زاخۆ،عه‌لی حاجی
بۆ جارا ئێكێ یه ل سه‌ر ئاستێ پارێزگه‌ها دهۆكێ ته‌ها ره‌مه‌زان كورێ باژێرێ زاخۆ ب كۆمكرنا 78 ده‌نگان ب فه‌رمی بوو ئه‌ندامێ ئێكه‌تیا خوه‌لێگدانێ وه‌كو نوونه‌رێ ئێكانه یێ هه‌رێمێ هاتیه هه‌لبژارتن، پشتی لڤێ دووماهیێ پروسه‌یا هه‌لبژارتنێن ئێكه‌تیا خوه‌لێگدانێ ل باژێرێ به‌غدا هاتبوونه ئه‌نجامدان.
د داخویانیه‌كا تایبه‌ت دا ناڤهاتی بۆ رۆژناما ئه‌ڤرۆ گوت: شانازیڤه دبینم وه‌كو ئێكانه كورد و خه‌لكێ پارێزگه‌هێ ب كۆمكرنا 78 ده‌نگێن به‌ربژاران هاتیمه ده‌ستنیشانكرن وه‌كو ئه‌ندام د ئێكه‌تیا خوه‌لێگدانا ئیراقێ دا و ئه‌ڤچه‌نده ژی ژبه‌ر رۆلێ هه‌رێما كوردستانێ و باژێرێ زاخۆ ب پشته‌ڤانی و مێڤانداریا قاره‌مانیا و هه‌روه‌سان بوویمه جهێ رازیبوونا ده‌سته‌كا گشتی، له‌ورا دێ كاره‌كێ مه‌زن مه هه‌بیت و پلانێن باش كو زێده‌تر پشته‌ڤانیا تیمێن كوردستانێ بۆ قاره‌مانیێن ئیراقێ و ده‌رڤه بكه‌ین، پێنگاڤا ئێكێ دێ تیمه‌كا كوردستانێ ل دووماهیا ڤێ حه‌فتیێ پشكداری قاره‌مانیا عه‌ره‌بی دا كه‌ین ئه‌وا وه‌لاتێ مسرێ مێڤانداریا وێ كه‌ت لێ بتنێ چاڤه‌ڕێ به‌رسڤا لایه‌نێ مسرێ نه بۆ رازیبوونێ.
هه‌روه‌سا ناڤهاتی ئه‌وچه‌نده ژی دیاركر كو پشتی راوه‌ستیانا ئێكه‌تیا خوه‌لێگدانێ بۆ ماوێ چار سالان ژلایێ لژنا ئۆلۆمپیا ئیراقێ ڤه ل حه‌فتیا بوری هه‌لبژارتن هاتبوونه ئه‌نجامدان و شیا زووربه‌یی ده‌نگان ب ده‌ستڤه بینم تنێ ئێك ده‌نگ كێمتر بوو ژ كه‌سێ ئێكێ ئه‌وژی وێ یه‌كێ رادگه‌هینت ده‌سته‌كا گشتی باوه‌ریه‌كا موكم ب من هه‌بوو، له‌ورا دێ هه‌موو بزاڤا كه‌م ئێك ژ ئه‌ندامێن كاریگه‌ر و پێشكه‌فتی و چالاك بین وه‌كو ئێكانه كورد دناڤ ئێكه‌تیا خوه‌لێگدانێ دا.
نيشاندان