ناڤ جیهانێ دا ل سه‌ر رویێ ئه‌ردی، لێ ب مخابنیڤه‌ ل ناڤ جیهانا ئیسلامێ و شه‌رقولئه‌وسه‌تا عه‌ره‌بی و ئه‌عجه‌می ئه‌ڤه‌ چه‌ندین ساله‌ به‌روڤاژ دبت و ئه‌ڤ كارو كریارین هه‌ سه‌رهلدن دژی هه‌می پیرۆزیا هه‌یڤا ره‌مه‌زانی و هه‌ر ئه‌و كه‌س خوه‌ دهژمیرن خۆش جامیر و باش و قه‌نجین ژیانی و ب به‌حشتی خوه‌ناڤ دكن، لی سه‌یره‌ ئه‌ڤ خاله‌ ل ڤی هه‌یڤی ده‌ردكه‌ڤن بی جوداهییا جهی و ده‌می كاركرنی ل ناڤ وه‌لاتاندا:ـ
1ـ د هه‌یڤا ره‌مه‌زانێ دا ژنوی كه‌رستین خوارنی و پێدڤیێن كه‌سی و مالی رۆژ بۆ رۆژی گرانتردبن هه‌تا دوماهیا هه‌یڤێ.
2ـ هه‌ژارێن ناڤ وه‌لاتین موسولمانان دا ژنوی دیار دبن كا گه‌هشتنه‌ چ رێژه‌یێ و چاوا دنالن ژ هه‌ژاریا خوه‌ و بێ چاڤدێریا ده‌وله‌مه‌ند و حوكمه‌تین خوه‌.
3ـ گرانكرنا كریێن دوكان و نڤیسینگه‌ه و خانی و شوقه‌یان بۆ كه‌سین هه‌وجه‌دار یێن هه‌ژار و فه‌رمانبه‌ر ژلایێ خودان ئاڤاهیانڤه‌.
4ـ كه‌یسا رۆژانه‌ یا خه‌لكی دهێته‌كرن ژ لایی چه‌ند بازرگانان ڤه‌.
5 ـ فرۆتنا كه‌رستێن سه‌رداچوویی بۆ هه‌ژاران ب بهایه‌كێ نزم و خه‌لكی دخاپینن كو ئه‌و هاریكاره‌ ل گه‌ل هه‌ژاران.
6ـ زه‌رزه‌وات و فێقی د ڤێ هه‌یڤێ دا گرانتردبن ژ هه‌یڤین دیتری و بێ سزا ل سه‌ر وان كه‌سان دا بهێن ده‌یناندن یێن بازاری گرانتردكن ژ هه‌یڤێن بۆری.
7ـ زارۆ و ئافره‌ت زۆرترد بن د ناڤ كولان و شه‌قام و به‌رده‌ری مالان و مزگه‌فتان ژبۆ وه‌رگرتنا هاریكاریان هاوار و گازیدكن موسولمانان ده‌ستی هاریكاریی بۆ وان درێژبكه‌ن، لی گه‌له‌ك پاشڤه‌ دهێنه‌ زڤراندن و ده‌ستڤالا دمینن.
8 ـ تۆره‌بوون ژ نوی سه‌رهلدت و زێده‌تردبت ژ بهێنفره‌هیێ ل گه‌ل خێزان و خه‌لكی و جهێن كاری ژ حوكمی یان ئه‌هلی و هتد.
9 ـ تاوانبارین دزی و قومار و ڤه‌خوارنا مه‌یی و كه‌رستێن بێهوشكه‌ر ژی ده‌ردكه‌ڤن و جار دهین گرتن ژی د ناڤ وه‌لاتین موسولمانان دا ئاشكه‌رادبن.
10ـ یا ژ هه‌میێ سه‌یرتر دبێژن د هه‌یڤا ره‌مه‌زانێ دا شه‌یتان دهین قه‌ید و زنجیركرن، لی مخابن كاروكریارین خراب هه‌ر ده‌ردكه‌ڤن ب شێوه‌كی دیار و ئاشكه‌را ژ كوشتن و وێرانكرنا ئاڤاهی و تۆپبارانكرنا خه‌لكێ سڤیل و سه‌رژێكرن و سۆتن و وێرانكرنا جه و وارێن مرۆڤان ب به‌رده‌وامی بێ شه‌رمی ژ هه‌یڤا پیرۆز بكن.
د هه‌مان ده‌می دا بێ دادی و رشتنا خوینا زارۆ و ئافره‌ت و مه‌زن و گه‌نجان ل سه‌ر رویێ ڤی ئه‌ردی بێ دادی ب رێڤه‌دچن.
11ـ رۆژانه‌ ده‌ركه‌فتنا فتنه‌ بۆ فیتنان و هێرشكرن بۆ به‌رامبه‌ری خوه‌ جهی سه‌رسورمانێ یه‌.
12ـ ئێكدوقه‌بوولنه‌كرن و ژێك سلبوون ل به‌رامبه‌ری مه‌زهه‌ب و رێكێن ئاینی و جڤاكی و سیاسی و ئابووری د ناڤ وه‌لاتێن ئیسلامی دا ب ئاشكه‌را ده‌ردكه‌ڤن.
13ـ هیڤیدارین هاتنا هه‌یڤا ره‌مه‌زانێ بكه‌ینه‌ هه‌یڤا لێبۆرین و خۆشی و ته‌ناهی و ئه‌رزانی و باوه‌ری و دلۆڤانیێ و ئێكگرتن و پێكڤه‌ژیانێ ل كوردستانێ و جیهانێ.
ده‌ستێن زارۆیێن شه‌هید و ئێتیم و سێوی و هه‌ژارێن وه‌لاتی و پێشمه‌رگێن قاره‌مان بگرین و ڤێكرا وه‌ك مرۆڤ دانوستاندنێ د گه‌ل ئێك دا بكه‌ین ژبۆ خزمه‌تا ئێكدو كاروانێ ژیانێ رێیا وی بێ دودلی خۆشتر بكه‌ین هه‌تا دووماهیێ.
دبێژین هه‌یڤا ره‌مه‌زانێ تو ب خێرهاتی بۆ هه‌می خه‌لكێ ل جیهانێ، فه‌ره‌ هه‌یڤا ره‌مه‌زانی بكین هه‌یڤا لێبۆرین و به‌ره‌كه‌ت و دلۆڤانیی ل گه‌ل هه‌می گیانداران ل سه‌ر رویێ ڤی زه‌مینی.

