دهۆك، له‌زگین جوقی:

نوشداره‌كێ‌ ساخله‌میا زاخۆ دیاركركو كرمێن ساخ ژ چاڤ و له‌شێ‌ ژنه‌كێ‌ ده‌ردكه‌ڤن ئه‌و كرم دساخن نوكه‌ ڤه‌كۆلین ل سه‌ر ڤێ‌ حاله‌تێ‌ نه‌خۆشی دهێته‌ كرن”.

د. قه‌یس عوبه‌ید، تایبه‌تمه‌ندێ‌ نه‌خۆشیێن خوینێ‌ ل ساخله‌میا زاخۆ راگه‌هاند كو ئه‌ڤه‌ ئێكه‌مین حاله‌ته‌ ئه‌م دبینن كرمێن ساخ ژ چاڤ وله‌شێ‌ مرۆڤی ده‌ركه‌ڤن كو ئه‌ڤه‌ هه‌یڤه‌كه‌ ژنه‌ك قه‌ستا مه‌ دكه‌ت بۆ وه‌رگرتنا چاره‌سه‌ریێ‌ نوكه‌ ئه‌م یێ‌ ڤه‌كۆلینی ل سه‌ر ڤی حاله‌تی دكه‌ین كا ئه‌گه‌رێن دروست یێن چێبوونا ڤان كرمێن ساخ دناڤ له‌شێ‌ مرۆڤێدا چنه‌ كو ئه‌ڤه‌ 26 سالن ئه‌ز وه‌كو نوشدار خزمه‌تێ‌ دكه‌م ئه‌ڤه‌ ئێكه‌مین حاله‌ته‌ ئه‌ز دبینم”.

د. قه‌یس عوبه‌ید ، ئاشكه‌را كركو دووڤ ئاخڤتنا ژنێ‌ ئه‌ڤه‌ چه‌ند سالن ئه‌ڤ حاله‌ت ل ده‌ڤ په‌ێدابوویه‌ كو كرمێن ساخ ژ چاڤ ولاشی وێ‌ ده‌ردكه‌ڤن هیشتا دروستاهێ‌ دیارنینه‌ ئه‌ڤ كرم ژ چ چیدبن هنده‌ك كرم ژ چاڤ وئه‌ندامێن لاشی نه‌خۆشی ده‌ردكه‌ڤن  هه‌تا ژی هنده‌ك جاران خوین دگه‌لدا دهێت  “.

ناڤهاتی ئه‌وژی خۆیا كركو ئه‌م به‌رده‌وام پشكنین ودوڤچوونێ‌ ل سه‌ر ڤی حاله‌تی دكه‌ین مه‌ پسیار ژ گه‌له‌ك نوشداران كریه‌ راستی ژی هیشتا چوو ئه‌نجامێن وه‌سا ده‌ست مه‌ نه‌كه‌ڤتینه‌ ئه‌ڤ كرم ژ چ دروست بن ئه‌م هه‌موو هه‌ولا ده‌ن ئه‌ڤ نه‌خۆش بهێته‌ چاره‌سه‌ركرن یان بهێته‌ نڤاندن ناڤ نه‌خۆشخانێ‌ دا بۆ ده‌مێ‌ هه‌یڤه‌كێ‌ داكو دوڤچوونا ل سه‌ر ڤێ‌ حاله‌تی بهێته‌ كرن ونوشدار دیتنا خۆ ل سه‌ر بده‌ن داكو تشته‌ك ژ ره‌وشا نه‌خۆشی دیاربیت وخزمه‌تا نه‌خۆشی بهێته‌ كرن”.

دهۆك، به‌رپه‌رێ‌ ساخله‌میێ‌:

ب هه‌لكه‌فتا رۆژا جیهانیا نه‌خۆشیا شه‌كرێ‌ دوهی رێڤه‌به‌ریا كارۆبارێن خوپاراستنا ساخله‌میێ‌ ل نه‌خۆشخانا ئازادی یا فێركرنێ‌ چه‌ند چالاكی ئه‌نجامدان، به‌رپرسێ‌ پشكا نه‌خۆشیێن نه‌ڤه‌گر ل خوپاراستنا ساخله‌میێ‌ دیاردكه‌ت كو ل دهۆكێ‌ 12% تووشی نه‌خۆشیا شه‌كرێ‌ بووینه‌ و ب تنێ‌ 30 هزار نه‌خۆش هاتینه‌ توماركرن.

د. سه‌كڤان سلێمان خه‌مو ، ریڤه‌به‌رێ‌ نه‌خۆشخانا ئازادی ل دهۆكێ‌ راگه‌هاندكو:” پێشكێشكرنا خزمه‌تێن باشتر بۆ هه‌لگرێن نه‌خۆشیا شه‌كرێ‌ ئارمانجا مه‌یه‌، ژبه‌ر هندێ‌ دخوازین رۆژه‌كێ‌ سه‌نته‌ره‌كی دروست بكه‌ین بۆ چاره‌سه‌ریا نه‌خۆشین شه‌كرێ‌ و پتر خزمه‌تا نه‌خۆشان و داخوازێ‌ ژ نۆشدارێن تایبه‌تمه‌ند یێن نه‌خۆشیا شه‌كرێ‌ دكه‌ین وێ‌ شانازیێ‌ بو خوه‌ تۆماربكه‌ن و ببنه‌ به‌شه‌ك ژ چاره‌سه‌ری و بنبركرنا نه‌خۆشیا شه‌كرێ‌ ل هه‌موو جیهانێ‌”.

