پشتی چریسا ئاگرێ شوَڕشا ئیلۆنێ ل كوردستانێ ڤه‌مری و ب ده‌هان كوڕێن ئه‌ڤی ملله‌تی خوه‌ كرنه‌ قوربانی پێخه‌مه‌ت كورد و كوردستانێ، پارتی دیمۆكراتی كوردستان جاره‌كا دی ده‌ست ب خه‌باتا چه‌كداریێ كر و ئاگرێ شوڕشا گوڵانێ هه‌لكر، وه‌كو درێژی پێدانه‌ك ب رێبازا به‌رده‌وام یا بابێ ڕوحی و نه‌ته‌وه‌یێ كورد (مسته‌فا بارزانی)، كو د شۆره‌شا ئیلۆنێ دا بابێ ڕۆحی و نه‌ته‌وه‌ی ب هیچ جۆره‌ك ژ جوَران مساوه‌مه‌ ل سه‌ر كركووك و خانه‌قی و مه‌خمۆر و ده‌ڤه‌رێن دی یێن كوردستانێ نه‌كر.
شۆره‌شا گۆلانێ ب رێبه‌ریا سه‌ركردێ ئازا و چاڤ نه‌ترس سه‌رۆك مه‌سعود بارزانی بوو، بێگومان دگه‌ل ب ده‌هان سه‌ركرده‌ و پێشمه‌رگێن ئیلۆنێ یێن چا ڤ نه‌ترس و قه‌هره‌مان. مخابن هنده‌ك ژ وان عه‌گید و قه‌هرمانان ل شۆڕشا گولانێ خوینا خوه‌ پێخه‌مه‌ت ڕۆژه‌كا وه‌كی ئه‌ڤرۆ رێشتیه‌، ژ لایه‌كی دی ڤه‌ هه‌كه‌ ئه‌م به‌حسێ بزاڤێن به‌رده‌وامێن سه‌روَك (مه‌سعود بارزانی) ل شوَڕشا گوڵان و هه‌تا دگه‌هیته‌ ئه‌ڤرۆكه‌ بكه‌ین، دێ بینین ده‌ستكه‌فتێن زوَر ب ده‌ست خوه‌ ڤه‌ ئیناینه‌ ژبۆ كورد و كوردستانێ و ئه‌ڤ چه‌نده‌ ژی یا به‌رچاڤه‌، ب دیتنا من و هه‌می خه‌لكێ ب شه‌ره‌ف ل ڤێ هه‌رێمێ دبێژین به‌لێ ئه‌و بارزانی یه‌ دڤێت كورد ببنه‌ خودان كیانه‌كێ سه‌ربخۆ و به‌رده‌وام بزاڤێ دكه‌ت.
هه‌ر جاره‌كێ كورد گه‌هیشتینه‌ ئارمانجا خوه‌ ژ بوَ بده‌سڤه‌ئینانا داخوازێن خوه‌ یێن ڕه‌وا ته‌حدی ژ لایێ ده‌وله‌تێن جیران ڤه‌ دژی سه‌رخۆبوونا كوردستانێ دهێنه‌ كرن، زێده‌باری وێ ژی مخابن دبینین دوستێن دوهی و ئه‌ڤرۆ دبنه‌ رێگر و ده‌ست ب گه‌فان دكه‌ن، بۆ نموونه‌ ئه‌م دبینین كۆمارا ئیسلامی وه‌كو شه‌یتانه‌كی دكه‌ڤیته‌ ناڤمالا كوردی و ب مه‌ره‌ما تێكدانا ئێكرێزیا ناڤمالا كوردی وانا ژێكڤه‌ دكه‌ت، (100) ساڵ سه‌ر سایكس پیكوَ بۆرین، به‌لێ سه‌د سالێن ڕه‌ش و خویناوی و نه‌هامه‌تی و وێرانكاری و ئه‌نفال و كوشتن و كیمیابارنكرن و زیندانیكرن و كاڤلكرنا پتر ژ (4000) گوندان و. . هتـــد بوویه‌، ئه‌ڤ هه‌می كاره‌ساته‌ یێن كو ب سه‌رێ كوردان هاتین، ژبه‌ر هه‌ندێ بوویه‌ كو سه‌ركردایه‌تیا كوردی به‌رده‌وام داخوازا مافێن ره‌وایێن ملله‌تێ كورد كریه‌، بگره‌ ژ سه‌رده‌مێ شۆره‌شێن ئیلۆن و گولانێ و هه‌تا نها بزاڤێن بده‌ستڤه‌ئینانا مافێن ره‌وا به‌رده‌وامن، تایبه‌تی پشتی سه‌رهلدانا پیرۆزا 1991ێ، جه‌نابێ كاك مه‌سعود بارزانی به‌رده‌وام كار ل سه‌ر هندێ دكه‌ت كو كورد ئێكرێزیا ناڤمالا خوه‌ بپارێزن و ئه‌ڤه‌یه‌ هیڤی و مه‌ره‌مێن وی.