(هه‌كه‌ وان پێچێببا دا ئۆكسجینی ژی ژ مه‌ دووركه‌ن و برن كو چ جاران مه‌ هلما وێ ژی نه‌ كیشابا)
مه‌زنێن عیراقێ ئیك ل دووڤ ئێكی و جیرانێن مه‌ یێن موسولمان ب مخابنیڤه‌ وه‌كی گورگێن هار هه‌ر لبه‌ر مه‌ ڤه‌داینه‌ و هه‌ر جار ب ناڤ و به‌هانه‌كێ پیلانێن ژ ناڤبرنا كوردان دادریژن ژبۆ نه‌مانێ و مرنێ خوه‌ دكه‌ن قاره‌مان، له‌ورا ئه‌نفال ب ناڤێ شه‌ریعه‌تا خودایێ مه‌زن (الله عزوجل) حه‌لالكرن و پێغه‌مبه‌رێ ئیسلامێ (محمد) سلاڤ ل سه‌ربن و سۆتنا 4500 گوندین كوردستانی خرابكرن و كیمیاباران و جینۆساید ل سه‌ر وه‌لاتی مه‌ كرنه‌ خه‌لات و ڤی دووماهیێ مووچه‌ و بۆدجا هه‌رێمێ ژی قوتكرن دا ب تنێ كورد ببن كووله‌ و عه‌بدێن وان و نه‌مینن ئازاد و سه‌رفراز بژین د ناڤ وه‌لاتێ خوه‌ دا و هه‌كه‌ وان پێچێببا دا ئۆكسجینی ژی ژ مه‌ دووركه‌ن و برن، دا چ جاران مه‌ هلما وی ژی نه‌ كیشابا و هێدی به‌ر ب مرنێ ڤه‌ چووبا و وه‌كی وان نه‌ ژیابان ل سه‌ر ڤێ ژینێ و زه‌مینا جوان، له‌ورا فه‌ره‌ كوردی دلسۆز كوردستانی بپارێزن ژ ڤان شۆفینیان
و ئێدی بێژینه‌ وان بای بای و خه‌لك دزانن مه‌ كوردان هه‌می زۆرداری، ژ ده‌ستێن وان تامكرینه‌ و ئێدی ستۆب و به‌سه‌ كووله‌داری و بنده‌ستی هه‌ی هنده‌ك حزبین كوردی باش هشیاربن
هالكی و مالكی و فه‌تلاوی و عه‌بادی و خوه‌لیسه‌ری و ..هتد، هێژ كه‌ربا وان نه‌شكه‌ستی یه‌ و هه‌ر تێهنیێ خرابكرنا كوردستانێ و داگیركه‌ران وێنه‌، لی بلا ئه‌و باش بزانن ئه‌و رۆژ چوو یا وان زۆرداری ل گه‌لی مه‌كرین و فه‌ره‌ هه‌می لایه‌نێن سیاسی و حزبی و جه‌ماوه‌ری و ره‌وشه‌نبیری و راگه‌هاندنێن لایه‌نان ده‌ستێن خوه‌ بكن ناڤ ده‌ستێن ئێكدا و ڤێكرا به‌ره‌ڤانیێ ژ ده‌ستكه‌فت و به‌رهه‌مێ خوینا شه‌هیدێن كوردستانێ بگرن و رێ نه‌ده‌ن حوكمه‌تا عیراقا فاشل و زۆردار و جیرانێن مه‌ یین زۆردار و ده‌وروبه‌رێن وه‌لاتێ مه‌ ده‌ستێن خوه‌ یێن چه‌په‌ل
و پیس بینن ناڤ ملله‌تێ مه‌ و پیلانان دارێژن دژی سه‌ربه‌خوه‌ و ریفراندوما كوردستانی و مافێ ره‌وایێ گه‌لێ مه‌ پێشیل بكه‌ن و ئاشكه‌رایه‌ هێشتا عه‌بادی وه‌كی مالكی یی ده‌فبخوین وه‌كی گورگان ل به‌ر مه‌ ڤه‌داینه‌ و نه‌ رازینه‌ كورد جهێن خوه‌ بپاریزن و ئالایێ كوردستانێ بلندبكه‌ن ل كه‌ركووكا دلێ كوردستانی و ئاشكه‌را دبێژن مافێ كوردان نینه‌ ئالایێ خوه‌ بلندبكه‌ن ل كه‌ركووكی و ریفراندوم نه‌ د به‌رژه‌وه‌ندیا گه‌لێ كوردستانێ یه‌ وه‌ك عه‌بادی گۆتی و دیاره‌ مه‌ره‌م پی ئه‌وه‌ هه‌كه‌ كورد بوون خودان ده‌وله‌ت دی وی ده‌وله‌تێ ژناڤبه‌ن وه‌كی كۆمارا ل مهابادێ و ئه‌ڤه‌ ژی نه‌ د به‌رژه‌وه‌ندیا كوردان دایه‌ن و هه‌ر حه‌زدكه‌ن كورد بنده‌ست و چاڤترس و له‌رز و بێئومێد بژین د ڤی واری دا، لێ بلا دوژمن باش بزانن ئێدی كورد ژ ده‌ست وان ده‌ركه‌فتن و وه‌لات پاراستی یه‌ ژ هه‌بوونا پیشمه‌رگێن قاره‌مان ب سه‌رۆكاتیا سه‌رۆكی كوردان مسعود بارزانی و ئاسایش و پۆلیسین وه‌لاتیێن خۆراگر ئه‌ڤێن ب شه‌ڤ و رۆژ به‌ره‌ڤانیێ ژ كوردستانێ دكه‌ن و خه‌لك و ملله‌ت ب ته‌نا و ئارام كارێن خوه‌ برێڤه‌دبن و گه‌ل ژی چاڤه‌رێ مزگینیا ده‌وله‌تبوونێ نه‌، بلا دوژمن و نه‌حه‌زنێن كوردان باش بزانن ل سه‌ردفنا ئه‌بۆ له‌هه‌ب و ئه‌بۆ جه‌هلی ئانكو مالكی و عه‌بادی یێن ڤی چه‌رخی دی ئالایێ كوردستانێ هه‌ر به‌رز و بلند مینت،
كوردستان دێ بت خودان ده‌وله‌ت وه‌كی ڤان ده‌وله‌تان و ئه‌و رازی بن یان نه‌ رازی بن كورد هه‌ر ئاماده‌نه‌ وه‌لاتێ خوه‌ بپاریزن ژ ڤان زۆرداران قورتالببن و نه‌فره‌ت ل وان بت یێن دژاتیێ ل گه‌لێ كورد دكت و سه‌رفرازی و سه‌ركه‌فتن بۆ گه‌لێ مه‌ یه‌ و ئه‌ڤرۆ پێدڤیه‌ ئه‌م ئێكگرتی بین و ڤێكرا كوردستانێ بپارێزین ژ نه‌حه‌ز و دوژمنان و خودایێ مه‌زن پێشمه‌رگه‌ و سه‌رۆك و رێبه‌رێ كوردستانێ و ملله‌تێ مه‌ بپارێزت سه‌ركه‌فتنێ بكه‌ت به‌هرا گه‌لی مه‌ و به‌رز و بلند بت ئالایێ كوردستانێ.

