هه‌ر ئێك ژ مه‌ دبیت ئامیرێ‌ تایبه‌ت یێ‌ خوه‌ یێ‌ كۆمپیۆته‌ری یێ‌ هه‌یی ب تایبه‌ت ئه‌ڤێن خودان كار، چو پێ‌ نه‌ڤێت ئه‌ڤ كۆمپیۆته‌ره‌ ژی بێ‌ به‌رنامه‌ چو ناگه‌هینن، ئانكو چو رامانا خوه‌ نینه‌. ژ به‌ر هندێ‌ ژی هه‌ر ئێك ژ مه‌ پێدڤی چه‌ندین به‌رنامێن جودا دبیت بۆ ئه‌نجامدانا كارێن خوه‌ و ژێده‌رێ‌ پتریا وان به‌رناما ژی كۆمپانیێن مه‌زنێن جیهانی نه‌. ئه‌ڤ كۆمپانیێن ناڤدارێن جیهانی ژی سالانه‌ به‌رنامه‌ و خزمه‌تێن زێده‌تر پێش كێش دكه‌ن ب مه‌ره‌ما مفا وه‌رگرتنێ‌ و مفایێن دارایی. ل ڤێره‌ دێ‌ چار به‌رنامێن گه‌له‌ك گرنگ به‌رچاڤ كه‌ین كو پێدڤیه‌ بۆ ئه‌ڤ ساله‌ ته‌ هه‌بن.
OpenNetMeter
به‌رنامێ‌ ئێكێ‌ د لیستێ‌ دا، یێ‌ تایبه‌تمه‌نده‌ ب كارپێكرنا ئه‌نترنێتێ‌ ل سه‌ر لاپتۆپی كو دشیان دایه‌ چاڤدێریا رێژا مه‌زاختن و بكارئینانا ئه‌نترنێتێ‌ دكه‌ت د هه‌ر چركه‌كێ‌ دا، ئه‌ڤ به‌رنامه‌ ب دانه‌یا دانلۆدكری ل به‌ر ده‌ست دكه‌ڤیت كو پێدڤی ب دانلۆدێ‌ ناكه‌ت، ب تنێ‌ ده‌مێ‌ دچیته‌ تێدا دشێی بكاربینی و ئه‌و دێ‌ چاڤدێریا رێژا مه‌زاختنا ئه‌نترنێتێ‌ كه‌ت ئه‌وا تو د مه‌زێخی د هه‌مبه‌ر دا دێ‌ دانه‌یا وێنه‌یی و داتایایێن شرۆڤه‌كاری ژی ده‌ته‌ ته‌ بۆ زانینا بكاربرن و دانلۆدكرن و ئه‌بلۆدكرنا بابه‌تان و گه‌له‌ك داتایێن دژی دێ‌ ده‌ته‌ ته‌.

Opera Crypto Browser
دبیت د سالێن بوری دا، ته‌ گه‌له‌ك لێگه‌ر تاقیكربن، یان ژی تو ب گوگل كرۆمی ڤه‌ هاتبیه‌ گرێدان و ته‌ چو لێگه‌رێن دی نه‌ڤێن، به‌لێ‌ ئه‌ڤه‌ هندێ‌ نیشان دده‌ت كو تو چ ژ لێگه‌رێ‌ Opera Crypto یێ‌ بێ‌ وێنه‌ نوازانی.
ئه‌و لێگه‌ره‌كێ‌ گه‌له‌ك پێشكه‌فتی یه‌، ئه‌و ژ وان لێگه‌رایه‌ یێن دگه‌هیته‌ Web 3.0، كو دشیان دایه‌ وه‌كو لێگه‌ره‌كێ‌ نورمال بهێته‌ بكارئینان، ژ خزمه‌تا Crypto Corner دشیان دایه‌ بگه‌هیه‌ ده‌نگوباسێن باش و گرنگ ل دۆر ژماره‌ و داتایێن نهێنی، nft، بلكوك تشین و گه‌له‌ك تشتێن دی.

SophiApp
ئێك ژ به‌رنامێن دی یێن ڤێ‌ لیستێ‌، وه‌كو كۆنترۆله‌كی یه‌ و گه‌له‌ك پێزانین و رێكخستنێن ویندوزی یێن تێدا و ژ وان ژی رێكخستنێن رووكارێن ویندوزی و تایبه‌تمه‌ندی و پاراستنا وی و گه‌له‌ك تشتێن دی. بكارئینانا ڤی به‌رنامه‌یی دشیان دایه‌ ویندوزی ده‌ستنیشان بكه‌یی ب ره‌نگه‌كێ‌ ته‌مام كو دشیان دایه‌ هه‌موو هه‌لبژارتنێن پێدڤی ل به‌ر ده‌ستن و ل گه‌ل ڤێ‌ چه‌ندێ‌ ژی دشیان دایه‌ به‌رنامه‌ و رووكاری ل گه‌ل زمانێ‌ بۆ ته‌ ل گه‌ل بگونجیت بكارئینی.

