ئه‌ڤرۆ:

بیل گه‌یتس ئێك ژ زه‌نگینترین كه‌سێن ل جیهانێ‌ پشتی پێشبینیا هاتنا كۆرۆنایێ‌ كری و كۆرۆنا بوویه‌ راستی، نها پێشبینیا جێگرێ‌ مۆبایلێ‌ ژی دكه‌ت.

ب گۆره‌یی پێشبینیا بیل گه‌یتس، هه‌ڤدامه‌زرێنه‌رێ‌ كۆمپانیا مایكرۆسوفت، كۆمپانیا Chaotic Moon كو كۆمپانیه‌كا ته‌كنۆلۆجی یا ئه‌مریكی یه‌، دشیان دایه‌ ئامیره‌كێ‌ جێگرێ‌ مۆبایلێ‌ دروست بكه‌ت.

دده‌ته‌ دیاركرن كو كۆمپانیا یا كار ل سه‌ر دیزاینكرن و دروستكرنا ئامێره‌كی دكه‌ت كو وه‌كو تاتویه‌كێ‌ یه‌ ل سه‌ر له‌شێ‌ مرۆڤی كو د هه‌مان ده‌م دان شیانێن هنارتن و وه‌رگرتنا نامه‌ و تله‌فونكرنێ‌ هه‌یه‌ و به‌لگه‌نامێن كه‌ساتی وه‌كو ناسنامه‌ و پێزانینێن ساخله‌میێ‌ و یێن كه‌ساتی هه‌لدگریت.

ئاماژه‌ ب وێ‌ چه‌ندێ‌ ژی دكه‌ت كو دروستكرنا ڤی ئامیرێ‌ دێ‌ ده‌مه‌كێ‌ زۆر پێ‌ چیت، به‌لێ‌ یێ‌ هیڤی خوازه‌ ژی كو بشێن د زووترین ده‌م دا، جێگرێ‌ مۆبایلێ‌ ببینن، چونكو چه‌ندین تایبه‌تمه‌ندی دێ‌ هه‌بن كو د مۆبایلێ‌ دا نه‌یی.

ب گۆره‌یی پێشبینیا ئه‌ڤ ئامیره‌ هندی مۆبایلێ‌ یێ‌ پیس ژی نابیت بۆ هه‌لگرتنا ڤایرۆسان و هه‌رده‌م یێ‌ ب له‌شی ڤه‌ و به‌رزه‌بوونا وی ژی یا ب زه‌حمه‌ته‌.

ئه‌ڤرۆ:

كۆمپانیا مێتا راگه‌هاند كو ئه‌وان هنده‌ك كورتكرنێن نوو یێن بۆ خزمه‌تگۆزاریا مه‌سنجه‌ری دروستكرین كو رێ‌ دده‌نه‌ بكارئینه‌ران كارئاسانیا بۆ بكه‌ن و ژ گرنگترین خزمه‌تان ژی ناما بێ‌ ده‌نگه‌.

ئه‌ڤ خزمه‌تگۆزاریێن نوو بۆ هه‌ردو سیسته‌مێن ئه‌ندروید و ئای ئو ئێس ل به‌ر ده‌ستن ل ده‌مێ‌ بكارئینه‌ر مه‌سنجه‌رێ‌ خوه‌ نوو دكه‌ن و ب ڤی ره‌نگێ‌ ل خوارێ‌ دیاركری:

ناما بێ‌ ده‌نگ: بۆ هنارتنا نامه‌كێ‌ ب بێ‌ ده‌نگی ل سه‌ر بكارئینه‌رێن مه‌سنجه‌ری پێدڤیه‌ /silent بنڤیسن و پاشان تشتێ‌ وان دڤێت بنڤیسن، دێ‌ نامه‌ بێ‌ ده‌نگ گه‌هیته‌ وان كه‌سێن وان دڤێت.

ئاگه‌هداكرنا ب كۆم: پێشتر ده‌ما ته‌ ڤیابا نامه‌كێ‌ بۆ كه‌سه‌كی د گرۆپی دا بنڤیسی، دێ‌ @ ل به‌رێ‌ دانی دا كو وی كه‌سی یان وێ‌ كه‌سێ‌ زانیبا نامه‌ تایبه‌ته‌ ب وان ڤه‌، نها دشیان دایه‌ تو هه‌موو ئه‌ندامێن گرۆپی ئاگه‌هدار بكه‌یی ب تنێ‌ ل سه‌ر ته‌ پێدڤیه‌ ل گه‌ل نیشانا @  په‌یڤا everyone ژی زێده‌كه‌ی و ب ڤی ره‌نگی: everyone@.

ڤه‌دیتنا وێنێن جێف: ئه‌ڤ خزمه‌تگۆزاریه‌ یا تایبه‌ته‌ ب سیسته‌مێ‌ ئای ئو ئێس ڤه‌. دا كو ب ساناهی ل وێنێن جێف بگه‌ریێی ب تنێ‌ ل سه‌ر ته‌ پێدڤیه‌ په‌یڤا gif ل گه‌ل ئه‌و بابه‌تێ‌ تو لێ‌ دگه‌ری بنڤیسی و هه‌ر تشتێ‌ تایبه‌ت ب وی بابه‌تی ڤه‌ یێ‌ جێف دێ‌ بۆ ته‌ دیار بیت.