گه‌له‌ك كه‌سێن هه‌ین د ناڤ جڤاكێ مه‌ دا ب تنێ كارێن خوه‌ یێن رۆژانه‌ ل گه‌ل دۆست و هه‌ڤالێن خوه‌ ل داموده‌زگه‌هێن زانستى و ره‌وشه‌نبیرى و هونه‌رى و جڤاكى و رامیارى و میرى ب مه‌دح و په‌سن و جوامیریێ و زیره‌كاتیا كارێ خوه‌ دده‌نه‌ ناسكرن و گه‌له‌ك ژ بهایێن خوه‌ زێده‌دكه‌ن و هه‌روه‌سا ل به‌رامبه‌ر هه‌ڤال و دۆستێن خوه‌ ژى خوه‌ بلند دفرینن بێ هه‌ست ب شه‌رمێ بكه‌ت. ب راستى گه‌له‌ك شه‌رمه‌ و هزار جاران مخابن بۆ مرۆڤێن هۆسا ده‌ره‌وا ئێكه‌م جار ل ده‌روونێ خوه‌ بكه‌ن و ل دووڤدا ل ده‌وروبه‌رێن خوه‌ و جڤاكى ژى بخاپینن.رێزداران, گه‌لى برا، هه‌ڤال و دۆست و مامۆستا و قوتابیان و شاره‌زا و ره‌وشه‌نبیران، جیران و ئافره‌تان، هونه‌رمه‌ند و ئه‌ڤیندارێن ئه‌ڤرۆ یێن وه‌لاتێمه‌…هتد. هێدى هێدى به‌رامبه‌ر خوه‌ بده‌ن ناسكرن یان زاناتر ژ كه‌سێن دیتر بلا هه‌ر كه‌سه‌ك وه‌ك هزر و زانینا هه‌ى خوه‌ بده‌ت دیاركرن ل گه‌ل كه‌سێن به‌رامبه‌ر و هه‌ڤالێن خوه‌ ل كیژ جه و واری دا بیت یا ئاشكه‌رایه‌ گه‌له‌ك جاران دێ بینى د ناڤ كۆمه‌كا هه‌ڤالان دا ئێكێ ده‌ست دا ئاخفتنكرنێ, ئه‌ڤجا سوحبه‌تێن خوه‌ بدووماهیك نه‌ ئیناند و خوه‌ بێده‌نگ نه‌كر و رێ ژى نه‌دا كه‌سه‌ك باخڤیت بتنێ هه‌ر خوه‌ باش دكه‌ت یان شاره‌زادكه‌ت وه‌سا دێدان و ستاندنێ كت هه‌ر وه‌كو یێن به‌رامبه‌ر چ نه‌زان و نه‌ تێگه‌هشتى و نه‌ ره‌وشه‌نبیر و دونیا دیتى و جارا دفنا خوه‌ ژى ل سه‌ر به‌رامبه‌رى خوه‌ بلند دكت ئه‌رێ ما هۆسایه‌ سه‌ركه‌فتن ب ده‌ره‌وان چ جاران نه‌هاتیه‌ و ناهێت ژى, ڤێجا بلا ئه‌م هه‌مى ژى باش بزانین چ جاران ده‌ره‌و خودانێ خوه‌ سه‌رنائێخت له‌ورا ئه‌ز و تو و وێ هه‌ و یێ دى و ئه‌م هه‌مى ڤێكرا بلا راستگۆ بین ل گه‌ل خوه‌ ئێكه‌م جار و ل دووڤرا ل گه‌ل ده‌ورو به‌رێن خوه‌ و جڤاك و داموده‌زگه‌هێن حكومى و ئه‌هلى لێ كاردكین چ بچووك یان مه‌زن بیت و باشتره‌ چ جاران نه‌ بێژین من دوهى ئه‌ڤ كاره‌ ئه‌نجامدابى, به‌لكو به‌رده‌وام به‌ و هه‌ولبده‌ رۆژا نوو یا تو تێدا دژى خزمه‌تا خوه‌ پێشكێشى خه‌لكێ خوه‌ بكه‌ ب زانین و تێگه‌هشتن و شاره‌زایا خوه‌, به‌لێ بى دره‌و و زێده‌كرن و زێده‌بین و ستۆپ په‌سن و مه‌دح د كارێن خوه‌ دا و گۆتنا (ئه‌زو ئه‌ز) ئێدى بلا به‌س بت و ده‌مه‌ خاترا ژێ بخوازین و پاش خوه‌ڤه‌ بهێلین, چونكى سه‌رده‌مێ نوكه‌ یێ ته‌كنولۆژیا شارستانیه‌ ل جیهانێ و جیهان ژى به‌ر ب ئاڤاكرنا كه‌رستان ڤه‌ دچت و ئاڤاكرن هه‌ر یا به‌رده‌وامه‌ و گه‌له‌ك به‌رچاڤه‌ و ڤێرا نا گه‌هین، ڤیجا (وه‌رن گه‌لى زانا و نه‌زانا و كچ و كوڕان و ژن میران) ب دلوجان و پر ب عه‌شقا ڤیانا كارى بۆ و وه‌لاتێ خوه‌ دا ئاڤه‌دانبكین و ژ دل خزمه‌تا ئێك و دو بكه‌ین و ب راستى بێ دو دلى كارێ خوه‌ ئه‌نجام بده‌ین ژ بۆ خزمه‌تكرنا وه‌لاتى َ مه‌ كوردستانێ و مل ب مل ل گه‌ل پێشمه‌رگێن قاره‌مان بین, چونكو وه‌لاتێمه‌ پره‌ ژ مه‌رگه‌سات و جینۆسایدا و هێشتا برینێن گه‌لێ مه‌ ده‌رماننه‌بووى جه‌نگ بۆ جه‌نگا سه‌رهلده‌ت, ڤێجا بلا به‌س بت ده‌ره‌و و په‌سن و مه‌دح و خاپاندن ل ئێكودو و گۆتنان (ئه‌زو ئه‌ز) ژى دوباره‌ نه‌ نه‌كن و خوه‌ سڤكنه‌كن به‌رامبه‌رى خوه‌ و دبێژم (هێدى هێدى …گه‌له‌ك مه‌دحان نه‌كن).