Battery Status
دووماهی به‌رنامه‌ د ڤێ‌ لیستێ‌ دا، یا تایبه‌ته‌ ب وان كه‌سێن سیسته‌مێ‌ بكارئینانێ‌ یێ‌ Ubuntu بكاردئینن كو یێ‌ گرێدایه‌ ب لاپتۆپان ڤه‌. تشتێ‌ ئه‌و پێ‌ رادبیت ئه‌وه‌ كو پێزانیان ل دۆر پاتریا لاپتۆپی كۆم دكه‌ت و به‌رچاڤ دكه‌ت ب ره‌نگه‌كێ‌ رێكخستی و دشیان دایه‌ رێژا پاتریا هاتیه‌ عه‌مباركرن ل گه‌ل رێژا وێ‌ بزانیت و دیسا پێزانینێن زێده‌تر ل بنی ل دۆر رێژه‌ و شیانێن بكارئینانێ‌ و هێزا راسته‌قینه‌ و یا نها ل به‌ر ده‌ست.

میموریێ‌ گه‌هشتنا هه‌ره‌مه‌كی ئانكو “رام” ئێك ژ پێكهاتێن هاردوێری یێن تایبه‌ت ب هه‌موو ئامیرێن ته‌كنۆلۆژی یه‌ وه‌كو مۆبایل، ئامیرێن كۆمپیۆته‌ری و گه‌له‌ك جورێن دی. زێده‌تر بۆ بكارئینانا چاره‌كرنا داتایان ب ره‌نگه‌كێ‌ ب له‌ز وه‌كو هاردێسك. هه‌ر وه‌كو هه‌موو دزانن پارچێن رامی یێن پێش كه‌فتین ب ره‌نگه‌كێ‌ به‌رچاڤ و مه‌زن د ناڤبه‌را ڤی ماوێ‌ دووماهیێ‌ و گه‌له‌ك ره‌نگێن جودا و تایبه‌ت یێن هاتینه‌ د بازاری دا، ل ڤێره‌ دێ‌ بۆ هه‌وه‌ به‌حسا رۆلێ‌ وان یێ‌ گرنگ كه‌ین هه‌تا ب باشی فێر ببن به‌ری بكرن.
میموریێ‌ داینامیكی DDRAM
پتریا هه‌موو رامان ئه‌ڤه‌ دهێته‌ بكارئینان ل سه‌ر هه‌موو كۆمپیۆته‌رێن كه‌ڤن یێن ژ سالا 2006ێ‌ هه‌تا 2009ێ‌ هاتینه‌ دروستكرن، ئه‌ڤ میموریه‌ د بنیات دا ژ ژماره‌كا زۆر یا به‌ربه‌لاڤێن هه‌وایی یێن ب ره‌نگه‌كی به‌رده‌وام دهێنه‌ بارگه‌كرن و به‌ردان، بۆ نمونه‌ ده‌ما به‌ربه‌لاڤه‌كه‌كا هه‌وایی دهێته‌ پڕكرن، ئانكو پێزانینه‌ك هاته‌ تۆماركرن و ب ئێك بیت دهێته‌ تۆماركرن. ده‌ما دهێته‌ ڤالاكرن ژی چنه‌ بیت بۆ دهێته‌ دانان ئانكو چو پێزانین نه‌هاتینه‌ تۆماركرن. نها میموریێ‌ داینامیكی یێ‌ كه‌ڤن بوویی و ب رامێن نوو دهێته‌ گوهۆڕین.
رامێ‌ بنه‌جه SRAM
میموریێ‌ گه‌هشتنا بنه‌جه ژ بهاترین رامێن نها هه‌ین دهێته‌ هژمارتن نها د بازارێ‌ ئه‌لكترۆنی دا و ب ده‌هان جاران ژ میموریێ‌ داینامیكی باشتره‌ سه‌ره‌رایی وێ‌ چه‌ندێ‌ كو هه‌مان به‌ربه‌لاڤكێن هه‌وایی تێدانه‌، به‌لێ‌ تشتێ‌ ژ یێن دی جودا دكه‌ت ئه‌وه‌ كو چارێ‌ چاره‌كرنا داتایان ب ره‌نگه‌كێ‌ ب له‌زتر ئه‌نجام دده‌ت، یه‌كه‌كا ناڤه‌ندی هه‌یه‌ وه‌كو چاره‌سه‌ركارێ‌ كۆمپیۆته‌ری كو هاریكاره‌ د زێده‌كرنا چاره‌كرنا داتایان دا ب ره‌نگه‌كێ‌ ب له‌زتر.
میموریێ‌ هه‌ڤپشك DDR-SDRAM
ئه‌ڤ میموریه‌ ب هه‌ڤپشك هاتیه‌ ب ناڤكرن، ژ به‌ر كو هه‌ردو رامان ب خوه‌ ڤه‌ دگریت یێ‌ داینامیكی و یێ‌ بنه‌جه. چاره‌سه‌ریا داتایان ژی ب ره‌نگه‌كێ‌ گه‌له‌ك ب له‌ز دكه‌ت، ئه‌ڤه‌ د كۆمپیۆته‌رێن تایبه‌تمه‌ند یێن چێكرنا كارێن مه‌زن دا دهێنه‌ دانان، ژ به‌ر كو به‌رنامێن سێ‌ ره‌هه‌ندی ب ره‌نگه‌كێ‌ گشتی پێدڤی ب ڤان ره‌نگه‌ رامان دبن دا كو ب ره‌نگه‌كێ‌ دروست كار بكه‌ن.