به‌لێ مخابن جاره‌كا دی خۆفرۆش ناهێلن پشتی سه‌د ساڵان كورد ببته‌ ده‌وله‌ت و چووینه‌ بن فشارێن ده‌وله‌تێن جیران و دژایه‌تیا پارتی دیمۆكراتی كوردستان و ب تایبه‌ت سه‌رۆك بارزانی دكه‌ن! ناهێلن ده‌وله‌تا كوردی رابگه‌هینیت!، بووینه‌ بجهئینه‌رێن ئه‌جیندایێ ئیران و هنده‌ك لایه‌نێن شیعێن توند وه‌كو (حزب الدعوه‌) یا توندڕه‌و، گۆتنه‌كا كوردی یا هه‌ی زۆر راسته‌ دبێژیت (هه‌كه‌ كرمێ دارێ ژ دارێ نه‌بیت ئه‌ودار ناڕزیت)، له‌ورا ب فه‌ر دبینم به‌حسێ روَلێ نێگه‌تیڤ ب به‌رده‌وام بكه‌م ژ لایێ هنده‌ك كه‌نالێن كوردی ڤه‌ كو بووینه‌ تمامكه‌ر ژ بوَ ئه‌جیندایا ئیرانێ، به‌لێ هه‌ر كاریگه‌ری نابیت ل سه‌ر بزاڤێن سه‌رۆك بارزانی.
ئه‌ڤرۆ ژ هه‌می ڕۆژان بۆ كوردان گرنگتره‌ كو ئێكرێزیا ناڤمالا خوه‌ بپارێزن و دهشیار بن ل هه‌مبه‌ر وان گوتار و گۆتگوتێن بن دیوار و ڤێرێ و ل وێرێ دهێنه‌ گۆتن، ئه‌ڤێن هه‌نێ تنێ مه‌ره‌ما وان پێ ئه‌وه‌ هه‌ستێن نه‌ته‌وه‌یی ل ده‌ف مه‌ لاواز بكه‌ن! مه‌ره‌ما وانا هه‌می ئه‌وه‌ دڤێن جادا كوردی رازی بكه‌ن داكو جاره‌كا دی بچنه‌ بن سیبه‌را عه‌بایێن ڕه‌شێن عه‌ره‌ب ئه‌وێن دنیایه‌ك كاره‌ساتان ب سه‌ر مه‌ ئینای و شه‌ره‌فا كوردان فرۆتی، كوردێن خوَفرۆش بلا باش بزانن ئه‌م ده‌ست ژ ریفراندومێ به‌رناده‌ین و ئه‌م هه‌می دگه‌ل هه‌لویستێ سه‌رۆك بارزانی نه‌ ئه‌م نه‌. هه‌روه‌سا ئه‌م هه‌می باش دزانین ئه‌ڤ هه‌می بزاڤ و كارێن نیگه‌تیڤ بۆچی یه‌ و ژ به‌رچی یه‌؟. تنێ من دڤێت بیژمه‌ وان كه‌ناڵ و پارتان نه‌حه‌زان دڤێن جاره‌كا دی شه‌رێ براكوژیێ ده‌ست پێ بكه‌ته‌ڤه‌، به‌لێ هندی پارتی دیمۆكراتی كوردستان وه‌ك چیایه‌ك ل پشت كورد و كوردستان هه‌بیت كه‌س نه‌شێت مه‌ بهه‌ژینیت.