یا سه‌یره‌ جیهانا ئه‌ڤرۆ ئه‌م تێدا دژین, كو رۆژ بۆ رۆژێ گوند و باژێر و ده‌وله‌تێن جیهانێ تێك دشێلن, ب گۆتنێن هه‌ڤدوژ ل به‌رامبه‌ر ئێكودو رادوه‌ستن و پیلانان دادرێژن ژبۆ بنئاخكرن و نه‌هێلانا توخم و نفشێ ئێكودو ل سه‌ر ڤێ زه‌مینا به‌رفره‌ه و مه‌زن یا خودایێ ئێكانه‌ پێشكیشى مرۆڤان كرى. لێ هه‌تا كه‌نگى هنده‌ك ده‌وله‌ت ب ڤێ رێبازێ بچن و ب تنێ په‌سن و مه‌دحا بۆ خوه‌ بكه‌ن و خوه‌ بلند بفرینن و ئاستێ خوه‌ یێن ده‌روونى هه‌ر شاد بكه‌ن وه‌كى هه‌تاڤێ جاروباران تیرۆژكێن خوه‌ بشارینیت و هارودین بكه‌ت و حه‌ز بكه‌ت ل به‌رامبه‌رى خوه‌ بسۆژیت و نه‌هێلیت سه‌رێ خوه‌ راكه‌ت و چ په‌یڤان بۆ وان هزران نه‌دانیت. گه‌لێ كورد چه‌ند جاران كه‌فتیه‌ ل به‌ر هێرش و داگیركرنێ و زۆردار و سته‌مكار و جینۆسایكرنێ, هه‌ر د كه‌ڤن دا و هه‌تا ڤى سه‌رده‌مێ ئه‌م تێدا دژین و هیشتا ئه‌م پشتراست نه‌بووینه‌ ژ خۆشیا ژیانێ و هه‌ر دره‌ڤ و بازدان و كۆچكرن و ده‌ربه‌ده‌ركرنا خه‌لكێ مه‌ بێ جوادهیا نه‌ته‌وه‌ و ئایین و مه‌زهه‌بان. لێ ملێن گه‌نج و لاوێن مه‌ ب چه‌كێن به‌رامبه‌ر نه‌حه‌ز و داگیركه‌ر و تیرۆرستان راوه‌ستاینه‌ و دوژمنێن گه‌لێ كوردستانێ هه‌مى ده‌مان نه‌ دڤیان كوردستان ب ئازادى بژیت و رێ ل سه‌ربه‌خوه‌ و ئازادی و دیمۆكراتى و ئاشتیا وى دگرتن و هه‌ر ژ كه‌ڤن دا هه‌ر ده‌ما په‌یڤا سه‌ربه‌خوه‌یا كوردستانێ هاتبایه‌ كرن ناڤچاڤێن ده‌وروبه‌رێن مه‌ و نه‌حه‌ز و دوژمنێن كوردستانێ چاڤباره‌نه‌دكرن و هه‌ر پیلان دانان ژبۆ بێده‌نگكرنا مافێن مه‌ یێن ره‌وا یێن ملله‌تێ كورد و هه‌ر ئیكسه‌ر دگۆتن دى ل دژى وێ راوه‌ستین و ناهێلین كورد ب سه‌لامه‌تى بژیت و هه‌ر دێ ل بن ده‌ستێن مه‌دابن و نه‌حه‌زان دگۆت هیڤى و ئۆمێدێن خه‌لكێ كوردستانێ دێ ژناڤ به‌ین و ل وان دكه‌ین تاریستان و ب هه‌مى هێزێن خوه‌ یێن له‌شكرى هێرشێ كوردان كین كو چه‌ندین گوند و باژێر ژى سۆتن, لێ شۆره‌ش و سه‌رهلدانێن كوردستانێ به‌رده‌وامبوون هه‌تا ئازادیا نوكه‌ ئه‌م تێدا دژین و ئه‌ڤرۆ گه‌لێ مه‌ بوویه‌ خودان حوكمه‌ت و په‌رله‌مان ئه‌وا ب به‌رهه‌مێ خوینا پیشمه‌رگێن قاره‌مان و جانفیدان و شه‌هید و برینداران هاتى دیتن و خه‌لكێ مه‌ ب دلسۆزى جانێ خوه‌كرن خه‌لات بۆ ئازادیا كورد و كوردستانێ و پاراستنا ده‌ستكه‌فتێن گه‌لێمه‌ و پێشمه‌رگێن قاره‌مان سترانا شڤان په‌روه‌رى ب ده‌نگین خوه‌ یێن بلند دگۆتن (سه‌رهلدان ژیانه‌ و به‌رخوه‌دان ڤیانه‌), وه‌ك هێما راگه‌هاندن و (یان كوردستان یان نه‌مان) بۆ گۆتنا هه‌ر شۆره‌شڤانه‌كێ ڤى وه‌لاتى و ئه‌ڤرۆ پشتى سه‌ركه‌فتنا پیشمه‌رگێن قاره‌مان د هه‌مى سه‌نگه‌رێن به‌ره‌ڤانیكرنا سنۆر و خه‌لكێ كوردستانێ دا بێ جوداهیا مرۆڤان