بالندا، نه‌وزاد هلۆری:
بۆ جارا ئێكێ فڕۆكێن توركیا ئاسمانێ ده‌ڤه‌را بارزان به‌زاند و گوندێ بالندا بۆردۆمان كر و زیان ب مالێن وه‌لاتیان گه‌هاندن.
كازم كه‌مال، وه‌لاتیه‌كێ گوندێ بالندایه بۆ رۆژناما ئه‌ڤرۆ گوت: (دوهی 28/2/2022 ل ده‌ورۆبه‌رێن ده‌مژمێر 11:30ێ به‌ری نیڤرۆ فڕۆكێن توركیا گوندێ بالندا ب دووراتیا كێمتر ژ كیلۆمه‌تره‌كێ بۆردۆمان كر).
زێده‌تر گوت: (هه‌ر چه‌نده چ زیانێن گیانی نینن، به‌لێ زیانێن ماددی به‌ر ب مالێن وه‌لاتیان كه‌فتینه و ده‌رگه‌هـ و په‌نجه‌رێن شیشه‌ی یێن هنده‌ك ژ خه‌لكێ گوندی شكه‌ستینه، ئه‌ڤه زێده‌باری كو ترس ل ده‌ڤ خه‌لكێ گوندی په‌یدا بوویه، ژ به‌ركو بۆردۆمان گه‌له‌كا نێزیكی مالێن وان بوو و ده‌نگه‌كێ بهێز ژی هاتیه).
ناڤبری دیاركر ژی كو به‌ری نوكه چو جاران گوندێ بالندا نه‌هاتیه بۆردۆمان كرن و گوت: (داخوازێ ژ جهێن شوله‌ژێ دكه‌ین كو بابه‌تێ چاره‌سه‌ركرنا راوستاندنا بۆردۆمانێن توركیا زۆر ب رژدی وه‌ربگرن، ژ به‌ركو مه‌ترسی ل سه‌ر وه‌لاتیان دروستكریه، نوكه وه‌رزێ چوونا چیایی و كۆكرنا گل و گیایه و خه‌لك دچنه چیایی و بۆ خوه دئینن و ل بازاری د فرۆشن، دیسا داخوازێ ژ وه‌لاتیان ژی دكه‌ین هایداری خوه بن، داكو ژیانا وان یا پاراستی بیت).
نيشاندان