مانشێت: هه‌ر جاره‌كێ كورد گه‌هیشتینه‌ ئارمانجا خوه‌ دوستێن دوهی و ئه‌ڤرۆ دبنه‌ رێگر و ده‌ست ب گه‌فان دكه‌ن

ئاشكرایه‌ رژێما حزبا به‌عسا فاشست ب درێژاهیا ته‌مه‌نێن خوه‌ ب كوشتن و راگوهاستنا خه‌لكێ كوردستان نه‌ راوه‌ستیا، به‌لكو هه‌ولا گوهۆرینا دیمۆگرافیا خاكی ژی دا. هه‌روه‌سا هه‌ولا عه‌ره‌بكرنا گه‌له‌ك باژار باژێركان دا وه‌ك شنگال و مه‌خمۆر و خانه‌قین مه‌ندلی و كه‌ركووك. . هتد، لێ پشتی نه‌مانا وێ ڕژێمێ دروستبوونا حوكمه‌كێ فیدڕالی ل عیراق و هه‌ر وه‌ك د ده‌ستووری دا یێ هاتیه‌ دیاركرن و 80% خه‌لكێن عیراق ده‌نگ ل سه‌ر دان، كو چاره‌سه‌ریه‌كا دادپه‌روه‌رانه‌ و یاسایانه‌ بۆ وان ده‌ڤه‌ران و دگه‌ل دا باژێرێ كه‌ركووك و لدووڤی ماددا (140) سه‌ره‌ده‌رێ ل گه‌ل بهێنه‌كرن ل هه‌می پێكهاتێن سیاسی عێراق و ل سه‌ر كۆك بوون، ئه‌و ژی ب زڤراندنا ئاواروان بۆ وارێن خوه‌ یێن كه‌ڤن، دیسا ئه‌و عه‌ره‌بێن ل سه‌ر ده‌مێ حزبا به‌عس هاتینه‌ ل شوونا كوردان بزڤرنه‌ڤه‌ جهێن ژێ هاتین، لێ پشتی هینگی راپرسیه‌ك بهێته‌ ئه‌نجامدان و داوه‌كو راستیان د یاركه‌ت. مخابن جهێ سه‌رنجراكێشانه‌ هێشتا ل كه‌ركووكێ راپرسیه‌ك نه‌هاتیه‌ ئه‌نجامدان هنه‌ك لایه‌ن و به‌رپرسێن ده‌وله‌تێن هه‌رێمان نووچه‌ و داخۆیانیێن نه‌درست كو ل گه‌ل دستوورێ عیراق ناگونجیت به‌ڵاڤ دكه‌ن، د راگه‌هاندنێن خوه‌ دا ئه‌وان باژێران یێن كو گرێداینه‌ ب مادا (140)، بۆ نموونه‌ ده‌زگه‌هێ میتا تركی ڕاپۆرته‌كا نهێنی كو پشكه‌كێ وێ هاتیه‌ دزین (متسربه‌) و تێدا هاتبوو كرن بۆ ناڤ راگه‌هاندنێن ئانكو میدیایێن وێ ده‌وله‌تی، جه‌خت ل هه‌ندێ دكه‌ت كو هه‌لوَمه‌رجێ ناڤخوه‌یی و ده‌ره‌كی بۆ زڤراندنا باژێرێ كه‌ركووك بۆ سه‌ر هه‌رێما كوردستانێ ئاماده‌ بوویه‌ و ئه‌ڤه‌ ژی زیانێ دگه‌هینته‌ تركیا، هه‌ر د وی ڕاپورتیدا گه‌له‌ك ته‌كه‌ز ل سه‌ر نه‌فتا كه‌ركووكێ دكه‌ت!، یاسه‌یر ئه‌وه‌ د راگه‌هاندنێن خوه‌ دا توركمانێن وی باژێری بۆ خوه‌ دكه‌نه‌ بهانه‌! هه‌ر وه‌ك كورده‌واری دبیژیت ئه‌وان بۆ حه‌سن و حسێن ناكه‌نه‌گری به‌لكو بۆ هه‌ریسه‌ی دكه‌نه‌ گری؟