ئه‌ڤرۆ، به‌رپه‌رێ ساخله‌میێ:
مرۆڤێن دانعه‌مر و زارۆیێن ژ چوار سالیێ‌ً كێمتر ب كارتێكرن دكه‌ڤن ل وه‌رزێ زڤستانێ ئه‌وژی ژبه‌ر گوهۆرینا پلێن گه‌رماتیێ و ژبه‌ركو كۆئه‌ندامێ وان یێ به‌رگریێ یێ بێ هێزه، ره‌نگه پیلێن سه‌رمایێ ل وه‌رزێ زڤستانیێ وان تووشی نه‌خۆشیان بكه‌ن و كارتێكرن ل لاشێ وان ببیت، له‌ورا یا گرنگه پێگیری ب هنده‌ك شیره‌ت و رێنما ل وه‌رزێ زڤستانێ بهێته كرن ژوانژی:
-یا گرنگ ژ هه‌میان ئه‌وه كو پلا گه‌رماتیا ژوورێ دناڤبه‌را 21-24 پله‌یان یا جێگیركری بیت.
-دو قاتێن جلكا بكه‌نه ل به‌رخوه و یا باشتر ئه‌وه قاتێ ئێكێ ئێكسه‌ر ب له‌شی ڤه ب نووسیێت داكو له‌ش ژ هه‌وای ب ئێكجاری بهێته گرتن.
-هه‌تا ل مالژی باشتره سه‌رێ وان یێ پێچای بیت، ژبه‌ركو ڤه‌كولین دیاردكه‌ن كو 30% ژ گه‌رماتیا له‌شی ژ سه‌ری دهێت.
-یا باشتر ئه‌وه رۆژانه 5-6 دانێن خوارنا سڤك بهێنه خوارن و 8 كوپێن ئاڤێ بهێنه ڤه‌خوارن.
-باشتره هه‌وایه‌كێ پاقژ د ژوورڤه هه‌بیت ئه‌وژی ژبۆ نه‌هێلانا هشكاتیێ.
-گه‌له‌ك یا باشه وه ئاگه‌ه ژ ئامیریێ گه‌رمكرنێ هه‌بیت و جهه‌كێ بچووك یێ ژوورێ ڤه‌كری بهێلن بۆ ته‌هویا مالێ.
-پێدڤیه هوون د هشیاربن ل سه‌ر هه‌ر نیشانه‌كا به‌رسه‌رمابوونێ ل ده‌ڤ زاروكان و تێبینیا حاله‌تێن بێهته‌نگییێ و گریا به‌رده‌وام و گوهۆرینا ره‌نگێ پیستی ل ده‌ست و پێیان بكه‌ن، ره‌نگه نه‌هوشداری ژی ل ده‌ڤ وان په‌یداببیت، نه‌شێن كارێ خوه ب دروستی ئه‌نجام بده‌ن، گێژبوون و نه‌مانا حه‌زا خوارنێ یان شیردانێ ژی ل ده‌ڤ هه‌بن، به‌لێ ده‌رباره‌ی دانعه‌مران هه‌ست ب سه‌رمایه‌كا دژوار دكه‌ن و نه‌شێن ب دروستی كارێ خوه ئه‌نجام بده‌ن و هزرا وان تێك بچیت و بكه‌ڤنه د حاله‌تێن گێژبوونێ دا، ب په‌یدابوونا هه‌ر ئێك ژڤان حاله‌تان پێدڤیه هزر ل برنا نه‌خوشخانێ بهێته كرن.
نيشاندان