د. بلند به‌یار، به‌رپرسێ‌ پشكا نه‌خۆشیێن نه‌ڤه‌گر ل رێڤه‌به‌ریا كاروبارێن خوپاراستنا ساخله‌میێ‌ ل دهۆكێ‌ راگه‌هاندكو:” ئامارێن نه‌خۆشیا شه‌كرێ‌ ل هه‌موو جیهانێ‌ به‌ر ب زێده‌بوونێ‌ دچن و هه‌تا رۆژا 14/11/2021ێ‌ ل جیهانێ‌ هه‌تا 400 ملیۆن كه‌سان تووشی ڤێ‌ نه‌خۆشیێ‌ بووینه‌ و پێشبینی دهێته‌ كرن هه‌تا چه‌ند سالێن دی هه‌تا 600 ملیۆن كه‌سان تووشی نه‌خۆشیا شه‌كرێ‌ ببن و گۆت: ئامار یێ‌ زێده‌دبن و گه‌له‌ك ئه‌گه‌ر هه‌نه‌ دبیت قه‌له‌وی بیت و نه‌ ئه‌نجامدانا وه‌رزشی وخوارنا هنده‌ك ده‌رمانێن زیان به‌خش، ئه‌ڤه‌ هه‌موو دبنه‌ ئه‌گه‌ر ئه‌ڤ نه‌خۆشیه‌ زێده‌ببیت.

هه‌روه‌سا دیاركر ژی 50% ئه‌ڤ نه‌خوشی یه‌ ل ده‌ڤ وه‌لاتیان هه‌یه‌ ونیشان دیارنینن، له‌ورا ئه‌م خه‌لكێ‌ خوه‌ هاندده‌ین پشكنینێ‌ بكه‌ن داكو ئه‌ڤ نه‌خۆشیه‌ زوو بهێته‌ ده‌ست نیشانكرن”.

ئاشكه‌را كركو:” ئه‌ڤ ساله‌ ل پارێزگه‌ها دهۆكێ‌ هه‌تا هزار و 500 كه‌سان تووشی شه‌كرێ‌ بووینه‌ ورێژا نه‌خۆشیا شه‌كرێ‌ دگه‌هیته‌ 12% یه‌ و ئه‌م پێشبینیێ‌ دكه‌ین هه‌تا 150 هزار كه‌سان ل دهۆكێ‌ هه‌لگرێن نه‌خۆشیا شه‌كرێ‌ نه‌ و ب تنێ‌ 30 هزار كه‌س ل دهۆكێ‌ یێن هاتینه‌ تۆماركرن وهێشتا یێن دیتر نه‌هاتینه‌ تۆماركرن دبیت نیشان ل ده‌ڤ وان دیارنه‌بن.

د. بلند به‌یار، گۆتژی:” نه‌خۆشیا شه‌كرێ‌ دهێـته‌ هژمارتن ل پله‌یێن ده‌ستپێكی بۆ ئه‌گه‌رێن سه‌ره‌كی یێن مرنێ‌ و ل هه‌موو جیهانێ‌ كاره‌كێ‌ مه‌زن و پشته‌ڤانیه‌كا مه‌زن دڤێت بۆ به‌رهه‌نگاریا نه‌خۆشیا شه‌كرێ‌ و هوشیاربوونا وه‌لاتیان .

د. ادریس حاجی، تایبه‌تمه‌ندێ‌ نه‌خۆشیا شه‌كرێ‌ ل دهۆكێ‌ دیاركركو هه‌كه‌ فلته‌ره‌ك هه‌بیت دێ‌ شێین پتر خزمه‌تا تووشبوویێن نه‌خۆشیا شه‌كرێ‌ كه‌ین ئه‌وژی هه‌كه‌ سه‌نته‌ره‌ك هه‌بیت دێ‌ شێین پتر ده‌رمانان په‌یداكه‌ین بۆ نه‌خۆشان، چونكو هه‌كه‌ نه‌خۆش رێكه‌كا دروست بهێت چاره‌سه‌ركرن ئه‌و نه‌خۆش گه‌له‌ك پێدڤی نابیت قه‌ستا نه‌خۆشخانی بكه‌ت یانژی تووشی هنده‌ك سه‌رباركێن خراب ببیت ژ ئه‌گه‌ری نه‌خۆشیا شه‌كرێ‌.

د. ئدریس ئه‌وژی خۆیا كركو:” باشتره‌ سه‌نته‌ره‌كێ‌ تایبه‌تمه‌ند بۆ نه‌خۆشیا شه‌كرێ‌ بهێته‌ دروستكرن دێ‌ پتر خزمه‌تا خه‌لكێ‌ مه‌ هێته‌ كرن و ئه‌ڤ نه‌خۆشیه‌ دێ‌ هێته‌ كێمكرن.