،ئه‌ڤ چه‌نده‌ باشترین ده‌رفه‌ته‌ بۆ وان، بێگومان داوه‌كو بشێن ده‌ستوه‌رده‌نه‌ كاروبارێن هه‌رێما كوردستانێ! ژ بوَ ڤێ مه‌به‌ستێ ژی داخواز ژ حوكمه‌ت و داموده‌زگه‌هان دكه‌ت جه و رێیێن گونجای بگرنه‌ به‌ر!!، بیرا من دهێت وه‌زیرێ ده‌رڤه‌ یێ تركیا د دیداره‌كێ دا ل گه‌ل كه‌ناڵێ ( NTV) داخواز دكر راپرسیا كه‌ركووك كو بریار بوو ل 2007 بهێته‌ ئه‌نجامدان بهێته‌ پاشخستن بۆ ده‌مه‌كێ نه‌دیار هه‌روه‌سا پشته‌ڤانیا خوه‌ بۆ را ِپورتا هاملتۆن ده‌ربری، وه‌زیرێ د وی دیداریدا دگۆت كورد خوه‌ بخوه‌ینه‌ یا ئێك رێز و ئێك هه‌لویستن ل به‌رامبه‌ر كێشه‌یا كه‌ركووكێ و دگۆت ب ته‌نێ بارزانی و حزبا وی یه‌ دڕژدن ل سه‌ر راپرسیا كه‌ركووكێ ژ به‌ر كو لایه‌نێن ل به‌رامبه‌ر پارتا بارزانی وه‌سا هزر دكرن كو بارزانی دڤێت ب رێیا راپرسیان وان لاواز بكه‌ ت ل سه‌ر ئاستێ شه‌قامێ كوردی و دبیژیت كێشه‌یا هه‌ره‌ مه‌زن بۆ مه‌ بارزانی یه‌ و هتد. هه‌روه‌سا من دڤێت ئاماژه‌ ب داخۆیانیێن (ره‌جه‌ب ته‌یب ئه‌ردۆگان) بكه‌م كو چاوا به‌حسێ كه‌ركووكێ دكر و مافێ ده‌ستێوه‌ردان د كاروبارێن ناڤخوه‌یی دا ب تركیا ژبه‌ر كو هه‌ڤسنۆرن ب به‌هانا هه‌بوونا توركمانان ل باژێرێ كركووكی و نه‌بوونا سه‌قامگیریا هه‌رێمێ و عێراقێ.
كورد پشتی 1991 و ئه‌نجامدانا هه‌لبژارتن و پێكئینانا په‌رله‌مان و حوكمه‌تا هه‌رێمێ شیا قه‌واره‌كا سیاسی ژ بۆ خوه‌ ده‌سته‌به‌ر بكه‌ت و به‌رده‌وام ژ بۆ پاراستنا ماف و ئازادیا نه‌ته‌وێن دی ل كوردستانێ و عێراقێ هه‌ر وه‌كو نه‌ته‌وا كورد و توركمان ژی ل كه‌ركووكێ هه‌مان مافێ وه‌لاتیبوونێ هه‌یه‌ ل مافێ نه‌ته‌وه‌ی خوه‌ بێ به‌هر نینه‌ و داكۆكی كریه‌، واته‌ مافێ كوردی یه‌ ڤان چه‌ند پرسیاران بكه‌ت و بیژیت، ئه‌رێ هوون شیاینه‌ ده‌وله‌ته‌كا تاوانبار ل به‌رامبه‌ر وێ جینۆسایدێ كو ل سه‌رده‌مێ عوسمانیان ب سه‌ر ئه‌رمه‌نان هاتیه‌ دانپێبده‌ن؟. ئه‌رێ هوون دشێن داخوازیا كوردان بجه بهینن وه‌ك دانپێدانه‌ك؟.
