ئاكرێ، ره‌مه‌زان زه‌كه‌ریا:
سترانبێژ فلامه‌رز ئاكره‌یی، د دیداره‌كێ دا بۆ رۆژناما ئه‌ڤرۆ گۆت: سالا 1991 بۆ 1992 من ده‌ست ب سترانگۆتنێ كریه و بۆ جارا ئێكێ لبه‌ر ده‌رگه‌هێ قشلا ئاكرێ ل گه‌ل هونه‌رمه‌ند ئه‌حمه‌د زێباری ستران گۆتینه، نوكه من سێ سیدی هه‌نه، دو به‌رهه‌م سترانێن هونه‌رمه‌ندێ نه‌مر ئه‌رده‌وان زاخۆیی نه و به‌رهه‌مه‌ك ژی فولكلۆره و ژبه‌ر نه‌بوونا هاریكاریێ ئه‌ز نه‌شیایمه كلیپان چێكه‌م و ئه‌م دبێ خودانینن و مه نه‌ڤێت بۆ كارێ هونه‌ری خازۆكیێ بكه‌ین.
زێده‌تر گۆت: پتریا سترانێن من گۆتین ئه‌ڤینی بوون، به‌لێ مخابن پشتی حه‌فت سالێن ئه‌ڤینیێ نه‌گه‌هشتمه مرادا خۆ و ئه‌و بوو ئه‌گه‌ر كو سترانا بێژم، بۆ زانین ئه‌ز دچمه شه‌هیانان، به‌لێ ناچمه هه‌ر شه‌هیانه‌كێ بێ به‌رامبه‌ر دچمه شه‌هیانێن هه‌ڤالان و كه‌سو كارێن شه‌هیدان و پێشمه‌رگه‌ی و دچمه ئاهه‌نگێن سیاسی ل ده‌ڤه‌رێ، هه‌روه‌سا دووماهی كارێ هونه‌ری ژی به‌رهه‌مه‌ك ل به‌ر ده‌ستێ منه فۆلكلۆره، چیرۆكه‌كا راسته مرادا منه تۆماربكه‌م هه‌كه دووڤدا بمرم ژی خه‌م نینه.
نيشاندان