د ماوێ‌ چه‌ند هه‌یڤێن بوری دا، گوگل ل سه‌ر پیشخستنا كۆگه‌ها ئه‌پلیكه‌یشنا یا تایبه‌ت ب خوه‌ ڤه‌ رانه‌وه‌ستیایه‌، ل سه‌ر گۆگل پله‌ی، ل گه‌ل باشتركرنێن به‌رده‌وام.
به‌لێ‌ نووكاریێن گۆگل پله‌ی ل ڤێره‌ ب تنێ‌ راناوه‌ستن، ب تایبه‌ت و نها Android Police ل به‌ر ده‌سته‌، نووكاریا نوو یا كۆگه‌ها گۆگل پله‌ دێ‌ ئێك ژ به‌رچاڤترین كارێن پێشبینی كری ب خوه‌ ڤه‌ گریت.
پێشتر مه‌ به‌حس ل وێ‌ چه‌ندێ‌ كربوو كو گوگل كار ل سه‌ر “ئه‌رشیفكرنا” ئه‌پلیكه‌یشنا دكه‌ت و ب هاریكاریا ڤێ‌ چه‌ندێ‌ دێ‌ جهه‌كێ‌ باش ژ میموریێ‌ مۆبایلا خوه‌ بۆ خوه‌ مفای ژێ‌ وه‌رگری و ئێدی پێدڤی ب لابرنا هنده‌ك به‌رنامان نابی ل ده‌مێن نه‌یێ‌ پێدڤی، نها ژی د نووكاریا نوو یا بهێت یا گۆگل پله‌ی دا ئه‌و خزمه‌ت دێ‌ ل به‌ر ده‌ست بیت.
كۆمپانیا گۆگل ئه‌ڤ كاره‌ د نووترین دانه‌یا خوه‌ یا گۆگل پله‌ی دا ل به‌ر ده‌ست كریه‌ ل دانه‌یا ژماره‌ 33.4 ل 24ی چریا دویێ‌ و نها د گه‌هیته‌ پشكدارێن وێ‌ یێن ده‌ستپێكی. دهێته‌ پێشبینیكرن ل چه‌ند حه‌فتیێن بهێت بگه‌هیته‌ به‌ر ده‌ستێن هه‌موو بكارئینه‌رێن وێ‌.
ژ نها پێڤه‌ ده‌ما د گه‌هیه‌ جهێ‌ رێكخستنا ئه‌پلیكه‌یشنا و ته‌ بڤێت ئێكێ‌ ڤه‌كه‌ی دا ژێ‌ پشت راست بیت دێ‌ دو هه‌لبژارتنان ده‌ته‌ ده‌؛ یان دێ‌ ئه‌رشیف كه‌یی دان دێ‌ دیلێت كه‌ی.
ل ده‌مێ‌ ئه‌رشیف د هه‌لبژێری، دێ‌ داتایێن وێ‌ ل ده‌ف خوه‌ هه‌لگریت و ئه‌ی پی كه‌یێ‌ وێ‌ دێ‌ گه‌له‌ك بچووكتر لێ‌ هێت، ب ڤێ‌ چه‌ندێ‌ ژی دێ‌ گه‌له‌ك ژ جهی بۆ ته‌ ڤه‌گه‌ریت و هه‌ر ده‌مێ‌ ته‌ ڤیا دێ‌ كارا كه‌یه‌ ڤه‌.
ب تنێ‌ ل ڤێره‌ تشته‌ك دمینیت ئه‌و ژی ئه‌وه‌ كو به‌لاڤبوونا ڤێ‌ خزمه‌تێ‌ یا هێدی هێدی یه‌ و پێدڤیه‌ سه‌برێ‌ بكێشی هه‌تا دگه‌هیته‌ ته‌ و نها خوه‌ ل سه‌ر ئه‌ی پی كه‌ی میره‌ر ژی نینه‌ بۆ خوه‌ دانلۆد بكه‌ی.