هوون هه‌ر به‌حسێ وێ چه‌ندێ دكه‌ن هه‌زار توركمان ب شه‌ڤ و ب رۆژ!.
باشه‌ بۆچی به‌حسێ نێزیكه‌ی (20) ملیۆن كوردان ناكه‌ن؟ سه‌یره‌ ل ڤێرێ ئه‌وه‌ كێمترین مافێن سه‌ره‌تایی ب وان ره‌وا نا بینن؟.
ئه‌و توركمانێن ل باژێرێ كه‌ركووك دژین زوَر زوَر ب سه‌ربه‌رزانه‌ دژین بێی كو چو خه‌مساریه‌ك ل به‌رامبه‌ر وان بهێته‌كر ن و د پشكدارن د هه‌می چالاكی و ده‌زگه‌هێن میری چالاكێن خوه‌ یێن سیاسی ئه‌نجامدده‌ن و مافێن وانا ژی هاتیه‌ پاراستن. ل ڤێرێ جهێ خوه‌شحالیا مه‌ هه‌میانه‌ كو بێژم سوپاس بۆ خودێ كورد ئێك رێزێن خوه‌ پاراستینه‌ و باشترین به‌ڵگه‌ ژی بۆ ئه‌ڤ به‌رگریكرنا ل كوردستانێ و رۆژانه‌ قوربانیان دده‌ن پێخه‌مه‌ت ده‌وڵه‌تبوونا كوردستانێ.
وه‌سا دیاره‌ داعش و ماموَستایێن وان هوَسا هزر دكرن كو كورد پاریه‌كێ ب ساناهیه‌ و هه‌رێم دێ پووچ بیت، واته‌ ئه‌و هه‌می پیلانێن یێن به‌رێ سه‌رنه‌گرتن و یێن بهێن ژی سه‌رناگرن، چونكو ئه‌ڤ جاره‌ ب ئاناهیا خودێ مه‌زن و پاشی سه‌ركرداتیا كوردی ب سه‌روَكاتیا سه‌روَكێ مه‌ بهۆست بهۆست ژ ئاخا كوردستانێ رزگاردبن پشتی دیاركرنا سنۆرێن كوردستانێ دێ ده‌وڵه‌تا كوردی دهێته‌ راگه‌هاندن و ئه‌م وه‌ك ملله‌تێ كورد ب سه‌بر و ته‌حه‌مل بووین (الصبر گیب ولو كان مراً وان الله مع الصابرین) ئێدی ئه‌ڤه‌ دووماهی سه‌بره‌!!.