و ده‌ستپێكرنا راسته‌قینه‌یا چاكسازیا د ناڤ داموده‌زگه‌هێن حكومى و له‌شكری و پێشكێشكرنا خزمه‌تگوزاریان بۆ وه‌لاتیێن هه‌رێما كوردستانێ, چاڤێن نه‌حه‌ز و دوژمنان ب سه‌ركه‌فتنێن پێشمه‌رگێن قاره‌مان نه‌ رادبین و هه‌روه‌سا په‌یدابوونا گه‌له‌ك دۆست و هه‌ڤال و پشته‌ڤانێن كوردستانێ كو رۆژانه‌ ل سه‌رانسه‌رێ جیهانێ رێزێن تایبه‌ت ل سه‌روكێ گه‌لێ كوردستانێ و پێشمه‌رگێن قاره‌مانێن مه‌ دگرتن و ئه‌ڤه‌ جهێ شانازیا هه‌ر كوردپه‌روه‌ره‌كی یه‌ ده‌مێ د كوربه‌ندێن جیهانی دا سه‌رۆك بازانى پشكدار و په‌یاما گه‌لێمه‌ دگه‌هانده‌ جیهانێ و نوونه‌رێن بارزانى پشكدار و ئه‌ڤرۆ نوونه‌راتیا گه‌لێ مه‌ دهێته‌كرن و ب پێشوازیێن گه‌رم دیدار و چاڤپێكه‌فتن و رێَكه‌فتنان ل گه‌ل شاندێن كوردستانى دگرن لێ دیاربوو پیلانێن نه‌حه‌زێن كوردستانێ كا گه‌هشتییه‌ چ راده‌ و كیڤه‌ دهێت راوه‌ستاندن و ئه‌و خۆزییێن وان هه‌مى بوونه‌ خه‌ون و هه‌ر نه‌شیان كوردان به‌رزه‌بكه‌ن و ژناڤببه‌ن, به‌لكو پتر هاتن ناڤ رێزین ده‌وله‌تێن زلهێز و پشته‌ڤان بۆ گه‌لێ مه‌ هه‌ر په‌یداكرن هه‌تا راگه‌هاندنا ده‌وله‌تا كوردستانێ, ئه‌ڤرۆ وه‌لاتیێن هه‌رێمى و هه‌ر كورده‌كى هه‌بیت ل جیهانێ و دۆست و هه‌ڤالێن مه‌ باش دزانن كا رۆلێ سه‌رۆك بارزانى چه‌ند گرنگه‌ و چاوا هه‌ڤسه‌نگیا هه‌رێمى و ده‌ڤه‌رێ راگرت؟ هه‌روه‌سا ل گه‌ل هه‌ڤپه‌یمانێن ملله‌تێ كورد رێكه‌فتنان ئیمزا دكه‌ت هه‌تا ملله‌تێ مه‌ بگه‌هیته‌ ئازادیا دووماهیێ و په‌یداكرنا ئارامیێ بۆ وه‌لاتیان كو هه‌ر شاد و ئازاد بژیت, كو بێ ترس و ره‌ڤ و ئه‌نفال و ده‌ربه‌ده‌ركرن و جینۆسایدكرن و ها ئه‌ڤرۆ دبێژین هه‌مى پارت و لایه‌نه‌كێ سیاسى, زانستى جڤاكى, ده‌ستێن خوه‌ بكن ناڤ ده‌ستێن ئێكدا ژ بو سه‌ركه‌فتنا دووماهیێ ئه‌ڤا هزاره‌ها شه‌هید و بریندار بۆ هاتێنه‌ پیشَكێشكرن و ڤێكرا بگه‌هین ده‌وله‌تبوونا كوردستانێ و ده‌رمانێ هه‌مى ئاریشه‌ و راكرنا هه‌مى قه‌یرانێن ئابوورى و سیاسى یێن ڤى ملله‌تى مه‌ ب ئیكرێزى و ئێكگرتنا هه‌مى لایه‌نێن حزبى و جه‌ماوه‌رى و زانستی دهێته‌ راكرن, لێ مه‌زنان یا گۆتى (ده‌ستێ ب تنێ ده‌نگ ژى ناهێت) له‌ورا فه‌ره‌ ده‌ستێن خوه‌ بكه‌ین ناڤ ئێكدا ژ بۆ خزمه‌تكرنا وه‌لاتی و ئاخا خوه‌ یا پیرۆز بپارێزین و ل گه‌ل پێشمه‌رگێن قاره‌مان پشته‌ڤان و هاریكاربین ژ بۆ سه‌ركه‌فتنێ و به‌رهه‌مێ خوینا شه‌هیدان ژ ناڤ نه‌بین و هه‌ر بمینن ب خێر و خۆشى و خه‌ون و خۆزییێن خوه‌ باش تێدا هشیاربین، هه‌ر وه‌سا لاڤلاڤێ ژ خودایێ ئێكانه‌ بكه‌ین, كو گه‌لێ مه‌ ژ هه‌ر نه‌حه‌ز و تیرۆرست و دوژمنه‌كێ ڤى وه‌لاتێ مه‌ دوور بكه‌ڤیت، هه‌ر و هه‌ر وه‌لاتێ مه‌ ب ته‌ناهی و شادى و ئاڤه‌دانى و سه‌ركه‌فتی بیت.

