ئه‌ڤرۆ، هه‌رهین:
هونه‌رمه‌ندا مۆزیكژه‌ن و شێوه‌كار هه‌یڤا حسێن، د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: من گه‌له‌ك مفا ژ مۆزیكێ دیتیه و ئێك ژوان مفایان ژی مۆزیكێ گوهه‌كێ مۆزیكێ دا من و ب رێیا مۆزیكێ ئه‌ز شیام ده‌نگان ژێك جودا بكه‌م ب تایبه‌تی ده‌نگێن سرۆشتی وه‌كو هه‌وا و ئاڤ و دلوپ و باران و گه‌له‌ك ده‌نگێن دی و هه‌ر دیسان ده‌مێ گوهداریا مۆزیكه‌كێ دكه‌م و ل په‌یمانگه‌ها هونه‌رێن جوان پێنچ سالان من خواند و لێده‌را پیانویێ مه و دیسان چار سالان ژی من كۆلیژ خواندیه پشكا شێوه‌كاری ل مووسل و ل وی ده‌می پشكا مۆزیكێ نه‌بوو بتنێ شێوه‌كاری و شانو بوون، له‌ورا من شێوه‌كاری هه‌لبژارت.
ناڤهاتیێ گۆت: ئه‌ز موزیكێ دانمه به‌ری شێوه‌كاری و حه‌ز ژ هه‌ر دو هونه‌ران دكه‌م و د هه‌ر دوكان دا گه‌له‌ك یا ره‌هوانم، به‌لێ مۆزیك ئاره‌زویا من بوو هه‌ر سال یا ئێكێ بووم ل سه‌ر به‌شێ مۆزیكێ و ژبلی مۆزیكێ هوزانان ژی دنڤیسم و دخوینم و دبێژنه من ده‌نگێ ته گه‌له‌ك یێ خوه‌شه و هه‌روه‌سا نوكه بێژه‌رم ل رادیویا مووسل كو گرێدای كوردستانێ یه.
ل دووماهیێ گۆت: به‌ری نوكه ماموستا بووم ل په‌یمانگه‌ها هونه‌رێن جوان پشكا شێوه‌كاری و پشتی سه‌رپه‌رشتێ پشكا شێوه‌كاری هاتیه گوهۆڕین سه‌رپه‌رشتێ نوی هه‌ڤالێن خوه ئینان، چونكو ئه‌م نه هه‌ڤالێن وان یێن نێزیك بووین ناڤێ من ئینا ده‌ر و مافێ من خوار و نوكه ل وێرێ وانان نابێژم.
نيشاندان