ل سالێن هه‌شتیان رژێما به‌عسا فاشست ب ده‌رخستنا خێزانێن كورد ژ جه و وارێن وان ده‌ست ب عه‌ره‌بكرنێ كر، هه‌ر وه‌سا گرتن و كوشتن و ده‌سته‌ر و بلۆككرنا سامانێ (حجز و مصادره‌ ممتلكات) وان، ژ پێخه‌مه‌ت كێمكرنا رێژه‌یا كوردان ل هنده‌ك ده‌ڤه‌ران عه‌ره‌بكرن دژوارتربوویه‌، من نه‌ڤێت گه‌له‌ك بچمه‌ ناڤ بابه‌ت و درێژیێ بده‌مێ ژ به‌ر كو ئه‌م هه‌می وێ چه‌ندێ باش دزانین كا بۆچی ئه‌ڤ چه‌نده‌ دكرن و مه‌ره‌م ژێ چ بوو؟ به‌لێ مه‌به‌ستا من ئه‌وه‌ كو بێژم ئه‌رێ ئێدی من چ باوه‌ریێ ب وان كه‌سێن كو خودان باوه‌رنامه‌یا زانكۆیێ نه‌ هه‌بیت، بوورن من به‌حسێ كورێن دهۆك و ده‌وروبه‌رێن وێ نینن نه‌خێر، تكایه‌ كه‌س شاش تێنه‌گه‌هیت، به‌لكو به‌حسێ یێن دی دكه‌م و هوون باش دزانن به‌حسێ كێ یه‌، هه‌ستێن نه‌ته‌وه‌ی ل جه‌م وان نه‌بیت و هه‌كه‌ هه‌بیت ژی ناگه‌هیته‌ ئاستێ مروَڤه‌كێ نه‌خوانده‌ڤان!؟ ره‌نگه‌ بێژین ئه‌ڤ كابرایه‌ بۆچی ڤێ ئاخفتنێ دبێژیت؟ چونكو هێشتا هه‌ستا نه‌ته‌وه‌یی لاوازه‌ ل ده‌ف ئه‌و كه‌سێن كو خوه‌ دانن ره‌وشه‌نبیر هههه‌.. . نۆشداره‌كێ گه‌نج د وێ باوه‌رێ دایه‌ كو ڕێژا كوردان ل كه‌ركووكێ 35% یه‌!؟ ئه‌ڤه‌یه‌ هه‌ستا نه‌ته‌وه‌ی؟ ژ به‌ر كو من چ هه‌ستا نه‌ته‌وه‌یی ژێ نه‌دیت ئه‌و براده‌ر هه‌ر ب زمانێ عه‌ره‌بان دئاخفت و گۆت ((های المزایدات السیاسیه‌)!!!؟ به‌لێ جه‌نابێ دكتۆری، تو راستی و ئه‌ ز كورێ ئه‌وی باژێرێ خه‌له‌تم ومن ئا گه‌ه ژ ڤێ چه‌ندێ نه‌بوو، به‌لێ باش بوو ته‌ گۆته‌ من ماڵا ته‌و بابێ ته‌ ئاڤابیت بۆ وێ هه‌ستا ئاست بلند یێ ل ده‌ف ته‌و هندی ئێكی وه‌كی ته‌!. من دڤێت بێژمه‌ جه‌نابێ دكتۆرێ ره‌وشه‌نبیر هه‌كه‌ هه‌ستێن ته‌ ب ڤی ئاوای بن و كوڕێن هه‌ژار ژی هه‌رده‌م سینگێ خوه‌ دده‌نه‌ به‌ر گولله‌یا دوژمنی ته‌نانه‌ت ژ بۆ په‌یداكرنا ئارامی و سه‌ربه‌خوه‌كرن و پاراستنا نامووسێن هه‌ر تاكه‌كێ كورد و نه‌خاسمه‌ مالباتا ته‌ ژی ئێكه‌ ژ ملله‌تێ كورد من، نه‌ڤێت چو دی بێژم خۆزی ب ته‌نێ (5) رۆژان تو ل گه‌ل تیمه‌كا دكتوران ل ناڤ شه‌ری دا بای و هه‌تا هینگینێ ته‌ هزر ل خوه‌ و پێشمه‌رگه‌ی دكر ئه‌و ده‌م بۆ ته‌ دیاردبوو، ئه‌و كینه‌ ئارامیێ بۆ ته‌ په‌یدا دكه‌ن و ب ئاوایه‌ی، به‌لێ تو ژی هه‌قی و نا هه‌قیێ ل ته‌ ناگرم چونكو د خۆشترین ژ یان دا دژی، نه‌ یا وه‌كی ژیانا پێشمه‌رگه‌یه‌، به‌لێ هندی ئێكێ وه‌كی ته‌ هه‌یه‌ ل گۆری ساته‌كێ پێشمه‌رگاتیێ بن.