ژ به‌رى 64 سالان و ل رۆژا 18/2/1953، سه‌رۆكێ نه‌ته‌وا كورد مه‌لا مسته‌فا بارزانی بابێ روحى و نه‌ته‌وه‌یی یێ گه‌لێ كوردستانێ ئێكه‌تیا قوتابى و لاوێن دیمۆكراتا كوردستانێ دامه‌زراند , ژ به‌ر پێدڤیاتیا وى سه‌رده‌مى و كیشمه‌كێشا سیاسى و هه‌ڤركیا ده‌وروبه‌رێن وه‌لاتێ مه‌ و پشته‌ڤانى بۆ هه‌لكرنا ئاگرێ شۆره‌ش و سه‌رهلدانێن گه‌لێمه‌ و به‌رده‌وامیدانا خه‌باتا كوردینیێ و پشته‌ڤانیكرن ژ لایێ گه‌نج و لاوێن مه‌ كوردان ڤه‌ ژ كچ و كوران بۆ برایێن خوه‌ یێن پێشمه‌رگێن جانفیدان و ب رێیێن خوه‌ یێن فێركرن و زانست و زانینێ و پێشكێشكرنا بزاڤێن خوه‌ یێن ئه‌ده‌بى و هونه‌رو وه‌رزشى و ئه‌نجامدانا چالاكیێن جۆراوجۆر د ناڤ گوندوباژێراندان, كو خه‌لكێ خوه‌ ڤێرابگه‌هینن و خزمه‌تا وان بكن، هه‌تا بده‌ستڤه‌ئینانا ئارمانجێن سه‌ره‌كى یێن نه‌ته‌وه‌یی و ئازادیا كوردستانێ ل به‌رچاڤ بهێنه‌وه‌رگرتن و چه‌كێن زانستێ ل گه‌ل چه‌كێن پێشمه‌رگان بكن ئێك ژ بۆ ده‌ستڤه‌ئینانا مافێن گه‌لێ مه‌ یێن ره‌وا و ده‌مێ ب چه‌كێ پێداچوونێ د به‌رپه‌رێن زێرینێن دیرۆكا خه‌باتا قوتابى و لاوان بكه‌ین دێ بۆ مرۆڤى باش دیاربت كو هه‌ردو ره‌گه‌زان چ حنێر كرینه‌ و چاوا خه‌بات ل گه‌ل برا و باب و برایێن خوه‌ یێن پێشمه‌رگه‌ كرینه‌ و جانێن خوه‌ ژى كرینه‌ قوربان ژ بۆ ئازادیێ ده‌نگێن خوه‌ بلندكرینه‌ و دژى رژێمان راوه‌ستاینه‌ هه‌تا شه‌هیدبوونێ ب جانێن خوه‌ كرینه‌ خه‌لات, مینا شه‌هیدێن قاره‌مان (له‌یلى قاسم و ریبه‌ر مه‌لا حسێن و مه‌ئموون ده‌باغ و كوردستان سالح و سه‌دیق پێنجۆینى) و گه‌له‌كێن دیترێ بووینه‌ چرایێن گه‌ش د ئه‌سمانێ كوردستانێ دا و په‌یاما وان یا زانست و فێركرنێ ل ناڤ وه‌لاتێ مه‌دا ل هه‌ر چار پارچێن كوردستانێ گه‌ش دبیت و گیانێن وان شادبیت, ئه‌ڤرۆ شانازیێ ب وان دبین و گیانێن وان ل گه‌ل كوترێن ئازادى و ئاشتیێ بلند دفرن و ل هنداڤێ كوردستانێ دهێن و دچن و ل هێڤییا مزگینییا راگه‌هاندنا ده‌وله‌تا كوردستانێ نه‌. ڤیجا ده‌مێ د شۆره‌شێ دا بابێ مه‌زن بارزانیێ نه‌مر د په‌یڤه‌كا خوه‌ دا دگۆت (قوتابى سه‌رێ رمێنه‌ د هه‌مى شۆره‌ش و سه‌رهلدانان دا) و لاو هێزا پوولاینه‌ و ب ڤان په‌یڤان بهایه‌كى مه‌زن ته‌ماشه‌ى قوتابى و لاوێن كوردستانێ دكر و هه‌مى ده‌مان ده‌رگه‌هێن خزمه‌تكرنێ بۆ وان ڤه‌دكر, ژ بۆ تێركرنا هه‌ست و سۆز و بیرباوه‌رێن وان یێن جڤاكى و ئاینى و نه‌ته‌وه‌یێ و گه‌نجان رێیێن به‌رخوه‌دانێ دگرتن ژ بۆ راكرنا سته‌م و سته‌مكاران و د جهێ وان دا دادیا جڤاكى و په‌روه‌رده‌یی و نه‌ته‌وه‌یی دا جێبه‌جێبكن، هه‌روه‌سا یاسایێن نیشتیمانى ژى بپارێزن. ژ به‌ر ڤێ چه‌ندێ سال بۆ سالێ رێ ژ لایێ رژێمێن عه‌فله‌قى و شۆفینیزمى ڤه‌ دژى گه‌نجێن كوردستانێ رابوون و رێ ل بۆچوون و ئازادیا وان دگرتن و هه‌مى هه‌ول و شیانێن خوه‌ ته‌رخانكرن گه‌نجان بێده‌نگ بكه‌ن, لى خوینا گه‌رما كوردینیێ رێ ڤه‌كرن گه‌نج د خزمه‌تا وه‌لاتێ خوه‌ یێ داگیركار ڤه‌ بیت, له‌ورا كۆم ب كۆم گه‌نج و قوتابى و لاوێن مه‌ دهاتنه‌ گرتن و ل زیندانان هاتنه‌ ئیشكه‌نجه‌دان و خوینا وان ب دیوارێن وان دا نه‌خشى كوردستانێ پى خه‌ملاندن و قێریێن وان ل ده‌مێ قوتان و لێدانێدا گوهێن چه‌په‌لان پژكاندن و ل گه‌ل لێدانا قامچیان سروودا نه‌ته‌وه‌یی دهاته‌ خواندن ژ لایێ قوتابیێن هاتین ده‌سته‌سه‌ركرن ڤه‌ و دانپێدان نه‌دكرن و ل دژى نه‌ته‌وا خوه‌ نه‌ دئاخفتن هه‌تا شه‌هیدبوونێ. ها ئه‌ڤرۆ هێشتا برینێن ئه‌نفال و كێمیاباران و جینۆسایدكرنا سۆران و به‌هدینان و ل ڤێ دووماهیێ شنگالا خۆراگر د شه‌ڕێ تیرۆرستان دا ده‌رمان نه‌ دهاته‌ دیتن ژ بۆ ساخكرنا برینان، لێ ملله‌تێ مه‌ به‌رده‌وامه‌ د خه‌باتا خوه‌ یا راسته‌قینه‌ دا و خودانا مافێن ره‌وا و گه‌لێ مه‌ هه‌ر ژ كه‌ڤندا و هه‌تا نوكه‌ به‌رده‌وامه‌ بۆ هه‌بوونێ بزاڤێ دكه‌ت و خۆراگره‌ و ئازادیێ دخوازت و ئه‌ڤرۆ ب به‌رهه‌مى خوینا هزاره‌هان شه‌هیدان ملله‌تێ كورد بووییه‌ خودان ده‌ستهه‌لات و قانوون و حوكمه‌ت و هه‌ر باژێره‌كێ كوردستانێ ب زانكۆ و كۆلیژه‌ و په‌یمانگه‌ و قوتابخانان خه‌ملاندینه‌ و به‌رهه‌ڤن ژ بۆ فێركرنا كوڕ و كچێن كوردستانێ ژ هه‌مى ئۆل و مه‌زهه‌ب و نه‌ته‌وان جهێن خوه‌ دبینن و نوكه‌ هه‌ر چارپارچێن كوردستانێ چاڤه‌رێ مزگینیا ده‌وله‌تبوونێنه‌ و ئالایێ زانست و زانینێ ل سه‌ر ده‌ستێ قوتابى و لاوێن مه‌ دێ بلند بیت و به‌ر پێشڤه‌ڤه‌ دچیت و فه‌ره‌ هه‌مى ده‌مان ل گه‌ل پێشمه‌رگێن جانفیدان د خه‌بات و به‌ره‌ڤانیا خه‌لك و وه‌لاتى و وارێ خوه‌ دا بین ژبۆ سه‌ركه‌فتنا دووماهیێ و ئازادیا سه‌ربه‌خوه‌بوونێ سنۆرێن خوه‌ بپارێزین و ل گه‌ل داموده‌زگه‌هین حكومى و ئاسایش و پۆلیسان هاریكار و پشته‌ڤان بوون هه‌تا هه‌ر ئێمناهى به‌رقه‌رار بیت و خه‌لك ب خۆشى و ته‌ناهى و ئازادى بژیت و ئومێدێن گه‌ش بۆ په‌یداببن. پیرۆزباهی بۆ پێشمه‌رگێن قاره‌مان یێن بووینه‌ ئه‌گه‌رێ سه‌ركه‌فتنا مه‌ كوردان و هه‌مى قوتابى و لاوان ل كوردستانى و سه‌رفرازى بۆ هه‌وه‌یه‌ پیشمه‌رگه‌ و قوتابى و لاوێن خۆشتڤى.

