دهۆك، هلۆری:
كچه‌كا باژێرێ دهۆكێ بۆ ئێكه‌مجار ل كوردستان و پارێزگه‌ها دهۆكێ پرۆژه‌كێ تایبه‌ت ل بارا ترافیكێ دروستكریه و ب دووماهی هاتیه، وه‌كو ئه‌و دده‌ته دیاركرن ئه‌ڤ پرۆژه دێ باشترین خزمه‌ت ب كێمترین تێچو خزمه‌تا شوفێران كه‌ت، به‌لێ هه‌تا نوكه جهێن شوله‌ژێ پرۆژێ وێ نه ئێخستیه كاری.
ڤه‌هین جه‌عفه‌ر خودانا پرۆژه‌ی بۆ رۆژناما ئه‌ڤرۆ گۆت: (ده‌ما ئه‌ز قوتابیا په‌یمانگه‌هێ و ده‌رچویی، من پرۆژێ ده‌رچونا خوه كریه ئه‌ڤ داهێنانا كو وارێ ترافیكێ دایه، پرۆژه پێكدهێت ژ ئه‌پلیكه‌یشنه‌كێ كو تێدا ره‌نگێن ترافیكێ ب گوره‌ی پێدڤی بوون تێدا هاتینه جێگیركرن و ب رێیا بلوتوسی دشێن كونترولێ ل سه‌ر ترافیكێ بكه‌ین).
زێده‌تر گۆت: (ئه‌م دشێن بكه‌ینه ئوتوماتیك و ئه‌م دشێن بكه‌ینه نورمال ژی، ده‌م ژی ب گوره‌ی مه دڤێت بۆر اوستانا ترومبێلا ل ترافیكێ، مه ئه‌ڤ پرۆژه تاقیكریه و سه‌ركه‌فتن ژی ئینایه، چێكرنا پرۆژه‌ی ل واقعی هێشتا نوزانین چه‌ند تێچو هه‌یه، به‌لێ دشیان دایه بزانین چه‌ند تێچو پێدڤی یه، ئه‌ڤ پرۆژه دبیته ئوفلاین و تنێ پۆلیسێن ترافیكێ دشێن بكاربینن، ئه‌گه‌ر ئه‌ڤ پرۆژه بكه‌ڤیته دوارێ بجهكرنێ دا دێ 80% بۆ 90% روودانێن ترافیكێ و قه‌ره‌بالغێ كێم كه‌ت و ب ره‌نگه‌كێ گه‌له‌ك باشتر ژ ترافیكا نوكه هه‌یی كارێن خوه كه‌ن).
ڤه‌هینێ د درێژاهیا ئاخفتنێن خوه دا دیاركر ژی، جهێن شوله‌ژێ پێشوازیا پرۆژێ وێ كریه و گۆت ژی: (هه‌تا نوكه چو تشت ل به‌رده‌ست نینن پرۆژه د واقعی دا بهێته بجهئینان، ئه‌گه‌ر ل كوردستانێ نه‌هێته بجهكرن ئه‌گه‌ر هه‌یه پرۆژێ خوه بفروشم عیراق یان وه‌لاته‌كێ دی، ژ به‌ر كو من دڤێت خه‌لك مفای ژێ وه‌ربگرن).
نيشاندان