ئه‌ڤرۆ:

راپۆرتێن زانستی به‌لاڤكرن كو كۆمپانیا ئه‌پل سیسته‌مه‌كێ‌ زیره‌ك خستیه‌ به‌ر كو رێگریێ‌ ل هه‌مبه‌ر دزینا تله‌فونێن ئه‌پل دگریت.

ب گۆره‌یی مالپه‌رێ‌ ماك رومرز یێ‌ تایبه‌ت ب به‌لاڤكرنا ده‌نگوباسێن كۆمپانیا ئه‌پل راگه‌هاند كو كۆمپانیا كار دكه‌ت كو ئێدی كارێ‌ چاره‌سه‌ركرن و كرین و فرتنێ‌ بۆ مۆبایلێن دزیێ‌ نه‌هێته‌ كرن. ب ڤێ‌ چه‌ندێ‌ ژی یێ‌ مۆبایلێ‌ بدزیت نه‌شێت چو مفایی ژێ‌ ببینیت.

بكارئینه‌رێن ڤان جۆره‌ مۆبایلان دێ داتایێن خوه‌ كه‌نه‌ د ناڤا سیسته‌مێ‌ جی ئێس ئێم ئایی دیڤایس یێ‌ جیهانی ئه‌وێ‌ هه‌ركه‌سه‌ك دشێت لایه‌نێن شوله‌ژێ‌ ئاگه‌هدار بكه‌ت ل سه‌ر مۆبایلێن به‌رزه‌ بوویی.

هه‌ر ده‌مێ‌ كه‌سه‌كی ئێك ژ وان مۆبایلان بره‌ جهێن فرۆتن یان چاره‌سه‌ركرنا مۆبایلان دێ‌ سیسته‌م وان ئاگه‌هدار كه‌ت كو ئه‌ڤ مۆبایله‌ یا دزیێ‌ یه‌ و سه‌ره‌ده‌ری ل گه‌ل ناهێته‌ كرن و پێرابوون دێ‌ ل گه‌ل هێنه‌ وه‌رگرتن.

ئه‌ڤ ئامیره‌ ژی دێ هێته‌ هژمارتن ئامیره‌كێ‌ دزیێ‌ و ئه‌پل رێ‌ ناده‌ت كرین و فرۆتن دووباره‌ پێ‌ بهێته‌ كرن.

ئه‌ڤرۆ:

پشتی ده‌ركه‌فتنا رۆبۆتێ‌ چێكرنا كێكا و پیتزا، نها رۆبۆتێ‌ به‌رهه‌ڤكرنا هه‌مبه‌رگه‌را ل به‌ر ده‌سته‌ و دشیان دایه‌ ل ئه‌مریكا هه‌مبه‌رگه‌ره‌كا گه‌رم و خۆش د ماوێ‌ شه‌ش ده‌قیقان دا به‌رهه‌ڤ بكه‌ت و ب بهایێ‌ 6.99$.

به‌رهه‌ڤكه‌رێن ڤی رۆبۆتی ب خوارنگه‌هه‌كا بچووك ب ناڤ دكه‌ن و دبێژن كو هه‌ر ل دووڤ وان رێیان دچیت یێن شێفه‌ك ل هه‌ر خوارنگه‌هه‌كێ‌ په‌یره‌و دكه‌ت ژبۆ دروستكرنا هه‌مبه‌رگه‌ره‌كێ‌. ل دووڤ گۆتنا وان رۆبۆ بۆرگه‌ر دشێت د ماوێ‌ شه‌ش ده‌قیقان دا ل دووڤ داخوازیا بكری هه‌مبه‌رگه‌ره‌كێ‌ بۆ دروست بكه‌ت.

ئه‌ڤ رۆبۆته‌ ب پێنج پێنگاڤان هه‌مبه‌رگه‌رێ‌ دروست دكه‌ت، هه‌ر وه‌كو ئه‌ڤێن ئه‌ڤ رۆبۆته‌ پێش خستی دده‌نه‌ دیاركرن كو هه‌لگرێن باوه‌رناما داهێنانێ‌ نه‌ و تشتێ‌ ئه‌و پێ‌ د دلخۆش ژی ئه‌وه‌ كو جهه‌كێ‌ گه‌له‌ك بچووك ل خوارنگه‌هان دێ‌ بۆ هێته‌ ته‌رخانكرن.

كۆمپانیا رۆبۆ بۆرگه‌ر دده‌ته‌ دیاركرن كو ئه‌وان پلان دانایه‌ د ماوێ‌ ڤان هه‌یڤێن بهێت دا وه‌كو ده‌ستپێك ل فرۆكخانان و مۆل و زانكۆیان بدانن.