په‌یاما ملله‌تێ كورد بۆ مالكی ئه‌وه‌ كو جاره‌كا دی ناڤه‌گه‌رته‌ سالێن چوویی هێرڤه‌ و ویڤه‌، دبێژینێ به‌س لێدوانان بده‌ و ئێدی موزایدات ب دووماهیك هاتن و بێژین ته‌ ستۆپ شانۆگه‌ریا ئیرانی ئاشكه‌رابوو بۆ خه‌لكێ هه‌رێمێ و عیراقێ و جیهانێ كو قاره‌مانێ پیلانا وان یا ره‌ش مالكی و هه‌ڤالین وی بوون ژبۆ تێكدان و راده‌ستكرنا چه‌ند پاریزگه‌هێن عیراقی بۆ ده‌ستێن تیرۆرستان و هێرشكرن ل سه‌ر خه‌لكی مه‌ ل شه‌نگال و كه‌ركووكا دلێ كوردان و ده‌ڤه‌رێن مه‌ یێن دیتری و جهێن سونان ژ بۆ فرۆتن و راده‌ستكرنا عیراقێ بۆ ئیرانێ وه‌كی سووریا و لبنان و یه‌مه‌نی و هه‌ول ددا كوردستانی ژی داگیربه‌كن لێ مالكی بزانه‌ هه‌می سه‌رۆكین به‌ری هاتنا ته‌ بۆ ده‌ستهه‌لاتی نه‌ شیان گه‌لی كورد ژناڤببن و هه‌می پیلانێن وان پیچكرن و هاتینه‌ هاڤیتن د ناڤ جهێن زبلخانا مرۆڤایه‌تیێ دا و دیرۆك نه‌فره‌تان ل وان دبارینیت و ها ئه‌ڤرۆ ژی خه‌لك نه‌فره‌تان ل ته‌ دبارینت و بزانه‌ 1- راده‌ستكرنا عیراقێ بۆ ئیرانێ و تیرۆرستان تو ریكخوه‌شكر و ئه‌گه‌ر بووی 2- هه‌دركرنا مالێ عیراقی ب ملیاران دۆلاران و كرینا چه‌كی بۆ ده‌وله‌تا به‌شارێ رووڤی. 3-ڤه‌كرنا ده‌رگه‌هی و سنۆری بۆ هه‌می شیعین جیهانی كو سه‌ره‌دانا مه‌زارگه‌هێن نه‌جه‌ف و كه‌ربه‌لایی بكن بێ دووڤچوون و قازانج بۆ عیراقێ ڤه‌گه‌رت و خوارن و ڤه‌خوارن و نڤستنا وان شیعان مه‌زاختنا وان یا رۆژانه‌ ل سه‌ر میزانیا عیراقێ 4- فرۆتن و به‌ربه‌لاڤكرنا كه‌رستێن بێهۆشكه‌ر ژ ئیرانی بۆ ناڤ ئاخا عیراقی و فرۆتنا وان ب ئاشكه‌را و نهێنی ژبۆ ده‌ستدانا گه‌نجان 5- كۆچكرن و ده‌ربه‌ده‌ركرنا خه‌لكی ژ عیراقی بۆ ده‌رڤه‌ر و وه‌لاتین بیانیان و ده‌ركرنا كورد و هنده‌ك سونه‌ و مه‌سیحی و لایه‌نێن حزبی ژ داموده‌زگه‌هان ل به‌غدا 6- تێكدانا ئاسایشا گشتی یا وه‌لاتی عیراقی و هه‌لوه‌شاندنا رێكه‌فتنێن حوكمه‌تا هه‌رێمی و عیراقێ. 7- برینا مووچین فه‌رمانبه‌رێن هه‌رێمێ و بۆدجا گشتی و راوه‌ستاندنا هنارتنا چه‌كی و بۆدجا پێشمه‌رگێن كوردستانێ. 8- دورستكرنا هێزا دیجله‌ ب سه‌رپه‌رشتیا فه‌رمانده‌ عبدولئه‌میر زه‌یدی بۆ هێرشكرنی ل سه‌ر هێزا پێشمه‌رگێن كوردستانێ ل كه‌ركووكێ و ده‌ڤه‌رێن ڤه‌قه‌تایی ژ هه‌رێمێ. 9- نه‌جێبه‌جێكرنا مادا 140 یا ده‌ستوورێ عیراقێ و پێشێلكرنا وی زیق ب زیق 10 – قوتكرنا قووتێ خه‌لكی ب ته‌له‌فۆنه‌كی و بارگرانی ل سه‌ر حوكمه‌تا هه‌رێمێ و هنارتنا ئاواران ب كۆم كۆم بۆ باوه‌شا هه‌رێمێ هه‌تا حوكمه‌تا هه‌رێمێ خوه‌ راده‌ستی هه‌وه‌ بكه‌ت، لی وه‌سا چینه‌بوو 11- هاندانا چه‌ند لایه‌نێن حزبین كوردی كو دژی سه‌رۆكێ كوردستانێ و حوكمه‌تا هه‌رێمێ رابن و كۆده‌تایێ ل هه‌رێمێ دورستبكن هه‌تا رێك بۆ ئیرانێ خۆش بیت دا ببیت ئێك هێل ژ ئیرانی هه‌تا سه‌ر ده‌ریا سپی ئانكو ژ ( ئیران + عیراق و كوردستان + سووریا + لبنان + ده‌ریا سپی)، چونكو سه‌رۆك بارزانی ل دژی ڤی پیلانێ رابوو و حه‌زنه‌كر ئه‌ڤ پیلانه‌ سه‌ر بگریت، ڤێجا هه‌ولدان ب رێكا داعشی هێرشكرن ل سه‌ر ئاخا كوردستانێ و ب رێكا وان كوردستانێ داگیربكه‌ن 12-مالكی و ئیرانیا و عه‌ره‌ب و هه‌ڤالێن وان نزانن ئه‌مریكا و ئورۆپا و جیهان دی ب له‌ز هاوارا سه‌روك بارزانی و گه‌لێ كوردستانێ هین و دی وان پاریزن ژ نه‌حه‌ز و دوژمنێن كورد و كوردستانێ. 13 – سه‌ركه‌فتنێن پێشمه‌رگێن قاره‌مان رۆژ بۆ رۆژێ ئاخا كوردستانێ ژ ده‌ستێن تیرۆرست و چه‌په‌لان ئینا نه‌ده‌رێ و خه‌لكێ خوه‌ پاراستن ب خوینا هزاران پێشمه‌رگان و خه‌لكێ ئاواره‌ و لێقه‌ومی د باوه‌شا خوه‌ دا خودانكرن و پاراستن وه‌كی هه‌ر كورده‌كی ئه‌ڤجا كه‌ربوكینا مالكی و هه‌ڤالێن وی به‌ر ب بلندیێ چوون و هه‌می هه‌ول و شیان ته‌رخانكرن ژبۆ تێكدانا هه‌رێمێ و ئاسایشا وێ، لێ خه‌لكێ مه‌ یێ قاره‌مان پیلانێن هه‌وه‌ ناسكرن و ل به‌رخوه‌راوه‌ستان وه‌كی قاره‌مانان به‌رخوه‌دانكرن وه‌لاتێ خوه‌ تێكنه‌دان و هه‌ر ڤیانا وه‌لاتی به‌رزترلێهات ل ده‌ف وه‌لاتیێن مه‌ و هه‌ر كورده‌كێ ل كوردستانێ و جیهانێ 14- وه‌لاتێ كوردستانێ لاندكا پێكڤه‌ژیانێ ل جیهانێ یه‌ و پێشمه‌رگێن قاره‌مان زێره‌ڤانین هه‌می وه‌لاتیانه‌ بێ جوداهیا عه‌شیره‌ت و زمان و نه‌ته‌وه‌ و مه‌زهه‌ب و ئاینان 15- سه‌ركه‌فتن هه‌ر بۆ گه‌لێ كوردستانێ یه‌ و روی ره‌شی بۆ مالكی و هه‌ڤالێن وی یه‌ یێن هه‌ر چه‌ند رۆژان لێدوانان دده‌ن و دبێژن پێشمه‌رگێن كوردستانێ ژ ناڤ ئاخا خوه‌ هه‌رن ده‌رێ و پاشڤه‌بزڤرن یان دی ب شه‌ر هه‌وه‌ دكین ده‌ری 16- مالكی و هه‌ڤالێن وی یێن پشته‌ڤان بۆ وی هه‌وه‌ بڤێت یان نه‌ڤێت گه‌لێ كوردستانێ ب تنێ ب ده‌وله‌تبوونا خوه‌ رازییه‌ و ئێدی پاشڤه‌ نازڤرت و بهارا مه‌ و نه‌ورۆزا مه‌ كوردان ئاگری وی گه‌ش دبیت و شه‌ڤێن تاری و پر زۆرداری ب ئاگری رۆناهی دكه‌ڤت و قه‌یدو زنجیرین داگیركه‌رین كوردستانی دی شكینت و ڤه‌كت و ئازادی و ده‌وله‌تبوون نێزیكه‌ 17- ۆرین ئه‌نفال و جینۆساید و كیمیا بارانی و زه‌ره‌رو زیان و قه‌یرانێن كوردستانی ژبیرناكین 18- فه‌ره‌ هه‌می لایه‌ن راگه‌هاندین خوه‌ د به‌رژه‌وه‌ندیا كوردستانێدا بكاربینن و جاره‌ك دی ئومیدین گه‌ش بۆ خه‌لكی مه‌ په‌یدابكن كو حه‌ز ژ وه‌لاتی خوه‌ بكن و پێكڤه‌ خزمه‌تكارێن گه‌ل و خه‌لكی خوه‌ بێ دودلی و ماندیبوونی بین 19 ـ فه‌ره‌ گه‌نجێن پاشه‌رۆژا وه‌لاتی شیانین وان خورتربكین ژ بۆ ئاڤاكرنا وه‌لاتی و كه‌ساتیێن كوردستانی جاره‌ك دی ئومیدین ژیانێ بۆ وان بژڤرینین و د وه‌لاتیدا بێ ئومێد نه‌بن و هه‌ر گه‌شبین بن 20- فه‌ره‌ هه‌می لایه‌ن ژ دل سوپاسیا سه‌رۆكی بارزانی بكن ژبه‌ر خه‌مخۆری و خوراگری و قاره‌مانیا وی یا به‌رده‌وام و حه‌زژیكرنا وی بۆ گه‌هشتنا ملله‌تێ كورد بۆ ده‌وله‌تبوونێ، هه‌روه‌سا یا هه‌می خێزانین شه‌هید و بریندارێن پاراستنا وه‌لاتی بكین و بێژین فه‌رمانبه‌رێن كوردستانی سوپاس كو دخوه‌راگربین ل گه‌ل ڤان بارودۆخێن سه‌خت و دژوار دا و هه‌ر ملله‌تێ مه‌ یێ سه‌ركه‌فتی بت و روی ره‌شی و شه‌همزاری بۆ هه‌می نه‌حه‌ز و دوژمنێن وه‌لاتێ مه‌.